Yema Cuáü̃ nüxü̃ dauxü̃ i yixcüra tá ngupetüxü̃chiga 14:2 - Tupanaarü Ore

² Rü ñu̱xũchi nüxü̃ chaxĩnü ga wüxi ga naga ga tagaxü̃ ga daxũguxü̃ ga naanewa inaxũxü̃ ga ñoma taxü̃ i cotüna i chuxchuxü̃garüxü̃ ixĩxü̃ rü ñoma poraãcü yaduruanexü̃rüxü̃ ixĩxü̃ rü ñoma muxũchixü̃ i duü̃xü̃gü i árpawa ípaxetagüxü̃rüxü̃ ixĩxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:2 Iomraidhean Croise

2 Chamué 6:5

Rü nüma ga Dabí rü guxü̃ma ga Iraétanüxü̃maxã Cori ya Tupanape̱xegu naxĩ. Rü guxü̃ma norü taãẽmaxã nawiyaegü, rü íniyüxüe. Rü paxetaruü̃gü ga árpagümaxã rü árpa i íxraxü̃gümaxã rü paü̃derugümaxã rü arugümaxã rü platíyugümaxã nipaxetatanü.

Norü taxre ga to ga popera ga ãẽ̱xgacügüchiga ümatüxü̃ 20:28

Rü yexguma Yerucharéü̃wa nangugügu rü Tupanapata ga taxü̃newa naxĩ, rü árpagü rü árpaxacügü rü cornétagümaxã nipaxetatanü.

Wiyaegü 147:7

¡Rü árpamaxã naxca̱x pewiyaegü rü moxẽ nüxna pexãgü ya tórü Tupana!

Wiyaegü 149:3

Rü pemax, Pa Iraétanüxü̃x ¡rü Tupanaégagu ípiyüxe rü ngẽmaãcü nüxü̃ picua̱xüxü̃gü! ¡Rü perü árpagümaxã rü perü paü̃derugümaxã pepaxetagüãcüma naxca̱x pewiyaegü!

Wiyaegü 33:2

¡Rü moxẽ nüxna pexãgü ya Cori ya Tupana! ¡Rü árpaxacümaxã rü árpa i 10 cunaxü̃maxã naxca̱x pewiyaegü rü nüxü̃ picua̱xüü̃gü!

Wiyaegü 43:4

Rü ngẽmaãcü tá nawa changu i ngẽma curü ãmarearü guruxü̃, Pa Tupanax. Rü ngéma tá cuxü̃ chicua̱xüxü̃ árpagamaxã. Erü cumax, Pa Tupanax, rü taãẽmaxã choxü̃ cunapaxẽxẽ.

Wiyaegü 57:8

Rü pa̱xmama tá ícharüda naxca̱x i chorü paxetaruü̃gü i árpa rü árpaxacü. Rü ngẽmaãcü tá íchanabaixgü i ngẽma ngexwacaxü̃xü̃ i ngunexü̃.

Wiyaegü 92:3

¡Ngĩxã Tupanaca̱x tawiyaegü ãcúnüxü̃ i paxetaruü̃maxã tüxü̃ napaxpe̱xegüãcüma!

Wiyaegü 93:4

Natürü i cuma nax daxũwa cungexmaxü̃, rü yima taxtügüarü yuape i poraãcü ãũgaxü̃arü yexeraxüchi cupora.

Wiyaegü 98:5

¡Rü árpamaxã pepaxetagüãcüma naxca̱x pewiyaegü ya Cori! ¡Rü perü paxetaruü̃gü i ãcúnüxü̃maxã pegü pepaxpe̱xegüãcüma naxca̱x pewiyaegü!

Ínachoxü̃xü̃chiga 19:16

Rü yexguma noxri yangunegu ga pa̱xmaacüarü ngunexü̃gu rü naxãẽmacüane rü nidu̱xruane. Rü wüxi ga caixanexü̃ ga pamüemaxü̃ guma ma̱xpǘneétügu ínarüxĩ. Rü wüxi ga tagaxü̃ ga nacornétagaraü̃xü̃ yéma inanaxũ. Rü yexguma yemaxü̃ naxĩnüegu ga duü̃xü̃gü rü muü̃maxã nidu̱xrue.

