Ochéa 3:4 - Tupanaarü Ore

⁴ Rü yemaacü ga Tupana rü yema Iraéanecüã̱xgüxü̃ nüxü̃ nacua̱xẽxẽ i ta̱xacü tá namaxã ngupetüxü̃. Rü mucü ya taunecü rü to i nachixü̃anegügu tá nawoone rü to i nachixü̃anearü ãẽ̱xgacü rü tá namaxã inacua̱x. Rü ngẽmaca̱x i ngẽma Iraéanecüã̱xgü rü tá nüxü̃́ nataxuma i noxrütama ãẽ̱xgacü, rü bai i ãẽ̱xgacü nane, rü bai i norü chacherdótegü, rü bai i norü chacherdótegüchiru, rü bai i norü ãmarearü guruügü, rü bai i norü tupanachicüna̱xãgü.

Ochéa 3:4 Iomraidhean Croise

Naanearü ügüchiga 31:19

Rü yexguma tóxnamana norü carnérugüarü yoü̃ta̱xawa naxũyane ga Labáü̃, rü ngĩma ga Raqué rü yoxni naxca̱x ingĩ̱x ga ngĩnatüarü tupanachicüna̱xãgü ga nutagünaxca̱x.

Naanearü ügüchiga 31:34

Natürü ngĩma ga Raqué rü inade ga yema ngĩnatüarü tupanachicüna̱xãgü rü caméyutawaarü tochicaxü̃tüü̃gu iyacu̱xgü. Rü naétüwa irüto. Rü Labáü̃ rü ngĩpatachiãgu naxca̱x nadau, natürü taxuxü̃ma inayangau.

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

2 Chamué 6:14

Dabí rü wüxi ga naxchiru ga línunaxca̱xmaxã naxãxchiru. Rü nüma rü guxü̃ma ga Iraétanüxü̃maxã norü taãẽmaxã íniyüxü nape̱xewa ga yema yangegüxü̃ ga yema baú ga Cori ya Tupanaarü mugü nawa yexmaxü̃. Rü norü taãẽmaxã nicaetanü rü cornétagu nicuegü.

Norü taxre ga popera ga ãẽ̱xgacügüchiga 23:24

Rü nüma ga Yochía rü inayanaxoxẽxẽ ga yuü rü ta̱xacü ga ẽxü̃guxü̃xü̃ cuáxü̃. Rü yexgumarüxü̃ ta inayanaxoxẽxẽ ga yema tupananetachicüna̱xãgü ga wüxichigü ga ĩpatawa yexmaxü̃, rü guxü̃raxü̃xü̃ ga yema tupananetagüarü yemaxü̃gü ga duü̃xü̃gü namaxã nüxü̃ icua̱xüü̃güxü̃ ga Yudáanewa rü Yerucharéü̃wa. Rü yemaacü nanaxü ga Yochía yerü aixcüma naga naxĩnü ga guxü̃ma ga yema mugüpane ga chacherdóte ga Irichía Tupanapata ga taxü̃negu nüxü̃ iyangauxü̃.

Norü taxre ga to ga popera ga ãẽ̱xgacügüchiga ümatüxü̃ 15:2

Rü yemaca̱x ãẽ̱xgacü ga Acháxü̃tawa naxũ rü ñanagürü nüxü̃: —¡Pa Acháx, choxü̃ irüxĩnü i cuma rü guxü̃ma i ngẽma Yudáanecüã̱xgü rü Bẽyamíü̃anecüã̱xgü! Rü nüma ya Cori ya Tupana rü pexü̃tawa nangẽxma ega pema rü naga pexĩnüegu. Rü ngẽxguma naxca̱x pedaugügu rü nüxü̃ tá ipeyangau, natürü ngẽxguma tá nüxna pixĩgachitanügu, rü nüma rü tá ta pexna nixũgachi.

