Ochéa 4:6 - Tupanaarü Ore

⁶ Rü chorü duü̃xü̃gü rü chixexü̃gu nayi rü nayue erü tama chorü mugüxü̃ nacua̱xgü. Rü ngẽma rü cugagu nixĩ, Pa Chacherdótex, erü cuma rü ta nüxü̃ cuxo i chorü mugü. Rü ngẽmaca̱x i choma rü ta cuxü̃ chaxo nax chorü chacherdóte quixĩxü̃. Erü cumax rü nüxü̃ icurüngüma i chorü ucu̱xẽgü rü ngẽmaca̱x i choma rü tá ta nüxü̃ icharüngüma i ngẽma cutaagü.

Ochéa 4:6 Iomraidhean Croise

Norü taxre ga to ga popera ga ãẽ̱xgacügüchiga ümatüxü̃ 15:3

Rü nũxcüma ga Iraétanüxü̃ rü mucüma ga taunecü nüxna nixĩgachi ya yimá aixcüma Tupana ixĩcü rü tama nüxü̃ nacua̱xgü ga norü ore yerü nataxuma ga chacherdótegü ga nangúexẽẽxü̃.

Yox 36:12

Natürü ngẽxguma tama naga naxĩnüegu rü ngürüãchi tá nayue rü naxmaxü̃gu tá nayanucu.

Wiyaegü 119:139

Rü ngẽma curü mugü rü poraãcü chayanuxũ. Rü choxü̃́ nangu̱x nax tama naga naxĩnüexü̃ i ngẽma chorü uanügü.

Wiyaegü 119:153

¡Rü nüxü̃ nadau nax ñuxãcü chanaxĩ̱xãchiãẽxü̃ rü nawa choxü̃ ínanguxuchixẽxẽ! Erü taguma nüxü̃ icharüngüma i ngẽma curü ucu̱xẽ.

Wiyaegü 119:61

Rü yema chixexü̃ ga duü̃xü̃gü rü chixexü̃gu choxü̃ nangu̱xẽẽgüchaü̃, natürü i choma rü tama nüxü̃ charüngüma i curü mugü.

Wiyaegü 18:27

Rü cumax, Pa Tupanax, rü tüxü̃ curüngü̃xẽxẽ ya yíxema tama tügü icua̱xüxü̃güxe, natürü cunaxãneexẽxẽ i ngẽma nügü icua̱xüü̃güxü̃.

Ucu̱xẽgüchiga 10:21

Rü yimá yatü ya mecümacü rü naã̱xwa ínaxũxũ i mexü̃ i ucu̱xẽgü tümaca̱x ya duẽxẽgü, natürü ngẽma tama naãxẽxü̃ cua̱xgüxü̃, rü norü chixexü̃gagu nayue.

Ucu̱xẽgüchiga 19:2

Ngẽxguma ta̱xacü ixüxchaü̃gu, rü name i mea nagu tarüxĩnüxíra. Rü tama name nax iñu̱xãẽxü̃ ega ta̱xacü ixüxgu, erü ngẽmagagu ítatü.

Ichaía 1:3

Rü ngẽma woca rü norü yoraxü̃ nacua̱x, rü ngẽma búru rü nüxü̃ nacua̱x i norü chibüchica i norü yora naxca̱x üxü̃, natürü ngẽma chorü duü̃xü̃gü i Iraétanüxü̃ rü tama choxü̃ nacua̱xgü rü tama naãẽxü̃ nicua̱x —ñanagürü ya Tupana.

Ichaía 17:10

Erü pemax, Pa Iraétanüxü̃x, rü nüxü̃ perüngümae ya Tupana ya pexü̃ ípoxü̃cü. Rü tama nüxna pecua̱xãchie nax nüma yixĩxü̃ i pexna nadauxü̃ nax taxúema pexü̃ chixewexü̃ca̱x. Natürü i ñu̱xma rü ípenato i mexẽchixü̃ i perü nanetügü rü úbagü nax ngẽmamaxã nüxü̃ picua̱xüü̃güxü̃ca̱x i tupananetagü.

