Ochéa 3:1 - Tupanaarü Ore

¹ Rü yexguma ga Cori ya Tupana rü wenaxarü chomaxã nidexa rü ñanagürü choxü̃: —¡Ngéma naxũ rü wenaxarü ngĩxca̱x yadau i wüxi i nge i cumücümaxã pexü̃, rü cugüxü̃tawa ngĩxü̃ naga rü ngĩxü̃ nangechaxü̃! Rü ngẽxgumarüxü̃ i choma ya Cori ya Tupana rü ngẽma Iraéanecüã̱xgüxü̃ changechaü̃ama woo i nümagü rü choxna nixĩgachi rü naxca̱x narümemae nax ngẽma tupananetachicüna̱xãgüwe naxĩxü̃ rü nangõ̱xgüãxü̃ i ngẽma maixcuraxü̃gü i namaxã nüxü̃ yacua̱xüü̃güxü̃ —ñanagürü ga Tupana.

Ochéa 3:1 Iomraidhean Croise

Norü taxre ga popera ga ãẽ̱xgacügüchiga 13:23

Natürü nüma ga Cori ya Tupana rü nüxü̃́ nangechaü̃tümüü̃gü ga yema Iraéanecüã̱xgü yerü Abraáü̃maxã rü Ichaámaxã rü Acóbumaxã marü inaxuneta. Rü yemaca̱x poraãcü yema Iraétanüxü̃gu narüxĩnü rü tama nanaxwa̱xe nax nadaiaxü̃ rü nügüpe̱xewa ínawoxü̃ãxü̃. Rü ñu̱xma rü ta rü tama nüxü̃ naxo rü tama ínanawogü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:3

Rü ñu̱xũchi nüma ga Dabí rü guxü̃ma ga yema Iraétanüxü̃ ga iyatüxü̃ rü ngexü̃ rü wüxichigüxü̃ nayanu ga wüxi ga paũ, rü wüxi ga paũ ga maixcuraxü̃ ga dátilwa üxü̃, rü to ga paũ ga maixcuraxü̃ ga úbaarü pagüxü̃wa üxü̃.

Neemía 9:31

Natürü yema nax cuxü̃́ nangechaü̃tümüxü̃güxü̃ca̱x rü tama noxtacüma cunadaixüchi rü tama nüxna quixũ. Erü cuma rü Tupana ya mecümaxü̃chicü rü ngechaü̃wa̱xecü quixĩ.

Wiyaegü 123:2

Rü wüxi i puracütanüxü̃ norü corime̱xẽgu idawenüxü̃ nax nüxü̃ nacuáxü̃ca̱x i ta̱xacü nanaxwa̱xexü̃ rü ngẽxgumarüxü̃ tixĩgü nax tórü Cori ya Tupanaca̱x tadaunagügü nax namaxã idexagüxü̃ca̱x rü tamaxã nüxü̃ yaxuxü̃ca̱x nax nüxü̃́ ingechaü̃tümüxü̃güxü̃. Rü ngẽxgumarüxü̃ i wüxi i pacü i ngĩrü chiũraxü̃ íidawenüchigüxü̃cü nax nüxü̃ nacuáxü̃ca̱x i ta̱xacü nanaxwa̱xexü̃, rü ngẽxgumarüxü̃ ta tixĩgü i yixema nax Tupanaxü̃tawa ínangu̱xẽẽxü̃ nax nüxü̃́ ingechaü̃tümüxü̃güxü̃.

Ínachoxü̃xü̃chiga 32:6

Rü moxü̃ãcü ga pa̱xmama rü ínarüdagü rü nanadai rü ínanagu ga carnérugü nax yemaacü nügü yamexẽẽgüxü̃ca̱x. Rü yemawena ga duü̃xü̃gü rü ínarütogü nax nachibüexü̃ca̱x rü naxaxegüxü̃ca̱x, rü ñu̱xũchi inachigü nax nataãẽgüxü̃ca̱x.

Charumóü̃arü wiyae 2:5

Rü paũ i maixcuraxü̃ i úbaã́xü̃maxã choxü̃ nataãẽxẽxẽ. Rü manzanamaxã choxü̃ naxüwemü erü ngẽma nax nüxü̃ changechaü̃xü̃ca̱x rü chayuégachaü̃.

