Ochéa 9:3 - Tupanaarü Ore

³ Rü pemax, Pa Iraéanecüã̱xgüx, rü wena táxarü Equítuaneca̱x pewoegu. Rü Achíriaanewa tá penangõ̱x i õna ya Tupana pexna chu̱xuxü̃. Rü marü taxũtáma nawa pemaxẽ i ngẽma naane ya Tupana pexna ãxü̃.

Ochéa 9:3 Iomraidhean Croise

Norü taxre ga popera ga ãẽ̱xgacügüchiga 17:6

Rü yexguma 9 ga taunecü marü ãẽ̱xgacü yixĩxgu ga Ochéa, rü nüma ga Achíriaanearü ãẽ̱xgacü rü nanapu ga guma ĩane. Rü Achíriaarü naanewa nanagagü ga yema Iraéanecüã̱xgü. Rü ĩane ga Arágu nayanu ga natü ga Abócutüwa ga Gocháü̃anewa. Rü togü rü Médiatanüxü̃arü ĩanegügu nayanu.

Yeremía 16:18

Rü nawa tá ichanaxügü nax taxree̱xpü̱xcüna pexü̃ chapoxcuexü̃ naxca̱x i perü chixexü̃gü rü perü pecadugü. Erü penaxãũãchixẽxẽ i chorü naane namaxã i ngẽma perü tupananetachicüna̱xãgü i ingearü maxü̃ã́xü̃. Rü yema naane ga guxü̃guca̱x pexna chaxãxü̃wa rü penaxü ga yema chixexü̃gü ga naxchi chaxaixü̃ —ñanagürü ga Cori ya Tupana.

Yeremía 2:7

Rü choma nixĩ i ñaa naane i guxü̃ nawa rüxüxü̃wa chanagagüxü̃ nax yemaacü nangõ̱xgüãxü̃ca̱x ga nanetüarü ogü ga rümemaegüxü̃. Natürü i pema rü nua pexĩ rü chixexü̃ nawa pexügü i ñaa chorü naane rü ngẽmaãcü naxchi choxü̃ pexaixẽxẽ i ñaa naane i choxrü ixĩxü̃.

Auxexü̃chiga 5:6

Rü Equítuanewa rü Achíriaanewa naxca̱x ítaca i õna nax toxü̃́ nangẽxmaxü̃ca̱x.

Echequié 4:13

Rü ñu̱xũchi nüma ga Cori ya Tupana rü ñanagürüama choxü̃: —Rü ngẽxgumarüxü̃ tá nixĩ i Iraétanüxü̃ i õna i ãũãchixü̃ tá nangõ̱xgüxü̃ nawa i ngẽma nachixü̃anegü i nagu tá chanawoonexü̃ —ñanagürü choxü̃.

Danié 1:8

Natürü nüma ga Danié rü tama nanangṍxchaü̃ ga yema õna rü tama nayaxaxchaü̃ ga gumá bínu ga ãẽ̱xgacü nüxna naxãcü, yerü nagu narüxĩnü nax tama Tupanape̱xewa namexü̃ ga yema. Rü yemaca̱x ãẽ̱xgacüarü duü̃xü̃güeruna naca nax tama yema õna ga ãẽ̱xgacü nüxna ãxü̃ nüxü̃ nangõ̱xẽẽxü̃ca̱x.

Ochéa 11:11

Rü ñoma werigürüxü̃ tá nidu̱xruãcü Equítuanewa ne naxĩ. Rü ñoma muxtucurüxü̃ Achíriaanewa tá ne naxĩ. Rü choma rü tá wena napatagüwa chanagagü nax wena nawa yamaxẽxü̃ca̱x. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ochéa 11:5

Natürü i nümagü rü tama cha̱u̱xca̱x nawoeguchaü̃. Rü ngẽmaca̱x woo taxũtáma Equítuaneca̱x nawoegu natürü Achíriaaneme̱xẽwa tá nangẽxmagü, erü tama cha̱u̱xca̱x nawoeguchaü̃.

