Neemía 4:7 - Tupanaarü Ore

⁷ Natürü yexguma torü uanügü ga Chambaráx rü Tobía rü yema Arábiaanecüã̱x, rü Amóü̃tanüxü̃, rü Adúxcüã̱x nüxü̃ ĩnüegu nax mea iyaxũxü̃ ga yema puracü ga Yerucharéü̃arü poxeguxü̃tápü̱xwa rü yema íyangoxnagüxü̃wa rü marü nax nañaxtagüãxü̃, rü nümagü ga yema uanügü rü poraãcü nanue.

Neemía 4:7 Iomraidhean Croise

Naanearü ügüchiga 3:15

Rü ñu̱xma rü pemaxã chanaxuegu nax cuma rü ngẽma nge rü pegümaxã perüxuanügüxü̃. Rü ngẽxgumarüxü̃ ta i cuxacügü rü ngĩxacügü rü tá nügümaxã narüxuanügü. Rü yimá ngĩne rü tá cuxü̃ nipúmüeru rü cuma rü tá cunangõ̱xchinecutü —ñanagürü.

Norü taxre ga popera ga ãẽ̱xgacügüchiga 24:2

Natürü nüma ga Cori ya Tupana rü Yoaquíü̃ca̱x yéma nanamugü ga muxü̃ma ga ngĩ́ta̱xagüxü̃ ga Cadéugü, rü Chíriaanecüã̱xgü, rü Moáanecüã̱xgü, rü Amóü̃anecüã̱xgü nax nachixexẽẽgüãxü̃ca̱x ga norü naane, yema Cori ya Tupana norü duü̃xü̃gü ga orearü uruü̃güa̱xwa nüxü̃ yaxuxü̃rüxü̃.

Norü taxre ga to ga popera ga ãẽ̱xgacügüchiga ümatüxü̃ 20:1

Rü yemawena ga Moátanüxü̃ rü Amóü̃tanüxü̃ rü Meṹtanüxü̃ rü nügü nanutaque̱xegü nax Yochapámaxã nügü nada̱i̱xü̃ca̱x.

Édra 5:8

Rü cumaxã nüxü̃ tixu nax Yudáanewa ítayadauxü̃ ya napata ya taxü̃ne ya yimá Yudíugüarü Tupana ya Guxãétüwa Ngẽxmacü. Rü yima rü ínanamexẽẽgü nuta ya itaxüchicümaxã. Rü ngẽma naxtapü̱x rü meama mürapewamaxã natüchiã. Rü ngẽma puracü rü naxca̱x napaxaãẽgü rü ngẽmaca̱x paxãma inixũ.

Neemía 2:10

Natürü yexguma Chambaráx ga Oróü̃tanüxü̃arü ãẽ̱xgacü, rü Tobía ga Amóü̃tanüxü̃arü ãẽ̱xgacü nüxü̃ cua̱xgügu nax íchanguxü̃, rü poraãcü nanue yerü nüxü̃ nacua̱xgü nax chautanüxü̃ ga Iraétanüxü̃arü ngü̃xẽẽwa chaxũxü̃.

Neemía 2:19

Natürü yexguma Chambaráx ga Oróü̃tanüxü̃arü ãẽ̱xgacü, rü Tobía ga Amóü̃tanüxü̃arü ãẽ̱xgacü, rü Yechéü̃ ga Arábiaanecüã̱x ixĩxü̃ nüxü̃ cuáchigagu ga yema puracü rü toxü̃ nacugüe rü togu nidauxcüraxü̃gü. Rü toxna naca rü ñanagürügü toxü̃: —¿Ta̱xacü ípexüe? ¿Ẽ̱xna nagu perüxĩnüe nax tama ãẽ̱xgacüga pexĩnüexü̃? —ñanagürügü.

Neemía 4:1

Rü yexguma nüma ga Chambaráx nüxü̃ ĩnüchigagu ga nax namexẽẽgüãxü̃ ga guma ĩanearü poxeguxü̃, rü nanu rü norü numaxã toxü̃ nacugü.

Neemía 4:6

Rü nawa tapuracüeama ga yema ĩanetapü̱x ga marü ngãxü̃gu ixũxü̃ ga nax naxüxü̃. Rü nüma ga duü̃xü̃gü rü norü ngúchaü̃maxã napuracüe.

Neemía 4:8

Rü guxü̃ma ga nüma rü wüxigu nügümaxã nagu narüxĩnüe nax Yerucharéü̃ca̱x íyaxüãchixü̃ nax nagu napogüexü̃ca̱x ga naxtapü̱x.

