Yema Cuáü̃ nüxü̃ dauxü̃ i yixcüra tá ngupetüxü̃chiga 11:3 - Tupanaarü Ore

³ Rü choma rü tá chanamu i taxre i chorü orearü uruü̃gü i témüxü̃maxã ixãxchiruxü̃ nax 1,260 i ngunexü̃ duü̃xü̃gümaxã nüxü̃ yaxugüxü̃ca̱x i chorü ore”, ñanagürü choxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:3 Iomraidhean Croise

Naanearü ügüchiga 37:34

Rü yexguma ga Acóbu rü nügü narügáutechiru, rü norü ngechaü̃maxã naneca̱x naxaure. Rü ñuxre ga yüxü naxauxecha.

2 Chamué 3:31

Yemawena ga Dabí rü Yoámaxã rü guxü̃ma ga namücügümaxã nüxü̃ nixu rü ñanagürü: —¡Pexchirugu pegáugüe, rü naxchiru i témüxü̃gu picu̱xgü rü Abnéxca̱x pengechaü̃gü! —ñanagürü. Rü nüma ga ãẽ̱xgacü ga Dabí rü yema Abnéxü̃ nagu yangetaü̃güxü̃weama nixũchigü. Rü Ebróü̃gu nixĩ ga Abnéxü̃ nata̱xgüxü̃. Rü yéma Abnéx itáxü̃xü̃tawa rü ãẽ̱xgacü ga Dabí rü norü ngechaü̃maxã tagaãcü naxaxu, rü guxü̃ma ga duü̃xü̃gü rü ta naxauxe.

Nüxíraxü̃xü̃ ga popera ga ãẽ̱xgacügüchiga 21:27

Rü yexguma yema Ería namaxã nüxü̃ ixuxü̃xü̃ naxĩnügu ga Acáx rü nügüchirugu nagáugü. Rü témüxü̃ ga naxchirugu nicu̱x rü tama nachibü. Rü yema témüxü̃ ga naxchirumaxã napeexü̃ rü nangechaü̃ãcüma inarüxũũxü̃.

Norü taxre ga popera ga ãẽ̱xgacügüchiga 19:1

Rü yexguma yemaxü̃ naxĩnügu ga gumá ãẽ̱xgacü ga Echequía rü nügü narügáutechiru. Rü norü ĩ̱xãchiãẽmaxã nagu nicu̱x ga wüxi ga naxchiru ga yaxcüxü̃ rü témüxü̃ rü yemaacü Tupanapata ga taxü̃newa naxũ rü yéma nayayumüxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:16

Rü nüma ga Dabí rü daxũgu nadawenü, rü nüxü̃ nadau ga yema daxũcüã̱x ga Cori ya Tupanaarü orearü ngeruxü̃. Rü daxũguxü̃ ga naane rü ñoma i naanearü ngãxü̃wa nayexma namaxã ga norü tara ga naxchixü̃wa natuxuchixü̃. Rü Yerucharéü̃guama namaxã nabuenüchacüxü. Rü yemaca̱x nüma ga Dabí rü guxü̃ma ga yema Iraétanüxü̃arü ãẽ̱xgacügü rü témüxü̃ ga naxchirugu icu̱xgüxü̃ rü ñaxtüanegu nanangücuchitanü rü yemaacü Tupanaxü̃ naca̱a̱xü̃gü.

Neemía 9:1

Rü gumatama tauemacüarü 24 ga ngunexü̃gu rü nüma ga Iraétanüxü̃ rü nangutaque̱xegü nax aureãcüma nayumüxẽgüxü̃ca̱x. Rü nüxna nixĩgachi ga yema duü̃xü̃gü ga tama Iraétanüxü̃ ixĩgüxü̃. Rü témüxü̃ ga naxchirugu nicu̱xgü rü waixü̃müte̱xe nügüeru nagünagügü. Rü yexma nachigüãcüma Tupanamaxã nüxü̃ nixugüe ga noxrütama chixexü̃gü rü nüxna nacua̱xãchie ga norü o̱xigüarü chixexü̃gü rü ta.

Yox 16:15

Choma rü chorü ngechaü̃maxã naxchiru i témüxü̃gu chicu̱x, rü waixü̃müte̱xegu chaugü chicu̱xchametü.

