Neemía 8:10 - Tupanaarü Ore

¹⁰ Rü ñanagürü ta ga Édra: —¡Ẽcü mea peyachibüe rü bínu ya maixcuracü peyaxagü! ¡Rü tümamaxã pengau ya texé ya tüxü̃́ nataxúxe i tümaarü õna nax wüxigu petaãẽgüxü̃ca̱x! Erü ñoma i ngunexü̃ rü woetama Cori ya Tupanaca̱x ítanaxǘxüchi. Rü ngẽmaca̱x tama name nax pengechaü̃güxü̃ erü ngẽma taãxẽ i tórü Cori ya Tupana tüxna ãxü̃ rü tórü poxü̃ruxü̃ nixĩ —ñanagürü.

Neemía 8:10 Iomraidhean Croise

Nüxíraxü̃xü̃ ga popera ga ãẽ̱xgacügüchiga 8:66

Rü moxü̃ãcü ga Charomóü̃ rü guxü̃ma ga yema duü̃xü̃güxü̃ narümoxẽ nax nachiü̃ca̱x nawoeguxü̃ca̱x. Rü nüma ga duü̃xü̃gü rü norü ãẽ̱xgacümaxã mexü̃ naxuegugü. Rü taãẽãcüma nawoegu yerü Tupana rü nüxü̃ nanawe̱x nax ñuxãcü poraãcü norü duü̃ ga Dabítanüxü̃xü̃ nangechaü̃xü̃, rü ñuxãcü poraãcü nüxü̃ nax nangü̃xẽẽxü̃ i guxü̃ma i norü duü̃xü̃gü i Iraéanecüã̱xgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:27

Rü nüma ínangexmaxü̃wa rü poraãcü nangóone. Rü napatawa nangẽxma i pora rü taãxẽ.

Neemía 8:11

Rü yexgumarüxü̃ ta ga nüma ga Lebítanüxü̃ rü duü̃xü̃gümaxã nüxü̃ nixugüe rü ñanagürügü: —¡Marütama nax pexauxexü̃! Erü ñoma i ngunexü̃ rü woetama Cori ya Tupanaca̱x ítanaxǘxüchi —ñanagürü.

Neemía 8:12

Rü yexguma ga nüma ga guxü̃ma ga duü̃xü̃gü rü chibüwa rü axewa naxĩ rü namücügümaxã nangaugü ga norü õnagü. Rü yemaacü nanaxüchigagü ga yema ngunexü̃, yerü nüxü̃ nicua̱xãchitanü ga yema Édra nangúexẽẽxü̃.

Ester 9:19

Natürü ngẽma Yudíugü i togü i ĩanegüwa rü ĩanexacügüwa maxẽxü̃ rü ñu̱xma rü ta tauemacü i Adáarü 14 i ngunexü̃gu nanaxüchigagü rü nataãẽgü rü ãmare nügüna naxãgü.

Wiyaegü 149:2

Rü pemax, Pa Iraétanüxü̃ i Chióü̃cüã̱x i Tupanaarü Duü̃xü̃gü Pixĩgüxex ¡rü namaxã petaãxẽgü! Erü nüma nixĩ i perü ãẽ̱xgacü ga pexü̃ nango̱xẽẽxü̃.

Wiyaegü 89:17

Rü aixcüma nixĩ i curü duü̃xü̃güarü poraxẽẽruxü̃ quixĩxü̃ rü cuma nixĩ i nüxü̃ curüngü̃xẽẽxü̃ nax cucümagu naxĩxü̃ca̱x. Rü ngẽma yexeraãcü nax tiporaetanüxü̃ rü curü ngúchaü̃gagu nixĩ.

Ucu̱xẽgüchiga 17:22

Ngẽxguma itaãẽgu, rü ngẽma taãxẽ rü ñoma wüxi i üxüxü̃ i mexü̃rüxü̃ nixĩ, natürü ngẽxguma ingechaü̃gu rü ínarüxĩ i ngẽma tórü pora.

Ngu̱xẽẽtaeruü̃arü ore 11:2

¡Rü togüxü̃ rüngü̃xẽxẽ namaxã i ngẽma cuxü̃́ tauxchaxü̃! Erü tama nüxü̃ cucua̱x nax ta̱xacürü guxchaxü̃ tá ínguxü̃ nawa i ñaa nachixü̃ane.

Ngu̱xẽẽtaeruü̃arü ore 2:24

Rü ngẽma nüxü̃́ rümemaexü̃ ya yimá yatü nixĩ nax nachibüxü̃ rü naxaxexü̃ rü nangóoxü̃ i ngẽma norü puracütanü. Erü guxü̃ma i ngẽma rü ta Tupana nanango̱xẽxẽ.

Ngu̱xẽẽtaeruü̃arü ore 5:18

Rü ngẽmaca̱x nagu charüxĩnü rü ñu̱xma nax paxaãchi ñoma i naanewa Tupana tüxü̃ maxẽxẽẽxü̃, rü ngẽma rümemaexü̃ rü taãxẽ tüxna ãxü̃ nixĩ nax nangṍxü̃ rü yaxaxüxü̃ i ngẽma tórü puracütanü i ñoma i naanewa poraãcü naxca̱x ipuracüxü̃. Erü ngẽma nixĩ i tüxna üxü̃.

