Yema Cuáü̃ nüxü̃ dauxü̃ i yixcüra tá ngupetüxü̃chiga 15:3 - Tupanaarü Ore

³ Rü nagu tawiyaegü ga Moiché ga Tupanaarü duü̃arü wiyae. Rü yexgumarüxü̃ ta nagu tawiyaegü ga gumá Carnéruxacüarü wiyae ga ñaxü̃: “Pa Torü Cori ya Tupana ya Guxü̃étüwa Ngẽxmacüx, nataxüchi rü namexẽchi i guxü̃ma i ngẽma cuxüxü̃. Rü curü ĩnü rü aixcüma nawe̱xgu rü taguma quidora, Pa Guxü̃ i Nachixü̃anegümaxã Icuácü.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:3 Iomraidhean Croise

Naanearü ügüchiga 17:1

Rü yexguma Abráü̃ 99 ga taunecü nüxü̃́ yexmagu rü Cori ya Tupana naxca̱x nango̱x rü ñanagürü nüxü̃: —Choma nixĩ ya Tupana ya Guxü̃étüwa Ngẽxmacü chixĩxü̃. Rü chanaxwa̱xe i aixcüma mea cumaxü̃ i chope̱xewa.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 6:49

Rü Aróü̃ rü nataagüarü puracü nixĩ nax Tupanaca̱x ãmaregü yagugüxü̃ ga ãmarearü guruü̃wa rü ñu̱xũchi pumarate̱xe yagugüxü̃ ga pumarate̱xearü guruü̃wa. Rü nümagü nixĩ ga naxügüãxü̃ ga guxü̃ma ga yema puracü ga nachica ga üünexüchixü̃wa. Rü nümagü nixĩ ga Cori ya Tupanape̱xewa yagugüãxü̃ ga yema Iraétanüxü̃arü ãmaregü nax Tupana nüxü̃́ nüxü̃ iyarüngümaxü̃ca̱x ga norü pecadugü, gumá Moiché ga Cori ya Tupanaarü duü̃ namuxü̃rüxü̃.

Norü taxre ga to ga popera ga ãẽ̱xgacügüchiga ümatüxü̃ 24:6

Rü yemaca̱x ga ãẽ̱xgacü rü chacherdótegüarü ãẽ̱xgacü ga Yoiadáca̱x nangema rü ñanagürü nüxü̃: —¿Tü̱xcüü̃ tama icunamuãchitanü i Lebítanüxü̃ nax Yudáanewa rü Yerucharéü̃wa naxĩxü̃ nax ngĩxü̃ yadexü̃ca̱x i ngẽma diẽru ga Moiché ya Tupanaarü duü̃xü̃ rü Iraétanüxü̃maxã ngĩxü̃ unetagücü nax ngĩxü̃ nadexü̃ca̱x nax Tupanapata ngĩmaxã namexẽxẽgüxü̃ca̱x? —ñanagürü.

Neemía 9:14

Rü ñu̱xũchi namaxã nüxü̃ quixu nax naxauregüãxü̃ca̱x ga ngü̃xchigaarü ngunexü̃. Rü curü duü̃ ga Moichéwa namaxã nüxü̃ quixu ga mugü rü ngu̱xẽẽtaegü rü ucu̱xẽgü ga aixcüma mexü̃.

Yox 36:24

Rü muxü̃ma i duü̃xü̃gü i guxü̃ i naanewa rü Tupanaxü̃ nicua̱xüü̃gü naxca̱x i ngẽma mexü̃gü i naxüxü̃. Rü name nax cuma rü ta nüxü̃ quicua̱xüüxü̃ naxca̱x i ngẽma naxüxü̃.

Yox 5:9

Erü nüma ya Cori ya Tupana rü muxü̃ma i taxü̃ i mexü̃gü naxü. Rü yixema rü tama nüxü̃ tacua̱x nax ñuxãcü naxüaxü̃ i ngẽma.

Wiyaegü 100:5

Erü nüma ya Cori rü namecüma rü ngẽma norü ngechaü̃ rü guxü̃guma nangẽxmaecha. Rü ngẽma nax yaxaixcümaxü̃ rü taguma inayacua̱x.

Wiyaegü 105:5

¡Rü nüxna pecua̱xãchie ga yema mexü̃gü ga taxü̃gü ga norü poramaxã naxüxü̃ rü ngẽma norü mugü ga pemaxã nüxü̃ yaxuxü̃ i pema nax Tupanaarü duü̃ ya Abraáü̃taagü pixĩgüxü̃ rü Acóbutaagü ya Tupana pexü̃ unetagüxe pixĩgüxü̃!

