Ochéa 13:2 - Tupanaarü Ore

² Rü pema rü ñu̱xma rü ta pecadu nixüetanüama. Rü ngẽma duü̃xü̃gü i naxchicüna̱xãarü üxü̃ cua̱xgüxü̃ namugü nax diẽrumüwa naxügüãxü̃ca̱x i wocachicüna̱xãgü. Rü nümagü i ngẽma naxchicüna̱xãarü üwa puracüexü̃ rü nümagü nanaxwa̱xegüxü̃ãcü nanaxügü. Rü ngẽma tupananetagüca̱x buxe tüxü̃ nigugü rü nüxü̃ nachúxgü ga yema wocaxacüchicüna̱xãgü.

Ochéa 13:2 Iomraidhean Croise

Nüxíraxü̃xü̃ ga popera ga ãẽ̱xgacügüchiga 19:18

Rü dücax, rü cumaxã nüxü̃ chixu rü choma rü marü íchayaxügüxẽxẽ i 7,000 i Iraéanecüã̱xgü i taguma Baápe̱xegu caxã́pü̱xügüxü̃ nax nüxü̃ yacua̱xüü̃güxü̃ca̱x —ñanagürü ga Tupana.

Norü taxre ga to ga popera ga ãẽ̱xgacügüchiga ümatüxü̃ 28:13

Rü ñanagürügü nüxü̃: —¡Taxṹ i nua penagagüxü̃ i ngẽma ípeyauxü̃xü̃! Erü tá nitaguãchi i Cori ya Tupanape̱xewa. Erü ngẽma pema nagu perüxĩnüexü̃ rü Tupanape̱xewa tá nanayexeraxẽxẽ i tórü chixexü̃gü rü torü pecadugü i ñu̱xma marü ngupetüxü̃. Rü nüma ya Cori ya Tupana rü tá poraãcü tamaxã nanu i yixema i Iraéanecüã̱xgü —ñanagürügü.

Norü taxre ga to ga popera ga ãẽ̱xgacügüchiga ümatüxü̃ 33:23

Natürü nanatü ga Manaché rü Tupanape̱xegu nügü ínarüxíxra natürü nüma ga Amóü̃ rü taguma Tupanape̱xegu nügü ínarüxíxra rü yexeraxü̃ ga chixexü̃ nixüchigüama

Ichaía 1:5

Rü pema rü Tupanamaxã penue rü tama naga pexĩnüe. Rü ngẽmaca̱x taxuwama marü pexna nanacua̱i̱xcaéga, erü peeruwa rü marü guxü̃wama penapi̱xerugü rü marü pingearü poraxã̱x i ñu̱xmax.

Ichaía 30:1

Nüma ya Cori ya Tupana rü ñanagürü: —Wüxi i ngechaü̃ nixĩ naxca̱x i ngẽma chaunegü i tama chauga ĩnüexü̃. Nümagü rü tama choxna nacagüãcüma nanaxü i ngẽma nagu naxĩnüexü̃ rü tama chauxü̃tagu naxca̱x nadaugü i chorü ucu̱xẽ. Rü ngẽmaãcü nanayexeraxẽxẽ i norü pecadugü.

Ichaía 44:11

Rü ngẽma duü̃xü̃gü i naxchicüna̱xãgüxü̃ icua̱xüü̃güxü̃ rü tá naxãnee. Rü ngẽma duü̃xü̃gü i naxchicüna̱xãarü üwa puracüexü̃, rü yatügümare nixĩgü. Rü guxü̃ma i ngẽma duü̃xü̃gü i ngẽmawa puracüexü̃ rü ngẽxguma chope̱xegu nangutaque̱xegügu nax nügü ínapoxü̃güxü̃ca̱x rü tá naxãnee rü namuü̃e.

Ichaía 45:20

Rü nüma ya Tupana rü ñanagürü ta: —Guxü̃ma i pema i togü i nachixü̃anewa íyaxügüxe rü name nixĩ nax pexĩtaque̱xexü̃ rü nua pexĩxü̃. Rü pema i naxchicüna̱xãgü i nainaxca̱x pingegüxü̃ rü nüxü̃ picua̱xüü̃güxü̃ rü tama peãẽxü̃ pecua̱x, erü ngẽma naxchicüna̱xãgü rü taxũtáma pexü̃ ínapoxü̃.

Ichaía 46:6

Rü nangẽxma i duü̃xü̃gü i nanutaque̱xexü̃ i taxü̃ i úiru rü diẽru nax naxca̱x nadauxü̃ca̱x i wüxi i naxchicüna̱xãarü üruxü̃. Rü nüxü̃́ nanaxütanü nax nüxü̃́ naxüaxü̃ca̱x i wüxi i naxchicüna̱xã nax ngẽmamaxã natupanaã́xü̃ca̱x, rü nüxü̃ yacua̱xüü̃xü̃ca̱x rü nape̱xegu nacaxã́pü̱xüxü̃ca̱x.