Neemía 6:16

Rü torü uanügü rü guxü̃ma ga yema togü ga nachixü̃anecüã̱x ga torü ngaicamana yexmagüxü̃ rü nüxü̃ nacuáchigagü ga marü nax yanguxü̃ ga guma ĩanearü poxeguxü̃tápü̱x. Rü yemaca̱x ga nümagü rü poraãcü namuü̃e rü nixãneãchitanü yerü nüxü̃ nicua̱xãchitanü ga yema puracü ga taxüxü̃ rü Tupanaarü ngü̃xẽẽmaxã nax yanguxü̃.

Yeremía 25:20

Rü yexgumarüxü̃ ta yema copuwa chayaxaxexẽẽgü ga guxü̃ma ga yema togü ga nachixü̃anecüã̱xgü ga Equítuanewa yexmagüxü̃. Rü nawa chayaxaxexẽẽgü ga guxü̃ma ga Úxchianearü ãẽ̱xgacügü, rü guxü̃ma ga Firitéugüanearü ãẽ̱xgacügü ga namaxã icua̱xgüxü̃ ga guma ĩanegü ga Acharóü̃ rü Gácha rü Ecróü̃ rü yema Adúxcüã̱x ga íyaxügüxü̃.

Yeremía 41:10

Rü naétü, rü nüma ga Ismaé rü ínanayauxü̃ ga ãẽ̱xgacüxacügü rü yema togü ga duü̃xü̃gü ga Mispáwa yaxügüxü̃ ga Guedaríame̱xẽwa yexmagüxü̃. Yerü Nabucharadáü̃ ga Babiróniaanearü churaragüarü ãẽ̱xgacü rü Guedaríame̱xẽwa nanayexmagüxẽxẽ ga yema duü̃xü̃gü. Rü nüma ga Ismaé ínanayauxü̃ ga guxü̃ma ga yema duü̃xü̃gü rü ñu̱xũchi namaxã inaxũãchi nax Amóü̃anewaama namaxã naxũxü̃ca̱x.

Amúx 1:13

Rü ñanagürü ya Cori ya Tupana: —Ngẽma Amóü̃cüã̱x rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü yema norü ĩnügü nixĩ nax nüxü̃ natanetagüchaü̃ ga yema norü naanegü. Rü yemaca̱x tüxü̃ narüwítepütüwegü ga guxema ngexegü ga itacharaü̃güxẽ ga Garaáxcüã̱xgü.

Amúx 1:8

Rü tá chayama̱x ya ĩane ya Adúxarü ãẽ̱xgacü, rü ngẽxgumarüxü̃ tá ta chayama̱x ya ĩane ya Acharóü̃arü ãẽ̱xgacü. Rü guxü̃ i chorü poramaxã tá ichayanaxoxẽxẽ ya yima Ecróü̃. Rü taxuxü̃táma i Firitéu íchayaxüxẽxẽ nax chanadaixü̃ —ñanagürü ya Cori ya Tupana.

Amúx 3:9

¡Rü Adúxarü ãẽ̱xgacüpatagüwa, rü Equítuanearü ãẽ̱xgacüpatagüwa penaxunagü i ñaa chorü ore i ñaxü̃: “Rü yima ma̱xpǘnegü ya ĩane ya Chamária nagu üxü̃newa pexĩ! ¡Rü nüxü̃ peda̱u̱x i ngẽma guxchaxü̃gü ya yima ĩanewa ngẽxmaxü̃ rü ngẽma dai i ngéma ngẽxmaxü̃!”

Ngechuchuarü ngúexü̃gü ga yamugüxü̃arü puracüchiga 5:33

Rü yexguma yemaxü̃ naxĩnüegu ga yema ãẽ̱xgacügü, rü poraãcüxüchima nanue, rü nanadaixchaü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:17

Rü ñu̱xũchi ga yema coya ga Chataná, rü poraãcüxüchima ngĩmaxã nanu ga yema nge. Rü ínixũ nax nügü namaxã yadaixü̃ca̱x ga yema togü ga ngĩxacügü ga yema nge. Rü ngẽma ngĩxacügü i ngẽma coyamaxã nügü daixü̃, rü ngẽma nixĩ i ngẽma duü̃xü̃gü i mea Tupanaarü orega ĩnüexü̃ rü mea yaxõgüechaxü̃ ya Ngechuchu ya Cristuarü ore.

1 Chamué 11:2

Rü nüma ga Amóü̃tanüxü̃arü ãẽ̱xgacü ga Naáx rü nanangãxü̃ rü ñanagürü: —Marü name i pemaxã ichaxüga ega chi pexü̃́ namexgu nax perü tügünexetü chayaxuxü̃ i wüxichigü i pema nax ngẽmaãcü wüxi i cugüruxü̃ pixĩgüxü̃ca̱x i guxãma i pema i Iraéanecüã̱xgü —ñanagürü.