Neemía 8:7 - Tupanaarü Ore

⁷ Rü Lebítanüxü̃ ga Yochué, rü Baní, rü Cherebía, rü Yamíü̃, rü Acúx, rü Chaxtái, rü Odía, rü Maachía, rü Queritá, rü Acharía, rü Yochabá, rü Anáü̃ rü Peraía nixĩ ga duü̃xü̃gümaxã meama nango̱xẽẽgüxü̃ nax ta̱xacüchiga yixĩxü̃ ga yema mugü. Rü yexguma ga nüma ga duü̃xü̃gü rü tama nixĩgachitanü nawa ga yema nachica ga nagu nachigüxü̃.

Neemía 8:7 Iomraidhean Croise

Nüxíraxü̃xü̃ ga popera ga ãẽ̱xgacügüchiga 8:14

Rü yemawena nüma ga ãẽ̱xgacü rü guxü̃ma ga yema Iraétanüxü̃ ga yexma chigüxü̃ca̱x nadauegu, rü mexü̃ namaxã naxuegu.

Norü taxre ga to ga popera ga ãẽ̱xgacügüchiga ümatüxü̃ 30:22

Rü nüma ga Echequía rü yema Lebítanüxü̃na moxẽ naxã naxca̱x ga yema puracü ga mea norü ngúchaü̃maxã Cori ya Tupanaca̱x naxügüxü̃. Rü yema 7 ga ngunexü̃gu rü nanangõ̱xgü ga yema Üpetüchigaarü õna. Rü Tupanaca̱x ínanagu ga ãmaregü norü ngüxmüxẽẽruxü̃. Rü ñu̱xũchi nüxü̃ nicua̱xüü̃gü ya yimá Cori ya norü o̱xigüarü Tupana.

Norü taxre ga to ga popera ga ãẽ̱xgacügüchiga ümatüxü̃ 35:3

Rü nüma ga ãẽ̱xgacü rü nanamu ga yema Lebítanüxü̃ ga Iraétanüxü̃arü ngúexẽẽruü̃gü ga Tupanana nügü ãgüxü̃, rü ñanagürü nüxü̃: —¡Yima Tupanapata ya taxü̃ne ya Dabí nane ga ãẽ̱xgacü ga Charomóü̃ üxü̃negu peyaxǘ i ngẽma baú i Tupanaarü mugü nagu nuxü̃! Rü ñu̱xmawena rü marü taxũtáma peyangegü i ngẽma baú. Rü ngéma Tupanapata ya taxü̃newa tá nixĩ i Cori ya Tupanaaxü̃́ pepuracüexü̃ rü norü duü̃xü̃gü i Iraétanüxü̃axü̃́ pepuracüexü̃.

Édra 8:18

Rü Tupana rü tomaxã namecüma, rü yemaca̱x toxü̃tawa nanamu ga Cherebía ga meama poperaxü̃ cuácü ga Lebítanüxü̃ ga Máritaxa ixĩcü. Rü nüma ga Cherebía rü toxü̃tawa nangu wüxigu namaxã ga nanegü rü naenexẽgü ga meama 18 ga duü̃xü̃gü ixĩgüxü̃.

Neemía 10:18

rü Odía, rü Achúü̃, rü Bechái

Neemía 10:2

rü Cheraía, rü Acharía, rü Yeremía,

Neemía 11:16

Rü togü ga Lebítanüxü̃ ga Yerucharéü̃gu ãpatagüxü̃ rü Chaxtái rü Yochabá nixĩgü. Rü nümagü nixĩ ga namaxã inacua̱xgüxü̃ ga yema Lebítanüxü̃ ga Tupanapata ga taxü̃nearü düxétüwaama puracüexü̃.

Neemía 11:19

Rü yema ĩanearü ĩã̱xgüarü dauruü̃gü ga Yerucharéü̃wa yexmagüxü̃ nixĩ ga Acúx rü Tamóü̃ rü naétü ga natanüxü̃ ga yema ĩã̱xarü dauruü̃gü. Rü guxü̃wama rü 172 nixĩ ga norü mu.

Neemía 3:17

Rü yema norü to ga naxtapü̱xarü üye rü Lebítanüxü̃ nixĩ ga namexẽẽgüxü̃. Rü Reúü̃ ga Baní nane nixĩ ga namaxã icuáxü̃. Rü Achabía ga ngãxü̃ ga Queiráarü naanemaxã icuáxü̃ nixĩ ga norü naaneégagu namexẽẽxü̃ ga yema üye ga yexma idaxü̃.

