Neemía 7:5 - Tupanaarü Ore

⁵ Rü nüma ga Tupana rü chauãẽwa nananguxẽxẽ nax chanangutaque̱xexẽẽxü̃ca̱x ga yema duü̃xü̃gü ga tachigagüxü̃ rü yema ãẽ̱xgacügü rü naétü guxü̃ma ga duü̃xü̃gü nax yemaacü wüxi ga poperagu nügü yawǘgüxü̃ca̱x ga duü̃xü̃gü, natanüxü̃maxãchigü. Rü choma rü nüxü̃ chayangau ga yema popera ga nagu naxümatügüxü̃ ga naéga ga yema duü̃xü̃gü ga nüxíra Yerucharéü̃wa ngugüxü̃.

Neemía 7:5 Iomraidhean Croise

Édra 7:27

Rü yexguma ga Édra rü nayumüxẽ rü ñanagürü: —Pa Torü O̱xigüarü Tupanax, rü cuma rü cumecümaxü̃chi. Rü ngẽmaca̱x ãẽ̱xgacüãẽwa ícunanguxẽxẽ nax yima cupata ya taxü̃ne ya Yerucharéü̃wa ngẽxmane wena namexẽẽgüãxü̃ca̱x i curü duü̃xü̃gü.

Neemía 5:19

¡Pa Chorü Cori ya Tupanax, nüxna nacua̱xãchi i ngẽma guxü̃ma i mexü̃ i ñaa duü̃xü̃güca̱x chaxüxü̃ rü choxna naxã i curü ngü̃xẽxẽ!

Neemía 6:14

Pa Chorü Tupanax, ¡taxṹ i cunangupetüxẽxẽmarexü̃ ga yema chixexü̃ ga naxügüxü̃ ga Chambaráx rü Tobía! ¡Rü ngẽxgumarüxü̃ ta taxṹ i cunangupetüxẽxẽmarexü̃ i ngĩrü chixexü̃ i ngẽma orearü uruü̃neta i Noadía, rü ñu̱xũchi ngẽma togü i orearü uruü̃güneta i choxü̃ muü̃xẽxẽgüchaü̃xü̃!

Neemía 7:4

Rü guma ĩane ga Yerucharéü̃ rü nata rü nataanexüchi natürü yema duü̃xü̃gü rü nanoxree̱xpü̱x yerü taxũta nimexẽẽgü ga guma ĩpatagü.

Neemía 7:64

Rü nümagü ga yema chacherdótegü rü yema natanüxü̃panegu naxca̱x nadaugü ga naéga. Natürü nataxuma ga naéga ga yema natanüxü̃panewa rü yemaca̱x ínanamuxü̃ ga chacherdótegütanüwa.

Ucu̱xẽgüchiga 2:6

Erü nüma ya Cori ya Tupana nixĩ i cua̱x tüxna ãcü, rü naã̱xwa nixĩ i íyachoxü̃tanücüüxü̃ i guxü̃ma i cua̱x.

Ucu̱xẽgüchiga 3:6

¡Guxü̃ma i ta̱xacü icuxüxü̃wa rü Tupaname̱xẽgu naxǘ, rü nüma rü tá cumaxã inacua̱x rü mea tá cuxü̃́ ínanguxuchi i ngẽma cuxüxü̃!

1 Corintios 15:10

Natürü ga Tupana rü chomaxã namecüma, rü ngẽmaca̱x i ñu̱xma rü choxü̃ pedau nax ta̱xacü chixĩxü̃ rü ñuxãcü nax chixĩxü̃. Rü yema chomaxã nax namecümaxü̃ rü tama natüca̱xma nixĩ. Yerü choma rü guxü̃ ga togü ga yamugüxü̃arü yexera chanaxü ga Tupanaarü puracü. Natürü tama chauechama chanaxü ga yema puracü, natürü Tupana ga chomaxã mecümacü rü chomaxã puracücü nixĩ ga naxücü ga yema puracü nax nüxü̃ chixuxü̃ca̱x ga norü ore.

2 Corintios 3:5

Rü tama tóxrütama cua̱xmaxã nixĩ i tanaxüxü̃ i ngẽma puracü. Natürü guxü̃ma i ngẽma taxüxü̃ rü Tupanaarü ngü̃xẽẽmaxã nixĩ i tanaxüxü̃.

2 Corintios 8:16

Natürü Tupanana moxẽ chaxã, erü nüma rü Títoxü̃ nagu narüxĩnüxẽxẽ i ngẽmatama oegaãxẽ i choma pexca̱x choxü̃́ ngẽxmaxü̃.

Colosenses 1:29

Rü ngẽmaca̱x woo guxchaxü̃gü cha̱u̱xca̱x ínguxgu rü poraãcü chapuracüama namaxã i ngẽma pora i chowa ngẽxmaxü̃ i Cristu choxna ãxü̃.

Popera ga Chantiágu ümatüxü̃ 1:16

Pa Chauenexẽgü ya Pexü̃ Changechaü̃güxe, tama name i pegü ipexã nax texé pexü̃ womüxẽẽxü̃ca̱x.