Ochéa 4:2 - Tupanaarü Ore

² Rü tamuxũchi ya natüca̱xma Tupanaégagu ixunetaxe rü nataxüchi i dora, rü máeta, rü ngĩ̱x, rü namu i nai i ngexü̃maxã ipegüxü̃, rü nügü daixü̃, rü máetagüechaxü̃.

Ochéa 4:2 Iomraidhean Croise

Naanearü ügüchiga 4:8

Rü wüxi ga ngunexü̃gu rü Caíü̃ rü naenexẽ ga Abéna naxu nax naanegu naxĩaneãxü̃ca̱x. Rü yexguma marü naanewa nayexmagügu, rü Caíü̃ rü naenexẽ ga Abéna nayuxu rü nayama̱x.

Ichaía 24:5

Rü ngẽma duü̃xü̃gü i nawa maxẽxü̃ i ñoma i naane rü chixexü̃maxã nanapáxẽẽgü, erü tama nayanguxẽẽgü i Tupanaarü mugü, rü tama naga naxĩnüe i norü ucu̱xẽgü. Rü woo Tupanamaxã nüxü̃ nixugüe nax guxü̃gutáma yanguxẽẽgüãxü̃ ga yema uneta ga Tupanamaxã naxügüxü̃, natürü tama aixcüma nayanguxẽẽgü.

Ichaía 48:1

Rü Tupana rü ñanagürü: —¡Perüxĩnüe Pa Acóbuarü Duü̃xü̃güx, Pa Iraétanüxü̃x, Pa Yudátaagüx! Pema rü Cori ya Tupanaégagu pegü pixu nax norü duü̃xü̃gü pixĩgüxü̃. Rü perü yumüxẽwa naxca̱x ípeca̱x i norü ngü̃xẽxẽ, natürü tama aixcüma naga pexĩnüe.

Yeremía 51:5

Natürü ngẽma Iraéanecüã̱xgü rü Yudáanecüã̱xgü rü woo poraãcü chope̱xewa chixexü̃ naxügügu rü woo pecadumaxã napaxẽẽgüãgu i norü naane, natürü choma ya Cori ya Guxãétüwa Ngẽxmacü ya Iraétanüxü̃arü Tupana ya üünecü nax chixĩxü̃ rü tama nüxna chixũgachi.

Yeremía 6:7

Rü Yerucharéü̃wa nixĩ i nangóxü̃ i chixexü̃ ñoma wüxi ya puchuwa dexá ngóxü̃rüxü̃. Rü máetachiga rü chixexü̃chigaxicatama taxĩnü i Yerucharéü̃wa. Ngéma rü yapíxexü̃ rü ngúxü̃ ingexexü̃xicatama nixĩ i chadauxü̃.

Auxexü̃chiga 4:13

Rü yema guma ĩane ga Yerucharéü̃maxã ngupetüxü̃ rü norü orearü uruü̃günetagagu nixĩ, rü norü chacherdótegüarü chixexü̃gagu nixĩ. Yerü nümagü rü guma ĩanewa nanadai ga duü̃xü̃gü ga taxuxü̃ma ga chixexü̃ ügüchiréxü̃.

Echequié 7:23

Rü cumax, Pa Echequiéx ¡rü wüxi ya cadéna ínamexẽxẽ naxca̱x i chorü duü̃xü̃gü i Yerucharéü̃cüã̱xgü! Erü tá chanapoxcue naxca̱x nax poraãcü namáetagüxü̃. Rü yima norü ĩane ya Yerucharéü̃ rü poraãcü máetamaxã nanapá.

Ochéa 10:13

Natürü i pema rü nagu pemaxẽ i chixexü̃, rü ngẽma ne naxũ nax chixri pegümaxã ipecuáxü̃ rü doragu nax pemaxẽxü̃. Rü pema rü pegü namaxã íperüpora i ngẽma muxü̃ i perü churaragü rü yimá peweü̃gü ya daiwa namaxã pexĩxü̃ne.

Ochéa 10:4

Rü yexü̃cürü nidexaechamare rü natüca̱xmamare tamaxã inaxuneta rü nanaxunagü i mugü natürü taguma nayanguxẽẽgü. Rü ngẽmaca̱x i tatanüwa rü duü̃xü̃gü rü nügümaxã nanue rü ñoma wüxi i nanetü i nawa iyuxü̃rüxü̃ nangẽxma i chixexü̃ i tatanüwa”, ñanagürügü.