Ngu̱xẽẽtaeruü̃arü ore 9:7

Rü ngẽmaca̱x, ¡taãẽãcüma nangõ̱x i paũ rü yaxaxü ya bínu! Erü Cori ya Tupana rü namaxã nataãxẽ i guxü̃ma i ngẽma mexü̃ i ñoma i naanewa cuxüxü̃.

Charumóü̃arü wiyae 5:1

Rü marü nagu chaxücu i chorü putüranecü, Pa Pacü Pa Cho̱xma̱x, rü ngéma nüxü̃ chayangau i naguxü̃raü̃xü̃ i pumaragü i chi̱xemaxü̃chixü̃. Rü marü nüxü̃ chaweneta ya chorü berure ya naxchiãü̃wa ngẽxmane, rü marü chayaxaxü i chorü bínu rü lechi. Pa Tomücügü ya Pexü̃ Tangechaü̃güxex, ¡Rü pechibüe rü pexaxegü! ¡Rü mea pegüxü̃́ peyanguxẽxẽ i ngẽma penaxwa̱xexü̃!

Ichaía 49:5

Rü nüma ya Cori ya Tupana rü chauéanüwa choxü̃ nango̱xẽxẽ nax norü duü̃xü̃ chixĩxü̃ca̱x rü ngẽmaãcü Iraétanüxü̃ i Acóbuarü duü̃xü̃güxü̃ naxca̱x chawoeguxẽẽxü̃ca̱x nax wenaxarü norü duü̃xü̃gü yixĩgüxü̃ca̱x. Rü Tupanape̱xewa rü poraãcü nüxü̃́ chame rü ngẽmaca̱x choxü̃ naporaxẽxẽ. Rü ngẽma nixĩ i nagu charüxĩnü.

Ichaía 61:10

Choma rü Tupanamaxã chataãxẽ. Rü aixcüma poraãcü namaxã chataãxẽ i chorü Tupana erü nüma choxü̃ ínanguxuchixẽxẽ rü pora choxna naxã nax nüxü̃ charüporamaexü̃ca̱x i chorü uanügü. Rü ñoma wüxi i ãxma̱xchaü̃xü̃rüxü̃ chamexchiruxüchi rü ñoma wüxi i ãtechaü̃xü̃rüxü̃ chaugü changa̱xãẽ.

Joel 2:23

¡Rü petaãxẽgü, Pa Chióü̃cüã̱xgü! ¡Rü namaxã petaãẽgü ya Cori ya Tupana! Yerü pexca̱x nanapuxẽxẽ ga yexguma meama nawa nanguxgu nax mucüca̱x napuxẽẽãxü̃ rü taunecüca̱x napuxẽẽãxü̃ yema noxri mea napuxẽẽã̱xgurüxü̃.

Chacaría 14:21

Rü guxü̃ma i ngẽma buetaregü i Yerucharéü̃wa rü Yudáanewa ngẽxmagüxü̃, rü Cori ya Tupana ya Guxãétüwa Ngẽxmacüarü tá nixĩgü. Rü texé ya naxü̃na Tupanaca̱x imáxẽ, rü yimawa tá tanamuxra i ngẽma namachi i Cori ya Tupanana taxãxü̃. Rü ngẽma ngunexü̃gu rü marü taxũtáma Cori ya Tupana ya Guxãxétüwa Ngẽxmacüpata ya taxü̃newa texé ta̱xacümaxã ngéma tataxe.

Ore i mexü̃ ga Luca ümatüxü̃ 11:41

Rü name nixĩ i curü diẽruwa ngẽma ngearü diẽruã̱xgüxü̃na penaxã. Rü ngẽmaãcü tá pime i guxü̃wama.

2 Corintios 8:2

Rü woo taxü̃ ga guxchaxü̃gü nüxü̃́ yexmagüxü̃, natürü nataãẽgü. Rü woo tama namuarü diẽruã̱xgü, natürü yema nüxü̃́ yexmacü ga diẽrumaxã togüxü̃ narüngü̃xẽẽgü, ñoma nataarü diẽruã̱xgüxü̃rüxü̃.

Filipenses 3:4

Rü ngẽxguma chi aixcüma Tupanape̱xewa imexgu nawa i ngẽma nax íwiecha̱xmüü̃pe̱xechiraü̃xü̃, rü choma chi waxi nixĩ i guxü̃ i togüarü yexera choxü̃́ nangẽxma i ta̱xacüca̱x chayaxõxü̃ i ngẽma Yudíugücüma. Rü tataxuchima ya togue ya chorü yexera yaxṍxe i ngẽmachiga.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:10

Rü ngẽma duü̃xü̃gü i ñoma i naanewa maxẽxü̃ rü tá nataãẽgü nax marü nayuexü̃ i ngẽma taxre. Rü ngẽma nax poraãcü nataãẽgüxü̃ rü tá nügüna ãmare naxãgü, yerü yema taxre ga orearü uruü̃gü rü poraãcü naãxẽwa nananguxẽẽgü.