Ochéa 7:7 - Tupanaarü Ore

⁷ Rü guxü̃ma i nümagü rü ñoma paũarü guruxü̃ i naiechaxü̃rüxü̃ nixĩgü nax norü ãẽ̱xgacügümaxã nanueechaxü̃. Rü guxü̃ma i norü ãẽ̱xgacügüxü̃ nadai. Natürü taxuxü̃ma i ngẽma ãẽ̱xgacügü rü chorü ngü̃xẽẽca̱x ínaca.

Ochéa 7:7 Iomraidhean Croise

Nüxíraxü̃xü̃ ga popera ga ãẽ̱xgacügüchiga 15:28

Rü nüma ga Baachá rü Nadáxü̃ nima̱x ga yexguma Achá marü tomaepü̱x ga taunecü ãẽ̱xgacü ixĩxgu ga Yudáanewa. Rü Nadáxchicüxü ãẽ̱xgacü nixĩ.

Nüxíraxü̃xü̃ ga popera ga ãẽ̱xgacügüchiga 16:18

Rü yexguma Zimrí nüxü̃ da̱u̱xgu nax marü guma ĩanegu nachocuxü̃ ga Iraéanearü churaragü, rü wüxi ga ucapu ga ãẽ̱xgacüpatawa yexmaxü̃gu nangaxi rü ñu̱xũchi nawa nanangixichi ga guma ãẽ̱xgacüpata. Rü yexma nixa rü nayu.

Nüxíraxü̃xü̃ ga popera ga ãẽ̱xgacügüchiga 16:22

Rü yema duü̃xü̃gü ga Omríwa ügüxü̃ rü yema duü̃xü̃gü ga Tixníwa ügüxü̃xü̃étüwa naxügü. Rü nüma ga Tixní ga Guináx nane rü nayu rü yemaacü ga Omrí rü Iraéanearü ãẽ̱xgacüxü̃ ningucuchi.

Norü taxre ga popera ga ãẽ̱xgacügüchiga 10:14

Rü yexguma ga nüma ga Yeú rü namücügüxü̃ namu rü ñanagürü: —¡Ípenayauxü̃! —ñanagürü. Rü yema Yeúmücügü rü maxẽãcü Ocochía naenexẽgüxü̃ ínayauxü̃. Rü Bex-equéxwa ga naxü̃nagüarü dauruü̃güarü puchuxü̃tagu nanadai ga yema 42 ga yatügü ga Ocochía naenexẽgü. Rü bai ga wüxi ga maxü̃xü̃.

Norü taxre ga popera ga ãẽ̱xgacügüchiga 10:7

Rü yexguma nayauxgüãgu ga yema popera, rü nanadai ga yema 70 ga ãẽ̱xgacü nanegü rü ñu̱xũchi ínanadaü̃eru. Rü yemawena rü pexchigügu nananucu ga naerugü rü ĩane ga Yereéwa nanamugü.

Norü taxre ga popera ga ãẽ̱xgacügüchiga 15:10

Rü nüma ga Charúü̃ ga Yabé nane rü Chacaríamaxã nanu rü ĩane ga Ibeáü̃gu nügü nadai rü yexma Chacaríaxü̃ nima̱x. Rü yemawena rü nachicüxü ãẽ̱xgacüxü̃ ningucuchi ga nüma ga Charúü̃.

Norü taxre ga popera ga ãẽ̱xgacügüchiga 15:25

Rü wüxi ga Pecaíaarü churaragüeru ga Remaría nane ga Pécagu ãégaxü̃ rü Pecaxíaca̱x nügü nanutaque̱xe nax yamáaxü̃ca̱x. Rü nüma ga Péca rü 50 ga Garaáxanecüã̱x ga yatügümaxã Chamáriawa naxũ, rü yexma ãẽ̱xgacüpatagu Pécaíaxü̃ nima̱xgü wüxigu namaxã ga Aríe rü Argóx. Rü yemawena ga Péca rü Pecaxíachicüxü Iraéanearü ãẽ̱xgacüxü̃ ningucuchi.