Ichaía 45:22

Rü pema i yáxü̃wa maxẽxe, rü cha̱u̱xca̱x pexĩ rü choma rü tá pexü̃ íchanguxü̃xẽxẽ, erü chaxicatama nixĩ ya Tupana chixĩxü̃ rü nataxuma i to.

Yeremía 3:20

Natürü i pema rü ñoma wüxi i ngexü̃ i natena ngeãẽxü̃rüxü̃ pixĩgü nax choxna pexĩgachixü̃ nax tupananetagüxü̃ picua̱xüü̃güxü̃ca̱x. Rü chomatama ya Cori ya Tupana nixĩ i nüxü̃ chixuxü̃ i ngẽma

Yeremía 31:20

Rü Cori ya Tupana rü ñanagürü: —Ngẽma Efraíü̃tanüxü̃gü̃ rü chaunegü i nüxü̃ changechaü̃güxü̃ nixĩgü. Rü ngẽma nixĩ i chaunegü i yexera nüxü̃ changechaü̃güxü̃. Rü woo yexguma chanapoxcuegu, rü taguma nüxü̃ charüchau nax nüxna chacua̱xãchixü̃. Rü chorü maxü̃newa rü naxca̱x changechaü̃ rü poraãcü choxü̃́ nangechaü̃tümüxü̃gü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ochéa 11:8

Natürü taxucürüwa pexna chixũgachi, Pa Efraíü̃tanüxü̃x. Rü taxucürüwa pexü̃ íchawogü, Pa Iraéanecüã̱xgüx. Rü taxucürüwa pexü̃ chadai yexgumarüxü̃ ga yema Axmácüã̱xgüxü̃ chadaixgurüxü̃. Rü taxucürüwama pexü̃ charüxoxẽxẽ guma ĩane ga Cheboíü̃xü̃ charüxoxẽẽxü̃rüxü̃. Erü daa chorü maxü̃newa rü pexü̃ changechaü̃ rü íchamemare nax choxü̃́ pengechaü̃tümüxü̃güxü̃.

Ochéa 2:5

Rü pechixü̃ane rü ñoma wüxi i nge i ngeãẽcürüxü̃ taxuwama name. Rü ngĩma rü ngĩgürügü: “Paxa tá naxca̱x chadau i ngẽma chomaxã maxẽxü̃, erü ngẽmagü nixĩ i choxna naxãgüxü̃ i paũ rü dexá rü chauxchiru i carnéruta̱xanaxca̱x rü línuchinaxca̱x rü chíxü̃ rü axexü̃”, ngĩgürügü.

Ochéa 4:11

Rü ngẽma nax ngexü̃ i ngĩxü̃nemaxã taxegüxü̃maxã namaxẽxü̃gagu rü ñu̱xũchi nax bínumaxã nangãxẽxü̃gagu rü chorü duü̃xü̃gü nüxü̃ inarüngümae i ngẽma mexü̃ i ĩnü.

Ochéa 7:5

Rü ngẽxguma nawa nanguxgu nax peta naxüxü̃ i nachixü̃anearü ãẽ̱xgacü, rü ngẽma norü ngü̃xẽẽruü̃gü rü bínumaxã nanangãxẽẽgü. Rü nüma ya ãẽ̱xgacü rü norü ngãxü̃maxã nüxü̃ narümoxẽ i duü̃xü̃gü i nüxü̃ cugüexü̃.

Amúx 2:8

Rü ngexü̃rüüxü̃ i ãmarearü guruü̃cüwawa nagu pecagü i tümachirugü ya yixema pexü̃́ tangetanüxü̃ca̱x tüxna peyaxuxü̃. Rü penangõ̱x i ngẽma õnagü i tupananetachicüna̱xãgüxü̃ namaxã picua̱xüü̃güxü̃. Rü naxca̱x petaxe ya bínu ngĩmaxã i ngẽma diẽru i womüxẽẽãcüma duü̃xü̃güxü̃tawa ngĩxü̃ peyaucü nax perü tupananetagüpatawa peyaxaxgüxü̃ca̱x ya yima bínu.

Amúx 6:6

Rü taxü̃ i pexpáxü̃wa peyaxaxgü ya bínu. Rü pumara i yixichixü̃maxã pegü peyixemagü. Natürü tama nagu perüxĩnüe i ngẽma pechixü̃ane nax chixexü̃gu nanguxü̃.

