Biblia Todo Logo
Bìoball air-loidhne

- Sanasan -




Ochéa 4:7 - Tupanaarü Ore

7 Rü ngẽxguma yexera yamuxgu i ngẽma chacherdótegü, rü yexera chixexü̃ chope̱xewa naxügü. Nümagü rü choxna nixĩgachi rü tama chauga naxĩnüe. Rü ngẽmaca̱x i choma rü taxũtáma namaxã chataãxẽ rü tá chanaxãneexẽxẽ.

Faic an caibideil Dèan lethbhreac




Ochéa 4:7
15 Iomraidhean Croise  

Rü nũxcümacürüwa ga torü o̱xigü rü chixexü̃gu namaxẽx rü ñomaxü̃cüxü i toma rü ta nagu ítamaxẽ. Rü ngẽma torü chixexü̃gagu rü toma rü torü ãẽ̱xgacügü rü torü chacherdótegü rü naxme̱xgu tayi i ngẽma to i nachixü̃anecüã̱xgüarü ãẽ̱xgacügü i tama cuxü̃́ yaxõgüxü̃. Rü nümagü rü toxü̃ ínayauxü̃ rü toxca̱x nangĩ̱xgü rü duü̃xü̃güpe̱xewa toxü̃ nacugüe. Rü ngẽmatama nixĩ i ñu̱xma toxü̃ ngupetüxü̃.


Rü Ochéa rü ñanagürü: —Ngẽma Iraéanecüã̱xgü rü ñoma úba i muarü oṍxü̃rüxü̃ nixĩgü. Natürü yexguma Tupana yexera nüxü̃ rüngü̃xẽẽgu ga yema Iraéanecüã̱xgü, rü yexera norü tupananetagüca̱x ãmarearü guruxü̃ naxügü. Rü yexguma yexera namexgu ga nachixü̃ane rü yexera nanamexẽẽgü ga guma nutagü ga namaxã natupanaã̱xgücü.


Rü ngẽma wocaxacüchicüna̱xã i Iraéanecüã̱xgü nüxü̃ icua̱xüü̃güxü̃ rü Achíriaanearü churaragü rü nachixü̃anewa tá nanangegü nax norü ãẽ̱xgacüna naxãgüãxü̃ca̱x. Rü tá naxãnee i ngẽma Efraíü̃tanüxü̃, yerü marü nataxuma ga norü naxchicüna̱xã ga nüxü̃́ yacua̱xüü̃güxü̃. Rü ngẽxgumarüxü̃ ta i guxü̃ma i ngẽma Iraéanecüã̱xgü rü ãne tá ningegü.


¿Rü pema nagu perüxĩnüegu nax pexmaxü̃wa tá pexü̃ íchanguxü̃xẽxẽxü̃? ¿Rü pema nagu perüxĩnüegu nax yuwa tá pexü̃ íchanguxü̃xẽxẽxü̃? ¿Rü cumax, Pa Yux, rü ngexü̃ nixĩ i curü pora? ¿Rü cumax, Pa Naxmaxü̃x, rü ngexü̃ nixĩ i curü pora? Rü ñu̱xmax i choma rü marü taxũtáma choxü̃́ nangechaü̃tümüxü̃gü i ñaa duü̃xü̃gü.


Rü pexna chanaxã ga õna rü meama pechibüe, natürü pema rü pegü picua̱xüü̃gü rü choxü̃ perüngümae.


Rü ngẽma chacherdótegü rü marü choxna naxĩgü, rü ngẽmaca̱x rü woo nachibüegu rü tá nataiyaeama. Rü woo ngexü̃gü i ngĩxü̃nemaxã taxegüxü̃maxã namaxẽxü̃gu, rü tagutáma naxãxacügü.