Ichaía 27:11

Rü ngẽma naixchacüxügü rü ngẽxguma yapagügu rü ngẽma ngexü̃gü rü norü üxüxü̃ nanade nax ngẽmamaxã naxãxü̃xü̃güxü̃ca̱x. Rü ngẽma duü̃xü̃gü rü nataxuma i norü cua̱x rü ngẽmaca̱x ya Tupana ya norü ngo̱xẽẽruxü̃ rü taxũtáma yáxna namaxã naxĩnü rü bai tá i namaxã yaxãũxãchixü̃.

Ichaía 28:7

Natürü nangẽxma i togü i bínuarü ngu̱xmaxã ichü̱xatanücüüxü̃ rü axexü̃ i ngúxü̃maxã itaixteparatanücüüxü̃. Rü ngẽma chacherdótegü rü orearü uruü̃gü rü axexü̃ i ngúxü̃maxã nichü̱xatanücüxü rü nitaixteparatanücüxü. Rü bínumaxã naxãũãẽgü. Rü axeü̃ i ngúxü̃gagu nitaixteparatanücüxü. Rü toxicaxü̃ nixu rü ngéma namuga i ngẽxguma nango̱xetügu. Rü ngãxãcü nanaxuegu i poxcu.

Ichaía 29:12

Rü ngẽxguma chi wüxi ya tama poperaarü daumatüxü̃ cuáxena tanaxãxgu nax nüxü̃ tadaumatüxü̃ca̱x rü tüma rü tá ñatagürü: —Tama poperaarü daumatüxü̃ chacua̱x —ñatagürü tá.

Ichaía 3:12

Rü wüxi i buxü̃mare nixĩ i ngẽma chorü ĩanewa ãẽ̱xgacüwa nügü írüporaxü̃, rü ngexü̃gü nixĩ i ĩanemaxã icua̱xgüxü̃. Pa Chorü Ĩanecüã̱xgüx, ngẽma perü ãẽ̱xgacügü rü pexü̃ niwomüxẽẽgümare rü ñu̱xũchi chixexü̃ i nacümawa pexü̃ nagagü.

Ichaía 45:20

Rü nüma ya Tupana rü ñanagürü ta: —Guxü̃ma i pema i togü i nachixü̃anewa íyaxügüxe rü name nixĩ nax pexĩtaque̱xexü̃ rü nua pexĩxü̃. Rü pema i naxchicüna̱xãgü i nainaxca̱x pingegüxü̃ rü nüxü̃ picua̱xüü̃güxü̃ rü tama peãẽxü̃ pecua̱x, erü ngẽma naxchicüna̱xãgü rü taxũtáma pexü̃ ínapoxü̃.

Ichaía 5:13

Rü ngẽma nax tama chauga naxĩnüechaü̃xü̃ i chorü duü̃xü̃gü, rü ngẽmagagu to i nachixü̃anewa tá nagagü. Rü guxü̃ma i duü̃xü̃gü rü wüxigu norü ãẽ̱xgacügümaxã tá ngẽma nachixü̃ane i nawa nagagüãxü̃gu taiyamaxã rü ta̱xawamaxã nayue.

Yeremía 2:8

Rü ngẽma perü chacherdótegü rü tama chaugu narüxĩnüe rü tama cha̱u̱xca̱x nadaugü. Rü ngẽma perü ucu̱xẽruü̃gü rü tama choxü̃ nacua̱xgü. Rü ngẽma perü ãẽ̱xgacügü rü chomaxã nanue, rü ngẽma perü orearü uruü̃gü rü Baáchigaxü̃ãma nixugüe rü ngẽma ngearü maxü̃ã́xü̃ i naxchicüna̱xãgüwe narüxĩ.

Yeremía 4:22

Rü nüma ya Cori ya Tupana rü ñanagürü: —Ngẽma chorü duü̃xü̃gü rü tama naãẽxü̃ nicua̱x, rü tama choxü̃ nacua̱xgü. Rü ñoma nanegü i taxuwama imexü̃ rü tama nagu rüxĩnüexü̃rüxü̃ nixĩgü. Rü nüxü̃ nicua̱xüchi nax chixexü̃ naxügüxü̃, natürü tama nüxü̃ nacua̱xgü nax mexü̃ naxügüxü̃ —ñanagürü.

