Neemía 3:1 - Tupanaarü Ore

¹ Rü nüma ga chacherdóte ga Eriachí rü ñu̱xũchi yema namücügü ga chacherdótegü nixĩ ga namexẽẽgüxü̃ ga yema ĩã̱x ga Carnérugügu ãégaxü̃. Rü nanaxü ga naachina̱xãgü rü ñu̱xũchi nananucu ga norü ĩã̱xgü. Rü ñu̱xũchi yema 100arü Daxũtaechicawa inanaxügüe nax namexẽẽgüaxü̃́ ga yema naxtapü̱x rü ñu̱xmata yema Ananéarü Daxũtaechicagu yacuáx.

Neemía 3:1 Iomraidhean Croise

Neemía 12:10

Rü nüma ga Yochué rü Yoaquíü̃natü nixĩ, rü nüma ga Yoaquíü̃ rü Eriáchinatü nixĩ, rü nüma ga Eriachí rü Yoiadánatü nixĩ

Neemía 12:30

Rü yema chacherdótegü rü Lebítanüxü̃ rü Tupanape̱xewa nügü nimexẽẽgü. Rü yemawena ga yema chacherdótegü rü Lebítanüxü̃ rü Tupanape̱xewa duü̃xü̃güxü̃ nimexẽẽgü. Rü yexgumarüxü̃ ta Tupanape̱xewa nayamaxcugü ga yema ĩanetapü̱xarü ĩ̱ã̱xgü. Rü yema naxtapü̱x rü ta Tupanape̱xewa nayamaxcugü.

Neemía 12:39

Rü nüxü̃ tachopetü ga yema ĩã̱x ga Efraíü̃gu ãégaxü̃ rü yema ĩã̱x ga Yechanágu ãégaxü̃ rü yema ĩã̱x ga Choxnigügu ãégaxü̃ rü yema daxũtaechica ga Ananégu ãégaxü̃ rü yema daxũtaechica ga 100gu ãégaxü̃ rü ñu̱xmata nawa tangugü ga yema ĩã̱x ga Carnérugügu ãégaxü̃. Rü nawa tayachaxãchitanü ga yema ĩã̱x ga Dauxü̃taeruü̃gu ãégaxü̃.

Neemía 13:28

Rü chacherdótegüarü ãẽ̱xgacü ga Eriachí nane ga Yoiadá rü ngĩmaxã naxãma ga Chambaráx ga Oróü̃tanüxü̃ naxacü. Rü Yoiadáxü̃ íchata̱xüchi ga Yerucharéü̃wa rü yáxü̃wama chanamu. Rü yemawena rü Tupanamaxã chidexa, rü ñacharügü nüxü̃:

Neemía 13:4

Rü naxü̃pa nax yema ngupetüxü̃, rü chacherdóte ga Eriachí nixĩ ga namaxã icuácü ga Tupanapata ga taxü̃nearü yemaxü̃güpataü̃gü. Natürü nüma ga Eriachí rü Tobíatanüxü̃ nixĩ.

Neemía 3:20

Rü Barúx ga Chabái nane rü yema naxtapü̱x ínapoõchixü̃wa inaxügü nax namexẽẽãxü̃ rü ñu̱xmata chacherdótearü ãẽ̱xgacü ga Eriachíarü ĩã̱xarü to̱xma̱xtawa nangu.

Neemía 3:21

Rü yema norü to ga naxtapü̱xarü üye rü Meremóx ga Uría nane ga Cóx nataxa nixĩ ga namexẽẽxü̃. Rü Eriachíarü ĩã̱xarü to̱xma̱xtawa inaxügü ga nax namexẽẽãxü̃ ñu̱xmata guma chacherdótepata iyacuáxü̃wa nangu.

Neemía 3:32

Rü yema úiruwa puracüexü̃ rü yema taxetanüxü̃ nixĩ ga namexẽẽgüxü̃ ga naxtapü̱xarü üye ga ínapoxü̃wa ixügüxü̃ rü ñu̱xmata yema ĩã̱x ga Carnérugügu ãégaxü̃wa nangu.

Neemía 6:1

Rü yema torü uanügü ga Chambaráx rü Tobía rü yema Arábiaanecüã̱x ga Yechéü̃ rü yema togü ga torü uanügü rü nüxü̃ nacuáxchigagü nax wena chanamexẽẽxü̃ ga yema ĩanearü poxeguxü̃tápü̱x. Rü yema íyangoxnaxü̃wa rü guxü̃ma charüchauxta rü taxuxü̃ma chaxüpetü. Rü norü ĩã̱xgüxicatama nixĩ ga choxü̃́ taxuxü̃ nax chananucuxü̃.

Neemía 7:1

Rü yexguma marü nagu̱xgu nax namexẽẽgüaxü̃ ga Yerucharéü̃arü poxeguxü̃tápü̱x rü nananucu ga norü ĩã̱xgü. Rü ñu̱xũchi nüxü̃ naxunetagü ga ĩã̱xarü dauruü̃gü rü wiyaetanüxü̃ rü Lebítanüxü̃.

