Ochéa 1:5 - Tupanaarü Ore

⁵ Erü ngẽma ngunexü̃gu rü yima ĩane ya Yereéarü doxonexü̃arü metachinüanexü̃gu tá chanadai i ngẽma norü churaragü i Iraéanecüã̱xgü rü ngẽxma tá nagu̱x i Iraéanearü pora —ñanagürü.

Ochéa 1:5 Iomraidhean Croise

Norü taxre ga popera ga ãẽ̱xgacügüchiga 15:29

Rü yexguma Péca rü Iraéanearü ãẽ̱xgacü yixĩxgu rü yéma nangu ga Achíriaanearü ãẽ̱xgacü ga Tigáx-piréche. Rü nayapu ga guma ĩanegü ga Ióü̃ rü Abé-béx-maacá, rü Yanóa, rü Quédex, rü Achóx, rü Garaáx rü Gariréa, rü ñu̱xũchi guxü̃ma ga yema Netaríarü naane. Rü guxü̃ma ga yema duü̃xü̃gü ga yéma maxẽxü̃ rü Achíriaanewa nanagagü.

Wiyaegü 37:15

Natürü ngẽma norü tara tátama nixĩ i norü maxü̃newa yarüwáxü̃, rü yima norü würagü rü íxraxü̃gu tá inabüe.

Wiyaegü 46:9

Yerü guxü̃wama ga ñoma i naanewa rü marü inayanaxoxẽxẽ nax nügü nada̱i̱xü̃ ga duü̃xü̃gü. Rü nüxü̃́ nayachixegüxẽxẽ ga norü würagü rü wocaxegü. Rü ínanagu ga naweü̃gü ga daiwa namaxã naxĩxü̃ne.

Yeremía 51:56

Rü ngẽma uanügü rü ínangugü nax nagu napogüexü̃ ya yima ĩane. Rü marü ínanayauxü̃ i norü churaragü. Rü nagu nabügüe ya norü würagü. Erü Cori ya Tupana rü wüxichigüna nanaxã i ngẽma nüxna üxü̃.

Echequié 39:3

Rü ñu̱xũchi tá chayabüye ya curü würa ya curü to̱xweme̱xẽwa cungexü̃ne. Rü tá chanayixẽxẽ ya yima chuxchigü ya curü tügüneme̱xẽwa cunaxü̃ne.

Ochéa 2:18

Rü ngẽma ngunexü̃gügu rü ngẽma Iraéanecüã̱xgüxü̃ tá charüngü̃xẽxẽxü̃. Rü ngẽma naeü̃gü i düraexü̃, rü werigü, rü ãxtapegü rü tá ichanangüxmüexẽxẽ nax tama ngẽma duü̃xü̃güxü̃ nachixeãẽgüxü̃ca̱x. Rü tá ichanaxoxẽxẽ ya würagü rü taragü. Rü ngẽma norü uanügü rü tá ichanangüxmüexẽxẽ nax tama wena naxca̱x íyaxü̃ãchixü̃ca̱x, rü ngẽmaãcü i chorü duü̃xü̃gü rü nataãẽgüxü̃ca̱x.

Yochué 17:16

Rü yexguma ga nümagü rü ñanagürügü: —Aixcüma nixĩ i tama nagu imexü̃ i ñaa torü naane i máxpü̱xanexü̃. Natürü ngẽma Canaáü̃cüã̱xgü i ngẽma ínadoxonexü̃wa maxẽxü̃ rü nüxü̃́ nangẽxma ya carugü ya fierunaxca̱x. Rü ngẽxgumarüxü̃ ta i ngẽma duü̃xü̃gü i Bex-cheáü̃wa rü norü ĩanexacügüwa rü Yereéarü doxonexü̃wa maxẽxü̃ rü nüxü̃́ nangẽxma ya carugü ya fierunaxca̱x —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 6:33

Rü yemawena rü guxü̃ma ga Madiáü̃tanüxü̃ rü Amaréxtanüxü̃ rü duü̃xü̃gü ga éstewaama ne ĩxü̃, rü wüxigu nangutaque̱xe. Rü natü ga Yudáü̃ nichoü̃ rü Yereéarü metachinüxü̃wa nangugü rü yexma napegü.