Ínachoxü̃xü̃chiga 28:4

Rü ngẽma naxchirugü i Aróü̃axü̃́ tá naxügüxü̃ rü ñaagü tá nixĩ: Norü türemüxü̃, rü norü efóx, rü naxchiru i mámüxü̃ i ãmatüxü̃, rü naxchiru i rüma̱xmaexü̃, rü napate̱xe i ipuxü̃ i línuarü tüwa üxü̃, rü norü goyexü̃. Rü ngẽmaãcü tá nanaxügü i naxchirugü i taxuechirumaxã wüxiguxü̃ naxca̱x ya cuenexẽ ya Aróü̃ rü nanegü nax ngẽmaãcü chorü chacherdótegü yaxĩgüxü̃ca̱x.

Ínachoxü̃xü̃chiga 28:6

Rü ngẽma efóx rü úiruwa rü carnéruta̱xa ya waxranütanewa, rü yauxnütanewa, rü daunütanewa, rü línuarü tü i mexẽchixü̃wa tá nanaxügü. Rü úirumaxã tá nananga̱xãẽpechinügü. Rü tá nüxü̃́ nangẽxma i taxre i natü̱xügü nax naatüwa nachopetüxü̃ca̱x.

Auxexü̃chiga 2:9

Rü yemaacü ga guma ĩane rü nüxü̃́ nataxuma ga norü ĩã̱xgü rü nüxü̃́ nataxuma ga norü chotaruü̃gü yerü naxtapü̱xmaxã wüxigu niwa̱xgü ga ĩã̱xgü rü nipue ga norü chotaruü̃gü. Rü Yerucharéü̃arü ãẽ̱xgacü rü norü ngü̃xẽẽruü̃gü rü duü̃xü̃gü i tama yaxõgüxü̃me̱xẽwa nangẽxmagü. Rü ngẽma Cori ya Tupanaarü mugü rü marü nataxuma i natanüwa. Rü ngẽma Tupanaarü orearü uruü̃gü rü nüma ya Tupana rü marü tama nanango̱xetüxẽẽgü.

Echequié 19:14

Rü ngẽma nachacüügüwa rü ninai ya wüxi ya üxü, rü ngẽma ngexwaca rüxügüxü̃ i nachacüügü rü nixae wüxigu norü omaxã. Rü marü nataxuma ga nachacüügü ga iporaxü̃ nax ãẽ̱xgacügüarü naixmena̱xãwa nangugüxü̃. Rü ngẽma nixĩ i wüxi i ngechaü̃arü wiyae, rü name nixĩ i nagu pewiyaegü i ngẽxguma ngechaü̃ ínguxgu.

Echequié 20:32

Rü pema rü naxca̱x pedauxü̃taechaü̃ i nacüma i ngẽma togü i nachixü̃anegü i ñoma i naanewa ngẽxmagüxü̃. Nümagü rü namaxã natupanaã̱xgü rü nüxü̃ nicua̱xüü̃gü i naxchicüna̱xãgü i nainaxca̱x rü nutanaxca̱x, natürü i pema rü taxũtáma ngẽmaãcü penaxü.

Echequié 21:21

Rü nüma i Babiróniaanearü ãẽ̱xgacü rü marü ngẽma nama i íyataxrepü̱xü̃wa nangu rü ngéma nayachaxãchi. Rü nagu narüxĩnü nax ngexü̃rüüxü̃ i namawa tá naxũxü̃. Rü nüma rü tá nanawonagütanü ya naxnegü, rü tá norü tupananetachicüna̱xãgüarü ucu̱xẽca̱x ínaca, rü tá nanangugü i nacagü i naeü̃gü nax ngẽmaãcü nüxü̃ nacuáxü̃ca̱x nax ngexnerüxüne ya ĩaneca̱x tá íyaxü̃ãchixü̃.

Echequié 21:31

Rü ngẽma chorü nu rü tá cugu chananguxẽxẽ ñoma wüxi i üxüema i ãũcümaxü̃rüxü̃. Rü ngẽma duü̃xü̃gü i taxúema ngechaü̃güxü̃ rü máxwa̱xegüxü̃me̱xẽgu tá cuxü̃ changuxẽxẽ.

