Ochéa 1:2 - Tupanaarü Ore

² Rü ñaa nixĩ ga yema nüxíraxü̃xü̃ ga ore ga Cori ya Tupana Ochéamaxã nüxü̃ ixuxü̃. Rü ñanagürü nüxü̃: —Ngẽma Iraéanecüã̱x rü ñoma wüxi i ngexü̃ i natena ngeãẽxü̃rüxü̃ choxna nixĩgachi. Rü cumax, Pa Ochéax, rü wüxi i cua̱xruxü̃ tá quixĩ naxca̱x i ngẽma duü̃xü̃gü. ¡Rü ngẽmaca̱x i ñu̱xma rü wüxi i nge i naxü̃nemaxã taxexü̃maxã naxãxma̱x rü ngĩwa naxãxacü! Rü ngẽmaãcü i ngẽma cuxacügü rü wüxi i nge i ngeãẽcüxacügü tá nixĩgü —ñanagürü.

Ochéa 1:2 Iomraidhean Croise

Norü taxre ga to ga popera ga ãẽ̱xgacügüchiga ümatüxü̃ 21:13

Natürü nagu quixũ i nacüma i chixexü̃ i ngẽma Iraéanearü ãẽ̱xgacügü nagu ĩxü̃. Rü cugagu nixĩ i ngẽma Yerucharéü̃cüã̱xgü rü Yudáanecüã̱xgü rü Cori ya Tupanaxü̃ nangümaexü̃ yema Acáxtanüxü̃rüxü̃. Rü ñu̱xũchi cunadai ga yema cuenexẽgü ga curü yexera mexü̃gu rüxĩnüexü̃.

Wiyaegü 106:39

Rü yemaacü ga yema duü̃xü̃gü rü Tupanape̱xewa yexeraxü̃ ga chixexü̃ naxügü ga yexguma yema tupananetagüwe naxĩxgu.

Wiyaegü 73:27

Rü ngẽma duü̃xü̃gü i cuxna ixĩgachixü̃ rü tá nayue. Rü tá icuyanaxoxẽxẽ i ngẽma tama aixcüma cuga ĩnüexü̃.

Yeremía 2:13

Rü ngẽma chorü duü̃xü̃gü rü taxre ga pecadu nixĩ ga chope̱xewa naxügüxü̃. Rü choxna nixĩgachi ga choma nax dexá i maxü̃xü̃ chixĩxü̃. Rü ñu̱xũchi nügüca̱x nanaxügü ga norü puchugü ga tama dexá nawa yexmaechaxü̃.

Yeremía 2:20

Rü nũxcümacürüwatama nixĩ ga choxna pixĩgachixü̃ rü tama chauga pexĩnüechaxü̃xü̃. Rü ñaperügügü: “Tama cuga taxĩnüechaü̃”, ñaperügügü. Pema rü pechauechitae ñoma wüxi i ngexü̃ i natena ngeãẽxü̃rüxü̃, yerü guxü̃ma ga ma̱xpǘnegüwa rü guxü̃ma ga naigü ga imeetaxü̃tüü̃wa nüxü̃ picua̱xüü̃gü ga yema tupananetachicüna̱xãgü.

Yeremía 2:23

¿Rü ñuxãcü i pema rü ñaperügügü: “Toma rü tama nixĩ i togü taxãũãchixü̃, rü bai nax tupananetagü ga Baágüxü̃ ticua̱xüü̃güxü̃?” ñapegürügü. Rü dücax, ¿ta̱xacü yixĩxü̃ ga yema pexügüxü̃ ga doxonexü̃wa? ¡Rü nüxna pecua̱xãchie ga guxü̃ma ga yema chixexü̃ ga pema pexügüxü̃! Rü pema rü ñoma caméyu i ngexü̃ i yatüxü̃ca̱x nu ne nañaxü̃rüxü̃ pixĩgü.

Yeremía 3:9

Rü yema Yudáanecüã̱xgü rü Iraéanecüã̱xgürüxü̃ tama naxca̱x nachixe ga yema chixexü̃ ga naxügüxü̃. Rü yemaacü norü taãẽmaxã nüxü̃ nicua̱xüü̃gü ga norü tupanachicüna̱xãgü ga nutanaxca̱x rü nainaxca̱x.