Miquéa 7:7

Natürü i chomax rü Cori ya Tupanaaxü̃́ tá chayaxõõma. Rü tá nüxü̃́ chayaxõ ya yimá Tupana ya chorü poxü̃ruxü̃ ixĩcü. Rü nüma rü tá choxü̃ naxĩnü.

Chacaría 1:16

Natürü ngẽma choxü̃́ nangechaü̃tümüxü̃gagu ya Yerucharéü̃, rü naxca̱x chataegu. Rü tá nüxü̃́ chanangúchaü̃xẽxẽ i norü duü̃xü̃gü nax wena namexẽẽgüãxü̃ca̱x ya chopata ya taxü̃ne, rü guxü̃nema ya yima ĩane —ñanagürü ga Tupana.

Ore i mexü̃ ga Matéu ümatüxü̃ 26:50

Rü Ngechuchu nanangãxü̃ rü ñanagürü: —Pa Chomücüx, ¿ta̱xacüwa nua cuxũ? —ñanagürü. Rü yexgumatama ga yema duü̃xü̃gü ga Yúdawe rüxĩxü̃ rü Ngechuchuca̱x naxĩ rü nayayauxgü.

1 Corintios 10:21

Rü pema nax peyaxaxgüxü̃ ya yimá bínu ya tórü Corixü̃ namaxã picua̱xüü̃gücü rü taxucürüwama namaxã pexãmücü i ngẽma duü̃xü̃gü i ngo̱xgüwe rüxĩxü̃. Rü pema nax tórü Coriarü mechawa penangṍxü̃ i ngẽma õna i nüxü̃ namaxã picua̱xüü̃güxü̃ rü taxucürüwama ngẽma duü̃xü̃gü i ngo̱xgüwe rüxĩxü̃arü mechawa rü ta peyachibüe.

1 Corintios 10:7

Rü ngẽmaca̱x tama name i nüxü̃ picua̱xüü̃gü i ta̱xacürü tupananetachicüna̱xãgü, yexgumarüxü̃ ga ñuxre ga nümagü naxügüxü̃rüxü̃. Erü Tupanaarü ore i ümatüxü̃wa rü tórü o̱xigüchigaxü̃ nixu rü ñanagürü: “Duü̃xü̃gü ínarütogü nax nachibüexü̃ca̱x rü nax naxaxegüxü̃ca̱x, rü ngẽmawena rü inachigü nax norü ngúchaü̃ naxügüxü̃ca̱x”, ñanagürü i ngẽma ore.

Nüxíraxü̃xü̃ ga popera ga Pedru ümatüxü̃ 4:3

Ü̃pa ga pemax, rü mucüma ga taunecü nagu pemaxẽ i ngẽma chixexü̃ i ñu̱xma ngẽma duü̃xü̃gü i tama Tupanaxü̃ cua̱xgüxü̃ nagu maxẽxü̃. Rü yexguma ga pema rü pecadugu pemaxẽ, rü penaxü ga pexenearü ngúchaü̃, rü õnagü ga taxü̃ pexügü, rü petagü ga nawa pexãũgatanüxü̃ pexügü, rü pengãxẽ, rü tupananetachicüna̱xãgüxü̃ picua̱xüü̃gü.

Ãẽ̱xgacügü ga guxchaxü̃güarü mexẽxẽruü̃gü 10:16

Rü nüma ga Iraétanüxü̃ rü nüxna nixĩgachi ga yema togü ga nachixü̃anegüarü tupananetagü rü wenaxarü Cori ga Tupanaxü̃ nicua̱xüü̃gü. Rü nüma ga Cori ya Tupana rü marü tama yáxna namaxã naxĩnü nax poraãcü ngúxü̃ yangegüxü̃ ga Iraétanüxü̃, rü wenaxarü nüxü̃ narüngü̃xẽxẽ.

Ãẽ̱xgacügü ga guxchaxü̃güarü mexẽxẽruü̃gü 9:27

Rü yémacüã̱x ga duü̃xü̃gü rü naanewa naxĩ nax norü úba yanabuxgüxü̃ca̱x. Rü norü bínu nanaxügü, rü yexguma marü nüxü̃́ namexgu ga norü bínu rü napetaegü. Rü norü tupananetapatawa nügümaxã nachibüe rü naxaxegü. Rü yéma chixexü̃ Abimeréxmaxã naxuegugü.