Neemía 5:2 - Tupanaarü Ore

² Yerü nümaxü̃ ga yema duü̃xü̃gü rü nügü nixu nax namuxacüxǘchixü̃ rü trigu nanaxwa̱xegüxü̃ nax tama taiyamaxã tayuexü̃ca̱x ga naxacügü.

Neemía 5:2 Iomraidhean Croise

Naanearü ügüchiga 41:57

Rü guxü̃ma ga yema togü ga nachixü̃anecüã̱x ga duü̃xü̃gü rü Equítuanewa naxĩ nax Yúchexü̃tawa naxca̱x nataxegüxü̃ca̱x ga trigu. Yerü taxuxü̃ma ga to ga nachixü̃anewa nayexma ga nabü.

Naanearü ügüchiga 42:2

Rü chomaxã nüxü̃ nixugügü rü Equítuanewa nax nangemaxü̃ i trigu ¡Rü ngéma pexĩ nax triguta peyataxegüxü̃ca̱x nax ngẽmaãcü tama iyuexü̃ca̱x! —ñanagürü.

Naanearü ügüchiga 43:8

Rü yexguma ga Yudá rü nanatü ga Iraéxü̃ ñanagürü: —Rü ngẽxguma tama taiyamaxã iyuechaxü̃gu, rü ẽcü ¡towe namu ya yimá toenexẽ! Rü chomatátama nüxna chadau, rü ñu̱xma tátama itaxĩãchi. Rü ngẽmaãcü taxũtáma taiyamaxã tayue i yixema rü toxocügü.

Naanearü ügüchiga 47:19

¡Ẽcü toxca̱x rü ñu̱xũchi torü naanegüca̱x nataxe nax ngẽmaãcü trigumaxã toxü̃́ cunaxüchicüüxü̃ca̱x, rü Faraóü̃me̱xẽwa tangexmagüxü̃ca̱x! Rü ñu̱xũchi nüxü̃́ tá tapuracüe i torü naanewa. ¡Rü naxchire toxna ne naxã nax ngẽmaãcü tama ngéma nata̱xmarexü̃ca̱x i ngẽma naane rü ngẽmaãcü nax tachibüexü̃ca̱x! ¿Rü tü̱xcüü̃ toxü̃ ícuwogü nax ngẽmaãcü tayuexü̃ca̱x rü ngéma nawogümarexü̃ca̱x i ngẽma torü naanegü? —ñanagürügü.

Norü taxre ga popera ga ãẽ̱xgacügüchiga 4:1

Rü iyexma ga wüxi ga nge ga orearü uruxü̃ naxma̱x, rü ngĩma ga yema nge rü Erichéuxü̃tawa ixũ rü yéma nüxü̃ iyarüxu rü ngĩgürügü: —Chaute rü marü nayu rü cuma rü nüxü̃ cucua̱x ga nüma rü aixcüma Tupanaxü̃ nax nangechaü̃xü̃. Natürü i ñu̱xmax i ngẽma duü̃xü̃ ga diẽru naxü̃tawa ngĩxü̃ nayaxuxü̃ ga chaute, rü chauxü̃tawa naxũ nax nüxü̃́ chanaxütanüxü̃ca̱x. Rü ngẽmaca̱x tüxü̃ nigagüchaü̃ ya yíxema taxre ya chaune norü puracütanüxü̃ruxü̃ —ngĩgürügü.

Neemía 5:3

Rü yexgumarüxü̃ ta ga togü ga duü̃xü̃gü rü nidexagü naxca̱x nax nüxü̃́ nataxuxü̃ ga norü trigu rü yema nax nataxuxü̃gagu rü düxwa norü naanegüégagu rü norü úbanecügüégagu rü ñu̱xũchi napatagüégagu diẽruca̱x ínacagü nax natanüxü̃ diẽru nüxna ãgüxü̃ca̱x nax yemaacü tríguca̱x nataxegüxü̃ca̱x.

Aguéu 1:6

Rü pema rü muxü̃ma i penetü petogü natürü noxretama i norü o pibuxgü. Pechibüe natürü tama pexü̃́ ningu, rü pexaxegü natürü pita̱xawaeama. Rü pegü pidüxgü natürü taguma penaiwe. Rü yíxema puracüxe rü tanayauxtanü i tümaarü puracü natürü paxãma tüxü̃́ nagu. Rü ñoma choca irügáuxü̃gu tananúcuxü̃rüxü̃ nixĩ.

Maraquía 2:2

“Rü dücax, rü name nixĩ i chauga pexĩnüe. Rü chanaxwa̱xe i aixcüma choxü̃ pengechaü̃gü. Rü ngẽxguma taxũtáma chauga pexĩnüegu rü choma rü tá guxchaxü̃ pemaxã chaxuegu. Rü ñu̱xma nax tama aixcüma choxü̃ pengechaü̃güxü̃ rü ngẽma perü natanü i peyauxgüxü̃ naxca̱x nax chacherdótegü pixĩgüxü̃ rü choma rü tá perü guxchaxü̃ruxü̃ chayanguxuchixẽxẽ” —ñanagürü ya Cori ya Tupana ya Guxãétüwa Ngẽxmacü.

Wenaxarü naxümatü ga Tupanaarü mugü 23:19

Rü ngẽxguma pemücüna diẽru pexãxgu nax yixcüamaxü̃ra pexü̃́ tá natáeguxẽẽxü̃ca̱x, ¡rü taxṹ i penaxwa̱xexü̃ nax norü üétümaxã pexü̃́ tá nataeguxü̃! Rü nüetama nixĩ ega woo diẽru yixĩxgu, rüe̱xna õna yixĩxgu, rüe̱xna ngexü̃rüüxü̃mare i ngẽmaxü̃gü i üétüãcü itaxeguxẽẽxü̃ yixĩxgu.