Wiyaegü 69:11

Rü ngẽxguma chorü ngechaü̃chirugu chicu̱xgu rü choxü̃ narücutanüxü̃.

Ichaía 22:12

Rü ngẽma ngunexü̃gu rü nüma ya Cori ya Tupana ya Guxãétüwa Ngẽxmacü rü pemaxã nüxü̃ nixu nax pexauxexü̃ rü témüxü̃ i naxchirugu picu̱xgüxü̃ rü pegü pidüerugüxü̃ nax ngẽmaãcü penawéxü̃ca̱x nax aixcüma tá naga pexĩnüexü̃.

Yeremía 1:10

—Ñu̱xma i choma rü cuxna chanaxã i pora nax cuyaxucu̱xẽgüxü̃ca̱x i ngẽma ãẽ̱xgacügü rü duü̃xü̃gü i guxü̃ i nachixü̃anecüã̱xgü. Rü ngẽxguma tama naga naxĩnüegu i ngẽma chorü ore i namaxã nüxü̃ quixuxü̃, rü choma rü choxü̃́ nangẽxma i pora nax chanamuxü̃ca̱x i norü uanügü nax nagu napogüexü̃ca̱x i norü ĩanegü rü ínawoxü̃ãxü̃ca̱x i norü duü̃xü̃gü rü ngẽmaãcü iyanaxoxü̃ca̱x i ngẽma nachixü̃anegü. Natürü ngẽma naga ĩnüexü̃ i chorü ore i namaxã nüxü̃ quixuxü̃ rü ngẽxgumarüxü̃ ta choxü̃́ nangẽxma i pora nax wena ichanachixẽẽxü̃ rü chanatachigaxẽẽxü̃ —ñanagürü ga Tupana.

Auxexü̃chiga 2:10

Rü guma ĩane ya Chióü̃arü yaxguã̱xgü rü ngechaü̃maxã waixü̃müanewa narütogü, rü waixü̃müte̱xe nügüeru nagügü, rü naxchiru i techaraxü̃gu nicu̱xgü. Rü pacügü i Yerucharéü̃cüã̱xgü rü ngĩrü ãnemaxã waixü̃müanegu iyangücuchitanü.

Echequié 4:6

Rü ngẽxguma marü cuyanguxẽẽgu i ngẽma ngunexü̃gü rü curü tügünecüwamaxã tá ícuca i 40 i ngunexü̃. Rü ngẽmaãcü tá cugüétü cuyange i norü chixexü̃gü i ngẽma Yudáanecüã̱xgü. Rü ngẽma 40 i ngunexü̃ i nagu ngẽxma cucaxü̃ rü nachiga nixĩ ga guma 40 ga taunecügü ga Yudáanecüã̱xgü pecadu nagu ügücü.

Danié 12:7

Rü yexguma ga yema yatü ga línuchimaxã ãxchiruxü̃ ga natüétügu chíxü̃ rü naxunagütanü ga naxme̱x rü Tupana ya Maxü̃cüégagu nanaxuegu rü ñanagürü: —Tomaepü̱x ya taunecüarü ngãxü̃ nataxu. Rü ngẽxguma marü íyachaxãchigügu nax nadaigüãxü̃ i Tupanaarü duü̃xü̃gü, rü ngẽxguma tá nixĩ i yaguxü̃ i ngẽma nüxü̃ chixuxü̃ —ñanagürü.

Danié 7:25

Ngẽma ãẽ̱xgacü rü tá Tupana ya Guxãétüwa Ngẽxmacümaxã naguxchiga. Rü tá chixri tümamaxã inacua̱x ya yíxema Tupanaarü duü̃xẽgü. Rü tá naxca̱x nadau nax ñuxãcü nanatoraxü̃xẽẽxü̃ i Tupanaarü mugü, rü tá nüxü̃ naxoo̱x i ngẽma Tupana ueguxü̃ i petagü. Rü yíxema Tupanaarü duü̃xẽgü rü tomaepü̱x ya taunecüarü ngãxü̃ tá naxme̱xwa tangexmagü.