Wiyaegü 111:2

Rü guxü̃ma i ngẽma Cori ya Tupana üxü̃ rü nataxüchi. Rü yíxema aixcüma namaxã taãẽxe i ngẽma Tupana üxü̃ rü nawa tangu̱x.

Wiyaegü 111:7

Rü guxü̃ma i ngẽma nüma naxüxü̃ rü name rü aixcüma niwe̱x i norü mugü. Rü ngẽmaca̱x name nax nagu yaxõxü̃.

Wiyaegü 139:14

Rü ngẽmaca̱x cuxü̃ chicua̱xüxü̃ naxca̱x nax ñuxãcü choxü̃ cuxüxü̃, erü curü ü rü namexẽchi. Rü ngẽma rü meama nüxü̃ chacua̱x.

Wiyaegü 145:17

Rü nüma ya Cori rü guxü̃ma i ngẽma nagu naxĩnüxü̃wa rü aixcüma nawe̱xgu. Rü guxü̃ma i ngẽma naxüxü̃wa rü namecüma.

Wiyaegü 145:6

Rü duü̃xü̃gü rü nachiga tá nidexagü i ngẽma ãũcümaxü̃ i curü poramaxã cuxüxü̃. Rü choma rü tá cuxü̃ chixuchiga nax ñuxãcü guxü̃étüwa cungexmaxü̃.

Wiyaegü 18:30

Rü ngẽma Tupanaarü ĩnü rü guxü̃wama name. Rü ngẽma norü uneta rü name nax yaxõxü̃. Rü nüma ya Tupana rü tüxna nadau ya yíxema nüxü̃́ yaxõgüxe.

Wiyaegü 78:12

Rü Equítuanewa ga Choáü̃anewa rü Tupana rü aixcüma taxü̃ ga mexü̃ naxü nape̱xewa ga norü o̱xigü.

Wiyaegü 92:5

Pa Corix, namexẽchi i ngẽma cuxüxü̃. Rü curü ĩnü rü taxumaama nawüxigu.

Wiyaegü 99:4

Rü cumax, Pa Corix, rü ãẽ̱xgacü ya poraxüchicü quixĩ rü curü me nixĩ nax meama guxü̃ma i duü̃xü̃gümaxã icucuáxü̃. Rü cumatama nixĩ i nüxü̃ quixuxü̃ nax cupe̱xewa rü nawüxiguxü̃ i guxü̃ma i duü̃xü̃gü. Rü toma nax Iraétanüxü̃ tixĩgüxü̃ rü cuma rü aixcüma meama tomaxã icucua̱x rü ngẽma mugü ga toxna cuxãxü̃ rü meama niwe̱x.

Ichaía 33:22

Erü nüma ya Cori ya Tupana rü tórü guxchaxü̃güarü mexẽẽruxü̃ nixĩ. Rü nüma nixĩ i tamaxã inacuáxü̃. Rü nüma nixĩ i tórü ãẽ̱xgacü yixĩxü̃. Rü nüma nixĩ i tórü poxü̃ruxü̃ yixĩxü̃.

Ichaía 45:21

Rü pema nax naxchicüna̱xãgümaxã petupanaã̱xgüxü̃ rü name nax pegüna pecagüxü̃ rü choxü̃ penawéxü̃ i ta̱xacüwa pexü̃ nangü̃xẽẽxü̃ i ngẽma perü tupanagü i nainaxca̱x. ¿Rü texé tixĩ ga noxriarü ügügu naxü̃pa nüxü̃ ixuxe i ngẽma tá ngupetüxü̃? ¿Rü texé tixĩ ga nũxcüma nüxü̃ ixuxe ga yema? ¿Rü tama ẽ̱xna choma ya Cori ya Tupana yixĩxü̃? Rü nataxuma i to ya Tupana, rü chaxicatama nixĩ i choxü̃́ nangẽxmaxü̃ i pora nax pexü̃ chimexẽẽgüxü̃ rü pexü̃ íchanguxü̃xẽẽxü̃.

Danié 6:20

Rü yexguma nüma ga ãẽ̱xgacü marü ngaicamana nanguxgu rü nangechaü̃gaãcü Daniéna naca rü ñanagürü: —¿Pa Danié ya Tupana ya Maxü̃cüarü Duü̃xü̃x, rü yimá curü Tupana ya aixcümama naxca̱x cumaxü̃cü rü marü cuxü̃ ínapoxü̃xü̃ natanüwa i ngẽma leóü̃gü? —ñanagürü.

Danié 9:11

Rü guxü̃ma i chautanüxü̃ i Iraétanüxü̃ rü tama naga naxĩnüe i curü mugü. Rü cuxna nixĩgachi rü tama naga naxĩnüe i curü ucu̱xẽgü. Rü yemaca̱x ga yema poxcu ga curü duü̃ ga Moichéwa nüxü̃ quixuxü̃ rü togu nangu.