Danié 11:31

Rü ngẽma norü churaragü rü tá chixexü̃ nawa naxügü ya yima Tupanapata ya taxü̃ne rü yima ĩane ya ípoxegune ya Yerucharéü̃. Rü tá inayanaxoxẽxẽ nax wüxichigü i ngunexü̃ Tupanaca̱x ãmare yagugüxü̃. Rü ngẽmatama ãmarearü guruü̃wa tá nayagugü i ngẽma Tupanaca̱x ãũãchixü̃.

Danié 12:11

Rü ngẽma ngunexü̃ i ngẽxguma tá íyanaxoxẽẽgüãgu nax Tupanaca̱x wüxichigü i ngunexü̃ ãmare yagugüxü̃ rü ñu̱xmata nawa nangu i ngẽma ngunexü̃ i Tupanapata ya taxü̃newa chixexü̃ i ãmare yagugüxü̃ rü 1,290 i ngunexü̃gü tá ningu.

Danié 9:27

Rü wüxi i yüxügu i ngẽma ãẽ̱xgacü rü muxü̃ma i duü̃xü̃gümaxã tá wüxi i uneta naxü. Natürü yima yüxüarü ngãxü̃gu rü nüma i ngẽma ãẽ̱xgacü rü tá nayanuxũ nax Tupanaca̱x ãmare tigugüxü̃ rü itanaxãgüxü̃ i ãmaregü. Rü ngẽma ãmarearü guruü̃pe̱xewa tá taxü̃ i chixexü̃ naxü rü ñu̱xmatáta Tupana nayama̱x i ngẽma ãẽ̱xgacü i chixexü̃ üxü̃ —ñanagürü.

Ochéa 13:10

¿Rü ngexü̃ yixĩxü̃ i pechixü̃anearü ãẽ̱xgacü nax pexü̃ ínapoxü̃xü̃ca̱x i perü ĩanegüwa? Rü pema rü ngẽma pemaxã icua̱xgüxü̃na naxca̱x peca nax pexü̃́ nangẽxmaxü̃ca̱x i perü ãẽ̱xgacügü ¿natürü ngexü̃ yixĩxü̃ i ngẽma pemaxã icua̱xgüxü̃ i ñu̱xmax?

Ochéa 13:11

Rü pemaxã chanuãcü pexna chanamu i perü ãẽ̱xgacügü, rü pemaxã chanuãcü wena pexna chanapuxü̃.

Ochéa 2:11

Rü ngẽxguma nawa nanguxgu i norü petagü i ngü̃chigaarü ngunexü̃gu naxügüxü̃ rü ngẽma petagü i tauemacü ya ngexwacaxü̃cügu naxügüxü̃ rü guxü̃ma i ngẽma togü i norü petagü, rü marü taxũtáma nataãẽgü, erü choma rü tá ngẽxma nüxü̃ chayacua̱xẽxẽ i norü taãxẽ.

Lebítanüxü̃arü puracüchiga 8:7

Rü yemawena rü yema mámüxü̃ ga naxchirugu Aróü̃xü̃ nicu̱xcuchi, rü mea nayachota ga norü goyexü̃. Rü nayacu̱xcuchi ga yema düxétüwa üxü̃ ga naxchiru. Rü yemaétüwa nayacu̱xcuchi ga yema efóx. Rü yema rü meama nayagota norü goyexü̃maxãtama.

Chacaría 10:2

Rü ngẽma tupananetachicünã̱xgüarü ore rü doramare nixĩ. Rü ngẽma nüxü̃ nadaugüxü̃ i ngẽma ẽxü̃guxü̃arü uruü̃gü rü tagutáma ningu. Rü nanegümaxã duü̃xü̃güxü̃ nawomüxẽẽgü rü ngẽma norü ore i pexü̃ namaxã nataãẽxẽẽxü̃ rü natüca̱xmamare nixĩ. Rü ngẽmaca̱x nixĩ i duü̃xü̃gü rü tama aixcüma cua̱xwa nangugüxü̃ rü nu ne naxĩmarexü̃ ñoma carnérugü i ngearü dauruü̃ã́xü̃rüxü̃.

