Ochéa 7:6 - Tupanaarü Ore

⁶ Natürü nümagü i ngẽma norü ngü̃xẽẽruü̃gü rü ñoma paũarü guruxü̃ i naiechaxü̃rüxü̃ nixĩgü nax ãẽ̱xgacümaxã nanueechaxü̃. Rü nagu narüxĩnüe nax ñuxãcü tá yama̱xgüãxü̃. Rü chütacü napee, natürü moxü̃ãcü wena nagu narüxĩnüe nax ñuxãcü tá yama̱xgüãxü̃.

Ochéa 7:6 Iomraidhean Croise

Wiyaegü 21:9

Pa Tupanax, ngẽxguma núma cuxũxgu rü ñoma wüxi i guruü̃wa yaguxü̃rüxü̃ tá ícunagu i curü uanügü. Rü curü numaxã tá üxüwa cuyawocu nax ngẽxma yanaxogüxü̃ca̱x i ngẽma curü uanügü.

Ucu̱xẽgüchiga 4:16

Erü ngẽma duü̃xü̃gü rü tama nataãẽgü ega tama chixexü̃ naxügügu, rü tama napee ega taxúexü̃ma chixexü̃gu nangu̱xẽẽgügu.

Ochéa 7:4

Rü guxü̃ma i nümagü rü ñoma wüxi i yatü i to i ngexü̃ca̱x naxma̱xna ixũgachixü̃rüxü̃ choxna nixĩgachi. Rü wüxi i paũarü üruxü̃ rü nayanaixẽxẽ i norü paũarü guruxü̃. Rü ngẽxguma nanañumü i norü paũchara rü ínayanguxẽxẽ nax yapuxgüxü̃ rü yoxni nanaiecha i norü paũarü guruxü̃. Rü ngẽxgumarüxü̃ ta nixĩ i ngẽma duü̃xü̃gü erü tama nixogü i norü ngúchaü̃ nax chixexü̃ naxügüxü̃.

Ochéa 7:7

Rü guxü̃ma i nümagü rü ñoma paũarü guruxü̃ i naiechaxü̃rüxü̃ nixĩgü nax norü ãẽ̱xgacügümaxã nanueechaxü̃. Rü guxü̃ma i norü ãẽ̱xgacügüxü̃ nadai. Natürü taxuxü̃ma i ngẽma ãẽ̱xgacügü rü chorü ngü̃xẽẽca̱x ínaca.

Miquéa 2:1

Rü wüxi i ngechaü̃ nixĩ naxca̱x i ngẽma duü̃xü̃gü i woo naxchiãü̃wa rü chixexü̃gu rüxĩnüexü̃. Rü ngẽxguma yangunegu rü nayanguxẽxẽ i ngẽma nagu naxĩnüexü̃ erü nadiẽruã̱xgü.