Neemía 4:2 - Tupanaarü Ore

² Rü ñanagürü nape̱xewa ga namücügü ga Chamáriacüã̱x ga churaragüarü ãẽ̱xgacügü: —¿Ta̱xacügu narüxĩnüe i ngẽma Yudíugü i taiyamaxã yuechaü̃xü̃? ¿Rü nüma nagu naxĩnüegu rü chi wena nüxü̃ tanaxüxẽxẽ nax naxü̃na norü Tupanaca̱x nada̱i̱xü̃ rü ínaguxü̃? ¿Ẽ̱xna nagu naxĩnüegu rü wüxi i ngunexü̃gu tátama nüxü̃́ nagu̱x i ngẽma puracü i naxügüxü̃? ¿Ẽ̱xna ngẽma naxtapü̱x i ngẽxma ãũxchitaxü̃ i marü ixaexü̃wa tátama nadeaxü̃ ya ngexwaca̱xü̃cü ya nutagü? —ñanagürü.

Neemía 4:2 Iomraidhean Croise

Édra 4:4

Rü yexguma ga nüma ga yema uanügü ga yema naanegu ãxchiü̃güxü̃ rü inanaxügüe nax chixri yema Yudátanüxü̃chiga yadexagüxü̃ nax íyachaxãchigüxü̃ca̱x ga yema puracü.

Neemía 12:27

Rü yexguma nawa nanguxgu ga yema ngunexü̃ ga Yerucharéü̃arü poxeguxü̃ nagu yaxãxü̃chigüxü̃, rü guxü̃nema ga guma ĩanegü ga Lebítanüxü̃ nawa maxẽnegu Lebítanüxü̃ca̱x nayadaugü. Rü ñu̱xũchi Yerucharéü̃wa nanagagü nax yemaacü taãẽãcü Tupanaxü̃ yacua̱xüü̃güxü̃ca̱x wiyaegümaxã rü norü platíyugümaxã rü árpagümaxã rü árpaxacügümaxã nax naxüchigagüãxü̃ca̱x ga yema Yerucharéü̃arü poxeguruü̃arü ãxü̃chichiga.

Neemía 12:43

Rü yema ngunexü̃gu rü muxü̃ma ga ãmare Tupanaca̱x ínagugü. Rü poraãcü nataãẽgü ga duü̃xü̃gü yerü Tupana nixĩ ga nataãẽxẽẽgüxü̃. Rü ngexü̃gü rü buxü̃gü rü ta poraãcü nataãẽgü. Rü yema taãxẽ ga Yerucharéü̃wa naxügüxü̃ rü yáxü̃guma nüxü̃ taxĩnü.

Neemía 4:10

Rü nümaxü̃ ga yema Yudáanecüã̱xgü ga yema puracümaxã icua̱xgüxü̃ rü nidexagü rü ñanagürügü: —Ngẽma puracütanüxü̃ i nuta ínanugügüxü̃ rü marü nipae erü namuxũchima ya nuta ya ãũxchitacü, rü ngẽmaãcü tagutáma tüxü̃́ name i ngẽma naxtapü̱x —ñanagürügü.

Neemía 6:15

Rü meama Elúarü tauemacüarü 25 ga ngunexü̃gu nixĩ ga nagúxü̃ ga guma ĩanearü poxeguxü̃tápü̱x. Rü yema puracü rü meama 52 ga ngunexü̃ nagu tinge.

Wiyaegü 83:4

Rü nagu narüxĩnüe nax ñuxãcü nua toxü̃tawa naxĩxü̃ nax toxü̃ nada̱i̱xü̃ca̱x nax ngẽmaãcü itayarüxoxochixü̃ca̱x rü taxúema nüxü̃ cuáxü̃ca̱x i ngẽma tochixü̃aneéga i Iraé.

