Neemía 6:1 - Tupanaarü Ore

¹ Rü yema torü uanügü ga Chambaráx rü Tobía rü yema Arábiaanecüã̱x ga Yechéü̃ rü yema togü ga torü uanügü rü nüxü̃ nacuáxchigagü nax wena chanamexẽẽxü̃ ga yema ĩanearü poxeguxü̃tápü̱x. Rü yema íyangoxnaxü̃wa rü guxü̃ma charüchauxta rü taxuxü̃ma chaxüpetü. Rü norü ĩã̱xgüxicatama nixĩ ga choxü̃́ taxuxü̃ nax chananucuxü̃.

Neemía 6:1 Iomraidhean Croise

Neemía 13:4

Rü naxü̃pa nax yema ngupetüxü̃, rü chacherdóte ga Eriachí nixĩ ga namaxã icuácü ga Tupanapata ga taxü̃nearü yemaxü̃güpataü̃gü. Natürü nüma ga Eriachí rü Tobíatanüxü̃ nixĩ.

Neemía 2:10

Natürü yexguma Chambaráx ga Oróü̃tanüxü̃arü ãẽ̱xgacü, rü Tobía ga Amóü̃tanüxü̃arü ãẽ̱xgacü nüxü̃ cua̱xgügu nax íchanguxü̃, rü poraãcü nanue yerü nüxü̃ nacua̱xgü nax chautanüxü̃ ga Iraétanüxü̃arü ngü̃xẽẽwa chaxũxü̃.

Neemía 2:19

Natürü yexguma Chambaráx ga Oróü̃tanüxü̃arü ãẽ̱xgacü, rü Tobía ga Amóü̃tanüxü̃arü ãẽ̱xgacü, rü Yechéü̃ ga Arábiaanecüã̱x ixĩxü̃ nüxü̃ cuáchigagu ga yema puracü rü toxü̃ nacugüe rü togu nidauxcüraxü̃gü. Rü toxna naca rü ñanagürügü toxü̃: —¿Ta̱xacü ípexüe? ¿Ẽ̱xna nagu perüxĩnüe nax tama ãẽ̱xgacüga pexĩnüexü̃? —ñanagürügü.

Neemía 3:1

Rü nüma ga chacherdóte ga Eriachí rü ñu̱xũchi yema namücügü ga chacherdótegü nixĩ ga namexẽẽgüxü̃ ga yema ĩã̱x ga Carnérugügu ãégaxü̃. Rü nanaxü ga naachina̱xãgü rü ñu̱xũchi nananucu ga norü ĩã̱xgü. Rü ñu̱xũchi yema 100arü Daxũtaechicawa inanaxügüe nax namexẽẽgüaxü̃́ ga yema naxtapü̱x rü ñu̱xmata yema Ananéarü Daxũtaechicagu yacuáx.

Neemía 3:3

Rü yema Chenaátanüxü̃ nixĩ ga namexẽẽgüxü̃ ga yema ĩã̱x ga Choxnigügu ãégaxü̃. Rü nanaxü ga naachina̱xãgü rü ñu̱xũchi nananucu ga norü ĩã̱xgü namaxã ga norü wãtaruü̃gü rü norü tairuü̃gü.

Neemía 3:6

Rü Yoadá ga Pachéa nane, rü Mechuráü̃ ga Bechodía nane nixĩ ga namexẽẽgüxü̃ ga yema ĩã̱x ga Yechanágu ãégaxü̃. Rü nanaxü ga naachina̱xãgü rü ñu̱xũchi nananucu ga norü ĩã̱xgü namaxã ga norü wãtaruü̃gü rü norü tairuü̃gü.

Neemía 4:1

Rü yexguma nüma ga Chambaráx nüxü̃ ĩnüchigagu ga nax namexẽẽgüãxü̃ ga guma ĩanearü poxeguxü̃, rü nanu rü norü numaxã toxü̃ nacugü.

Neemía 7:1

Rü yexguma marü nagu̱xgu nax namexẽẽgüaxü̃ ga Yerucharéü̃arü poxeguxü̃tápü̱x rü nananucu ga norü ĩã̱xgü. Rü ñu̱xũchi nüxü̃ naxunetagü ga ĩã̱xarü dauruü̃gü rü wiyaetanüxü̃ rü Lebítanüxü̃.

Danié 9:25

Rü name i nüxü̃ cucua̱x nax ta̱xacüchiga yixĩxü̃ i ngẽma tá cumaxã nüxü̃ chixuxü̃: Rü ngẽma ngunexü̃ i nagu naxunagüxü̃ nax wena namexẽẽgüãxü̃ca̱x ya Yerucharéü̃ rü ñu̱xmata ngẽma ngunexü̃ ya yima ãẽ̱xgacü ya mecü nagu ínguxü̃gu rü 7 i yüxü tá ningu i ngẽxguma. Rü ngẽma nax namexẽẽgüãxü̃ca̱x i Yerucharéü̃arü namagü rü norü poxeguxü̃tápü̱x rü 62 ya yüxü tá ningu. Natürü ngẽma ngunexü̃gügu rü tá taxü̃ i guxchaxü̃ nangẽxma.