Danié 8:14

Rü yema to ga orearü ngeruxü̃ ga dauxü̃cüã̱x rü nanangãxü̃ rü ñanagürü: —Ngẽma guxchaxü̃gü rü 2,300 i ngunexü̃ tá natai. Rü ngẽmawena tá nixĩ i Tupanaca̱x namexẽẽxü̃ i ngẽma nachica i üünexü̃ —ñanagürü.

Joel 1:13

Rü pemax, Pa Chacherdótegü i Tupanaarü Ãmarearü Guruxü̃maxã Icua̱xgüxex, rü name nixĩ i naxchiru i témüxü̃gu picu̱xgü, rü pexauxe, erü perü Tupanapata ya taxü̃newa rü marü nataxuma i trigu rü bínu i perü ãmareruxü̃ ixĩxü̃.

Yoná 3:5

Rü yexguma yemaxü̃ naxĩnüegu ga yema Nínibecüã̱x ga duü̃xü̃gü ga iyaexü̃ rü buxü̃gü, rü Tupanaaxü̃́ nayaxõgü. Rü nanaxunagügü nax Tupanaca̱x naxaureexü̃ rü nagu yacu̱xgüxü̃ ga naxchirugü ga témüxü̃, yerü poraãcü nügümaxã nangechaü̃gü.

Yoná 3:8

Rü yexgumarüxü̃ ta nanaxunagü ga ãẽ̱xgacüarü ore ga ñaxü̃: —¡Guxãma i pemax, Pa Duü̃xü̃güx, rü témüxü̃ i naxchirugu picu̱xgü rü ngẽmaãcü ípenawe̱x nax pegümaxã pengechaü̃güxü̃! ¡Rü aixcüma Tupanana pecagü rü namaxã nüxü̃ pixu i perü chixexü̃gü! ¡Rü wüxichigü i pemax rü nüxü̃ perüxoe i pecüma i chixexü̃ rü ngẽma nax pegü pedaixü̃ rü pemáetawa̱xegüxü̃!

Iraétanüxü̃arü muxchiga 11:26

Rü yema 70 ga yaxguã̱xgü ga nüxü̃ naxunetagüxü̃tanüwa rü taxre rü tama yéma Moichéxü̃tawa naxĩ rü duü̃xü̃gütanügu narücho. Rü wüxi rü Edáx nixĩ ga naéga, rü yema to rü Medáx nixĩ ga naéga. Natürü yema taxre rü ta nüxna nangu ga yema Naãxẽ ya Üünexü̃. Rü yéma duü̃xü̃gütanüwa inanaxügüe nax yadexagüxü̃ ñoma Tupanaarü orearü uruü̃gürüxü̃.

Ore i mexü̃ ga Matéu ümatüxü̃ 11:21

Rü ñanagürü ga Ngechuchu: “Wüxi i ngechaü̃ nixĩ i pexca̱x, Pa Corachíü̃cüã̱x rü Pa Bechaídacüã̱x. Yerü yexguma chi Tíruarü ĩanewa rü Chidóü̃arü ĩanewa chanaxüxgu ga yema mexü̃gü ga cua̱xruü̃gü ga Tupanaarü poramaxã petanüwa chaxüxü̃, rü woo ga nax poraãcü yachixexü̃ ga yema duü̃xü̃gü, rü nũxcümama chitama nüxü̃ narüxoe ga yema nacüma ga chixexü̃, rü poraãcüxüchi chi nügümaxã nangechaü̃gü rü naxauxe, yerü chi nügü nicua̱xãchitanü nax yapecaduã̱xgüxü̃.

Ore i mexü̃ ga Matéu ümatüxü̃ 18:16

Natürü ngẽxguma tama cuga naxĩnügu i ngẽma cuenexẽ, rü name nixĩ i naxca̱x cuca i wüxi rüe̱xna taxre i to i duü̃xü̃gü nax ngẽmamaxã wüxigu namaxã pidexagüxü̃ca̱x rü penaxucu̱xẽgüxü̃ca̱x i ngẽma cuenexẽ.