Ichaía 46:8

¡Rü nüxna pecua̱xãchie, Pa Pecadugu Maxẽxü̃x, rü mea nagu perüxĩnüe ga yema nũxcümamatama ngupetüxü̃ rü peãẽgu namaxã penguxü̃! Rü choma nixĩ ya Tupana chixĩxü̃ rü nataxuma i to. Rü choma nixĩ ya Tupana rü tataxuma ya texé ya chomaxã wüxiguxe.

Yeremía 10:4

Rü ngẽmawena rü diẽrumümaxã rü úirumaxã nananga̱xãẽgü. Rü ñu̱xũchi itapuagümaxã ínayapotagü nax tama yawáxü̃ca̱x.

Yeremía 10:8

Rü guxü̃ma i ngẽma duü̃xü̃gü i ngẽma naxchicüna̱xãgüwe rüxĩxü̃ rü naechitamare namaxẽ, rü taxuxü̃ma i cua̱x nüxü̃́ nangẽxmagü. Rü ngẽma naxchicüna̱xãgü i naiwa naxügüxü̃ rü taxuxü̃ma nanangúexẽxẽ.

Yeremía 8:5

Pa Iraétanüxü̃x ¿ta̱xacüca̱x chixri choxna pemaxẽ? Pa Yerucharéü̃cüã̱xgüx, ¿ta̱xacüca̱x choxna pixĩgachi? Pema rü nawe perüxĩ i ngẽma dora ixĩxü̃, rü tama cha̱u̱xca̱x pewoeguchaü̃.

Ochéa 10:1

Rü Ochéa rü ñanagürü: —Ngẽma Iraéanecüã̱xgü rü ñoma úba i muarü oṍxü̃rüxü̃ nixĩgü. Natürü yexguma Tupana yexera nüxü̃ rüngü̃xẽẽgu ga yema Iraéanecüã̱xgü, rü yexera norü tupananetagüca̱x ãmarearü guruxü̃ naxügü. Rü yexguma yexera namexgu ga nachixü̃ane rü yexera nanamexẽẽgü ga guma nutagü ga namaxã natupanaã̱xgücü.

Ochéa 10:5

Rü ñu̱xma i ngẽma Chamáriaanecüã̱x i duü̃xü̃gü rü nidu̱xrue, rü naxauxe naxca̱x i ngẽma wocaxacüchicüna̱xã i Bex-abéü̃wa rütaxuxü̃. Rü naxca̱x nangechaü̃gü i duü̃xü̃gü rü ngẽma chacherdótegü erü marü narütaxu ga yema namaxã nataãẽgüxü̃.

Ochéa 11:2

Natürü yexguma yexeraãcü naxca̱x chacagu nax chowe naxĩxü̃ca̱x, rü nüma ga Iraétanüxü̃ rü yexeraãcü choxna nixĩgachi. Rü nüma ga chorü duü̃xü̃gü rü tupananetagüca̱x ínanagu ga ãmaregü rü ngẽmachicüna̱xãgüca̱x ínanagu ga pumarate̱xe.

Ochéa 11:6

Rü norü uanügü rü tá taramaxã Iraéanearü ĩanegüca̱x ínayaxüãchi. Rü tá nagu napogüe ya yima ĩanegüarü poxeguxü̃. Rü ngẽmaãcü tá namaxã nangupetü yerü choxna nixĩgachi nax norü tupananetagüwe naxĩxü̃ca̱x.

Ochéa 14:3

Rü marü nüxü̃ tacua̱x rü ngẽma Achíriaanecüã̱xgü rü tama aixcüma toxü̃ ínapoxü̃. Rü woo chi cowarumaxã tibuxmügu rü taxũchima tamaxẽ. Rü ngẽmaca̱x i ñu̱xma rü marü taxũtáma namaxã tatupanaã̱x i ta̱xacürü naxchicüna̱xã i tomatama taxüxü̃. Erü toma nax tangearü yoraáxü̃ rü cuxicatama nixĩ i aixcüma cuxü̃́ tangechaü̃tümüxü̃güxü̃ —ñaperügügü tá.

Ochéa 2:8

Natürü nümagü i ngẽma Iraétanüxü̃ rü ngẽma ngeruxü̃ nixĩgü nax tama nüxü̃ nacua̱xgüégaxü̃ nax choma yixĩxü̃ ga nüxna chanaxãxü̃ i trigu rü bínu rü chíxü̃ rü diẽru rü úiru. Natürü nümagü rü yema diẽrumaxã rü úirumaxã nanaxügü ga norü tupananetagü ga Baáchicüna̱xãgü.