Ochéa 11:12

Rü ñanagürü ta: —Ngẽma Efraíü̃tanüxü̃x, rü guxü̃guma chope̱xewa nidorata̱xagü. Rü ngẽma Iraéanecüã̱xgü rü guxü̃guma choxü̃ nawomüxẽẽgü. Rü ngẽma Yudáanecüã̱xgü rü choxna nixĩgachi, rü ñu̱xma rü norü tupananetagüxü̃ nicua̱xüü̃gü —ñanagürü.

Ochéa 12:14

Natürü i ñu̱xma i ngẽma Iraétanüxü̃ rü Tupanaxü̃ nanuxẽẽgü. Rü ngẽmaca̱x i nüma rü tá nanapoxcue nagagu ga yema máetagü rü yema togü ga chixexü̃gü ga naxügüxü̃.

Ochéa 6:8

Rü ngẽma duü̃xü̃gü i ĩane ya Garaáxcüã̱xgü rü chixexü̃arü üruü̃gü nixĩgü rü máetatanüxü̃ nixĩgü.

Ochéa 6:9

Rü ngẽma chacherdótegü rü ngĩ́ta̱xagüxü̃ nixĩgü erü Chiquéü̃wa daxü̃ i namagu tüxü̃ nana̱i̱xgü rü tüxü̃ nima̱xgü ya yíxema duü̃xẽ ya ngéma üpetüxe.

Ochéa 7:1

Rü Tupana rü ñanagürü: —Chomax, rü yexguma chanamexẽẽgu ga chorü duü̃xü̃gü ga Iraéanecüã̱xgü rü mea nango̱x ga Efraíü̃tanüxü̃arü chixexü̃ rü Chamáriaarü duü̃xü̃güarü pecadugü. Erü guxü̃ma i nümagü rü nidorae rü duü̃xü̃güxü̃ nawomüxẽxẽ. Rü ñoma ngĩ́ta̱xagüxü̃rüxü̃ ĩpatagügu nachocu nax nangĩ̱xgüxü̃ca̱x. Rü ĩanearü namagüwa duü̃xẽgüna nanapuxü̃ i tümaarü ngẽmaxü̃gü.

Ochéa 7:3

Rü nüma i duü̃xü̃gü rü norü diẽrumaxã rü womüxẽẽmaxã nanataãẽxẽxẽ i norü ãẽ̱xgacü rü norü ngü̃xẽẽruü̃gü.

Ochéa 7:4

Rü guxü̃ma i nümagü rü ñoma wüxi i yatü i to i ngexü̃ca̱x naxma̱xna ixũgachixü̃rüxü̃ choxna nixĩgachi. Rü wüxi i paũarü üruxü̃ rü nayanaixẽxẽ i norü paũarü guruxü̃. Rü ngẽxguma nanañumü i norü paũchara rü ínayanguxẽxẽ nax yapuxgüxü̃ rü yoxni nanaiecha i norü paũarü guruxü̃. Rü ngẽxgumarüxü̃ ta nixĩ i ngẽma duü̃xü̃gü erü tama nixogü i norü ngúchaü̃ nax chixexü̃ naxügüxü̃.

Miquéa 3:2

Pema rü naxchi pexai i ngẽma mexü̃ rü perü me nixĩ i ngẽma chixexü̃. Rü pema rü ñoma woca imáxü̃rüxü̃ pixĩgü namaxã i chorü duü̃xü̃gü. Rü pema rü ñoma woca icauxcha̱xmüxü̃rüü̃ãcü namaxã ipecua̱x. Rü peyacua̱i̱xgü rü ñoma namachi i íxraxü̃gu chexexü̃ nax imuxraxü̃rüxü̃ namaxã pechopetü i ngẽma chorü duü̃xü̃gü.

Miquéa 3:9

¡Iperüxĩnüe i pema i Iraéanearü Ãẽ̱xgacügüx rü pema i Iraétanüxü̃maxã icua̱xgüxe! Pema rü naxchi pexaie i ngẽma mexü̃, rü ñu̱xũchi ípeyatoxẽxẽ i ngẽma mexü̃.