Chacaría 13:2

Rü guxü̃wama i ñaa nachixü̃anewa rü tá ichayanaxoxẽxẽ i woo i naégagü i ngẽma tupananetachicüna̱xãgü nax ngẽmaãcü tama nüxü̃ yacua̱xüü̃güxü̃ca̱x i duü̃xü̃gü. Rü ñaa nachixü̃anewa rü ngẽxgumarüxü̃ tá ta ichayanaxoxẽxẽ i ngẽma tupananetagüarü orearü uruü̃gü rü guxü̃ma i chixexü̃ i naãẽgü. Rü choma ya Cori ya Tupana nixĩ i ngẽma ñachaxü̃.

Ore i mexü̃ ga Luca ümatüxü̃ 21:24

Rü norü uanügü rü taramaxã tá nanadai i ñuxre. Rü togü, rü tá ínanayauxü̃ nax to i nachixü̃anewa nagagüãxü̃ca̱x. Rü ñu̱xũchi i ngẽma norü uanügü rü tá nagu napogüe ya yima ĩane ya Yerucharéü̃. Rü ngẽmaãcü tá nangupetü ñu̱xmatáta nawa nangu i ngẽma ngunexü̃ i nagu Tupana ínawoxü̃xü̃ i ngẽma uanügü.

Ore i mexü̃ ga Cuáü̃ ümatüxü̃ 19:15

Natürü ga nümagü rü aita naxüe, rü ñanagürügü: —Tanaxwa̱xe nax nayuxü̃. Rü ¡curuchawa yapota! —ñanagürügü. Rü Pirátu nüxna naca rü ñanagürü nüxü̃: —¿Ñuxãcü i choma rü ichanamu nax curuchawa yapotagüãxü̃ca̱x ya perü ãẽ̱xgacü? —ñanagürü. Natürü ga chacherdótegüarü ãẽ̱xgacügü rü Pirátuxü̃ nangãxü̃gü, rü ñanagürügü: —Yimá ãẽ̱xgacü ya Chécharu ya Rómawa ngẽxmacü rü yimá nixĩ ya torü ãẽ̱xgacü, rü nataxuma i to —ñanagürügü.

Popera ga Yudíugü ga yaxõgüxü̃ca̱x ümatüxü̃ 10:26

Erü ngẽxguma chi Cristuaxü̃́ tayaxõchire̱xgu rü ñu̱xũchi tórü ngúchaü̃maxã pecadu taxüechagu, rü marü nataxuma i ãmare íyaxüxü̃ i tórü pecaduarü ütanüruxü̃.

Ãẽ̱xgacügü ga guxchaxü̃güarü mexẽxẽruü̃gü 17:5

Yerü nüma ga Micaía rü napatawa nüxü̃́ nayexma ga wüxi ga nachica ga naxchicüna̱xãgüxü̃mare nawa yacua̱xüüxü̃. Rü yema nachicawa rü nüxü̃́ nayexma ga toamachigü ga naxchicüna̱xãgü rü wüxi ga naxchiru ga chacherdótearü efóx ixĩxü̃. Rü ñu̱xũchi wüxi ga nanexü̃ naxuneta nax norü chacherdóte yixĩxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 18:14

Rü nümagü ga yema 5 ga yatügü ga Láiarü naanewa ngugütaewa ne ĩxü̃ rü namücügüxü̃ ñanagürügü: —¿Nüxü̃ pecuáxü̃ nax ta̱xacü ngẽxmaxü̃ ya daa ĩwa? Daa ĩpatawa rü nangẽxma i wüxi i efóx rü ñuxre i tupanachicüna̱xãgü rü ñu̱xũchi wüxi i naxchicüna̱xã i naiwa üxü̃ i diẽrumümaxã tüxünexü̃. ¿Rü ta̱xacü tá pexüxü̃ i ñu̱xma? —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 8:27

Rü nüma ga Yedeóü̃ rü guxü̃ma ga yema úiruwa nanaxü i wüxi i chalecu, rü norü ĩane ya Ofágu nayaxǘ. Rü guxü̃ma ga Iraétanüxü̃ rü yema chalecugagu Tupanana nixĩgachi, yerü yema chalecuxü̃ nicua̱xüü̃gü. Rü yemaacü wüxi ga norü toxyepe̱xe nixĩ naxca̱x ga Yedeóü̃, rü napatacüã̱x.