Ínachoxü̃xü̃chiga 20:18

Rü guxü̃ma ga yema Iraétanüxü̃ rü nüxü̃ naxĩnüe ga yema duruanexü̃ rü guma cornétagüga. Rü nüxü̃ nadaugü ga yema ãẽmacü rü guma ma̱xpǘne ga caixanexü̃ nagu nguxü̃ne. Rü yexguma yemaxü̃ naxĩnüegu rü nüxü̃ nadaugügux, rü namuü̃e rü nüxna nayáxü̃gugü ga guma ma̱xpǘne.

Ichaía 17:13

Natürü ngẽxguma Cori ya Tupana nüxna puragügu rü tá na̱xcha̱xwa nibuxmü, rü yáxü̃wama tá nabuxmü, ñoma wüxi i maxẽ i paxü̃ i buanecü ingexü̃ rü máxpü̱xanexü̃gu yanguxü̃rüxü̃ tá nixĩgü. Rü ñoma buanecü ya tacü rü íxã̱ũ̱xẽmacü i chuxchuxü̃ nawo̱xoxochicü rü yáxü̃wa ngexü̃rüüxü̃ tá nixĩgü.

Echequié 43:2

Rü nüxü̃ chadau ga Cori ya Iraétanüxü̃arü Tupanaarü üüne ga éstewa ne ũxü̃. Rü nüxü̃ chaxĩnü ga wüxi ga naga ga natüarü poraü̃chiüxü̃garaü̃xü̃. Rü ñoma ga naane rü poraãcü nangóone

Chacaría 9:14

Rü nüma ya Cori ya Tupana rü tá norü duü̃xü̃gütanüwa nügü nawe̱x. Rü ngẽxguma nama̱xgüãgu i norü chuxchigü rü ñoma ãẽmacürüxü̃ tá nixĩgü. Rü nüma ya Cori ya Tupana rü tá nagu nicue i norü trompéta. Rü ñoma buanecü ya tacü ya súrwaama ne ũcügurüxü̃ tá nixũ.

1 Corintios 13:1

Rü woo togü i nagawa chidexagu, rü woo Tupanaarü orearü ngeruü̃gü i daxũcüã̱xgawa chidexagu, natürü ñoma wüxi i paxetaruxü̃ i ãgamarexü̃rüxü̃ chixĩ ega tama choxü̃́ nangẽxmagu i ngechaü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:10

Rü wüxi ga yüxüarü ngunexü̃gu rü Tupanaãxẽ ya Üünecü chomaxã inacua̱x, rü chango̱xetü rü choweama nüxü̃ chaxĩnü ga wüxi ga naga ga tagaxü̃ ga ñoma cornétagarüxü̃ ixĩxü̃ ga ñaxü̃ choxü̃: “Chanaxwa̱xe nax wüxi i poperagu cunaxümatüxü̃ i ngẽma nüxü̃ cudauxü̃. Rü ñu̱xũchi chanaxwa̱xe i natanüwa cunamu i ngẽma 7 tücumü i yaxõgüxü̃ i Áchiaanearü ĩanegüwa ngẽxmagüxü̃. Rü yima ĩanegü nixĩ: Epéchiu, rü Echamíra, rü Pérgamu, rü Tiatíra, rü Chárdex, rü Filadélfia, rü Laodichéa”, ñaxü̃ choxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:15

Rü nacutü rü ta niyauracüxü ñoma bróũche i meama iya̱u̱xracüüxẽẽxü̃rüxü̃. Rü yexguma yadexaxgu rü natagaxüchi ñoma taxü̃ i dexá i chuxchuxü̃rüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:12

