Neemía 7:3 - Tupanaarü Ore

³ Rü choma rü yema taxremaxã nüxü̃ chixu nax tama yawãxnagüãxü̃ca̱x ga yema Yerucharéü̃arü ĩã̱xgü naxü̃pa nax mea yabáxichixü̃ ga üa̱xcü. Rü yexgumarüxü̃ ta ga yáuanecü rü naxü̃pa nax yaxĩgachitanüxü̃ ga yema ĩã̱xgüarü dauruü̃gü rü namaxã nüxü̃ chixu nax nawãxtagüãxü̃ ga yema ĩã̱xgü. Rü yexgumarüxü̃ ta Yerucharéü̃cüã̱xgütanüwatama nüxü̃ chaxuneta ga dauxü̃taeruü̃gü nax dauxü̃taechicagüwa rü napatagüpe̱xewatama nadauxü̃taegüxü̃ca̱x.

Neemía 7:3 Iomraidhean Croise

Neemía 13:19

Rü yexguma chanaxunagü nax yexguma üa̱xcü yarüxücuxgu rü ngü̃chigaarü ngunexü̃ ixügügu nax nawãxtagüãxü̃ca̱x ga Yerucharéü̃arü ĩã̱xgü rü tama nax yawãxnagüaxü̃ rü ñu̱xmata nangupetü ga yema ngunexü̃. Rü ĩã̱xgu chanamugü ga ñuxre ga chorü ngü̃xẽẽruü̃gü nax ngü̃xchigaarü ngunexü̃gu taxuxü̃ma ga yemaxü̃gü ichocuxü̃ca̱x.

Neemía 3:23

Rü nawena ga norü üye ga chacherdótegü naxügüxü̃ rü Bẽyamíü̃ rü Achúx nixĩ ga namexẽẽgüxü̃ ga yema naxtapü̱xarü üye ga napatagüarü to̱xma̱xtawa üxü̃. Rü nawena rü Acharía ga Maachía nane ga Ananía nataxa nixĩ ga namexẽẽxü̃ ga yema naxtapü̱xarü üye ga napataxü̃tawa yexmaxü̃.

Neemía 7:2

Rü nüxü̃ chaxuneta ga chauenexẽ ga Ananí nax Yerucharéü̃arü ãẽ̱xgacü yixĩxü̃ca̱x. Rü yexgumarüxü̃ ta nüxü̃ chaxuneta ga Ananía nax ãẽ̱xgacüpatamaxã inacuáxü̃ca̱x yerü nüma nixĩ ga wüxi ga yatü ga mea ta̱xacümaxã icuáxü̃ rü guxü̃ma ga duü̃xü̃güarü yexera Tupanaga naxĩnüxü̃.

Neemía 7:4

Rü guma ĩane ga Yerucharéü̃ rü nata rü nataanexüchi natürü yema duü̃xü̃gü rü nanoxree̱xpü̱x yerü taxũta nimexẽẽgü ga guma ĩpatagü.

Wiyaegü 127:1

Rü ngẽxguma chi tama Tupanaarü ngü̃xẽẽmaxã yixĩxgu nax naxüxü̃ ya wüxi ya ĩpata rü natüca̱xmamare chi nixĩ i nawa napuracüexü̃ i ngẽma norü üruü̃gü. Rü ngẽxguma chi nüma ya Cori tama nüxna nada̱u̱xgu ya wüxi ya ĩane rü natüca̱xmamare chi nixĩ i nüxna nadaugüxü̃ i ngẽma norü dauruü̃gü.

Wiyaegü 147:13

Erü nüma rü nanataixẽxẽ i perü ĩanearü ĩã̱x naxcha̱xwa i perü uanügü. Rü mea nüxna nadau i pexacügü i perü ĩanewa.

Ore i mexü̃ ga Matéu ümatüxü̃ 10:16

Dücax, choma rü ñoma carnérugü i airugü i düraexü̃tanüwa imugüxü̃rüxü̃ pexü̃ chamugü. ¡Rü ngẽmaca̱x penaxwa̱xe i ãxtapegürüxü̃ pexuãẽgü, natürü muxtucugürüxü̃ taxuxü̃ma i chixexü̃ pexügü!