Yema Cuáü̃ nüxü̃ dauxü̃ i yixcüra tá ngupetüxü̃chiga 14:9 - Tupanaarü Ore

^9-10 Rü yemawena nango̱x ga to ga orearü ngeruxü̃ ga daxũcüã̱x ga tagaãcü ñaxü̃: “Ngẽxguma chi texé nüxü̃ icua̱xüxü̃gu i ngẽma ngo̱xo rü naxchicüna̱xã rü ñu̱xũchi tümacatüwa rü ẽ̱xna tümame̱xẽwa ngẽma ngo̱xoégamaxã tacua̱xruü̃ã̱xgu, rü Tupana rü poraãcüxüchi tá tüxü̃ napoxcu namaxã i ngẽma poxcu i guxü̃arü yexera ixĩxü̃ i nümatama ya Tupana norü numaxã namexẽẽxü̃. Rü achúfremaxã iya̱u̱xrane ga üxüwa tá ngúxü̃ tinge nape̱xewa i Tupanaarü orearü ngeruü̃gü rü nape̱xewa ya yimá Carnéruxacü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:9 Iomraidhean Croise

Yeremía 44:4

Rü muẽ̱xpü̱xcüna petanüwa chanamu ga chorü orearü uruü̃gü nax pemaxã nüxü̃ yaxugüexü̃ca̱x nax tama penaxügüxü̃ca̱x ga yema chixexü̃gü i ãũãchixü̃gü i poraãcü naxchi chaxaixü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:11

Rü naema ya yima üxü ya nawa Tupana ngúxü̃ tüxü̃ ingexẽẽ́ne, rü guxü̃gutáma ngéma nicaixque. Rü bai i ngunecü rü bai i chütacü rü tá írarüwa tüxü̃́ narüna i ngẽma ngúxü̃ ya yíxema ngẽma ngo̱xoxü̃ icua̱xüxü̃güxe rü ngẽma ngo̱xochicüna̱xãxü̃ icua̱xüxü̃güxe rü tügü ixãxẽ nax ngẽma ngo̱xoégamaxã taxãégaxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:2

Rü yéma naxũ ga Tupanaarü orearü ngeruxü̃ ga nape̱xewa üxü̃, rü naaneétügu nayabaãcu ga norü copu. Rü guxü̃ma ga duü̃xü̃gü ga yema ngo̱xoégamaxã ixãégaxü̃ rü yema ngo̱xochicüna̱xãxü̃ icua̱xüü̃güxü̃, rü nawa inayarügogü ga taixna ga ngu̱xuchixü̃ ga taguma ixẽxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:3

Rü ñanagürü nüxü̃: “¡Taxṹ i yatacüma penachixexẽẽxü̃ i waixü̃mü rü ngẽma már rü naigü, ñu̱xmatáta yacanacatügü i ngẽma Tupanaarü duü̃xü̃gü ixĩgüxü̃!” ñanagürü.