Ochéa 6:3 - Tupanaarü Ore

³ ¡Rü ngĩxã pora taxüe nax aixcüma Cori ya Tupanaxü̃ icuáxü̃ca̱x rü naga ixĩnüexü̃ca̱x! Rü nüma ya Cori ya Tupana rü aixcüma tá taxca̱x ínangu ñoma üa̱xcü guxü̃guma ínguxü̃rüxü̃ rü ñoma pucü guxü̃guma waixü̃mü iwaimüanexẽẽcürüxü̃”, ñanagürügü tá —ñanagürü ya Tupana.

Ochéa 6:3 Iomraidhean Croise

Yox 29:23

Yerü ga duü̃xü̃gü rü naxca̱x nañu̱xãẽgü nax nüxü̃ naxĩnüechaü̃xü̃ ga chorü ucu̱xẽgü ñoma pucü ínangu̱xẽẽgügurüxü̃ i ngẽxguma nanaianegu.

Wiyaegü 19:6

Rü nüma ya üa̱xcü rü naanearü éstewa narügo, rü nixũ ñu̱xmata norü oéstewa narüxücu. Rü taxucürüwa texé norü naiemaxü̃cha̱xwa tiña.

Wiyaegü 63:8

Rü ñaa chorü maxü̃ rü cuxna chanaxã. Rü yima curü tügüneme̱xẽmaxã choxü̃ ícupoxü̃.

Wiyaegü 65:9

Rü cuma nixĩ i ñoma i naanena cudauxü̃ rü nagu cupuxẽẽxü̃ nax naxügüxü̃ca̱x i nanetügü. Rü cuma rü natüxacügümaxã cuyawaimüanexẽxẽ nax naxügüxü̃ca̱x i trigugü. Rü ngẽmaãcü nixĩ i cunangomüanexẽẽxü̃ i waixü̃mü.

Wiyaegü 72:6

Rü chanaxwa̱xe nax yimá ãẽ̱xgacü rü meama norü duü̃xü̃güxü̃ nangü̃xẽẽxü̃ ñoma pucü i nanetügü meama iwainecüxẽẽcürüxü̃.

Ucu̱xẽgüchiga 4:18

Ngẽma mexü̃ i duü̃xü̃gücüma rü ñoma ngexwaca yangunegurüxü̃ nixĩ nax nangóxü̃, rü ngẽmaãcü yexera ningóchigü ñu̱xmata yangóonexü̃chi.

Ichaía 2:3

Rü muxü̃tama i duü̃xü̃gü tá ínangugü rü ñanagürügü tá: —¡Ngĩxã, rü yima ma̱xpǘne i Cori ya Tupana íngexmaxü̃gu taxĩgü rü yima Acóbuarü Tupanapata ya taxü̃nena tangaicamagü nax nüma ngéma tüxü̃ nangúexẽẽxü̃ca̱x i norü ngúchaü̃ rü ngẽmaãcü nüma nanaxwa̱xexü̃ãcüma imaxẽxü̃ca̱x! —ñanagürügü tá. Erü yima ma̱xpǘne ya Chióü̃wa tá nango̱x i Cori ya Tupanaarü ngu̱xẽẽtae rü Yerucharéü̃wa tá ínaxũxũ i norü ore.

Ichaía 32:15

Rü ngẽmawena ya Cori ya Tupana rü tá tatanüwa nanamu i Naãxẽ ya Üünecü. Rü ngẽxguma i ngẽma naane i taxuxü̃ma i nanetü i mexü̃ nawa rüxüxü̃ rü tá naane i mexü̃xü̃ nananguxuchi. Rü ngẽma naanewa rü tá yexeraãcü name i nanetü.

Ichaía 44:3

Rü choma rü tá chayaya̱xẽxẽ i dexá i naxnücüanewa, rü íyapaanexü̃wa rü tá chanango̱xẽxẽ i natüacügü. Rü petaagüna tá chanamu ya Chauãxẽ ya Üünecü rü tá petaagüxü̃ charüngü̃xẽxẽ.

Ichaía 5:6

Rü ñu̱xũchi tá íchanata̱x i ngẽma úbanecü. Rü taxúetama tayayoatü rü taxúetama tanangĩxcanecü rü ngẽmaãcü tá chuxchuxü̃gü rü chixexü̃ i natüane nanecüwa narüxügü. Rü tá nüxna chaxãga i caixanexü̃ nax tama nanecügu napuxü̃ca̱x —ñanagürü ya Tupana.

Ichaía 54:13

Rü choma tá chanangúexẽxẽ i guxü̃ma i penegü, rü ngẽmaãcü guxãtáma taãẽwa tamaxẽ.

Yeremía 24:7

Rü cua̱x tá nüxna chaxã nax ngẽmaãcü choxü̃ nacua̱xgüxü̃ca̱x nax choma chixĩxü̃ ya Cori ya Tupana. Rü nümagü rü chorü duü̃xü̃gü tá nixĩgü, rü choma rü tá norü Tupana chixĩ erü guxü̃ma i norü ngúchaü̃maxã tá cha̱u̱xca̱x nawoegu.

