Yema Cuáü̃ nüxü̃ dauxü̃ i yixcüra tá ngupetüxü̃chiga 10:10 - Tupanaarü Ore

¹⁰ Rü yema orearü ngeruü̃me̱xẽwa chanayaxu ga yema poperaxacü, rü chanangõ̱x. Rü cha̱u̱a̱xwa rü berurerüxü̃ namaixcura. Natürü yexguma chanangõ̱xguwena rü chauanüwa rü nanaxüxãchi rü changu̱xneca.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:10 Iomraidhean Croise

Wiyaegü 104:34

Rü chierüx Cori namaxã taãẽgu i ngẽma nagu charüxĩnüxü̃. Erü naxü̃taguxica nixĩ i nüxü̃ ichayangauxü̃ i chorü taãxẽ.

Wiyaegü 119:103

Rü ngẽma curü uneta rü ta̱xacü i maixcuraxü̃chixü̃arü yexera choxü̃́ name.

Wiyaegü 19:10

Rü norü mugü rü úiru i ngearü ãũãchixü̃arü yexera namexẽchi. Rü berure ya naxchiãü̃wa yaxunearü yexera namaixcura.

Ucu̱xẽgüchiga 16:24

Ngẽma dexagü i mexü̃, rü ñoma berurerüxü̃ namaixcuraxüchi, rü tüxü̃ nataãẽxẽxẽ rü tüxü̃ naporaxẽxẽ.

Echequié 2:10

Rü guma naxme̱x rü chope̱xewa ínayawẽ ga yema popera. Rü yema popera rü taxrecüwawa naxãmatü. Rü ngechaü̃gü̃, rü ngúxü̃gü, rü ãxũnegü nagu naxümatü.

Echequié 3:14

Rü yema Tupanaãxẽ ya Üünexü̃ rü choxü̃ nachixẽxẽ, rü choxü̃ inagaxüchi ga yéma. Rü choma rü ngechaü̃ãcüma rü oegaãẽãcüma chataegu ga yéma. Rü nüma ga Cori ya Tupana rü poraãcü naxme̱xmaxã choxü̃ ningĩ.

Echequié 3:3

Rü yemawena rü choxü̃ ñanagürü: —¡Ẽcü ínaga i ngẽma popera i ãmatüxü̃ i cuxna chaxãxü̃, rü cugü namaxã nangãxcharaü̃xẽxẽ! —ñanagürü choxü̃. Rü choma rü chanangõ̱x ga yema, rü ñoma berurerüxü̃ cha̱u̱xca̱x namaixcura.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:11

Rü ñu̱xũchi chomaxã nüxü̃ nixu, rü ñanagürü choxü̃: “Name nixĩ nax wenaxarü Tupanaarü orexü̃ quixuxü̃ nachiga i muxü̃ma i duü̃xü̃gütücumügü, rü muxü̃ma i nachixü̃anecüã̱xgü i duü̃xü̃gü, rü muxü̃ma i duü̃xü̃gü i to i nagawa idexagüxü̃, rü muxü̃ma i nachixü̃anegüarü ãẽ̱xgacügü”, ñanagürü choxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:9

Rü naxü̃tawa chaxũ ga yema orearü ngeruxü̃, rü nüxna naxca̱x chaca ga yema poperaxacü nax choxna naxããxü̃ca̱x. Rü nüma rü ñanagürü choxü̃: “Ñaa nixĩ. ¡Rü nayaxu rü nangõ̱x! Rü cua̱xwa rü berurerüxü̃ tá namaixcura. Natürü cuanüwa rü tá nanaxüxãchi”, ñanagürü choxü̃.