Neemía 9:4 - Tupanaarü Ore

⁴ Rü yemawena ga yema Lebítanüxü̃ ga Yochué, rü Binuí, rü Caxmié, rü Chebanía, rü Binuí, rü Cherebía, rü Baní rü Quenáni rü yema chinagüchicagu naxĩgü rü yéma tagaãcü Cori ya Tupanamaxã nidexagü.

Neemía 9:4 Iomraidhean Croise

Norü taxre ga to ga popera ga ãẽ̱xgacügüchiga ümatüxü̃ 20:19

Rü yexguma ga yema Queáxtanüxü̃ rü yema Corétanüxü̃ ga Lebítanüxü̃ rü inachigü rü tagaãcü Cori ya Iraétanüxü̃arü Tupanaxü̃ nicua̱xüü̃gü.

Neemía 12:8

Rü ñaagü nixĩ ga yema Lebítanüxü̃: Yochué rü Binuí rü Caxmié rü Cherebía rü Yudá rü Matanía. Rü nüma ga Matanía rü namücügümaxã wüxigu namaxã inacua̱xgüxü̃ ga yema wiyaegü.

Neemía 3:17

Rü yema norü to ga naxtapü̱xarü üye rü Lebítanüxü̃ nixĩ ga namexẽẽgüxü̃. Rü Reúü̃ ga Baní nane nixĩ ga namaxã icuáxü̃. Rü Achabía ga ngãxü̃ ga Queiráarü naanemaxã icuáxü̃ nixĩ ga norü naaneégagu namexẽẽxü̃ ga yema üye ga yexma idaxü̃.

Neemía 8:4

Rü nüma ga chacherdóte ga Édra rü nachinagü nagu ga wüxi ga chinagüruxü̃ ga mürapewanaxca̱x ga woetama yemaruxü̃ yexma üxü̃. Rü norü tügünecüwaguama nachigü ga Matatía, rü Chéma, rü Anía, rü Uría, rü Irichía rü Maachía. Rü norü to̱xwecüwaguama nachigü ga Pedaía, rü Michaé, rü Maquía, rü Achúü̃, rü Achadána, rü Chacaría rü Mechuráü̃.

Neemía 8:7

Rü Lebítanüxü̃ ga Yochué, rü Baní, rü Cherebía, rü Yamíü̃, rü Acúx, rü Chaxtái, rü Odía, rü Maachía, rü Queritá, rü Acharía, rü Yochabá, rü Anáü̃ rü Peraía nixĩ ga duü̃xü̃gümaxã meama nango̱xẽẽgüxü̃ nax ta̱xacüchiga yixĩxü̃ ga yema mugü. Rü yexguma ga nüma ga duü̃xü̃gü rü tama nixĩgachitanü nawa ga yema nachica ga nagu nachigüxü̃.

Neemía 9:5

Rü ñu̱xũchi yema Lebítanüxü̃ ga Yochué, rü Caxmié, rü Baní, rü Achaxnía, rü Cherebía, rü Odía, rü Chebanía rü Petaía rü duü̃xü̃güxü̃ ñanagürügü: —¡Ẽcü, ipechigü rü ñu̱xma rü guxü̃guma nüxü̃ picua̱xüü̃gü ya Cori ya Tupana! Rü naéga rü naxüüne rü guxü̃étüwa nangẽxma. Rü ngẽmaca̱x name nixĩ i nüxü̃ ticua̱xüü̃gü —ñanagürügü.

Wiyaegü 130:1

Rü ñu̱xma nax taxü̃ i guxchaxü̃gü chauétüwa ngẽxmaxü̃, rü curü ngü̃xẽẽca̱x íchaca̱xama, Pa Cori Pa Tupanax.

Wiyaegü 3:4

Rü Cori ya Tupanaca̱x aita chaxü nax choxü̃ nangü̃xẽẽxü̃ca̱x. Rü nüma rü yima norü ma̱xpǘne ya üünenewa choxü̃ nangãxü̃.

Wiyaegü 77:1

Rü tagaãcü Tupanana chaca i chorü yumüxẽwa nax choxü̃ naxĩnüxü̃ca̱x.

Auxexü̃chiga 3:8

Rü woo tagaãcü nüxna chaca nax choxü̃ nangü̃xẽẽxü̃ca̱x, natürü ga nüma rü tama choxü̃́ nüxü̃ naxĩnüchaü̃ ga chorü yumüxẽ.

Ore i mexü̃ ga Cuáü̃ ümatüxü̃ 11:43

Rü yexguma yema ñaxguwena, rü tagaãcü ñanagürü: —Pa Lácharox, ¡ínaxũxũ i ngéma! —ñanagürü.

Ngechuchuarü ngúexü̃gü ga yamugüxü̃arü puracüchiga 7:60

Rü yemawena rü inacaxã́pü̱xü, rü tagaãcü aixta naxü, rü ñanagürü: —Pa Cori Pa Tupanax, ¡Taxṹ i ñaa pecaduca̱x cunapoxcuexü̃ i ñaa duü̃xü̃gü! —ñanagürü. Rü yexguma yema ñaxguwena rü nayu.