Rü ñu̱xũchi ga yema taxre ga orearü uruü̃gü, rü nüxü̃ naxĩnüe ga wüxi ga naga ga tagaãcü daxũguxü̃ ga naanewa inaxũxü̃ ga ñaxü̃: “¡Nua daxũwa pexĩ!” ñaxü̃. Rü yemaacü ga nümagü rü wüxi ga caixanexü̃gu daxũguxü̃ ga naanewa naxĩ. Rü norü uanügü rü yéma nüxü̃ narüdaunü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:15

Rü yema norü 7 ga Tupanaarü orearü ngeruxü̃, rü nayacue ga norü cornéta. Rü nayexma ga nagagü ga tagaxü̃ ga daxũguxü̃ ga naanewa inaxũgüxü̃ ga ñagüxü̃: “Ñu̱xma rü tórü Cori ya Tupana rü Nane ya Cristu nixĩ i namaxã icua̱xgücü i guxü̃ma i ñoma i naane. Rü nümagü rü guxü̃gutáma namaxã inacua̱xgü”, ñagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:2

Rü yexgumarüxü̃ ta nüxü̃ chadau ga ta̱xacü ga ñoma már baixétügurüxü̃ ixĩxü̃ rü üxüemarüxü̃ iya̱u̱xracüüxü̃. Rü yema márcutügu tachigü ga guxema nüxü̃ rüyexeragüxe ga yema ngo̱xo rü yema ngo̱xochicüna̱xã. Rü tümagü rü tama tügü tixügüéga namaxã ga yema ngo̱xoéga rü yema norü númeru. Rü tümame̱xẽwa nayexmagü ga tümaarü paxetaruü̃gü ga árpa ga Tupana tüxna ãxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:22

Rü tagutáma wena curü namagüwa texé nüxü̃ taxĩnü i paxetaruü̃gü i árpagü rü quenagü rü cornétagü. Rü ngẽxgumarüxü̃ ta cuwa nataxutáma i puracütanüxü̃ i ta̱xacüwa puracüexü̃, rü tagutáma texé cuwa nüxü̃ taxĩnü nax namaxã ínapuracüexü̃ ya yimá nuta ya tríguarü caruxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 5:8

Rü yexguma nayauxãgu ga yema popera, rü yema ãgümücü ga daxũcüã̱x ga maxẽxü̃ rü yema 24 ga ãẽ̱xgacügü rü nacaxã́pü̱xügü nape̱xegu ga yema Carnéruxacü. Rü wüxichigü ga yema daxũcüã̱x ga maxẽxü̃ rü yema ãẽ̱xgacügü rü nüxü̃́ nayexma ga wüxi ga norü paxetaruxü̃ ga árpa. Rü yexgumarüxü̃ ta nüxü̃́ nayexma ga copu ga úirunaxca̱x ga pumarate̱xemaxã napagüxü̃. Rü yema pumarate̱xe rü nayixichi ga yexguma yaxaxgu. Rü yema pumaragü rü ngẽma nixĩ i Tupanaarü duü̃xü̃güarü yumüxẽgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:1

Rü ñu̱xũchi nüxü̃ chadau ga yexguma gumá Carnéruxacü yagáuyegu ga yema nüxíraxü̃xü̃ ga norü ñaxtachipe̱xexü̃ ga yema popera. Rü nüxü̃ chaxĩnü ga wüxi ga yema daxũcüã̱x ga maxü̃xü̃ rü tagaãcü ñoma duruanexü̃rüxü̃ ñaxü̃ choxü̃: “¡Nua naxũ!” ñaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:7

Rü yema nape̱xewa yexmaxü̃ ga Tupanaarü orearü ngeruxü̃ rü nüxíra nayacue ga norü cornéta. Rü yexgumatama ñoma ga naaneétügu narüyi ga gáuxü̃pütagü rü üxüẽma ga nagümaxã ãéü̃xü̃. Rü wüxi ga yema norü tomaepü̱xarü üye ga naane rü nixa. Rü yexgumarüxü̃ ta wüxi ga yema norü tomaepü̱xarü üye ga naixnecü rü nixa. Rü guxü̃ma ga natüane rü nixae.