Ochéa 4:9 - Tupanaarü Ore

⁹ Rü ngẽmaca̱x i choma rü duü̃xü̃güxü̃ chapoxcuexü̃rüxü̃ tátama chanapoxcue i ngẽma chacherdótegü naxca̱x i nacüma i chixexü̃.

Ochéa 4:9 Iomraidhean Croise

Ucu̱xẽgüchiga 11:31

Ngẽma duü̃xü̃gü i mexü̃gu maxẽxü̃ rü ñoma i naanewa tá nanayauxgü i natanü naxca̱x i ngẽma mexü̃ i naxügüxü̃. Rü ngẽxgumarüxü̃ ta i ngẽma duü̃xü̃gü i chixexü̃gu maxẽxü̃, rü tá nanayauxgü i natanü naxca̱x i norü chixexü̃ i naxügüxü̃.

Ucu̱xẽgüchiga 12:14

Wüxichigü rü nanayauxtanü i ngẽma ore i nüxü̃ yaxuxü̃, rü nanayauxtanü i ngẽma naxüxü̃.

Ucu̱xẽgüchiga 5:22

Ngẽma duü̃xü̃ i chixexü̃ üxü̃, rü ngẽma norü chixexü̃ tátama nixĩ i guxchaxü̃gu nanguxẽẽxü̃, rü ngẽma norü chixexü̃tama nixĩ i nagu nachoxü̃ ñoma wüxi i naixnütagu nachoxü̃rüxü̃.

Ichaía 24:2

Rü ngẽmatátama nüxü̃ nangupetü i ngẽma chacherdóte rü ñu̱xũchi ngẽma duü̃xü̃gü, rü ngẽxgumarüxü̃ tá ta nixĩ i ngẽma cori rü norü ngü̃xẽẽruxü̃, rü ngéma chiũra rü ngĩxrü ngü̃xẽẽruxü̃, rü ngẽma naxca̱x taxexü̃ rü ñu̱xũchi ngẽma namaxã taxexü̃, rü ngẽma toguxena diẽru paxaãchi ngĩxü̃ ãxü̃ rü ñu̱xũchi ngẽma paxaãchi ngĩxü̃ yaxuxü̃, rü ngẽma diẽruã́xü̃ rü ñu̱xũchi ngẽma ngearü diẽruã́xü̃.

Ichaía 3:10

Natürü tá nataãxẽ i ngẽma duü̃xü̃ i mexü̃gu maxü̃xü̃, erü ta̱xacü inaxüxü̃wa rü mea nüxü̃́ ínanguxuchi. Rü nüma tátama namaxã nataãxẽ i ngẽma mexü̃ i naxüxü̃.

Yeremía 5:31

Rü ngẽma ore i nüxü̃ yaxugügüxü̃ i ngẽma orearü uruü̃gü rü doramare nixĩ. Rü ngẽma chacherdótegü rü nümagü nanaxwa̱xegüxü̃ãcü duü̃xü̃gümaxã inacua̱xgü. Rü ngẽma chorü duü̃xü̃gü rü ngẽmamaxã nataãẽgü. ¿Natürü ta̱xacü tá pexüxü̃ i ngẽxguma ínanguxgu i ngẽma guxchaxü̃ i ãũcümaxü̃? —ñanagürü.

Echequié 44:10

Rü yema Lebítanüxü̃ ga choxna ixĩgachitanüxü̃ ga yexguma Iraéanecüã̱x choxna ixĩgachitanügu nax yema tupananetachicüna̱xãgüxü̃ yacua̱xüü̃güxü̃ca̱x, rü ngẽma Lebítanüxü̃ rü tá nanaxütanügü ga yema pecadu ga naxügüxü̃.

Echequié 44:12

Rü nümagü nixĩ ga yema Iraétanüxü̃maxã inacua̱xüü̃gü ga yexguma tupananetachicüna̱xãgüxü̃ yacua̱xüü̃gügu. Rü yemaacü yema Iraétanüxü̃xü̃ pecadugu nayixẽxẽ. Rü ngẽmaca̱x i ngẽma Lebítanüxü̃ rü tá nanaxütanügü ga yema chixexü̃ ga naxügüxü̃. Rü ngẽma nixĩ i choma ya Cori ya Tupana namaxã chaxueguxü̃.

Ochéa 1:4

Rü ñu̱xũchi ga nüma ga Cori ya Tupana rü ñanagürü Ochéaxü̃: —Yimá cune rü Yereé tá nixĩ i naéga. Erü paxaxüchitáma chanapoxcue i ngẽma nataagü ya yimá ãẽ̱xgacü ya Yeú naxca̱x ga yema taxü̃ ga máeta ga naxüxü̃ nawa ga guma ĩane ga Yereé. Rü ngẽma Iraéanecüã̱xgü rü ngẽxma tá chayacua̱xẽxẽ nax nügümaxãtama inacua̱xgüechaxü̃.