Miquéa 7:2

Rü ñoma i naanewa rü marü nataxuma i duü̃xü̃gü i mexü̃gu rüxĩnüexü̃ rü Tupanamaxã ixaixcümagüxü̃. Rü wüxichigü rü naxca̱x nadau nax ñuxãcü guxchaxü̃ togueca̱x naxüxü̃. Rü ngẽxguma guxchaxü̃ ngẽxmagu, rü guxü̃ma rü ínamemare nax nügü nada̱i̱xü̃.

Chofonía 3:1

Wüxi i ngechaü̃ nixĩ i cuxca̱x, Pa Yerucharéü̃x, erü curü duü̃xü̃gü rü tama Tupanaga naxĩnüe rü chixri togü i duü̃xü̃gümaxã inacua̱xgü. Rü ñu̱xma rü Tupanape̱xewa cuxãũãchi.

Chacaría 5:3

Rü yexguma ga nüma rü ñanagürü: —Ngẽma popera rü nachiga nixĩ i ngẽma poxcu i guxü̃ma i ñoma i naaneca̱x tá ínguxü̃. Rü wüxicüwagu naxümatü i norü poxcu i ngẽma ngĩ́xta̱xagüxü̃. Rü ngẽma tocüwagu naxümatü i norü poxcu i ngẽma Tupanaégagu idorata̱xagüxü̃.

Ore i mexü̃ ga Matéu ümatüxü̃ 23:35

Rü ngẽmaca̱x Tupana tá pexü̃ napoxcue naxca̱x i guxü̃ma ga norü duü̃xü̃gü ga imexü̃gü ga perü o̱xigü daixü̃. Rü Abéwa nixĩ ga inaxügüãxü̃ ga nax nadaiaxü̃. Rü Chacaría ga Berequía nane ga Tupanapatape̱xegu ga ãmarearü guruü̃xü̃tagu peyama̱xgücügu nixĩ ga iyacuáxü̃.

Ngechuchuarü ngúexü̃gü ga yamugüxü̃arü puracüchiga 7:52

Rü perü o̱xigü rü chixri namaxã inacua̱xgü ga guxü̃ma ga Tupanaarü orearü uruü̃gü. Rü nanadai ga yema orearü uruü̃gü ga nüxü̃ ixuchigagüxü̃ nax núma tá naxũxü̃ ga gumá mecü ya Ngechuchu. Rü yexguma ínanguxgu ga gumá Ngechuchu rü pema rü Pirátupe̱xewa ípenaxuaxü̃ rü peyama̱x.

Wenaxarü naxümatü ga Tupanaarü mugü 5:11

Rü taxũtáma chauéga cunaxuxuchi ega ta̱xacürü chixexü̃ cuxü̱xgux. Erü choma ya curü Cori ya Tupana rü taxũtáma tüxü̃ chaxüpetümare nax tüxü̃ chapoxcuxü̃ ya yíxema chauégamaxã tügü ípoxü̃netaxe ega ta̱xacürü chixexü̃ taxü̱xgu.

Wenaxarü naxümatü ga Tupanaarü mugü 5:18

¡Rü cuma nax cuxãmaxü̃ rü taxũtáma nai i ngemaxã cumaxü̃! ¡Rü cuma nax cuãtexü̃ rü taxũtáma nai ya yatümaxã cumaxü̃!

Wenaxarü naxümatü ga Tupanaarü mugü 5:19

¡Rü taxũtáma cungĩ́ta̱a̱x!

1 Tesalonicenses 2:15

Rü yema Yudíugü nixĩ ga tórü Cori ga Ngechuchuxü̃ ima̱xgüxü̃, yexgumarüxü̃ ga norü o̱xigü rü yema nüxíraxü̃güxü̃ ga Tupanaarü orearü uruü̃güxü̃ nax nada̱i̱xü̃rüxü̃. Rü yema Yudíugü nixĩ ga towe ingẽxü̃tanüxü̃. Rü nümagü rü tama Tupanaxü̃ nataãẽxẽẽgü rü guxü̃ i duü̃xü̃gümaxã narüxuanügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:6

Rü ngĩxü̃ chadau ga yema nge ga nax nangãxü̃xü̃ namaxã ga gumá nagü ga yema duü̃xü̃gü ga Tupanaarü ixĩgüxü̃ rü yema duü̃xü̃gü ga Ngechuchuarü orexü̃ nax yaxugüxü̃ca̱x daixü̃. Rü yexguma yemaxü̃ chada̱u̱xgu, rü chabaixãchi.