Ochéa 8:9 - Tupanaarü Ore

⁹ Rü ngẽma Iraéanecüã̱xgü rü choxna nixĩgachi. Rü ñoma wüxi i búru i naixnecücüã̱x i nu ne naxũmarexü̃rüxü̃ nixĩgü. Rü ngẽma Efraíü̃tanüxü̃ rü Achíriaanewa naxĩ nax naxca̱x nadaugüxü̃ca̱x i norü ngü̃xẽxẽ. Rü ngéma nanana i norü ãmaregü nax ngẽmaãcü Achíriaane nüxü̃ rüngü̃xẽẽgüxü̃ca̱x.

Ochéa 8:9 Iomraidhean Croise

Norü taxre ga popera ga ãẽ̱xgacügüchiga 15:19

Rü wüxi ga ngunexü̃gu rü nüma ga Púx ga Achíriaanearü ãẽ̱xgacü rü Iraéanegu nachocu. Rü yexguma ga Menaéü̃ rü 33,000 quíru ga diẽru nüxna naxã nax yemaacü Púx naétüwa üxü̃ca̱x rü naporaxẽẽãxü̃ca̱x nax ãẽ̱xgacü yixĩxü̃.

Ichaía 30:2

Erü tama chorü ngü̃xẽẽca̱x nadaugü. Rü Equítuanewa naxĩ nax Faraóü̃xü̃tagu ngü̃xẽẽca̱x yadaugüxü̃ca̱x nax ngẽma ínapoxü̃güxü̃ca̱x.

Ichaía 30:6

Rü ñaa nixĩ i Cori ya Tupanaarü ore nachiga i ngẽma Négueanewa ngẽxmagüxü̃ i ngo̱xogü. Rü ngẽma naane i ãũcümaxü̃ i nawa ngẽxmagüxü̃ i leóü̃gü rü ãxtapegü i tüxü̃ ngóxü̃ rü ãxtapegü i tüxna yuxuxü̃, rü ngẽma naanegu búrutagügu rü caméyutagügu ngẽma Iraétanüxü̃ nayana i norü ngẽmaxü̃gü rü norü diẽrugü nax Equítuanearü ãẽ̱xgacüna yanaxãxü̃ca̱x nax ínapoxü̃ãxü̃ca̱x.

Yeremía 2:24

Pema rü ñoma naixnecücüã̱x i búru i ngexü̃ i worexü̃ i yatüxü̃ca̱x dauxü̃ i buanecüemagu ngü̃xgüxü̃rüxü̃ pixĩgü. Rü ngẽxguma naworegu rü taxúema ítayachaxãchixẽxẽ nax yatüxü̃ca̱x nadauxü̃. Rü ngẽxguma yatüxü̃ naxca̱x da̱u̱xgu rü tauxchaãcüma nüxü̃ yangauxü̃. Rü ngẽxgumarüü̃tama pixĩgü i pema nax ngẽma naxchicüna̱xãgüca̱x pedaugüxü̃.

Ochéa 12:1

Ngẽma Iraéanecüã̱xgü rü natüca̱xma guxü̃ i ngunexü̃gu ngẽma nachixü̃anegü i éstewa ngẽxmagüxü̃arü ngü̃xẽẽca̱x nadau. Rü yexera nidorata̱xagü rü nimáetagü. Rü Achíriaanecüã̱xgümaxã nanaxü i unetagü, rü Equítuanewa nanamugü i ãmare i chíxü̃ nax ngẽmaãcü Equítuanecüã̱xgü nüxü̃ rüngü̃xẽẽgüxü̃ca̱x.

Ochéa 12:2

Rü nüma ya Cori ya Tupana rü ngẽma Yudáanecüã̱xgümaxã nanu. Rü nacümagü i chixexü̃gagu rü tá ngẽma Acóbutanüxü̃xü̃ napoxcu. Rü ngẽmaãcü tá nayangutanüxẽẽgü naxca̱x ga yema norü chixexü̃ ga naxügüxü̃.

Ochéa 2:10

Rü ngẽma norü tupananetagüpe̱xewa tá chanapuxü̃ i guxü̃táma i ngẽma nüxna chaxãxü̃. Rü ngẽmaãcü tá chanaxãneexẽxẽ i ngẽma duü̃xü̃gü, rü taxúetama choxna tanachu̱xu.

Ochéa 5:13

Rü ngẽxguma Efraíü̃tanüxü̃ rü Yudáanecüã̱xgü nüxü̃ daugügu nax taxü̃ i guxchawa nangẽxmagüxü̃, rü Efraíü̃tanüxü̃ rü tá Achíriaanearü ãẽ̱xgacüna ngü̃xẽẽca̱x nayacagü. Natürü nüma i Achíriaanearü ãẽ̱xgacü rü taxũtáma nüxü̃ narüngü̃xẽxẽ.

Ochéa 7:11

Rü ngẽma Iraéanecüã̱xgü i Efraíü̃tanüxü̃ rü ñoma muxtucu i nu ne nañaxü̃ rü ngearü cuááxü̃rüxü̃ nixĩgü. Rü ngẽmaca̱x Equítuanecüã̱xgüna ngü̃xẽẽca̱x nacagü, rü ñu̱xũchi Achíriaanecüã̱xgüna ngü̃xẽẽca̱x nacagü.