Norü taxre ga popera ga ãẽ̱xgacügüchiga 15:30

Rü nüma ga Erá nane ga Ochéa rü naxca̱x nadau nax ñuxãcü Remaría nane ga Pécaca̱x íyagoõchixü̃. Rü yemaacü nayama̱x. Rü yexguma marü 20 ga taunecü Yudáanewa ãẽ̱xgacü yixĩxgu ga Uchía nane ga Yotáü̃, rü Iraéanewa nüma ga Ochéa rü Pécachicüxü ãẽ̱xgacüxü̃ ningucuchi.

Norü taxre ga popera ga ãẽ̱xgacügüchiga 9:24

Natürü nüma ga Yeú rü norü würa nayaxu rü Yoráü̃xü̃ namaxü̃. Rü Yoráü̃ca̱xwena ningaxi ga naxne rü norü maxü̃newa nayarügo. Rü yexma naweü̃gu nayu ga nüma ga Iraéanecüã̱xarü ãẽ̱xgacü ga Yoráü̃.

Norü taxre ga popera ga ãẽ̱xgacügüchiga 9:33

Rü yexguma nüma ga Yeú rü yema ãẽ̱xgacüarü ngü̃xẽẽruü̃güxü̃ namu rü ñanagürü: —¡Ngĩxü̃ perütáe! —ñanagürü. Rü nümagü rü ngĩxü̃ narütáegü. Rü gumá ngĩgü rü ĩxtapü̱xwa nachaxi. Rü ngĩwa nangagü ga yema cowarugü.

Yox 36:13

Rü ngẽma chixexü̃ ügüxü̃ rü Tupanamaxã nanueama woo poxcuwa nax nangẽxmagüxü̃. Rü tama Tupanana ngü̃xẽẽca̱x nacagüe.

Wiyaegü 14:4

Rü tama naãẽxü̃ nicua̱x i ngẽma chixexü̃ ügüxü̃. Rü norü chixexü̃maxã nanagu̱xẽxẽ i chorü duü̃xü̃gü ñoma paũ ingṍxü̃rüxü̃. Rü taguma Cori ya Tupanaca̱x nadaugü.

Ichaía 43:22

Natürü i pemax, Pa Acóbutanüxü̃x Pa Iraétanüxü̃x, rü tama chorü ngü̃xẽẽca̱x ípecagü, erü nüxü̃ perüchaue nax chauga pexĩnüexü̃.

Ichaía 64:4

Rü nũxcümacürüwa taguma texé nachiga taxĩnü rü texé nüxü̃ tadau i to i Tupana i naxüxü̃ i ngẽma cuma cuxüxü̃ tümaca̱x ya yíxema cuxü̃́ yaxõgüxe.

Ichaía 64:6

Rü guxãma i toma rü cupe̱xewa duü̃xü̃gü i ixãũãchixü̃ tixĩgü. Rü woo i ngẽma taxüxü̃ i toxca̱x mexü̃, rü cupe̱xewa rü ñoma wüxi i wexa i ãũãchixü̃rüxü̃ nixĩ. Rü guxãma chixexü̃gu tayi ñoma naixatügü i pagüxü̃ irüyi̱xixü̃rüxü̃. Rü torü chixexü̃gü rü toxü̃ nigagü ñoma buanecü i ta̱xacü ngextá cuegüxü̃rüxü̃.

Ichaía 64:7

Rü tataxuma ya texé ya cumaxã idexaxe rü pora üxe nax cuxü̃tawa ngü̃xẽẽca̱x ítaca̱a̱xü̃. Rü ngẽma torü chixexü̃gagu nixĩ i toxcha̱xwa iquicúxü̃ rü toxü̃ ícuwogüxü̃.