Echequié 36:25

Rü dexá i mechiüxü̃wa tá pexü̃ chixaiyagü. Rü guxü̃ma i perü chixexü̃wa tá pexü̃ chingematagüxẽxẽ. Rü ngẽma nax tupananetagümaxã petupanaã̱xgüxü̃ rü tá nüxna pexü̃ chixĩgachixẽxẽ nax ngẽmaãcü aixcüma pimexü̃ca̱x.

Ochéa 10:12

Choma rü marüchire̱x pemaxã nüxü̃ chixu rü ñachagürü pexü̃: “Ngẽxguma aixcüma mexü̃ pexügügu rü tá pexna nangu i chorü ngechaü̃. ¡Penamexẽxẽ i perü maxü̃! Erü marü nawa nangu nax cha̱u̱xca̱x pedaugüxü̃ ñu̱xmatáta petanüwa changu nax peétügu chayabaxü̃ca̱x i chorü pora i namaxã pexü̃ íchapoxü̃xü̃”, ñachagürü.

Ochéa 14:5

Rü ñu̱xma i choma rü tá nüxü̃ charüngü̃xẽxẽxü̃ i ngẽma Iraéanecüã̱xgü ñoma cherena ya nanetügüxü̃ iwaixẽẽcürüxü̃. Rü ngẽma Iraéanecüã̱xgü rü tá nataãẽgü ñoma putüra i líriu meama ixãchacuxü̃rüxü̃. Rü yima ma̱xpǘne ya Líbanuarü ocayiwagü ya guxü̃guma ngẽxmaechanerüxü̃ tá nixĩ i ngẽma Iraéanecüã̱xgü nax guxü̃gutáma nachixü̃anewa nangẽxmagüxü̃.

Ochéa 14:6

Rü ñoma oribu itaetaxü̃ rü ibaxcaxü̃rüxü̃ rü tá meama nüxü̃ naxüpetü i ngẽma Iraéanecüã̱xgü i nachixü̃anewa. Rü ngẽma nachixü̃ane rü duü̃xü̃güarü taãẽxẽẽruxü̃ tá nixĩ ñoma Líbanuarü ocayiwaemarüxü̃.

Ochéa 2:20

Rü chorü duü̃xü̃güxüchi tá pexü̃ chixĩgüxẽxẽ, rü tagutáma pexü̃ íchawogü. Rü ngẽxguma i pema rü tá choxü̃ pecua̱x nax perü Tupana chixĩxü̃.

Miquéa 4:2

Rü muxũchixü̃tama i duü̃xü̃gü tá ngéma nangugü rü ñanagürügü tá: —¡Nua pexĩ rü ngĩxã daa ma̱xpǘnewa dauxü̃ taxĩgü nax nawa ingugüxü̃ca̱x ya yima Acóbutanüxü̃arü Tupanapata ya taxü̃ne nax nüma tüxü̃ nangúexẽẽxü̃ca̱x i ngẽma mexü̃ i nacüma nax ngẽmagu ixĩxü̃ca̱x! —ñanagürügü tá. Erü daa ma̱xpǘne ya Chióü̃wa tá nixĩ ya Cori ya Tupana i tüxü̃ nangúexẽxẽxü̃. Rü Yerucharéü̃wa tá nixĩ i ne naxũxü̃ i norü ore.

Miquéa 5:2

Rü cumax, Pa Beréü̃ i Efráta, rü woo wüxi ya ĩane ya íxrane quixĩ natanüwa ya guxü̃nema ya Yudáanecüã̱x ya ĩanegü, natürü cugu tá nixĩ i nabuxü̃ ya yimá Iraéanecüã̱xgüarü ãẽ̱xgacü ya woetama marü ngẽxmaechacü.

Miquéa 5:7

Rü ngẽxguma i ngẽma Iraétanüxü̃ i íyaxügüxü̃ i ñu̱xma togü i nachixü̃anegütanüwa ngẽxmagüxü̃, rü Tupana rü tá namaxã inacua̱x ñoma cherenamaxã rü pucü i maxẽétügu puxü̃maxã inacuáxü̃rüxü̃. Rü taxũtáma nanaxwa̱xegü nax duü̃xü̃güarü ngü̃xẽẽca̱x nadaugüxü̃ erü Tupana tá nixĩ i nüxü̃ rüngü̃xẽẽcü.

Chacaría 10:1

¡Ngẽxguma yapaanegu rü Cori ya Tupanana peca nax pexca̱x napuxẽẽãxü̃ca̱x! Rü nüma ya Cori ya nango̱xẽẽcü i ba̱i̱xbeane rü tacü ya pucü tá pexca̱x ínanguxẽxẽ. Rü peanewa rü tá nanaxüxẽxẽ ya maxẽ.

Maraquía 4:2

Natürü i pemax nax aixcüma choxü̃ pengechaü̃güxü̃ rü chaucüma tá meama pewa nango̱x ñoma üa̱xcü nangóanexẽẽxü̃rüxü̃ rü taãxẽ ixãxü̃rüxü̃. Rü pemax rü taãẽmaxã tá piyuxnagütanü ñoma wocaxacügü naxpüü̃wa iyayi̱xü̃rüxü̃.