Echequié 6:9

Rü ngẽma maxẽxü̃ i íyaxügüxü̃ rü ngẽma nachixü̃anegüwa tá choxna nacua̱xãchie. Rü tá nüxna nacua̱xãchie nax ñuxãcü ngúxü̃ nüxü̃ chingexẽxẽgüxü̃ nagagu nax choxna yaxĩgachixü̃ nax norü tupananetachicüna̱xãgüxü̃ yacua̱xüü̃güxü̃ca̱x. Nümagü rü nügütátama naxãnẽẽxẽẽgü nagagu ga yema chixexü̃ ga naxügüxü̃ rü yema nacümagü ga nagu namaxẽxü̃.

Ochéa 2:7

Rü tá nawe irüxũ i ngẽma yatügü i namaxã namaxü̃xü̃ rü tá naxca̱x idau, natürü taxũtáma nüxü̃ iyangau. Rü ngẽmaca̱x düxwa tá ngĩãẽwa ngĩgürügü: “Naxca̱x tá chataegu ya yimá nüxíraü̃cü ya chaute yerü gumámaxã nixĩ ga mexü̃ choxü̃ ngupetüxü̃ ñu̱xmaarü yexera”, ngĩgürügü.

Ochéa 3:1

Rü yexguma ga Cori ya Tupana rü wenaxarü chomaxã nidexa rü ñanagürü choxü̃: —¡Ngéma naxũ rü wenaxarü ngĩxca̱x yadau i wüxi i nge i cumücümaxã pexü̃, rü cugüxü̃tawa ngĩxü̃ naga rü ngĩxü̃ nangechaxü̃! Rü ngẽxgumarüxü̃ i choma ya Cori ya Tupana rü ngẽma Iraéanecüã̱xgüxü̃ changechaü̃ama woo i nümagü rü choxna nixĩgachi rü naxca̱x narümemae nax ngẽma tupananetachicüna̱xãgüwe naxĩxü̃ rü nangõ̱xgüãxü̃ i ngẽma maixcuraxü̃gü i namaxã nüxü̃ yacua̱xüü̃güxü̃ —ñanagürü ga Tupana.

Ochéa 5:3

Pa Iraéanecüã̱xgüx, choma rü mea nüxü̃ chacua̱x i ngẽma perü chixexü̃gü. Rü pemax, Pa Efraíü̃tanüxü̃x, ñoma wüxi i ngexü̃ i ngĩxü̃nemaxã taxexü̃rüxü̃ pixĩgü. Rü pemax, Pa Iraéanecüã̱xgüx, rü pegütama chixexü̃gu peyixẽxẽ.

Ore i mexü̃ ga Márcu ümatüxü̃ 1:1

Ñaa nixĩ i norü ügü i ore i mexü̃ ya Ngechuchu ya Cristu ya Tupana Nanechiga.

Wenaxarü naxümatü ga Tupanaarü mugü 31:16

Rü yexguma ga Cori ya Tupana rü Moichémaxã nidexa rü ñanagürü: —Marü paxa tá cuyu, rü ñaa chorü duü̃xü̃gü i Iraétanüxü̃ rü paxa tá nawe narüxĩ i ngẽma tupananetagü i ngẽma naane i tá peyaxuxü̃wa ngẽxmagüxü̃. Rü ngẽxguma rü tá choxna nixĩgachitanü, rü ngẽmaãcü tá nagu narüchixe i ngẽma uneta i namaxã chaxüxü̃.

Norü taxre ga popera ga Pedru ümatüxü̃ 2:14

Rü ngẽma ngu̱xẽẽruü̃netagü rü taxuacüma wüxi ya ngexexü̃ nadaugümare, erü naãxẽwa nüxü̃́ tangúchaü̃. Rü tama nüxü̃́ ningu nax nai i ngexü̃maxã namaxẽxü̃. Rü naxca̱x nadaugü nax ngẽma chixexü̃gu tüxü̃ nayixẽẽxü̃ ya yíxema duü̃xẽgü ya turaearü maxü̃ã̱xgüxe. Rü naxaü rü nügüna nananugüchaü̃ i guxü̃ma. Natürü marü chixexü̃ namaxã naxuegu.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:5

Rü ngĩcatügu naxümatü ga wüxi ga naéga ga taxúema nüxü̃ cuáxü̃ nax ñuxũ ñaxü̃chiga yixĩxü̃. Rü yema naéga rü ñanagürü: “Taxü̃ne ya Babirónia i norü mama ixĩxü̃ne i ngẽma ngexü̃gü i naxü̃nemaxã taxegüxü̃ rü ngẽma ãũãchixü̃ i ñoma i naanewa ngẽxmagüxü̃”, ñanagürü.