Ore i mexü̃ ga Luca ümatüxü̃ 10:13

Rü wüxi i ngechaü̃ nixĩ i pexca̱x, Pa Corachíü̃cüã̱x rü Bechaídacüã̱x i Duü̃xü̃güx. Yerü yexguma chi Tíruarü ĩanewa rü Chidóü̃arü ĩanewa chanaxüxgu ga yema mexü̃gü ga cua̱xruü̃gü ga Tupanaarü poramaxã petanüwa chaxüxü̃, rü woo nax poraãcü yachixexü̃ ga yema Tírucüã̱x rü Chidóü̃cüã̱x ga duü̃xü̃gü rü nũxcümama chitama nüxü̃ narüxoe ga nacüma ga chixexü̃, rü poraãcü chi nügümaxã nangechaü̃gü rü naxauxe, yerü chi nügü nicua̱xãchitanü nax yapecaduã̱xgüxü̃.

Ore i mexü̃ ga Luca ümatüxü̃ 24:48

Rü ñu̱xma rü pema tá nixĩ i duü̃xü̃gümaxã nüxü̃ pixugüxü̃ ga yema chauxü̃tawa nüxü̃ pedaugüxü̃ rü nüxü̃ pexĩnüexü̃.

Ore i mexü̃ ga Cuáü̃ ümatüxü̃ 15:27

Rü pema rü tá ta chauchigaxü̃ pixugüe, yerü noxri ichanaxügügu ga duü̃xü̃gümaxã nüxü̃ nax chixuxü̃ ga chorü ore, rü woetama marü chauxü̃tawa peyexmagü —ñanagürü ga Ngechuchu.

Ore i mexü̃ ga Cuáü̃ ümatüxü̃ 3:27

Rü Cuáü̃ nanangãxü̃ rü ñanagürü nüxü̃: —Taxúema ta̱xacü tüxü̃́ nangẽxma ega Tupana tama tüxna naxãxgu.

Ngechuchuarü ngúexü̃gü ga yamugüxü̃arü puracüchiga 1:8

Natürü ngẽxguma pexna nanguxgu i Tupanaãxẽ ya Üünecü, rü tá pexü̃ naporaexẽxẽ. Rü tá ípechoxü̃ nax nüxü̃ peyarüxugüexü̃ca̱x i chauchiga i Yerucharéü̃wa, rü guxü̃ma i Yudéaanewa, rü Chamáriaanewa, rü ñu̱xmatáta guxü̃ i naanewa nangu —ñanagürü.

Ngechuchuarü ngúexü̃gü ga yamugüxü̃arü puracüchiga 13:31

Rü nüma ga Ngechuchu rü muxü̃ma ga ngunexü̃ naxca̱x nango̱x ga yema duü̃xü̃gü ga nawe rüxĩxü̃ ga yexguma Gariréaanewa ne naxũxgu rü Yerucharéü̃wa naxũxgu. Rü ngẽma duü̃xü̃gü nixĩ i ñu̱xma i guxü̃ i duü̃xü̃gümaxã nüxü̃ ixugüxü̃ i nachiga.

Ngechuchuarü ngúexü̃gü ga yamugüxü̃arü puracüchiga 2:32

Rü ñu̱xma ya Tupana rü marü wena nanamaxẽxẽ ga gumá Ngechuchu, rü guxãma ga toma rü nüxü̃ tadaugü nax wena namaxü̃xü̃, rü ngẽmaca̱x pemaxã nüxü̃ tixuchiga.

Ngechuchuarü ngúexü̃gü ga yamugüxü̃arü puracüchiga 3:15

Rü yemaacü pematama peyama̱xgü ga gumá Ngechuchu ya tüxü̃ maxẽxẽẽcü. Natürü ga Tupana rü wena nanamaxẽxẽ. Rü toma nixĩ ga nüxü̃ tadaugüxü̃ ga wena nax namaxü̃xü̃.

