Yema Cuáü̃ nüxü̃ dauxü̃ i yixcüra tá ngupetüxü̃chiga 10:4 - Tupanaarü Ore

⁴ Rü yexguma yema 7 e̱xpü̱xcüna nax naduruãchianexü̃guwena rü chanaxümatüchaü̃. Natürü nüxü̃ chaxĩnü ga wüxi ga naga ga daxũguxü̃ ga naanewa inaxũxü̃ ga ñaxü̃ choxü̃: “¡Cuxicatama nüxü̃ nacua̱x i ngẽma 7 i duruanexü̃ nüxü̃ ixuxü̃! ¡Rü ngexrüma nax cunaxümatüxü̃!” ñaxü̃ choxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:4 Iomraidhean Croise

Ichaía 29:11

Rü guxü̃ma i ñaa Tupana choxü̃ nüxü̃ dauxẽẽxü̃ rü pexca̱x rü ñoma popera i dixpütaxü̃ rü ñaxtachipe̱xexü̃rüxü̃ nixĩ. Rü ngẽxguma chi wüxi ya poperaarü daumatüxü̃ cuáxena tanaxãxgu nax nüxü̃ tadaumatüxü̃ca̱x rü tüma rü tá ñatagürü: —Taxucürüwa nüxü̃ chadaumatü erü narüñaxtachipe̱xe —ñatagürü tá.

Ichaía 8:1

Nüma ya Cori ya Tupana chomaxã nüxü̃ nixu rü ñanagürü: —¡Nayaxu i wüxi i mürapewa i tatachinüxü̃ rü ngẽmagu naxümatü i ñaa naéga: “Maxe-chara-axbáx!” ¡Rü mea naxümatü namaxã ya namatü ya taxü̃ne rü ngóxü̃ne nax guxü̃ma i duü̃xü̃gü nüxü̃ dauxü̃ca̱x!

Ichaía 8:16

¡Mea peãẽgu namaxã penguxü̃ i ñaa ore, rü ñaa ucu̱xẽgü rü ngu̱xẽẽtaegü!

Danié 12:4

¡Natürü i cumax, Pa Daniéx, rü cuxicatama nüxü̃ nacua̱x i ngẽma ore i cumaxã nüxü̃ chixuxü̃! ¡Rü ñu̱xũchi nañaxtachipe̱xe i ngẽma popera ñu̱xmatáta nawa nangu i ngẽma ngunexü̃ i nagu yacuáxü̃ i ngẽma guxchaxü̃gü! Rü muxü̃tama i duü̃xü̃gü rü guxü̃wama tá naxca̱x nadaugü i cua̱x nax ngẽmaãcü yexera nüxü̃ nacua̱xgüxü̃ca̱x i ngẽma tá ngupetüxü̃ —ñanagürü.

Danié 12:9

Rü nüma rü choxü̃ nangãxü̃ rü ñanagürü: —Name i aixrügumarüxü̃ mea cumaxü̃, Pa Danié. Natürü cunaxwa̱xe nax taxúetama nüxü̃ cuáxü̃ i ngẽma ore ñu̱xmatáta nawa nangu i ngẽma ngunexü̃ i nagu yacuáxü̃.

Danié 8:26

Rü ngẽma curü ngo̱xetügüwa cuxü̃ nüxü̃ chadauxẽẽxü̃ nachiga i ngẽma yáuanecügü rü paxmamagü, rü aixcüma tá ningu. Natürü cuxicatatama nüxü̃ cucua̱x i ngẽma, erü ngẽma rü mucüma ya taunecüguwena tá nixĩ nax yanguxü̃ —ñanagürü ga Tupanaarü orearü ngeruxü̃ ga Gábi.

Wenaxarü naxümatü ga Tupanaarü mugü 29:29

Rü nangẽxma i ta̱xacü i tama nüxü̃ icuáxü̃ i yixema, rü Cori ya Tupanaxicatama nixĩ ya nüxü̃ cuácü. Natürü nangẽxma i ta̱xacü marü tüxü̃ rü taxacügüxü̃ nüxü̃ nacua̱xẽẽxü̃ nax guxü̃gutáma nagu imaxẽxü̃ca̱x i guxü̃ma i ngẽma ucu̱xẽgü i ñaa mugüwa ngẽxmagüxü̃ —ñanagürü ga Moiché.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:19

Rü ñu̱xma rü chanaxwa̱xe i cunaxümatü i ngẽma marü nüxü̃ cudauxü̃. Rü ngẽma nixĩ i ngẽma ñu̱xma ngupetüxü̃, rü ngẽma yixcüra tá ngupetüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:8

Rü yema naga ga noxri nüxü̃ chaxĩnüxü̃ ga daxũguxü̃ ga naanewa inaxũxü̃, rü wenaxarü chomaxã nidexa. Rü ñanagürü choxü̃: “¡Naxü̃tawa naxũ i ngẽma Tupanaarü orearü ngeruxü̃ i márétügu rü waixü̃müaneétügu chicutüxü̃! ¡Rü nüxna nayaxu i ngẽma poperaxacü i marü íiwẽgüxü̃ i naxme̱xwa ngẽxmaxü̃!” ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:10

Rü ñanagürü ta choxü̃: “Tama name nax icuyacúxü̃ i ngẽma ore i ñaa poperagu ümatüxü̃ nachiga i ngẽma tá ínguxü̃, erü marü ningaica nax yanguxü̃ i ngẽma nüxü̃ yaxuxü̃ i ngẽma ore.