Ochéa 14:9

Rü yíxema cua̱x tüxü̃́ ngẽxmaxe rü yíxema aixcüma tümaãẽxü̃ cuáxe rü name i naga taxĩnü i ñaa ore. Rü ngẽma nacüma ya Cori ya Tupana rü aixcüma nawe̱xgu. Rü ngẽma duü̃xü̃gü i aixcüma naga ĩnüexü̃, rü ngẽma nacümagu naxĩ. Natürü ngẽma tama Tupanaga ĩnüexü̃ca̱x, rü ngẽma nacüma rü wüxi i guxchaxü̃ nixĩ.

Miquéa 7:20

¡Pa Corix, ẽcü guxü̃guma toxü̃ rüngü̃xẽxẽ rü toxü̃ nangechaxü̃ yema torü o̱xigü ga Abraáü̃maxã rü Acóbumaxã cunaxueguxü̃rüxü̃!

Chofonía 3:5

Natürü nüma ya Cori ya Tupana rü yima ĩanewa nangẽxma. Rü nüma rü mexü̃ naxü rü tama i chixexü̃. Rü wüxichigü i ngunexü̃gu rü meama duü̃xü̃gümaxã inacua̱x. Natürü ngẽma chixexü̃ üxü̃ rü tama ãnexü̃ nacua̱x.

Chacaría 9:9

¡Rü poraãcü petaãẽgü, Pa Chióü̃cüã̱xgü! ¡Rü perü taãẽmaxã pewiyaegü, Pa Yerucharéü̃cüã̱xgüx! Erü pexca̱x tá ínangu ya perü ãẽ̱xgacü ya poracü ya mea pemaxã icuácü. Natürü i nüma rü tama nügü yacua̱xüxü̃ãcüma ínangu. Rü wüxi i búruxacüétügumare ínangu.

Ore i mexü̃ ga Cuáü̃ ümatüxü̃ 1:17

Rü Moichéxü̃ nixĩ ga namuxü̃ ga Tupana nax tüxü̃ nangúexẽẽxü̃ca̱x ga norü mugü. Natürü Ngechuchu ya Cristuxü̃ nixĩ ga namuxü̃ nax tüxü̃ nangúexẽẽxü̃ca̱x nax yigü ingechaü̃güxü̃ rü nagu imaxẽxü̃ca̱x i norü ore i aixcüma ixĩxü̃.

Wenaxarü naxümatü ga Tupanaarü mugü 31:30

Rü yexguma ga Moiché rü guxü̃ma ga yema Iraétanüxü̃ ga yexma ngutaque̱xegüxü̃pe̱xewa nüxü̃ nixu ga ñaa wiyae. Rü norü ügüwa inanaxügü rü ñu̱xmata norü gu̱xwa nangu nax namaxã nüxü̃ yaxuxü̃, rü ñanagürü:

Wenaxarü naxümatü ga Tupanaarü mugü 32:3

Rü choma rü tá nüxü̃ chixuchiga i naéga ya Cori ya Tupana. ¡Rü norü poraca̱x nüxü̃ picua̱xüü̃gü ya tórü Cori ya Tupana!

Wenaxarü naxümatü ga Tupanaarü mugü 34:5

Rü yemawena ga Moiché ga Tupanaarü duü̃ rü nayu nagu ga yema Moáane, yema Cori ya Tupana namaxã naxueguxü̃rüxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:17

Rü ñu̱xma tanaxwa̱xe i guxü̃gutáma nüxü̃ ticua̱xüü̃gü rü tanataxẽẽgü ya yimá nüxicatama Tupana ixĩcü. Rü woo tama nüxü̃ tadaugü i ñu̱xma, natürü nüma rü guxü̃guma Tupana nixĩ. Rü ngẽmaãcü yixĩ.

Popera ga Yudíugü ga yaxõgüxü̃ca̱x ümatüxü̃ 3:5

Rü Moiché rü wüxi ga Tupanaarü duü̃ ga aixcüma mecü nixĩ yerü mea nüxna nadau ga Tupanaarü duü̃xü̃gü ga Yudíugü, yema Tupana namaxã nüxü̃ ixuxü̃rüxü̃. Rü nüma ga Moiché nixĩ ga duü̃xü̃gümaxã nüxü̃ yaxuxü̃ nax yixcüra Tupana tá nüxü̃ rüngü̃xẽẽxü̃.