1 Corintios 12:28

Rü ngẽmaca̱x ya Tupana rü nanaxwa̱xe nax mea nügü inanuxü̃ i ngẽma yaxõgüxü̃. Rü yíxema tüxíra tüxü̃ naxunetagüxe tixĩ ya yíxema norü puracüwa tüxü̃ namugüxe. Rü ngẽmawena tüxü̃ naxuneta ya toguxegü nax nüxü̃ tixugüxü̃ca̱x i norü ore. Rü ngẽmawena tüxü̃ naxuneta ya toguxegü nax duü̃xü̃güxü̃ tangúexẽẽxü̃ca̱x i norü ore. Rü ngẽxgumarüxü̃ ta tüxü̃ naxuneta ya toguxegü nax tanaxügüxü̃ca̱x i cua̱xruü̃gü i Tupanaarü poramaxã taxügüxü̃, rü toguxegü rü tüxna nanaxã i cua̱x nax tanameexẽẽxü̃ca̱x i ida̱xaweexü̃, rü toguxegü rü tüxna nanaxã i cua̱x nax nüxü̃ tarüngü̃xẽẽgüxü̃ca̱x i ngẽma togü, rü toguxegü rü tüxna nanaxã i cua̱x nax yaxõgüxü̃arü ãẽ̱xgacügü tixĩgüxü̃ca̱x. Rü toguxegü rü tüxna nanaxã i cua̱x nax ngẽma nagagü i tama nüxü̃ tacuáxü̃wa tidexagüxü̃ca̱x.

2 Corintios 13:1

Ñu̱xma rü norü tomaepü̱xcüna tá nixĩ nax petanüwa chaxũxü̃. Rü Tupanaarü ore rü tamaxã nüxü̃ nixu rü ngẽxguma texé chixexü̃ uxgu, rü taxre rü ẽ̱xna tomaepü̱x i duü̃xü̃gü tüxü̃ daugügu rü nüxü̃ yaxugügu nax aixcüma chixexü̃ taxüxü̃, rü ngẽmawa tá nüxü̃ pecua̱x nax aixcüma yixĩxü̃.

Efesios 4:11

Rü nümatama nixĩ ga guxema norü duü̃xẽgüna naxããxü̃ ga tümaarü cua̱x rü tümaarü puracü. Rü tüxü̃ naxuneta ga ñuxre nax tóxnamana norü orexü̃ tayarüxugüxü̃ca̱x. Rü toguegü rü tüxna nanaxã ga cua̱x nax duü̃xü̃gümaxã nüxü̃ tixuxü̃ca̱x i ngẽma norü ore. Rü toguegü rü tüxna nanaxã ga cua̱x nax duü̃xü̃güaxü̃́ tanangúchaü̃xẽẽxü̃ i Tupanaarü ore nax yaxõgüãxü̃ca̱x. Rü toguegü rü tüxna nanaxã ga cua̱x nax ngẽma yaxõgüxü̃arü dauruü̃gü tixĩgüxü̃ca̱x. Rü toguegü rü tüxna nanaxã ga cua̱x nax norü oremaxã tangúexẽẽtaegüxü̃ca̱x.

Wenaxarü naxümatü ga Tupanaarü mugü 17:6

Rü ngẽxguma nangẽxmagu i taxre rüe̱xna tomaepü̱x i nüxü̃ idauxü̃ rü nüxü̃ ixuxü̃ nax chixexü̃ naxüxü̃ rü name nax yu namaxã pexueguxü̃. Natürü ngẽxguma chi wüxitama i duü̃xü̃ nüxü̃ ixuxgu i ngẽma duü̃xü̃ i chixexü̃ üxü̃ rü taxuacütáma yu namaxã pexuegu.

Wenaxarü naxümatü ga Tupanaarü mugü 19:15

Rü ngẽxguma wüxitama i duü̃xü̃ nüxü̃ ixuxgu nax nüxü̃ nadauxü̃ i wüxi i máeta rüe̱xna ta̱xacürü to i guxchaxü̃ rü tama ningu nax aixcüma yixĩxü̃. Natürü ngẽxguma taxre rüe̱xna tomaepü̱x i duü̃xü̃gü nüxü̃ ixuxgu rü ngẽmawa nüxü̃ pecua̱x nax aixcüma yixĩxü̃

Yema Cuáü̃ nüxü̃ dauxü̃ i yixcüra tá ngupetüxü̃chiga 1:5

Rü ngẽxgumarüxü̃ ta chanaxwa̱xe nax pexü̃ nangü̃xẽẽxü̃ rü pexü̃ nataãẽxẽẽxü̃ ya Ngechuchu ya Cristu ga meama nüxü̃ ixucü ga Tupanachiga ga ñoma ga naanewa. Rü nüma nixĩ ga nüxíra yuwa ínadaxü̃. Rü nüma nixĩ i namaxã inacuáxü̃ i guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü. Rü nüma rü tüxü̃ nangechaü̃, rü nagümaxã tüxü̃́ inayanaxoxẽxẽ i tórü pecadugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:2