Ochéa 4:17

Ngẽma Iraéanecüã̱xgü rü tama nüxü̃ narüxoechaü̃ nax nüxü̃ yacua̱xüü̃güxü̃ i ngẽma tupananetachicüna̱xãgü. ¡Ngexrüma nax nüxicatama inarüchó! Rü nangãxẽ rü naxca̱x nadaugü i ngẽma ngexü̃gü i ngĩxü̃nemaxã taxegüxü̃ rü namaxã namaxẽ. Rü ngẽma mexü̃arü yexera naxca̱x nadaugü i ngẽma chixexü̃.

Ochéa 8:4

Rü ngẽma duü̃xü̃gü rü ngẽxguma nachixü̃anearü ãẽ̱xgacügüxü̃ naxunetagügu rü tama choxna nacagü. Rü ngẽxguma nüxü̃ naxunetagügu i ngẽma tá namaxã icua̱xgüxü̃, rü tama chorü ucu̱xẽca̱x ínacagü. Rü nügüca̱x nanaxügü i naxchicüna̱xãgü i úirunaxca̱x rü diẽrumünaxca̱x. Rü ngẽmamaxã nügütama nachixexẽẽgü.

Ochéa 8:5

Pa Chamáriacüã̱xgüx, ¡marütama nax pecadu pexüexü̃! Choma rü pemaxã chanu erü nüxü̃ picua̱xüü̃gü i ngẽma wocaxacüchicüna̱xã i Chamáriawa ngẽxmaxü̃. ¿Rü ñuxguratáta chope̱xewa pegü pimexẽẽgüxü̃?

Ochéa 8:6

¡Pa Iraéanecüã̱xgüx, ngẽma wocaxacüchicüna̱xã i Chamáriawa ngẽxmaxü̃ rü tama aixcüma Tupana nixĩ. Rü wüxi i yatü i ngẽmaxü̃arü üruü̃xü̃ cuáxü̃ nanaxümare. Natürü i choma rü tá íraxü̃gu chanapuxãchixẽxẽ.

Iraétanüxü̃arü muxchiga 32:14

Rü ñu̱xma i pemax, Pa Rubéü̃tanüxü̃ rü Gáxtanüxü̃ i Chixexü̃güarü Üruxü̃ Nanegüx, rü ngẽma penatügücümagutama pexĩxchaü̃ nax ngẽmaãcü wena Iraétanüxü̃maxã penanuxẽẽxü̃ca̱x ya Cori ya Tupana.

Romanos 11:4

Natürü Tupana nanangãxü̃, rü ñanagürü: “Dücax, choma rü marü choxü̃́ nangẽxma i 7,000 i yatügü i chaugüxü̃́ chidexechixü̃. Rü nümagü rü taguma nüxü̃ nicua̱xüü̃gü i ngẽma tupananetachicüna̱xã i Baá”, ñanagürü.

Romanos 2:5

Natürü cuma rü tama Tupanaxü̃ cucuáxchaü̃ rü tama nüxü̃ curüxoxchaü̃ i curü chixexü̃. Rü ngẽmaãcü cugüca̱xtama cunayexeraxẽxẽ i curü poxcu i tá cuyaxuxü̃ i ngẽma ngunexü̃ i nagu Tupana norü numaxã napoxcuexü̃ i ngẽma chixexü̃ ügüxü̃.

Norü taxre ga popera ga Timutéuca̱x naxümatüxü̃ ga Pauru 3:13

Natürü ngẽma yatügü i chixexü̃gu maxẽxü̃ rü ngẽma idorata̱a̱xgüxü̃ rü yexeraxü̃ i chixexü̃ tá naxügü. Erü nümagü rü tá togüxü̃ nawomüxẽẽgü, rü ngẽxgumarüxü̃ ta i ngẽma togü rü tá nayawomüxẽxẽgü.

1 Chamué 10:1

Rü yexguma ga nüma ga Chamué rü wüxiwexü̃ ga chíxü̃ nayaxu, rü Chaúxü̃ namaxã nabaeru. Rü ñu̱xũchi nüxü̃ nachúxu rü ñanagürü nüxü̃: —Cori ya Tupana cuxü̃ nayaxu i ñu̱xma nax norü duü̃xü̃gü i Iraéanecüã̱xgüarü ãẽ̱xgacü quixĩxü̃ca̱x. Rü cuma tá namaxã icucua̱x rü norü uanügü i nüxü̃ íchomaeguãchixü̃me̱xẽwa tá ícunanguxü̃xẽxẽ. Rü ngẽma cua̱xruü̃gü i nawa tá nüxü̃ cucuáxü̃ nax aixcüma Cori ya Tupana cuxü̃ unetaxü̃ nax norü duü̃xü̃gü i Iraéanecüã̱xgüarü ãẽ̱xgacü nax quixĩxü̃, rü ñaagü tá nixĩ.