Ochéa 2:3 - Tupanaarü Ore

³ Rü ngẽxguma taxũtáma nüxü̃ naxoegu i ngẽma tupananetachicüna̱xãgü rü tá nüxna chanayaxu i guxü̃ma i nüxü̃́ ngẽxmagüxü̃. Rü ngẽma nachixü̃ane rü noxri nango̱xgurüxü̃ tá chayaxĩxẽxẽ nax taxuxü̃ma nüxü̃́ ngẽxmaxü̃. Rü ñoma naxnücüane i ngearü dexáã́xü̃rüxü̃ tá chayaxĩxẽxẽ nax ngẽmaãcü ta̱xawamaxã nayuexü̃ca̱x i ngẽma choxna ixĩgachixü̃.

Ochéa 2:3 Iomraidhean Croise

Ínachoxü̃xü̃chiga 17:3

Natürü nüma ga duü̃xü̃gü rü nita̱xawae rü yemaca̱x Moichémaxã narüxutagagüama rü ñanagürügü: —¿Tü̱xcüü̃ ga toxü̃ ícugaxü̃xü̃ ga Equítuanewa? ¿Ẽ̱xna ta̱xawamaxã toxü̃ cudaixchaü̃ wüxigu tümamaxã ya toxocügü rü toxü̃nagü? —ñanagürügü.

Ichaía 33:9

Rü Iraétanüxü̃ rü namae erü ngechaü̃wa nangẽxmagü. Rü Líbanuarü naixnecügü rü nipagü. Rü Charóü̃arü metachinüxü̃ rü naxnücüanexü̃ nayanguxuchi. Rü Bacháü̃wa rü ma̱xpǘne ya Carméruwa rü nabáianemare

Ichaía 47:3

Rü choma ya Tupana ya Iraétanüxü̃arü nguxü̃xẽxẽruxü̃ ya üünecü ya guxãétüwa ngẽxmaxe rü tá pexü̃ chapoxcu, Pa Babiróniacüã̱x, rü taxúetama pexü̃ ítapoxü̃. Rü pema rü ñoma wüxi i duü̃xü̃ i ngexchiruxü̃nexü̃rüxü̃ tá pexãnee nape̱xewa i ngẽma togü i nachixü̃anecüã̱xgü —ñanagürü.

Ichaía 64:10

Rü yima curü ĩanegü ya üünegüne rü nachica i taxúema nagu ãpataxü̃ nixĩgü. Rü Chióü̃ rü wüxi i chianexü̃ nixĩ. Rü Yerucharéü̃ rü nagu napogüe rü taxuwama name.

Yeremía 12:10

Rü muxü̃ma i ãẽ̱xgacügü i uanügü ixĩgüxü̃ rü nanachixexẽẽgü i chorü úbanecü, rü nagu napugüe i chauane. Rü nanangeãcuanexẽẽgü ga yema naane ga yexera chanaxwa̱xexü̃.

Yeremía 13:22

Rü ngẽxguma cugüna cuca̱xgu nax ta̱xacüca̱x cuxü̃ naxüpetüxü̃ i ngẽma guxchaxü̃, rü name nax nüxna cucua̱xãchixü̃ nax ngẽma taxü̃ i curü chixexü̃gagu yixĩxü̃ i ngẽma cuxca̱x ínguxü̃. Rü yemaca̱x nixĩ ga cuxü̃ ínacuxü̃xü̃nexü̃ rü cugu yadauxcüraxü̃güxü̃.

Yeremía 13:26

Rü ngẽmaca̱x ñoma wüxi i duü̃xü̃ i báitücuxü̃rüxü̃ tá pexü̃ chaxãneexẽxẽ.

Yeremía 14:3

Rü ngẽma diẽruã̱xgüxü̃ rü norü puracütanüxü̃xü̃ dexáwa namugü. Rü nümagü i ngẽma norü puracütanüxü̃ rü puchugüwa dexáwa naxĩ. Natürü ngẽma puchugüwa rü taxuxü̃ma i dexáxü̃ inayangaugü. Rü ingeãcuxü̃ i norü tü̃xü̃gümaxã nawoegu. Rü ngẽmaca̱x naxoegaãẽgü rü norü ãnemaxã nügü nidüxchiwegü.

Yeremía 17:6

Rü yíxema duü̃xẽ ya choxna ixũgachixe rü ñoma chuchuxü̃ i chianexü̃wa rüxüxü̃rüxü̃ tá tixĩ nax taguma texé tüxna dauxü̃. Rü ñoma wüxi i chuchuxü̃ i ínayucüraanexü̃wa rü taxúema íxãpataxü̃wa rüxüxü̃rüxü̃ tixĩ ya yíxema duü̃xẽ ya choxna ixũgachixe.

Yeremía 2:31

Rü pemax i ñomaü̃cüxü maxẽxü̃ i duü̃xü̃gü ¡ẽcü iperüxĩnüe i chorü ore! Pa Iraétanüxü̃x ¿pexca̱x rü ñoma wüxi i naane i paanexü̃rüxü̃ chixĩ? ¿Pexca̱x rü ñoma wüxi i naane i waanexü̃rüxü̃ chixĩ? Pa Chorü Duü̃xü̃güx ¿ta̱xacüca̱x ñaperügügü choxü̃: “Tomagü rü taxúeme̱xẽwa tangexmagü rü marü tagutáma cuxca̱x tawoegu”, ñaperügügü?