Rü Cori ya Tupana rü ñanagürü ta: —¡Choxǘ iperüxĩnüe, Pa Chacherdótegüx! ¡Rü choxü̃́ iperüxĩnüe, Pa Iraéanecüã̱xgüx! ¡Rü choxü̃́ iperüxĩnüe Pa Ãẽ̱xgacügütanüxü̃ i Iraéanemaxã Icua̱xgüxü̃! Choma rü tá pexü̃ chapoxcue erü peyawomüxẽẽgü i chorü duü̃xü̃gü, rü yexeraãcü chixexü̃gu penayixẽxẽ i ngẽma Iraéanecüã̱xgü. Rü pemax, rü penamu nax yima ngutaque̱xepataü̃gü ya Mispáwa rü Tabóxwa ngẽxmagünewa tupananetagüxü̃ yacua̱xüü̃güxü̃.


Rü ngẽma chacherdótegü rü ngĩ́ta̱xagüxü̃ nixĩgü erü Chiquéü̃wa daxü̃ i namagu tüxü̃ nana̱i̱xgü rü tüxü̃ nima̱xgü ya yíxema duü̃xẽ ya ngéma üpetüxe.


Rü ngẽma nax yamuxü̃ i Iraéanecüã̱xgü rü ñoma wüxi i weri igoexü̃rüxü̃ tá nüxna inarütaxu. Rü naxma̱xgü rü taxũtáma tauemacü tüxü̃ inarütaxu rü taxũtáma titacharaxü̃ rü taxũtáma tixíraxacügü.


Rü woo duü̃xü̃gü pexü̃ nicua̱xüü̃gü i ñu̱xmax, natürü nawa tá nangu nax taxü̃ i ãne tá pingegüxü̃. Erü nüma ya Cori ya Tupana rü tá duü̃xü̃güpe̱xewa pexü̃ naxãneexẽxẽ ñoma wüxi i duü̃xü̃ i ngexchiruãcüma ãne ingexü̃rüxü̃. Rü ngẽmaãcü perü taãxẽ rü ãnexü̃ tá pexü̃́ nananguxuchi.


Rü ñu̱xma i pema rü tama chauga pexĩnüe rü naétü ñuxre i duü̃xü̃gümaxãxica pemecüma rü tama guxãma wüxigu mea tüxü̃ pengúexẽxẽ. Rü ngẽmaca̱x i choma rü pemaxã chanaxuegu nax guxü̃ma i duü̃xü̃gü rü chixexü̃maxã pexü̃ nadaunüxü̃ca̱x rü pexü̃ naxoexü̃ca̱x —ngẽma ñachagürü i chomax ya Cori ya Tupana ya Guxãétüwa ngẽxmaxe.


Natürü pema ga Iraétanüxü̃ ga guxü̃ma ga yema õnamaxã pingüe rü nüxna pixĩgachi ga Cori ya Tupana ya pexü̃ ngo̱xẽẽcü. Rü nüxü̃ pexo ya yimá perü dauruxü̃ rü perü poxü̃ruxü̃ ixĩcü.


Natürü ngẽma duü̃xü̃gü rü tá napoxcue. Rü ngẽma naxü̃nearü ngúchaü̃ nixĩ i namaxã natupanaã̱xgüxü̃. Rü woo nüxü̃ nacua̱xchire̱x nax wüxi i ãne nax yixĩxü̃ i ngẽma chixexü̃ i naxügüxü̃, natürü nügü namaxã nicua̱xüü̃gü. Rü ñoma i naanearü ngẽmaxü̃guxicatama narüxĩnüe.


Rü choma ya Cori i Iraétanüxü̃arü Tupana rü marü ü̃pa nüxü̃ chixu rü cuma rü cutanüxü̃ rü guxü̃gutáma choxü̃́ pepuracüe. Natürü i ñu̱xma rü ngẽma chixexü̃ i cunegü ügüxü̃gagu rü chanaxuegu rü tagutáma chanangexrü i ngẽma ñu̱xma ngupetüxü̃. Erü tüxü̃ chicua̱xü̃xü̃ ya yíxema choxü̃ icua̱xüxü̃güxe rü yíxema choxü̃ oexe rü choma rü tá tüxü̃ chaxãneexẽxẽ.


Lean sinn:

Sanasan


Sanasan