Neemía 4:16 - Tupanaarü Ore

^16-17 Natürü yexgumaü̃cüxü rü ngãxü̃tücumü ga duü̃xü̃gü napuracüe rü yema totücumü rü nadauxü̃taegü ga meama ixãxnexü̃ wocaemaxã rü würamaxã. Rü nananga̱xcu ga norü poxü̃ruü̃gü ga escúdugü, rü nacu̱xcu ga naremüarü poxü̃ruxü̃. Rü yema norü ãẽ̱xgacügü ga Yudáanecüã̱xgü rü natanügu naxãgü rü ínamemare nax nüxna nadaugüxü̃ ga yema duü̃xü̃gü ga ĩanetapü̱xwa puracüexü̃. Rü yema togü ga puracütanüxü̃ ga nutaarü nugüruü̃gü rü napuracüeama, natürü ãxneãcüma nananugüama ga nutagü.

Neemía 4:16 Iomraidhean Croise

Neemía 4:15

Rü yexguma torü uanügü nüxü̃ cuáxchigagügu ga toma rü marü nüxü̃ nax tacuáxü̃ ga yema nagu naxĩnüexü̃, rü Tupana rü marü toxü̃ ínapoxü̃xü̃, rü yemaca̱x ga nümagü rü toxna nixĩgachitanü. Rü toma rü naxca̱x tawoegu ga nawa nax tapuracüexü̃ ga yema ĩanearü poxeguxü̃tápü̱x.

Neemía 4:23

Rü yemaca̱x ga choma rü yema chautanüxü̃ rü yema chorü ngü̃xẽẽruü̃gü, rü woo ga yema chorü dauruü̃gü rü tama ítacu̱xü̃ ga toxchiru ga yexguma tapeegu. Rü wüxíechigü ga toma rü ãxneãcütama tapee.

Wiyaegü 101:6

Rü tá naxca̱x chadau i yatügü i aixcüma mea maxẽxü̃ nax chauxü̃tawa nangẽxmagüxü̃ca̱x rü chorü ngü̃xẽẽruü̃gü yixĩgüxü̃ca̱x.

Ínachoxü̃xü̃chiga 28:32

Rü ngẽma naxchiru i máxmüxü̃arü ngãxü̃wa rü tá nangẽxma i wüxi i naeruchica. Rü ngẽma naeruchica rü tá mea napéxe i nanaxãpechinü ñoma chalecurüxü̃ nax tama nagáuxü̃ca̱x.

Charumóü̃arü wiyae 3:8

Rü guxü̃ma i ngẽma churaragü rü tarawa meama daixü̃ icuáxü̃ nixĩ. Rü nümagü rü nüxü̃ nicua̱xüchi nax norü ãẽ̱xgacüna nadaugüxü̃. Rü wüxichigü i nüma rü nügücüwawa nanatuxẽxẽ i norü tara nax ngẽmamaxã norü ãẽ̱xgacüxü̃ ínapoxü̃güxü̃ca̱x ega ãũcümaxü̃wa nangẽxmagügu i chütacü.

Yeremía 46:4

¡Rü penanuxcu i naxma̱xwe̱xegü i cowarugü! ¡Rü naétü petogü, Pa Churaragüx! ¡Rü penanuxcu i pepate̱xegü! ¡Rü mea pegü pexüchimüü̃gü! ¡Rü peyaxümagu ya perü wocaegü! ¡Rü pegüremüwa penanuxcu i perü poxü̃ruü̃gü!