Yeremía 2:6

Rü nüma ga perü o̱xigü rü marü tama chaugu narüxĩnüe rü nüxü̃ inarüngümae nax choma ya Cori ya Tupana yixĩxü̃ ga Equítuanewa íchanguxü̃xẽẽxü̃. Rü nüxü̃ inarüngümae nax choma yixĩxü̃ ga íchayagagüxü̃ nagu ga yema naane ga chianexü̃ ga taxuxü̃ma i nanetü nawa rüxüxü̃. Rü yema ínamáxpü̱xanexü̃wa ga ínangearü dexáã́xü̃wa chanagagü ga ínaxãũcümaxü̃wa rü taxúema nagu ãchiü̃xü̃wa, rü taxúema ixüpetüxü̃wa.

Yeremía 22:6

Erü Cori ya Tupana rü ñanagürü nachiga ya daa Yudáanearü ãẽ̱xgacüpata: —Cuma ga ü̃pa rü cha̱u̱xca̱x rü yima ma̱xpǘne ya Garaáxrüxü̃ quixĩ nax cumexü̃, rü ñoma Líbanuarü ngüchitaeruxü̃rüxü̃ cha̱u̱xca̱x quixĩ nax cumexü̃. Natürü i ñu̱xma rü cumaxã chanaxuegu rü tá chianexü̃xü̃ cuxü̃ chixĩxẽxẽ rü wüxi i nachica i ngearü duü̃xü̃ã́xü̃ tá quixĩ.

Yeremía 4:26

Rü yema naanegü ga noxri mexü̃gu chadawenü rü nüxü̃ chadau nax chianexü̃xü̃ yaxũxü̃. Rü guxü̃nema ga ĩanegü rü nachitaxü̃xica íyaxügüxü̃. Rü Cori ya Tupana rü norü numaxã nanaxü ga guxü̃ma ga yema.

Yeremía 51:43

Rü Babiróniaanearü ĩanegü rü nangeãcu. Rü chianegüxü̃ i paanexü̃ nixĩgü. Rü taxúxema ya texé ngéma tamaxẽ rü bai nachicagüwa taxüpetü.

Yeremía 51:5

Natürü ngẽma Iraéanecüã̱xgü rü Yudáanecüã̱xgü rü woo poraãcü chope̱xewa chixexü̃ naxügügu rü woo pecadumaxã napaxẽẽgüãgu i norü naane, natürü choma ya Cori ya Guxãétüwa Ngẽxmacü ya Iraétanüxü̃arü Tupana ya üünecü nax chixĩxü̃ rü tama nüxna chixũgachi.

Echequié 16:22

Rü yema curü maxü̃ ga chixexü̃ ga namaxã cuxunearü ngúchaü̃gu cumaxü̃xü̃gagu nüxü̃ icurüngüma ga yexguma cuxíragu rü nax cungexchiruxü̃ rü cugüétüwa nax quicuaixnacüüxü̃.

Echequié 19:13

Rü ñu̱xma rü ínachianexü̃gu i dexá ítaxuxü̃gu nato.

Ochéa 13:15

Rü woo ñoma maxẽ i baxcaxü̃rüxü̃ mea nüxü̃ naxüpetügu i ngẽma Iraéanecüã̱xgü i ñu̱xmax, natürü tá naxca̱x ínangu i wüxi i buanecü i éstewaama ne ũcü. Rü yimá buanecü ya poracü ya chianexü̃wa ne ũcü, rü tá nayachegüxẽxẽ i natüacügü rü bairawegü. Rü ngẽxguma i ngẽma Iraéanecüã̱xgüarü uanügü rü tá nanade i guxü̃ma i norü meruü̃gü.

Ochéa 2:10

Rü ngẽma norü tupananetagüpe̱xewa tá chanapuxü̃ i guxü̃táma i ngẽma nüxna chaxãxü̃. Rü ngẽmaãcü tá chanaxãneexẽxẽ i ngẽma duü̃xü̃gü, rü taxúetama choxna tanachu̱xu.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:16

Rü ngẽma 10 i naxchata̱xcu̱xre i nüxü̃ cudauxü̃ rü ngẽma ngo̱xo, rü wüxigu tá ngĩchi naxaie i ngẽma nge i naxü̃nemaxã taxexü̃. Rü tá ngĩxna nanapuxü̃ i guxü̃ma i ta̱xacü i ngĩxü̃́ ngẽxmaxü̃, rü ngẽmaãcü ngexchiruãcüma tá ngẽxma irüxã̱ũ̱x. Rü tá nanangõ̱xgü i ngĩmachi, rü üxüwa tá nayagugü i ngẽma íyaxüxü̃.

Ãẽ̱xgacügü ga guxchaxü̃güarü mexẽxẽruü̃gü 15:18

Rü nüma ga Chanchóü̃ rü poraãcüma nita̱xawa rü yemaca̱x Tupanamaxã nidexa rü ñanagürü: —Ñu̱xma nax poraãcü choxü̃ nüxü̃ curüporamaexẽẽxü̃ i chorü uanügü rü ¿Tü̱xcüü̃ ta̱xawamaxã tá choxü̃ cuyuxẽxẽxü̃? ¿Ẽ̱xna naxme̱xgu tá choxü̃ cunguxẽxẽ i ñaa Firitéugü i tama cuxü̃́ yaxõgüxü̃? —ñanagürü.