Ochéa 11:3 - Tupanaarü Ore

³ Choma nixĩ ga yema Efraíü̃tanüxü̃maxã ichacuáxü̃ ga yexguma noxri tauta nüxü̃ nacua̱xgügu ga ñuxãcü tá napugüãxü̃ ga ñaa naane. Rü chanangúexẽxẽ nax ñuxãcü tá inaxĩxü̃. Rü cho̱xme̱xmaxã nüxü̃ chingĩ natürü ga nümagü rü tama nüxü̃ nacua̱xgü nax choma yixĩxü̃ ga nüxna chadauxü̃.

Ochéa 11:3 Iomraidhean Croise

Wiyaegü 107:20

Rü namaxã nanaxuegu nax naxca̱x yataanegüxü̃. Rü naxca̱x nitaanegü. Rü yemaacü ga Tupana rü yuwa ínananguxü̃xẽxẽ ga yema duü̃xü̃gü.

Ínachoxü̃xü̃chiga 15:26

Rü Tupana rü ñanagürü nüxü̃: —Ngẽxguma chi ipexĩnüegu i ngẽma pemaxã nüxü̃ chixuxü̃, rü penaxü̱xgu i ngẽma namaxã chataãẽxü̃, rü naga pexĩnüegu i ngẽma chorü ucu̱xẽgü, rü peyanguxẽẽ̱xgu i ngẽma mugü, rü taxuxü̃táma núma pexca̱x chanamu i ngẽma da̱xaweanegü ga Equítuanecüã̱xgüca̱x yéma chamuxü̃. Erü choma nixĩ i perü Cori ya Tupana i pexü̃ charümeexẽẽxü̃ chixĩxü̃ —ñanagürü.

Ínachoxü̃xü̃chiga 19:4

“Rü pema rü marü nüxü̃ pedau ga yema Equítuanecüã̱xgümaxã chaxüxü̃ rü ñuxãcü i choma rü nua íchangexmaxü̃wa pexü̃ chagagüxü̃ ñoma wüxi i ĩyüpe̱xatügu pexü̃ igaxü̃rüxü̃.

Ínachoxü̃xü̃chiga 23:25

¡Rü nüxü̃ icua̱xüxü̃ ya Cori ya curü Tupana, erü nüma tá cuxü̃ narüngü̃xẽxẽ namaxã i curü õnagü rü dexá. Rü choma rü tá cuxna chanayáxü̃guxẽxẽ i ngẽma da̱xaweane. Rü taxúetama tayu naxü̃pa nax mea o̱xiwa tangux. Rü cuchixü̃anewa rü nataxutama i ngecü i yuxacücü rü ñu̱xũchi ngexacüechacü.

Ichaía 1:2

Pa Daxũguxü̃ i Naanecüã̱x rü Ñoma i Naanecüã̱x ¡rü iperüxĩnüe i ñaa Tupanaarü ore i ñaxü̃: —Yema chaunegü ga mea chayaexẽẽxü̃ rü ñu̱xma rü tama chauga naxĩnüe!

Ichaía 30:26

Rü nüma ya Cori ya Tupana rü tá norü duü̃xü̃güarü o̱xrigü nixüxü̃gü rü ñu̱xũchi nüxü̃ nayana̱i̱xgü. Rü yimá tauemacü rü ñoma üa̱xcürüxü̃ tá poraãcü inabaxi. Rü ngẽma üa̱xcüema rü 7 e̱xpü̱xcüna tá yexera nanaiemaxüchi, ñoma 7 ya üa̱xcü nügüxü̃tawa ibáxixü̃rüxü̃.

Ichaía 46:3

Rü ñanagürü ga Tupana: —¡Choxü̃́ iperüxĩnüe i pemax nax ípeyaxügüxü̃, Pa Acóbutanüxü̃ i Iraétanüxü̃x! Choma rü noxrigutama yexguma taxũta pebuegu, rü pexna chadau rü chauchacüxügu pexü̃ chigagü.

Ichaía 63:9

Rü nüma ya Tupana rü tama togüxü̃ núma namuxü̃ nax norü duü̃xü̃güxü̃ ínanguxü̃ẽẽxü̃ca̱x. Rü nümatama ya Tupana nixĩ ga ínanguxü̃xẽẽãxü̃ nawa ga norü ĩ̱xãchiãxẽ yerü poraãcü nüxü̃ nangechaxü̃ rü nüxü̃́ nangechaü̃tümüxü̃gü. Rü yemaca̱x guxü̃guma norü uanügüme̱xẽwa ínananguxü̃xẽxẽ.