Ichaía 9:13

Natürü nüma i Iraétanüxü̃ rü tama yimá Tupana ya napoxcuecüca̱x nawoegu, rü tama naga naxĩnüechaü̃ ya yimá Tupana ya Guxãétüwa Ngẽxmacü ya poraxüchicü.

Echequié 22:30

Rü choma rü ngẽma duü̃xü̃gütanügu naxca̱x chadau i wüxi i duü̃xü̃ i chope̱xewa ñaa nachixü̃aneétüwa chogüxü̃ nax tama chanapoxcuexü̃ca̱x i ngẽma duü̃xü̃gü, natürü taxuxü̃ma ichayangau.

Danié 9:13

Rü guxü̃ma ga yema chixexü̃ rü toxna nangu yematama Moiché ümatüxü̃ ga mugüwa nüxü̃ ixuxü̃rüxü̃. Natürü ga toma rü tama cuxca̱x tadaugü, Pa Cori Pa Torü Tupanax. Rü tama nüxü̃ tarüxoe ga yema torü chixexü̃gü, rü tama nagu tamaxẽ ga curü ore i aixcüma ixĩxü̃.

Ochéa 13:10

¿Rü ngexü̃ yixĩxü̃ i pechixü̃anearü ãẽ̱xgacü nax pexü̃ ínapoxü̃xü̃ca̱x i perü ĩanegüwa? Rü pema rü ngẽma pemaxã icua̱xgüxü̃na naxca̱x peca nax pexü̃́ nangẽxmaxü̃ca̱x i perü ãẽ̱xgacügü ¿natürü ngexü̃ yixĩxü̃ i ngẽma pemaxã icua̱xgüxü̃ i ñu̱xmax?

Ochéa 5:15

Rü ñu̱xũchi chopataca̱x tá chataegu, rü ngéma tá changexma ñu̱xmatáta nümatama nüxü̃ yacua̱xãchitanü nax chixexü̃ naxügüxü̃. Rü ngẽxguma ngúxü̃ yangegügu rü tá aixcüma cha̱u̱xca̱x nada̱u̱xgu —ñanagürü ga Tupana.

Ochéa 7:10

Rü woo choma rü Iraéanecüã̱xgüarü Tupana nax chixĩxü̃ rü tama cha̱u̱xca̱x nawoegu rü tama cha̱u̱xca̱x nadaugü. Rü ngẽma nax nügü yacua̱xüü̃güxü̃gagu rü tama cha̱u̱xca̱x nawoegu.

Ochéa 7:14

Rü ngẽxguma yada̱xaweegu rü ngúxü̃ yangegügu, rü norü pechicaxü̃güwa ngü̃xẽẽca̱x choxna nacagüe, natürü tama aixcüma norü ngúchaü̃maxã choxna nacagüe. Rü nügü nayapiexẽxẽ nax ngẽmaãcü tríguca̱x rü bínuca̱x ínacagüxü̃ca̱x. Natürü tama aixcüma chauga naxĩnüe.

Ochéa 8:4

Rü ngẽma duü̃xü̃gü rü ngẽxguma nachixü̃anearü ãẽ̱xgacügüxü̃ naxunetagügu rü tama choxna nacagü. Rü ngẽxguma nüxü̃ naxunetagügu i ngẽma tá namaxã icua̱xgüxü̃, rü tama chorü ucu̱xẽca̱x ínacagü. Rü nügüca̱x nanaxügü i naxchicüna̱xãgü i úirunaxca̱x rü diẽrumünaxca̱x. Rü ngẽmamaxã nügütama nachixexẽẽgü.

Miquéa 2:1

Rü wüxi i ngechaü̃ nixĩ naxca̱x i ngẽma duü̃xü̃gü i woo naxchiãü̃wa rü chixexü̃gu rüxĩnüexü̃. Rü ngẽxguma yangunegu rü nayanguxẽxẽ i ngẽma nagu naxĩnüexü̃ erü nadiẽruã̱xgü.