Wiyaegü 30:1

Pa Cori Pa Tupanax, cuxü̃ chicua̱xüxü̃ erü cuma nixĩ i chorü da̱xawewa choxü̃ ícurüdaxẽẽamaxü̃ rü ngẽmaca̱x tama chayu. Erü cuma rü nüxna cunachu̱xu nax choxü̃ nacugüexü̃ i chorü uanügü.

Wiyaegü 48:12

¡Rü ẽcü, nüxü̃ ípeyachoegu ya yima ĩane ya Chióü̃ rü peyaxugü i ngẽma norü dauxü̃taechicagü rü ñuxre yixĩxü̃!

Ucu̱xẽgüchiga 3:6

¡Guxü̃ma i ta̱xacü icuxüxü̃wa rü Tupaname̱xẽgu naxǘ, rü nüma rü tá cumaxã inacua̱x rü mea tá cuxü̃́ ínanguxuchi i ngẽma cuxüxü̃!

Ucu̱xẽgüchiga 3:9

¡Rü curü ngẽmaxü̃gümaxã Tupanaxü̃ icua̱xüxü̃, rü nüxna naxã i ngẽma nüxíraxü̃xü̃ i curü nanetügüarü o!

Yeremía 31:38

Rü nüma ya Cori ya Tupana rü ñanagürü: —Tá ínangu i wüxi i ngunexü̃ i nagu tá wena namexẽxẽxü̃ ya chorü ĩane ya Yerucharéü̃. Rü Ananéarü Dauxü̃taechicawa tá inaxügü rü ñu̱xmata ngẽma Ĩã̱x i Ínapoõchixü̃wa ngẽxmaxü̃wa nangu nax namexẽẽxü̃.

Danié 9:25

Rü name i nüxü̃ cucua̱x nax ta̱xacüchiga yixĩxü̃ i ngẽma tá cumaxã nüxü̃ chixuxü̃: Rü ngẽma ngunexü̃ i nagu naxunagüxü̃ nax wena namexẽẽgüãxü̃ca̱x ya Yerucharéü̃ rü ñu̱xmata ngẽma ngunexü̃ ya yima ãẽ̱xgacü ya mecü nagu ínguxü̃gu rü 7 i yüxü tá ningu i ngẽxguma. Rü ngẽma nax namexẽẽgüãxü̃ca̱x i Yerucharéü̃arü namagü rü norü poxeguxü̃tápü̱x rü 62 ya yüxü tá ningu. Natürü ngẽma ngunexü̃gügu rü tá taxü̃ i guxchaxü̃ nangẽxma.

Chacaría 14:10

Rü guxü̃ma i nachixü̃ane rü naane i metachinüxü̃ tá nayanguxuchi. Rü Guebáwa tá inaxügü rü ñu̱xmata Rimóü̃wa nangu nax naane i meama i weanexü̃ yixĩxü̃ i Yerucharéü̃arü súrwa ngẽxmaxü̃. Rü Yerucharéü̃ rü máxpü̱xanexü̃wa tá nangẽxma. Rü duü̃xü̃gü rü tá ngẽxma naxãchiü̃gü. Rü Bẽyamíü̃arü ĩã̱xwa inaxügü nax yaxüchixü̃güxü̃ ñu̱xmata ngẽma nüxíraxü̃xü̃ i ĩã̱xwa nangu rü ñu̱xmata naxtapü̱x íyapoõchixü̃ i ĩã̱xwa nangu nax yaxüchixü̃güxü̃. Rü ngéma rü tá nida ñu̱xmata Ananéarü dauxü̃taechicawa nangu. Rü ngéma tá nidaama ñu̱xmata ãẽ̱xgacüarü úbaarü ma̱i̱xgütüxü̃wa nangu.

Ore i mexü̃ ga Cuáü̃ ümatüxü̃ 5:2

Rü guma ĩanearü poxeguxü̃arü ĩã̱x ga Carnéruarü Choxü̃chicagu ãégaxü̃arü ngaicamana nayexma ga wüxi ga puchu ga Yudíugügawa Bechatágu ãégacü. Rü gumá puchuanacüwa nayexma ga wüxime̱e̱xpü̱x ga norü ücuchicagü ga ãxpataü̃étügüxü̃.

Wenaxarü naxümatü ga Tupanaarü mugü 20:5

Rü ngẽmawena rü ngẽma churaragüarü ãẽ̱xgacügü rü tá norü churaragüxü̃ ñanagürügü: “Rü ngẽxguma texé petanüwa naxü̱xgu ya wüxi ya tümapata ya ngexwacaxü̃ne ya taxũtáma nagu tapexü̃ne, rü name nax tümatapataca̱x tataeguxü̃, erü ngürüãchi nuxã daixgu tayu rü tá tomare i duü̃xü̃ nagu nape.