Ochéa 8:2 - Tupanaarü Ore

² Rü ngẽxguma ngẽma guxchaxü̃ tá naxca̱x ínguxgu rü aita tá cha̱u̱xca̱x naxüe rü ñanagürügü tá: “¡Aixcümaxü̃chi nixĩ i Iraétanüxü̃arü Tupana quixĩxü̃!” ñanagürügü tá.

Ochéa 8:2 Iomraidhean Croise

Norü taxre ga popera ga ãẽ̱xgacügüchiga 10:16

Rü ñu̱xũchi ñanagürü: —¡Choxü̃ naxümücü nax nüxü̃ cudauxü̃ca̱x nax ñuxãcü poraãcü Cori ya Tupanaxü̃ changechaü̃xü̃! —ñanagürü. Rü yemaacü norü caru ga cowarugü itúchigünegu Yonadáxü̃ nigae.

Norü taxre ga popera ga ãẽ̱xgacügüchiga 10:29

Natürü nüma ga Yeú rü tama nüxü̃ narüxo ga yema chixexü̃ ga Nabáx nane ga Yeruboáü̃ üxü̃ ga yexguma Iraéanecüã̱xgüxü̃ chixexü̃gu nayixẽẽgu. Yerü nüma ga Yeú rü nayadaxẽẽãma nax nüxü̃ yacua̱xüü̃xü̃ ga yema úirunaxca̱x ga wocaxacüchicüna̱xãgü ga Dáü̃wa rü Betéwa yexmagüxü̃.

Yeremía 7:4

¡Rü taxṹ i nüxü̃́ peyaxõgüxü̃ i ngẽma duü̃xü̃gü i pexü̃ womüxẽẽgüxü̃ rü ñagüxü̃: Nua Yerucharéü̃wa nangẽxma ya yima Cori ya Tupanapata ya taxü̃ne rü ngẽmaca̱x Tupana taxũtáma nanapoxcu ya daa ĩane woo chixexü̃ íxügügu, ñagüxü̃!

Ochéa 5:15

Rü ñu̱xũchi chopataca̱x tá chataegu, rü ngéma tá changexma ñu̱xmatáta nümatama nüxü̃ yacua̱xãchitanü nax chixexü̃ naxügüxü̃. Rü ngẽxguma ngúxü̃ yangegügu rü tá aixcüma cha̱u̱xca̱x nada̱u̱xgu —ñanagürü ga Tupana.

Ochéa 8:3

Natürü nüma i ngẽma Iraéanecüã̱xgü rü nüxü̃ naxoe i ngẽma mexü̃. Rü ngẽmaca̱x i norü uanügü rü tá nawe ningẽxü̃tanügü.

Miquéa 3:11

Rü daa ĩanearü guxchaxü̃arü mexẽẽruü̃gü rü ngẽma nüxü̃́ naxütanüxü̃ga nixĩ i naxĩnüexü̃. Rü ngẽma chacherdótegü rü ngẽxguma nüxü̃́ tanaxütanüguxicatama tüxü̃ nangúexẽxẽ. Rü ngẽma orearü uruü̃güneta rü ngẽxguma nüxü̃́ naxãtanüguxicatama tamaxã nüxü̃ nixu i ta̱xacü tá yixcüra naxüpetü. Rü nüxü̃ nixu nax Tupanaégagu yixĩxü̃ nax yadexagüxü̃, rü ñanagürügü: “Cori ya Tupana rü nataxü̃tagu rü taxuxü̃táma i chixexü̃ tüxü̃ nangupetü”, ñanagürügü.

Ore i mexü̃ ga Matéu ümatüxü̃ 25:11

Rü yemawena íingugü ga yema pacügü ga tama uãxẽgücü, rü ngĩgürügügü: “¡Pa Corix, Pa Corix, toxca̱x yawãxna i ĩã̱x!” ngĩgürügügü.

Ore i mexü̃ ga Matéu ümatüxü̃ 7:21

Rü tama guxü̃ma i duü̃xü̃gü i nügü ixugüxü̃ nax chorü duü̃xü̃gü yixĩgüxü̃ rü tá nichocu i ngextá Tupana ãẽ̱xgacü ixĩxü̃wa. Rü yíxema aixcüma Chaunatü ya dauxü̃gucüarü ngúchaü̃ ügüxexicatama tá tixĩ i ngéma ichocuxe.

Ore i mexü̃ ga Luca ümatüxü̃ 13:25

Erü ngẽxguma ngẽma ĩarü yora írüdaxgu nax yanawãxtaü̃xü̃ca̱x i ĩã̱x, rü pema i düxétüwa ngẽxmagüxe rü tá nüxna pecagü nax pexca̱x yanawãxnaü̃xü̃ca̱x i ĩã̱x. Rü ñaperügügü tá: “Pa Corix, ¡paxa toxca̱x yawãxna i ĩã̱x!” ñaperügügü tá. Natürü nüma i cori rü tá pexü̃ nangãxü̃, rü ñanagürü tá: “Tama pexü̃ chacua̱x nax Nge̱xtácüã̱x pixĩgüxü̃”, ñanagürü tá pexü̃.

Popera ga Títoca̱x naxümatüxü̃ ga Pauru 1:16

Rü ngẽma duü̃xü̃gü i tama yaxõgüxü̃ rü nügü yaxugügu rü Tupanaxü̃ nacua̱xgü, natürü ngẽma naxügüxü̃wa nüxü̃ tacua̱x nax tama aixcüma Tupanaxü̃ nacua̱xgüxü̃. Rü nümagü rü Tupanape̱xewa nichixe, rü tama naga naxĩnüe, rü taxuwama name i ngẽma naxügüxü̃.

Nüxíraxü̃xü̃ ga popera ga Cuáü̃ ümatüxü̃ 2:4

Natürü ngẽxguma chi wüxíe ñagügu: “Choma rü Tupanaxü̃ chacua̱x”, ñagügu, natürü tama naga taxĩnügu i ngẽma norü mugü, rü wüxi i dorata̱xáxü̃ tixĩ rü tama nawa nangexma i ngẽma ore i aixcüma ixĩxü̃.