Ore i mexü̃ ga Matéu ümatüxü̃ 13:11

Rü Ngechuchu nanangãxü̃, rü ñanagürü nüxü̃: —Tupana rü pexü̃xicatama nüxü̃ nacua̱xẽxẽ i ngẽma ẽxü̃guxü̃ nax ñuxãcü ãẽ̱xgacü yixĩxü̃ i daxũguxü̃ i naanewa. Natürü ngẽma togü i duü̃xü̃gü rü tama nüxü̃ nüxü̃ nacua̱xẽxẽ i ngẽmachiga.

Ore i mexü̃ ga Luca ümatüxü̃ 1:78

Tórü Tupana rü poraãcü nüxü̃́ tangechaü̃tümüxü̃gü. Rü ngẽmaca̱x ñoma ngexwaca̱xü̃xü̃ i ngunexü̃arü üa̱xcü ngóxü̃rüxü̃ daxũguxü̃ i naanewa taxca̱x ne nanamu i ñoma i naanearü nangóonexẽẽruxü̃ i ngexwaca̱xü̃xü̃ nax nangóonetanüxẽxẽãxü̃ca̱x i ngẽma duü̃xü̃gü i ẽanexü̃ i ãũcümaxü̃wa ngẽxmagüxü̃. Rü nüma tá tüxü̃ narüngü̃xẽxẽ nax Tupanamaxã rüngüxmüe”, ñanagürü ga Chacaría.

Ore i mexü̃ ga Cuáü̃ ümatüxü̃ 17:3

Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.

Ore i mexü̃ ga Cuáü̃ ümatüxü̃ 7:17

Ngẽxguma texé naxüxchaü̃gu i Tupanaarü ngúchaü̃ rü tá nüxü̃ tacua̱x rü aixcüma Tupanaxü̃tawa chanayaxu i ngẽma chorü ngu̱xẽẽtae rü ẽ̱xna chaugüxü̃tawatama chanayaxu i ngẽma.

Ngechuchuarü ngúexü̃gü ga yamugüxü̃arü puracüchiga 17:11

Rü yema togü ga Yudíugü ga Techarónicawa yexmagüxü̃arü yexera narümemaegü ga yema Yudíugü ga Beréacüã̱x. Rü norü ngúchaü̃maxã meama nanayauxgü ga yema ore. Rü guxü̃ ga ngunexü̃gu rü Tupanaarü ore ga ümatüxü̃wa nangúe nax mea nüxü̃ nacua̱xgüxü̃ca̱x rü aixcüma yixĩ ga yema ore ga Pauru rü Chíra namaxã nüxü̃ ixugüxü̃.

Wenaxarü naxümatü ga Tupanaarü mugü 32:2

Rü chorü ngu̱xẽẽtae rü ñoma pucürüxü̃ tá mea petanüwa nangu. Rü chorü ore rü ñoma cherena i maxẽétügu nguxü̃rüxü̃ tá nixĩ. Rü tacü ya pucü ya nanetügüétügu ngucürüxü̃ tá nixĩ.

Popera ga Yudíugü ga yaxõgüxü̃ca̱x ümatüxü̃ 3:14

Rü ñu̱xma rü Cristumaxã tüxü̃́ nangẽxma i maxü̃ i taguma gúxü̃ ega yaxõgüechagu rü noxrirüü̃tama naga ixĩnüegu ñu̱xmatata nawa nangu nax nataeguxü̃ i nüma.

Norü taxre ga popera ga Pedru ümatüxü̃ 1:19

Rü yemaacü nüxü̃ tadau nax aixcüma yixĩxü̃ ga yema ore ga nũxcümaü̃güxü̃ ga Tupanaarü orearü uruü̃gü nüxü̃ ixugügüxü̃. Yerü yema nüxü̃ yaxugügüxü̃rüü̃tama nixĩ ga nüxü̃ tadauxü̃. Rü name nixĩ i pema rü ta aixcüma mea nagu perüxĩnüe i ngẽma ore, erü wüxi i omü i ẽanexü̃wa ibáxixü̃rüxü̃ nixĩ. Rü ngẽma ore rü tá pexü̃ nüxü̃ nacua̱xẽxẽ i Tupanachiga ñu̱xmatáta ínangu ya tórü Cori ya Ngechuchu ya Cristu ya yimá woramacuri ya ngunetüxü̃ ngócürüxü̃ ixĩcü. Rü ngẽxguma ínanguxgu i nüma rü tá perü maxü̃gu nabáxi.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:16

Rü choma ya Ngechuchu, rü chanamu i chorü orearü ngeruxü̃ nax guxü̃ma i ngẽma yaxõgüxü̃tücumümaxã nüxü̃ yaxuxü̃ca̱x i ngẽma chorü ore. Rü choma nixĩ i ãẽ̱xgacü ga Dabítaxa chixĩxü̃. Rü choma nixĩ ya yimá woramacuri ya pa̱xmama poraãcü nangóonexẽẽcürüxü̃ chixĩxü̃”, ñanagürü.