Yeremía 30:17

Rü choma rü tá pexü̃ charümeexẽxẽ nawa i perü guxchaxü̃gü woo perü uanügü rü ñanagürügü: “Chióü̃ rü ngéma nata̱xmare rü taxúema nagu tarüxĩnü”, ñanagürügü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Yeremía 8:22

¿Rü nataxuma e̱xna i üxüxü̃ i Garaáxanewa? ¿Rü ngéma rü tataxuma e̱xna ya texé ya naxüxü̃xẽ? ¿Rü ta̱xacüca̱x tama naxca̱x nitaanegüchaü̃ i ngẽma chorü duü̃xü̃gü?

Ochéa 14:4

Rü ñanagürü ya Cori ya Tupana: —Ngẽma duü̃xü̃gü i tama chauga ĩnüexü̃ rü tá chaugümaxã ichanangüxmüexẽxẽ. Rü tá nüxü̃ changechaü̃ama woo tamachire̱x ngẽma nixĩ i norü natanü. Erü marü choxü̃ nangupetü nax namaxã chanuxü̃.

Ochéa 2:8

Natürü nümagü i ngẽma Iraétanüxü̃ rü ngẽma ngeruxü̃ nixĩgü nax tama nüxü̃ nacua̱xgüégaxü̃ nax choma yixĩxü̃ ga nüxna chanaxãxü̃ i trigu rü bínu rü chíxü̃ rü diẽru rü úiru. Natürü nümagü rü yema diẽrumaxã rü úirumaxã nanaxügü ga norü tupananetagü ga Baáchicüna̱xãgü.

Ochéa 7:1

Rü Tupana rü ñanagürü: —Chomax, rü yexguma chanamexẽẽgu ga chorü duü̃xü̃gü ga Iraéanecüã̱xgü rü mea nango̱x ga Efraíü̃tanüxü̃arü chixexü̃ rü Chamáriaarü duü̃xü̃güarü pecadugü. Erü guxü̃ma i nümagü rü nidorae rü duü̃xü̃güxü̃ nawomüxẽxẽ. Rü ñoma ngĩ́ta̱xagüxü̃rüxü̃ ĩpatagügu nachocu nax nangĩ̱xgüxü̃ca̱x. Rü ĩanearü namagüwa duü̃xẽgüna nanapuxü̃ i tümaarü ngẽmaxü̃gü.

Ochéa 7:15

Rü choma rü mea chanangúexẽxẽ rü pora nüxna chaxã, natürü i nümagü rü chixexü̃gu chomaxã narüxĩnüe.

Ngechuchuarü ngúexü̃gü ga yamugüxü̃arü puracüchiga 13:18

Rü chianexü̃wa tüxü̃ nagagü. Rü yéma 40 ga taunecü Tupana yáxna namaxã naxĩnü ga tümacüma ga chixexü̃ ga guxema tórü o̱xigü.

Wenaxarü naxümatü ga Tupanaarü mugü 1:31

Rü yexguma yema chianexü̃wa pichopetü̱xgu rü nüma ga perü Cori ya Tupana rü ñoma wüxi i papa naxacüxe nügüchacüügu tüxü̃ igaxü̃rüxü̃ meama pexü̃ nigagü rü ñu̱xmata ñaa nachicawa pengugü”, ñachagürü pexü̃ ga yexguma.

Wenaxarü naxümatü ga Tupanaarü mugü 33:27

Rü yimá Cori ya Tupana ya guxü̃guma ngẽxmacü, rü nüma nixĩ i perü poxü̃ruxü̃ yixĩxü̃. Rü ngẽma norü pora i guxü̃guma nüxü̃́ ngẽxmaxü̃ rü perü ngü̃xẽẽruxü̃ nixĩ. Rü nüma nixĩ i pexna yabuxmüxẽẽãxü̃ i perü uanügü, rü nüma nixĩ i pexü̃ namuxü̃ nax penada̱i̱xü̃ca̱x.

Wenaxarü naxümatü ga Tupanaarü mugü 8:2

¡Rü nüxna pecua̱xãchie ga ñuxãcü Cori ya Tupana rü 40 ga taunecü yema chianexü̃gu pexü̃ nimugü! Rü pexü̃ naxãneexẽxẽ rü pexü̃ naxü nax nüxü̃ nacuáxü̃ca̱x rü aixcüma naga tá pexĩnüe rü tá peyangu̱xẽxẽ i norü mugü rüe̱xna tama.