1 Chamué 14:3

Rü yema chacherdóte ga Tupanaarü Efóxarü ngeruxü̃ nixĩ ga Aíax ga Aitúx nane. Rü nüma ga Aitúx rü Icabú naenexẽ nixĩ. Rü Icabú rü Fineéx nane nixĩ. Rü Fineéarü papa ga Erí nixĩ ga Tupanaarü chacherdóte ga ĩane ga Chilówa. Natürü ga duü̃xü̃gü rü tama nüxü̃ nacua̱xgü nax Yonatáü̃ rü marü inaxũãchixü̃.

1 Chamué 15:23

Rü yíxema tama Tupanaga ĩnüxe rü ñomatama tayuüxü̃rüxü̃ poraãcü chixexü̃ taxü i Tupanape̱xewa. Rü yíxema chixri Tupanaga ĩnüxe rü ñomatama tupananetaxü̃ ticua̱xüü̃rüxü̃ chixexü̃ taxü. Rü dücax, rü ñu̱xma nax nüxü̃ cuxoxü̃ i norü mugü, rü nüma ya Tupana rü cuxü̃ naxo nax Iraéanecüã̱xgüarü ãẽ̱xgacü quixĩxü̃ —ñanagürü ga Chamué.

1 Chamué 2:18

Rü nüma ga gumá bucü ga Chamué rü niyachigü rü Cori ya Tupanaaxü̃́ napuracü. Rü naxchiru rü chacherdótegüchirurüxü̃ nixĩ nax línuchinaxca̱x yixĩxü̃.

1 Chamué 21:9

Rü nüma ga gumá chacherdóte rü nanangãxü̃ rü ñanagürü: —Choxü̃́ nangẽxma i ngẽma norü tara ga yema Firitéu ga Goriáx ga Eráarü doxonexü̃gu quimáxü̃. Rü ngẽma Tupanaarü efóx íxüxü̃ca̱xwe̱xgu naxǘ. Rü wüxi i naxchirumaxã nanuque. ¡Rü ẽcü nayaxu rü yange ega cunaxwa̱xegu! Erü to i naxne rü choxü̃́ nataxuma —ñanagürü. Rü yexguma nüma ga Dabí rü nanangãxü̃ rü ñanagürü: —¡Ẽcü nua naxã! Erü nataxuma i tara i ngẽmaxü̃ rümemaexü̃ —ñanagürü.

1 Chamué 22:18

Rü yemaca̱x nüma ga ãẽ̱xgacü rü Doéx ga Edóü̃tanüxü̃xü̃ namu rü ñanagürü: —¡Cumax nadai! —ñanagürü nüxü̃. Rü yexguma ga Doéx rü yema chacherdótegüca̱x niña. Rü yema ngunexü̃gu rü nanadai ga 85 ga chacherdótegü ga naxchiru ga línunaxca̱xgu icu̱xgüxü̃.

1 Chamué 23:6

Rü yexgumayane ga Abiatá ga Aimérex nane rü Queiráwa naxũ nax Dabíxü̃ naxümücüxü̃ca̱x. Rü yéma nanange ga Tupanaarü efóx.

1 Chamué 23:9

Natürü yexguma Dabí nüxü̃ cuáchigagu nax Chaú nagu rüxĩnüxü̃ nax yamáxchaü̃ãxü̃, rü chacherdóte ga Abiatáxü̃ namu nax naxü̃tawa nangeaxü̃ ga Tupanaarü efóx nax Cori ya Tupanana naca̱xü̃ca̱x.

1 Chamué 30:7

Rü yemaca̱x chacherdóte ga Abiatá ga Aimérex nanexü̃ ñanagürü: —¡Nua nange i Tupanaarü efóx! —ñanagürü. Rü yexguma nüma ga Abiatá rü Dabíxü̃tawa nanange ga yema efóx.