Yochué 22:5

Natürü ngẽma pexna naxca̱x chacaxü̃xicatama nixĩ nax aixcüma peyanguxẽẽxü̃ i ngẽma Tupanaarü mugü ga norü duü̃ ga Moiché pemaxã nüxü̃ ixuxü̃ ga ñaxü̃: “¡Nüxü̃ pengechaxü̃ ya perü Cori ya Tupana rü penaxü̱x i ngẽma nüma nanaxwa̱exü̃! ¡Rü naga pexĩnüe i guxü̃ma i norü mugü, rü guxü̃guma naxca̱x pemaxẽ guxü̃ma i perü maxü̃maxã rü perü poramaxã!” —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:8

Rü nüma ya tórü Cori ya Tupana ya Guxü̃étüwa Ngẽxmacü ya Guxü̃guma Yexmacü rü Ñu̱xma Ngẽxmacü, rü Guxü̃gutáma Ngẽxmaechacü rü ñanagürü: “Chowa nixĩ ga inaxügüxü̃ ga guxü̃ma, rü chowa nixĩ i yacuáxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:17

Rü ñanagürügü: “Pa Torü Cori ya Tupana ya Guxü̃étüwa Ngẽxmacüx, cuma rü woetama guxü̃guma cuyexma rü guxü̃gutáma cungexmaecha. Rü moxẽ cuxna taxãgü, erü marü cugüme̱xẽwa cunangexmaxẽxẽ i guxü̃ma, rü marü icunaxügü nax namaxã icucuáxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:3

Rü yema 144,000 ga duü̃xü̃gü rü nagu nawiyaegü ga wüxi ga yexwaca̱xüxü̃ ga wiyae nape̱xewa ga Tupanaarü tochicaxü̃ rü nape̱xewa ga yema ãgümücü ga daxũcüã̱x ga maxẽxü̃ rü nape̱xewa ga yema 24 ga ãẽ̱xgacügü. Rü taxucürüwama texé ga togue nüxü̃ tacua̱x ga yema wiyae. Rü yema 144,000 ga duü̃xü̃güxicatama nixĩ ga nüxü̃ cua̱xgüxü̃. Rü yema nixĩ ga Tupana ñoma ga naanewa dexü̃ nax namaxẽxẽẽãxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:8

Rü yemawena nango̱x ga to ga orearü ngeruxü̃ ga daxũcüã̱x, rü ñanagürü: “Marü nagu nayarüchixe ya yima ĩane ya taxü̃ne ya Babirónia, rü nagu napogüe ya norü ĩgü. Yerü nanachixexẽxẽ ga guxü̃ma ga yema togü ga nachixü̃anegü namaxã ga norü chixexü̃. Rü inanamu nax bínu yaxagüãxü̃, rü naxü̃nearü ngúchaü̃ naxügüxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:14

Rü ñu̱xũchi i ngẽma ãẽ̱xgacügü rü ngẽma ngo̱xo rü tá nügü nadai namaxã ya yimá Carnéruxacü. Natürü ya yimá Carnéruxacü rü tá nüxü̃ narüyexera, erü nüma rü guxü̃ i corigüarü Cori nixĩ, rü guxü̃ i nachixü̃anegüarü ãẽ̱xgacügüarü Ãẽ̱xgacü nixĩ. Rü yíxema namücügü ixĩgüxe, rü yíxemagü tixĩgü ya Tupana tümaca̱x caxe rü tüxü̃ nadexe rü naga ĩnüexe”, ñanagürü choxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:16

Rü naxchirugu rü naperemagu naxümatü ga wüxi ga naéga ga ñaxü̃: “Guxü̃ma i Nachixü̃anegüarü Ãẽ̱xgacügüarü Ãẽ̱xgacü, rü Guxü̃ma i Corigüarü Cori Ixĩcü”, ñaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:2

Rü nüma rü tama inatü ega texémaxã poxcu naxueguxgu. Rü ngẽmaca̱x marü nanapoxcu ya yima ĩane ya taxü̃ne ya norü chixexü̃maxã nachixexẽẽgüxü̃ i guxü̃ma i ñoma i naanecüã̱x i duü̃xü̃gü. Rü ñu̱xma ya Tupana rü norü duü̃xü̃güxü̃ naxütanü rü yima ĩanexü̃ napoxcu nagagu nax norü duü̃xü̃güxü̃ nada̱i̱xü̃”, ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:8

Rü yema ãgümücü ga daxũcüã̱x ga maxẽxü̃, rü wüxichigü nüxü̃́ nayexma ga 6 ga naxpe̱xatügü. Rü guxü̃wama ga naxpe̱xátüétüwa rü naxpe̱xátütüü̃wa rü namuxetü. Rü ngunecü rü chütacü rü ñanagürügüecha: “Naxüüne, naxüüne, naxüüne nixĩ ya tórü Cori ya Tupana ya Guxü̃étüwa Ngẽxmacü rü Woetama Yexmacü rü Ñu̱xma Ngẽxmacü rü Guxü̃gutáma Ngẽxmacü”, ñanagürügüecha.