Ochéa 7:11

Rü ngẽma Iraéanecüã̱xgü i Efraíü̃tanüxü̃ rü ñoma muxtucu i nu ne nañaxü̃ rü ngearü cuááxü̃rüxü̃ nixĩgü. Rü ngẽmaca̱x Equítuanecüã̱xgüna ngü̃xẽẽca̱x nacagü, rü ñu̱xũchi Achíriaanecüã̱xgüna ngü̃xẽẽca̱x nacagü.

Ochéa 7:16

Rü tama cha̱u̱xca̱x naxĩ rü ñoma würa ya wü̃xü̃nerüxü̃ nixĩgü. Rü naxchicüna̱xãgüca̱xama nawoegu nax nüxü̃ yacua̱xüü̃güxü̃ca̱x. Rü ngẽma norü ãẽ̱xgacügü rü nügü nicua̱xüü̃gü rü nügü ínarüporae, natürü daigu tá nayuemare. Rü ngẽxguma i ngẽma Equítuanecüã̱xgü rü tá nüxü̃ nacugüe —ñanagürü ya Tupana.

Ochéa 8:13

Rü nümagü rü norü me nixĩ nax ãmare cha̱u̱xca̱x nada̱i̱xü̃ rü nax nangõ̱xgüãxü̃ i namachi i ngẽma naxü̃nagü i cha̱u̱xca̱x ínaguxü̃. Natürü i choma ya Cori ya Tupana rü tama namaxã chataãxẽ. Rü choma rü nüxü̃ chacua̱x i ngẽma norü pecadugü, rü ngẽmaca̱x tá chanapoxcue rü wena táxarü Equítuanecüã̱xgüme̱xẽwa chanangexmagüxẽxẽ.

Ochéa 9:6

Rü ngẽxguma naxcha̱xwa pibuxmügu i ngẽma poxcu rü ngẽma Equítuanecüã̱xgü rü tá pexü̃ ínayauxü̃, rü norü ĩane ya Ménfigu tá pexü̃ nata̱xgü. Rü ngẽma perü meruü̃gü i diẽrumünaxca̱x rü yima pepatachicawa rü naxcu rü chuchuxü̃ tá narüxügü.

Lebítanüxü̃arü puracüchiga 18:28

Rü name i pegüna pedau nax tama ta̱xacürü chixexü̃ca̱x pexü̃ ínawoxü̃xü̃ i ngẽma naane, yema duü̃xü̃gü ga pexü̃pa nüxíra nawa maxẽxü̃ ínawoxü̃xü̃ruxü̃.

Lebítanüxü̃arü puracüchiga 20:22

¡Rü aixcüma nagu pemaxẽ i ngẽma chorü mugü rü chorü ucu̱xẽgü! ¡Rü guxü̃ma pinguxẽxẽ! Rü ngẽmaãcü i ngẽma naane i nawa pexü̃ chagagüxü̃ nax nawa pemaxẽxü̃ca̱x, rü taxũtáma pexü̃ ínawoxü̃.

Lebítanüxü̃arü puracüchiga 25:23

Rü tama name i guxü̃guca̱x ngẽma naanemaxã petaxe. Erü ngẽma naane rü choxrü nixĩ, rü pema rü paxaãchimare nawa pengẽxmagü ñoma duü̃xü̃gü i chauxü̃ta naxĩanexü̃rüxü̃.

Amúx 7:17

Natürü i ñu̱xma rü ñaa nixĩ i ngẽma ore i Cori ya Tupana cumaxã nüxü̃ ixuxü̃, rü ñanagürü: “Cuxma̱x rü daa ĩanewa tátama ngexü̃ i ngeãẽxü̃ tixĩ. Rü ngẽma cunegü i iyatüxü̃ rü ñu̱xũchi yíxema cuxacügü ya ingexe rü taramaxã tá tüxü̃ nadai. Rü ngẽma cuanegü rü ngẽma uanügü rü sortéuãcüma tá nügü nayanu. Rü cuma rü duü̃xü̃gü i tama Tupanaxü̃ cua̱xgüxü̃arü nachixü̃anegu tá cuyayu. Rü norü uanügü i ngẽma Iraétanüxü̃ rü Iraéanearü yáxü̃wa tá nanagagü” —ñanagürü ya Cori ya Tupana.