Ochéa 10:10

Rü choma rü ngẽma ngunexü̃ i chanaxwa̱xexü̃gu tá chanapoxcu i ngẽma Iraéanecüã̱xgü. Rü ngẽma ngunexü̃gu rü tá naxca̱x naxĩtaque̱xegü i ngẽma togü i nachixü̃anegü nax ínayauxü̃ãxü̃ca̱x. Rü ngẽmaãcü tá chanapoxcu i ngẽma Iraéanecüã̱xgü naxca̱x i norü chixexü̃gü.

Ochéa 12:2

Rü nüma ya Cori ya Tupana rü ngẽma Yudáanecüã̱xgümaxã nanu. Rü nacümagü i chixexü̃gagu rü tá ngẽma Acóbutanüxü̃xü̃ napoxcu. Rü ngẽmaãcü tá nayangutanüxẽẽgü naxca̱x ga yema norü chixexü̃ ga naxügüxü̃.

Ochéa 12:3

Rü nũxcümacürüwa naxü̃pa nax nabuxü̃ ga perü o̱xi ga Acóbu, rü naenexẽxü̃ nanapuchica. Rü yexguma marü naya̱xgu rü Tupanamaxã nügü nawogü.

Ochéa 7:2

Rü nümagü rü tama nagu narüxĩnüe nax choma nüxü̃ chadauxü̃ i guxü̃ma i ngẽma chixexü̃gü i naxügüxü̃. Rü ngẽma norü chixexü̃gagu tá nixĩ i chanapoxcuexü̃, erü meama nüxü̃ chadau i guxü̃ma i ngẽma naxügüxü̃.

Ochéa 8:13

Rü nümagü rü norü me nixĩ nax ãmare cha̱u̱xca̱x nada̱i̱xü̃ rü nax nangõ̱xgüãxü̃ i namachi i ngẽma naxü̃nagü i cha̱u̱xca̱x ínaguxü̃. Natürü i choma ya Cori ya Tupana rü tama namaxã chataãxẽ. Rü choma rü nüxü̃ chacua̱x i ngẽma norü pecadugü, rü ngẽmaca̱x tá chanapoxcue rü wena táxarü Equítuanecüã̱xgüme̱xẽwa chanangexmagüxẽxẽ.

Ochéa 9:15

Tupana rü ñanagürü: —Pemax, Pa Iraéanecüã̱xgüx, rü Guirigáwa nixĩ ga penaxüxü̃ ga naguxü̃raü̃xü̃ ga chixexü̃. Rü yéma nixĩ ga ichaxügüxü̃ nax pexchi chaxaixü̃. Rü ngẽma perü chixexü̃gagu rü tá pexü̃ íchawoxü̃ i chorü naanewa. Rü marü taxũtáma pexü̃ changechaü̃ erü guxü̃ma i perü ãẽ̱xgacügü rü tama chauga naxĩnüe.

Ochéa 9:9

Rü ngẽma perü chixexü̃gü rü nataxüchi naxrüü̃tama ga yema Guibeáwa ngupetüxü̃. Natürü Tupana rü taxũtáma nüxü̃ narüngüma i ngẽma perü chixexü̃gü rü perü pecadugü rü ngẽmaca̱x tá pexü̃ napoxcue —ñanagürü.

Chacaría 1:6

Natürü yema chorü ore rü yema chorü mugü ga chorü orearü uruü̃güme̱xẽgu chaxüxü̃, rü perü o̱xigüwa nangu. Rü ñuxre ga nümagü rü cha̱u̱xca̱x nawoegu, rü naxca̱x ínicua̱xgü ga chixexü̃ nax naxügüxü̃, rü ñanagürügü: ‘Rü aixcüma nüma ya Cori ya Tupana ya Guxãétüwa Ngẽxmacü rü ngẽma tórü chixexü̃ãcütama tüxü̃ napoxcue’, ñanagürügü” —ñanagürü ga Tupana.

Ore i mexü̃ ga Matéu ümatüxü̃ 15:14

Rü nüetama i ngẽma Parichéugü, erü nümagü rü namaarü cua̱xruü̃gü i ngexetüxü̃ nixĩgü. Rü ngẽxguma wüxi i ngexetüxü̃ rü naxrüxü̃ ngexetüxü̃maxã inacua̱xgu rü ngürüãchi ngẽma taxre rü wüxi i ãxmaxü̃gu tá nügümaxã nayayicu —ñanagürü.