Yeremía 33:24

—¿Tama ẽ̱xna nüxü̃ cuxĩnüxü̃ i ngẽma duü̃xü̃gü nüxü̃ ixuxü̃ nax choma rü marü nüxü̃ chaxoxü̃ i ngẽma Iraéanecüã̱xgü rü Yudáanecüã̱xgü, ñagüxü̃? Rü ngẽmaca̱x chixri chorü duü̃xü̃güxü̃ narüdaunü rü nüxü̃ naxoe, rü nüxü̃ nixugüe nax tama wüxi i nachixü̃ane yixĩxü̃ i ñu̱xma.

Danié 9:25

Rü name i nüxü̃ cucua̱x nax ta̱xacüchiga yixĩxü̃ i ngẽma tá cumaxã nüxü̃ chixuxü̃: Rü ngẽma ngunexü̃ i nagu naxunagüxü̃ nax wena namexẽẽgüãxü̃ca̱x ya Yerucharéü̃ rü ñu̱xmata ngẽma ngunexü̃ ya yima ãẽ̱xgacü ya mecü nagu ínguxü̃gu rü 7 i yüxü tá ningu i ngẽxguma. Rü ngẽma nax namexẽẽgüãxü̃ca̱x i Yerucharéü̃arü namagü rü norü poxeguxü̃tápü̱x rü 62 ya yüxü tá ningu. Natürü ngẽma ngunexü̃gügu rü tá taxü̃ i guxchaxü̃ nangẽxma.

Abacú 3:2

Pa Corix, Pa Tupanax, ngẽma nüxü̃ chaxĩnüxü̃ i cuchiga rü nachiga ga guxü̃ma ga yema cuxüxü̃ rü poraãcü muü̃ choxna naxã erü cuxüünexüchi. ¡Rü towa naxü ga yema mexü̃ ga ü̃pa cuxüxü̃ nax ngẽmaãcü i toma rü ta nüxü̃ tadaugüxü̃ca̱x! Rü woo tomaxã nax cunuxü̃, natürü ¡toxü̃ nawe̱xama nax ñuxãcü cuxü̃́ tangechaü̃tümüxü̃güxü̃!

Chacaría 12:8

Rü choma i Cori nax chixĩxü̃ rü tá nüxna chadau i guxü̃ma i ngẽma duü̃xü̃gü i Yerucharéü̃wa maxẽxü̃. Rü ngẽma duü̃xü̃gü i turaexü̃ rü tá nipora ñoma ãẽ̱xgacü ga Dabírüxü̃. Rü ngẽma Dabítanüxü̃ rü tá ñoma Tupanarüxü̃ naporae rü ñoma Cori ya Tupanaarü orearü ngeruxü̃ i ngẽma duü̃xü̃güpe̱xegu ixũxü̃rüxü̃ tá naporae.

Chacaría 4:10

—Rü yexguma noxri inaxügügu ga yema chopataarü puracü rü yema duü̃xü̃gü ga tama aixcüma yaxõgüxü̃ nax yanguxü̃ tá, rü ñu̱xma nax nüxü̃ nadaugüxü̃ i Chorobabé nax yanguxẽẽxü̃, rü tá nataãẽgü —ñanagürü. Rü yemawena ga yema daxũcüã̱x rü ñanagürü ta: —Rü ngẽma 7 i omügü rü nachiga nixĩ i Cori ya Tupanaxetügü i guxü̃ i ñaa naanegu rüdaunüne —ñanagürü.

1 Corintios 1:27

Rü woo ñoma i naanecüã̱x nagu narüxĩnüe nax pema rü duü̃xü̃gü i taxuwama mexü̃ pixĩgüxü̃, natürü Tupana pexü̃ nade nax naxãnexü̃ca̱x i ngẽma duü̃xü̃gü i nügügu rüxĩnüexü̃ nax nüxü̃ yacua̱xüchixü̃. Rü Tupana pexü̃ nade i pema nax duü̃xü̃gü pexü̃ ixugügu nax peturaexü̃ nax ngẽmaãcü naxãnexü̃ca̱x i ngẽma duü̃xü̃gü i poraexü̃.