Miquéa 2:10

¡Rü ẽcü ipechigü, Pa Ãẽ̱xgacügüx i Chixexü̃güx, rü ípechoxü̃ i nua! Rü daa ĩane rü taxũtáma nawa pengẽxmagüecha. Erü ngẽma chixexü̃ i nua pexüxü̃ rü nataxüchi, rü ngẽmaca̱x i guxü̃ma i ñaa ĩane rü tá inayarüxo.

Ngechuchuarü ngúexü̃gü ga yamugüxü̃arü puracüchiga 10:14

Rü Pedru nanangãxü̃ rü ñanagürü: —Taxucürüwa nixĩ, Pa Corix, erü taguma chanangõ̱x i ta̱xacü i toxca̱x ãũãchixü̃ —ñanagürü.

Wenaxarü naxümatü ga Tupanaarü mugü 28:63

Rü yexgumarüxü̃ nax Cori ya Tupana cutanüxü̃maxã taãẽxü̃ ga noxri rü mexü̃ naxca̱x naxüxü̃ rü yamuxẽẽãxü̃, rü ngẽxgumarüxü̃ ta norü taãxẽ tá nixĩ nax iyanaxoxẽẽãxü̃. Rü tá nawa ínanawoxü̃ i ngẽma naane i nawa tá nangẽxmagüxü̃.

Wenaxarü naxümatü ga Tupanaarü mugü 28:68

Rü woo nax Cori ya Tupana cumaxã nüxü̃ ixuxü̃ nax tagutáma wenaxarü ngẽma nama i Equítuanewa daxü̃gu tá naxca̱x cutaeguxü̃, natürü nüma ya Cori ya Tupana rü wapurugu tá nayamugü i cutanüxü̃ nax Equítuaneca̱x nawoeguxü̃ca̱x. Rü ngéma Equítuanewa rü tá curü uanügüna nanaxuaxü̃ nax mugüruxü̃ namaxã nataxegüxü̃ca̱x, natürü nataxutama i naxca̱x taxexü̃ —ñanagürü ga Moiché.

Wenaxarü naxümatü ga Tupanaarü mugü 4:26

Rü ngẽxguma ngẽma chixexü̃ pexü̱xgu, rü choma rü daxũguxü̃ i naanepe̱xewa rü ñoma i naanepe̱xewa pemaxã nüxü̃ chixu rü paxa tá ipeyarüxo nawa i ngẽma naane i nagu tá pechocuxü̃ i Yudáü̃arü tocutüwa ngẽxmaxü̃. Rü taxũtáma mucü ya taunecü nawa pemaxẽ i ngẽma naane rü noxtacüma tá ipeyarüxo.

Yochué 23:15

Natürü ngẽxgumarüxü̃ marü nax yangu̱xẽẽãxü̃ i guxü̃ma i ngẽma mexü̃ ga pemaxã inaxunetaxü̃, rü ngẽxgumarüxü̃ tá ta pexca̱x ínanangu̱xẽxẽ i naguxü̃raü̃xü̃ i guxchaxü̃ i ngẽxguma tama aixcüma naga pexĩnüegu ga yema norü uneta ga pemaxã nüxü̃ yaxuxü̃. Rü ngẽxguma ta̱xacürü tupananetagu perüxĩnüegu rü naxca̱x pemaxẽgu, rü nüma ya Cori ya Tupana rü tá pemaxã nanu, rü paxaxüchi tá pexü̃ inayarüxoxẽxẽ nawa i ñaa naane i mexü̃ i nüma pexna naxãxü̃. Rü bai tá ya wüxíe ípeyaxüxü̃ —ñanagürü ga Yochué.