Ochéa 2:9 - Tupanaarü Ore

⁹ Rü ngẽmaca̱x i choma rü ngẽxguma norü buxwa nanguxgu rü tá chanade i ngẽma chorü trigu rü chorü bínu. Rü tá chanade i ngẽma naxchiru i carnéruta̱xanaxca̱x rü línuchinaxca̱x i nüxna chaxãchiréxü̃ nax tama nangexchiruxü̃ca̱x.

Ochéa 2:9 Iomraidhean Croise

Echequié 16:27

Rü yemaca̱x düxwa cuxü̃ chapoxcu, rü íchayaxíxraxãchixẽxẽ ga curü naane, rü naxme̱xwa cuxü̃ chayexmaxẽxẽ ga yema Firitéucüã̱x ga cuxchi aiexü̃ naxca̱x ga yema cucüma ga poraãcü chixexü̃.

Echequié 16:39

Rü ngẽmagüme̱xẽwa tá cuxü̃ changexmaxẽxẽ nax ngẽmaãcü nagu napogüexü̃ca̱x i ngẽma nachicagü ga nawa cungeãẽxü̃ rü nawa ngẽma tupananetachicüna̱xãgüxü̃ quicua̱xüxü̃xü̃. Rü tá cuxna nanapuxü̃ i ngẽma cuxchiru i mexẽchixü̃ rü ngẽma mexẽchixü̃ i curü ngã̱xãẽruü̃gü. Rü tá nayana i guxü̃ma i curü ngẽmaxü̃gü rü ñoma cubáitücuxü̃rüxü̃ tá ngéma cuxü̃ nata̱xgü.

Echequié 23:26

Rü tá cuxna nanapuxü̃ i cuxchirugü rü tá noxrüxü̃ nanade i ngẽma curü ngã̱xãẽruü̃gü.

Danié 11:13

Rü ngẽma nórteanearü ãẽ̱xgacü rü tá nananutaque̱xe i nüxíraxü̃güxü̃arü yexera rümumaexü̃ i to i norü churaragü. Rü mea tá nixãxne. Rü ngẽmaãcü ñuxre ya taunecüwena rü tá wenaxarü ngẽma súranearü ãẽ̱xgacüca̱x ínayaxüãchi.

Ochéa 2:3

Rü ngẽxguma taxũtáma nüxü̃ naxoegu i ngẽma tupananetachicüna̱xãgü rü tá nüxna chanayaxu i guxü̃ma i nüxü̃́ ngẽxmagüxü̃. Rü ngẽma nachixü̃ane rü noxri nango̱xgurüxü̃ tá chayaxĩxẽxẽ nax taxuxü̃ma nüxü̃́ ngẽxmaxü̃. Rü ñoma naxnücüane i ngearü dexáã́xü̃rüxü̃ tá chayaxĩxẽxẽ nax ngẽmaãcü ta̱xawamaxã nayuexü̃ca̱x i ngẽma choxna ixĩgachixü̃.

Ochéa 8:7

Rü ngẽma chixexü̃ i nagu naxĩxü̃ i ngẽma Iraéanecüã̱xgü rü natüca̱xmamare nixĩ rü ñoma buanecürüxü̃ nixĩ. Rü choma rü tá naxca̱x íchananguxẽxẽ i wüxi ya tacü ya buanecü ya íxã̱ũ̱xẽmacü. Rü ngẽma norü naanegüwa rü taxũtáma nixo i norü trigu rü taxũtáma nangẽxma i norü arína. Rü ngẽxguma ngürüãchi nüxü̃́ yaxo̱xgu, rü to i nachixü̃anecüã̱x tá namaxã naxãwemügü.

Ochéa 9:2

Rü ngẽmaca̱x, Pa Iraéanecüã̱xgüx, rü nataxutama i perü trigugü rü perü bínu. Rü ngẽma ngexwaca̱xü̃xü̃ i perü bínu rü taxũtáma ningu.

Joel 2:14

Rü ngẽxguma aixcüma naxca̱x pewoegu̱xgu rü ngürüãchi tá ínayachaxãchi nax pexü̃ napoxcuexü̃. Rü tá pexü̃ narüngü̃xẽxẽ nax wena naxügüxü̃ca̱x i perü trigu rü úbagü nax ngẽmaãcü pexü̃́ nangẽxmaxü̃ca̱x i perü ãmaregü i tá nüxna pexãgüxü̃.

Chofonía 1:13

Rü ngẽmaca̱x i norü uanügü rü tá nüxna nanapuxü̃ i norü ngẽmaxü̃gü. Rü yima napatagü rü tá nagu napogüe. Rü tá naxüpatagü, natürü taxũtáma nümagü nawa namaxẽ. Rü tá úba inatogü, natürü taxũtáma nüma norü bínu nixaxgü —ñanagürü ya Tupana.

Maraquía 1:4

Rü ngẽxguma ngẽma Edóü̃cüã̱x i Echaú nataagü rü woo ñagügu: —Yixemagü rü marüchire̱x itarüxogü, natürü wena tá ítanadaxẽẽãma i tachixü̃ane —ñagügu, natürü nüma ya Cori ya Tupana ya Guxãétüwa Ngẽxmacü rü ñaãcü tá nanangãxü̃ rü ñanagürü: —Woo penamexẽẽgu i ngẽma pechixü̃ane, natürü choma rü tá wena ichanaxoxẽxẽ. Rü ngẽma perü naane rü Chixexü̃ i Nachixü̃anemaxã, tá nanaxugü i duü̃xü̃gü. Rü Duü̃xü̃gü ya Tupana Namaxã Nuxü̃maxã tá pexü̃ naxugü.

Maraquía 3:18

Rü ngẽxguma i pemax rü tá nüxü̃ picua̱xãchitanü nax tama nawüxiguxü̃ i ngẽma mexü̃ ügüxü̃ namaxã i ngẽma chixexü̃ ügüxü̃. Rü ngẽxgumarüxü̃ ta i ngẽma choxü̃ icua̱xüü̃güxü̃ rü tama namaxã nawüxigu i ngẽma tama choxü̃ icua̱xüü̃güxü̃ —ñanagürü ya Tupana.