Yeremía 5:21

“¡Nüxü̃ pexĩnüe i ñaa ore, Pa Duü̃xü̃gü i Naechitamare Maxẽxü̃ rü Tama Peãẽxü̃ Cua̱xgüxü̃! Rü pema rü pixãxetügüchire̱x natürü tama nüxü̃ pedaugü. Rü pixãxmachi̱xẽgüchire̱x natürü tama nüxü̃ pexĩnüe.

Echequié 44:23

Rü ngẽma chacherdótegü rü nanaxwa̱xe nax chorü duü̃xü̃güxü̃ nangúexẽẽxü̃ nax nüxü̃ nacua̱xgüxü̃ca̱x nax ngexü̃ yixĩxü̃ i ngẽma üünexü̃ rü ñu̱xũchi ngexü̃ yixĩxü̃ i ngẽma chixexü̃. Rü ngẽxgumarüxü̃ ta nanaxwa̱xe nax nangúexẽẽãxü̃ nax ngexü̃ yixĩxü̃ i ngẽma chope̱xewa mexü̃ rü ngexü̃ yixĩxü̃ i ngẽma chope̱xewa ãũãchixü̃.

Ochéa 13:6

Rü pexna chanaxã ga õna rü meama pechibüe, natürü pema rü pegü picua̱xüü̃gü rü choxü̃ perüngümae.

Ochéa 2:13

Rü tá chanapoxcue i ngẽma duü̃xü̃gü naxca̱x ga yema ngunexü̃gü ga nagu norü tupananeta ga Baáchicüna̱xãgüca̱x pumarate̱xe yagugüxü̃. Rü yexguma rü ãneramaxã rü nachagümaxã nügü ninga̱xãẽgü nax nüxü̃ yacua̱xüü̃güxü̃ca̱x ga yema norü tupananeta ga Baáchicüna̱xãgü. Rü yemaca̱x choxü̃ inarüngümae. Rü chomax ya Cori ya Tupana nixĩ i nüxü̃ chixuxü̃ i ngẽma —ñanagürü.

Ochéa 4:1

Pa Iraéanecüã̱xgüx ¡iperüxĩnüe i ngẽma pemaxã nüxü̃ yaxuxü̃ ya Cori ya Tupana! Nüma rü pemaxã nanu, erü petanüwa rü marü tataxuma ya texé ya tümamücümaxã ixaixcümáxe, rü bai ya texé ya aixcüma naxǘxe i ngẽma Tupanamaxã nüxü̃ tixuxü̃, rü bai ya texé ya aixcüma Tupanaxü̃ cuáxe.

Ochéa 4:12

Rü ngẽma chorü duü̃xü̃gü rü ínatüe erü naxchicüna̱xãgü i nainaxca̱xmare ixĩgüxü̃na nacagü nachiga i ta̱xacü tá yixcüra ngupetüxü̃. Rü naxü̃nearü ngúchaü̃, rü nüxü̃ napora, rü ngẽmagagu ngexü̃gü i ngĩxü̃nemaxã taxegüxü̃maxã namaxẽ rü ngẽmaãcü choxna nixĩgachitanü.

Ochéa 4:14

Natürü i choma rü taxũtáma chanapoxcue i ngẽma pexacügü rü ngẽma peneã̱xgü naxca̱x nax togü i yatügümaxã namaxẽxü̃, erü pemax rü ta namaxã pemaxẽ i ngẽma togü i ngexü̃gü i ngẽxguma ngẽma tupananetagüxü̃ picua̱xüü̃gügu. Rü ngẽmaãcü ngẽma duü̃xü̃gü i cua̱x nüxü̃́ taxuxü̃ rü guxchaxü̃gu nayi.

Ochéa 5:4

Rü ngẽma chixexü̃ i nagu namaxẽxü̃ i Iraéanecüã̱xgü rü ngẽma nixĩ i nüxü̃́ nanaguxchaxẽẽxü̃ nax norü Tupanaca̱x nawoeguxü̃. Rü tama nüxü̃ narüxoechaü̃ nax norü tupananetagüxü̃ yacua̱xüü̃güxü̃ rü ngẽmaca̱x nüxü̃́ naguxcha nax Tupanaxü̃ nacua̱xüü̃güxü̃.