Neemía 3:19

Rü Éche ga Yochué nane nanamexẽxẽ ga yema to ga naxtapü̱xarü üye ga naxnegüpataxü̃arü nama ídaãchixü̃arü to̱xma̱xtawa ixügüxü̃ rü ñu̱xmata yema naxtapü̱x ínapoõchixü̃wa nangu.

Neemía 3:23

Rü nawena ga norü üye ga chacherdótegü naxügüxü̃ rü Bẽyamíü̃ rü Achúx nixĩ ga namexẽẽgüxü̃ ga yema naxtapü̱xarü üye ga napatagüarü to̱xma̱xtawa üxü̃. Rü nawena rü Acharía ga Maachía nane ga Ananía nataxa nixĩ ga namexẽẽxü̃ ga yema naxtapü̱xarü üye ga napataxü̃tawa yexmaxü̃.

Neemía 8:12

Rü yexguma ga nüma ga guxü̃ma ga duü̃xü̃gü rü chibüwa rü axewa naxĩ rü namücügümaxã nangaugü ga norü õnagü. Rü yemaacü nanaxüchigagü ga yema ngunexü̃, yerü nüxü̃ nicua̱xãchitanü ga yema Édra nangúexẽẽxü̃.

Neemía 8:4

Rü nüma ga chacherdóte ga Édra rü nachinagü nagu ga wüxi ga chinagüruxü̃ ga mürapewanaxca̱x ga woetama yemaruxü̃ yexma üxü̃. Rü norü tügünecüwaguama nachigü ga Matatía, rü Chéma, rü Anía, rü Uría, rü Irichía rü Maachía. Rü norü to̱xwecüwaguama nachigü ga Pedaía, rü Michaé, rü Maquía, rü Achúü̃, rü Achadána, rü Chacaría rü Mechuráü̃.

Neemía 8:6

Rü yexguma ga nüma ga Édra rü Cori ya Tupana ya Guxãétüwa ngẽxmacüxü̃ nicua̱xüxü̃. Rü guxü̃ma ga duü̃xü̃gü rü dauxna naxugüchacüxüãcüma nanangãxü̃gü rü ñanagürügü: —Ngẽmaãcü yixĩ, rü ngẽmaãcü yixĩ —ñanagürügü. Rü yemawena rü waixü̃müanegu nanangücuchitanü, rü yemaacü Cori ya Tupanaxü̃ nicua̱xüü̃gü.

Neemía 8:8

Rü nümagü rü tagaãcü duü̃xü̃güca̱x nüxü̃ nadaumatügü ga yema Tupanaarü mugüpane. Rü ñu̱xũchi meama duü̃xü̃gümaxã nanango̱xẽxẽ ga yema ore nax nüxü̃ nacua̱xgüxü̃ca̱x nax ta̱xacüchiga yixĩxü̃.

Neemía 9:3

Rü nachicagutama nachigüãcüma tomaepü̱x ga ora ningegü ga nüxü̃ nax naxĩnüexü̃ ga Cori ya Tupanaarü mugü. Rü naétü to ga tomaepü̱x ga ora ningegü ga Tupanamaxã nüxü̃ nax yaxugüexü̃ ga norü chixexü̃gü rü Tupanaxü̃ nax yacua̱xüü̃güxü̃.

Neemía 9:4

Rü yemawena ga yema Lebítanüxü̃ ga Yochué, rü Binuí, rü Caxmié, rü Chebanía, rü Binuí, rü Cherebía, rü Baní rü Quenáni rü yema chinagüchicagu naxĩgü rü yéma tagaãcü Cori ya Tupanamaxã nidexagü.

Maraquía 2:7

Rü wüxi i chacherdótearü puracü nixĩ nax duü̃xẽgü tüxü̃ nangúexẽẽxü̃ nax choxü̃ tacua̱xgüxü̃ca̱x. Rü ngẽmaca̱x name nax guxü̃ma i duü̃xü̃gü naxü̃tawa ĩxü̃ nax tüxü̃ nangúexẽẽxü̃ca̱x, erü choma nax guxãétüwa changexmaxü̃ rü nüxü̃ chaxuneta nax chorü orearü uruü̃gü yixĩgüxü̃ca̱x.

Wenaxarü naxümatü ga Tupanaarü mugü 33:10

Rü nümagü ga Lebítanüxü̃ nixĩ ga mea Iraétanüxü̃xü̃ ga Acóbutanüxü̃xü̃ nangúexẽẽxü̃ i curü mugü rü ucu̱xẽgü. Rü nümagü nixĩ i cupe̱xewa curü ãmarearü guruü̃wa yagugüãxü̃ i naxü̃nagü i duü̃xü̃gü cuxna ãmaregüxü̃ rü ñu̱xũchi yagugüãxü̃ i pumarate̱xegü.