¡Natürü ngẽma naa̱xtü ya Tupanapata ya taxü̃ne, rü taxũtáma cunangugü! Erü ngẽma duü̃xü̃gü i tama Tupanaaxü̃́ yaxõgüxü̃na marü nanaxã. Rü nümagü rü 42 ya tauemacü tá chixri namaxã inacua̱x ya yimá ĩane ya üünene.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:6

Rü ngẽma taxre i orearü uruü̃gü rü nüxü̃́ nangẽxma i pora nax íyachaxãchixü̃ca̱x ya pucü nax tama napuxü̃ca̱x i guxü̃ma i ngẽma 1,260 i ngunexü̃gü i nagu Tupanaarü orexü̃ yaxugüxü̃. Rü ngẽxgumarüxü̃ ta nüxü̃́ nangẽxma i pora nax nagüxü̃ yaxĩxẽẽgüãxü̃ca̱x i dexá. Rü ngẽxgumarüxü̃ ta nüxü̃́ nangẽxma i pora nax ñoma i naanewa namugüãxü̃ca̱x i naguxü̃raü̃xü̃ i guxchaxü̃gü nax ngẽmaãcü ngúxü̃ duü̃xü̃güxü̃ yangexẽẽgüxü̃ca̱x i ngẽxguma ngẽma taxre naxwa̱xegügu.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:6

Rü ngĩma ga nge rü ínachianexü̃wa iña. Rü yéma Tupana ngĩxca̱x nanamexẽxẽ ga wüxi ga ngĩchica nax yéma ngĩxna nadauxü̃ca̱x rü ngĩxü̃ naxüwemüxü̃ca̱x ga 1,260 ga ngunexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:5

Natürü tama yema ngo̱xona nanachu̱xu nax nügü yacua̱xüxüxü̃ca̱x rü chixri Tupanachiga yadexaxü̃ca̱x. Rü yema ngo̱xona naxã ga pora nax 42 ga tauemacü ãẽ̱xgacü yixĩxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:10

Rü choma rü yema orearü ngeruü̃pe̱xegu chacaxã́pü̱xü nax nüxü̃ chicua̱xüü̃xü̃ca̱x. Natürü ga nüma rü ñanagürü choxü̃: “¡Taxṹ i ngẽma cuxüxü̃! Erü choma rü ta Tupanaarü duü̃xü̃ chixĩ, ngẽxgumarüxü̃ i cuma rü cuenexẽgü i mea Ngechuchuarü ore ixõgüxü̃rüxü̃ chixĩ. Rü ngẽma Ngechuchuarü ore rü yematama ore nixĩ ga Tupanaarü orearü uruü̃gü nüxü̃ ixugüexü̃ ga yexguma Tupanaãxẽ ya Üünecü nawa idexaxgu. Rü name nixĩ i Tupanaxü̃ quicua̱xüxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:4

Rü ñu̱xũchi nüxü̃ chadau ga ñuxre ga tochicaxü̃gü. Rü yema tochicaxü̃wa tarütogü ga guxema Tupanaxü̃tawa nayauxgüxe ga pora nax duü̃xü̃güna naca̱xaxü̃ i norü maxü̃chiga. Rü yexgumarüxü̃ ta nüxü̃ chadau ga naãxẽgü ga yema duü̃xü̃gü ga Tupanaarü oreca̱x rü Ngechuchuchigaxü̃ nax yaxugüxü̃ca̱x nadaü̃naagüxü̃. Rü yema nixĩ ga duü̃xü̃gü ga tama yema ngo̱xoxü̃ icua̱xüü̃güxü̃ rü bai ga yema ngo̱xochicüna̱xãxü̃ icua̱xüü̃güxü̃, rü tama nügü ixãgüxü̃ nax nacatüwa rü ẽ̱xna naxme̱xwa yema ngo̱xoégamaxã yaxãégaxü̃. Rü nüxü̃ chadau ga wena nax namaxẽxü̃ ga yema duü̃xü̃gü, rü 1,000 ga taunecü Cristumaxã wüxigu ãẽ̱xgacügü nixĩgü.