Ochéa 6:6

Rü ngẽma choma pexü̃́ chanaxwa̱xexü̃ nixĩ nax aixcüma choxü̃ pengechaü̃xü̃, rü ngexrüma nax ta̱xacürü naxü̃nagü cha̱u̱xca̱x pedaixü̃. Rü ngẽma chanaxwa̱xexü̃ nixĩ nax aixcüma choxü̃ pecuáxü̃ nax perü Tupana chixĩxü̃ rü ngexrüma i ta̱xacürü ãmare i cha̱u̱xca̱x nax ípeguxü̃.

Ochéa 7:11

Rü ngẽma Iraéanecüã̱xgü i Efraíü̃tanüxü̃ rü ñoma muxtucu i nu ne nañaxü̃ rü ngearü cuááxü̃rüxü̃ nixĩgü. Rü ngẽmaca̱x Equítuanecüã̱xgüna ngü̃xẽẽca̱x nacagü, rü ñu̱xũchi Achíriaanecüã̱xgüna ngü̃xẽẽca̱x nacagü.

Ochéa 7:9

Rü ngẽma to i nachixü̃anecüã̱xgü rü naechita nüxna nanayaxu i ngẽma Efraíü̃tanüxü̃arü pora. Rü düxwa napuxerumare i ngẽma Efraíü̃tanüxü̃, natürü tama nüxü̃ nacua̱xégagü nax marü yangearü poraáxü̃.

Ochéa 8:1

Rü ñanagürü ta: —¡Pa Dauxü̃taeruxü̃x, nagu icue i curü cornéta! Erü ñoma wüxi i ĩyü i nawemü tüxü̃ iyaxuxü̃rüxü̃ ñomama nixĩ i ngẽma uanügü i chorü duü̃xü̃güarü daiwa ĩxü̃. Rü ngẽma guxchaxü̃ tá naxca̱x ínangu i chorü duü̃xü̃gü erü tama nayanguxẽẽgü i ngẽma uneta ga namaxã chaxüxü̃ rü tama naga naxĩnüe i chorü mugü.

Ochéa 8:12

Rü choma rü nüxna chanaxã i muxü̃ma i chorü mugü, natürü i nümagü rü nüxü̃ naxoe.

Ochéa 8:14

Ngẽma Iraétanüxü̃ rü nanaxü ya ĩpatagü ya mexẽchine, natürü choxü̃ inarüngümae nax choma yixĩxü̃ i chanangóexẽẽxü̃. Rü ngẽma Yudáanecüã̱xgü rü nanaxü ga muxü̃nema ya ĩanegü ya meama ípoxegugüne. Natürü i choma rü tá íchanagu ya guxü̃nema ya yima ĩanegü —ñanagürü ya Tupana.

Ochéa 9:17

Rü ñanagürü ga Ochéa: —Ngẽma duü̃xü̃gü rü tama chorü Tupanaga naxĩnüechaü̃. Rü ngẽmaca̱x i nüma ya Tupana rü tá nüxü̃ naxo. Rü togü i nachixü̃anegügu tá nanawoone, rü ngéma rü tá nu ne nanaxĩmare —ñanagürü.

Ore i mexü̃ ga Matéu ümatüxü̃ 1:6

Rü Ichaxí rü ãẽ̱xgacü ga Dabínatü nixĩ. Rü ãẽ̱xgacü ga Dabí rü Charomóü̃natü nixĩ. Rü Bechabé ga Uría nama̱xchire̱x ixĩcü iyixĩ ga naé ga Charomóü̃.

Ore i mexü̃ ga Matéu ümatüxü̃ 15:14

Rü nüetama i ngẽma Parichéugü, erü nümagü rü namaarü cua̱xruü̃gü i ngexetüxü̃ nixĩgü. Rü ngẽxguma wüxi i ngexetüxü̃ rü naxrüxü̃ ngexetüxü̃maxã inacua̱xgu rü ngürüãchi ngẽma taxre rü wüxi i ãxmaxü̃gu tá nügümaxã nayayicu —ñanagürü.

Ore i mexü̃ ga Matéu ümatüxü̃ 15:8

“Ñaa duü̃xü̃gü rü naã̱xmaxãmare choxü̃ nicua̱xüü̃gü. Natürü naãẽwa rü tama aixcüma chaugu narüxĩnüe.

1 Chamué 2:12

Rü yema Erí nanegü rü poraãcüma chixexü̃gu namaxẽ rü tama Cori ya Tupanaxü̃ nacua̱xgüchaü̃.