Neemía 2:8 - Tupanaarü Ore

⁸ Rü to ga popera ga naxca̱x íchaca̱xaxü̃, rü Acháca̱x nixĩ. Rü nüma nixĩ ga ãẽ̱xgacüarü naixnecüarü dauruxü̃ yixĩxü̃. Rü yema poperawa rü ãẽ̱xgacü nüxna naxãga nax mürapewa choxna tanaxãxü̃ca̱x nax ngẽmamaxã chanamexẽẽxü̃ca̱x i norü ĩã̱xgü ya yima Tupanapata ya taxü̃nearü dauxü̃taechica rü ngẽma ĩanearü poxeguxü̃arü ĩã̱xgü, rü yima ĩpata ya nawa tá changexmane. Rü nüma ga ãẽ̱xgacü rü choxna nanaxã ga guxü̃ma ga yema naxca̱x íchaca̱xaxü̃, yerü Cori ya Tupana rü poraãcü choxü̃ narüngü̃xẽxẽ.

Neemía 2:8 Iomraidhean Croise

Naanearü ügüchiga 32:28

Rü yexguma ga yema duü̃xü̃ ga nügü namaxã inawogüxü̃, rü ñanagürü nüxü̃: —Ñu̱xmawena rü marü taxũtáma Acóbu nixĩ i cuéga. Rü Iraé tá nixĩ i cuéga i ñu̱xmax, erü Tupanamaxã rü duü̃xü̃gümaxã cugü icuwogü rü curüporamae —ñanagürü.

Édra 5:5

Natürü nüma ga Tupana rü nüxna nadau ga yema Yudíugü ga yema puracümaxã icua̱xgüxü̃. Rü yemaacü nataxuma ga texé nüxna nachu̱xuxü̃ nax napuracüeamaxü̃ca̱x. Rü yoxni ga yema Yudíugüarü uanügü rü Pérchiaanearü ãẽ̱xgacü ga Daríuca̱x nanaxümatü ga wüxi ga popera nax nüma namexẽẽãxü̃ca̱x ga yema guxchaxü̃.

Édra 6:22

Rü 7 ga ngunexü̃ taãẽãcüma nanaxüchigagü ga paũ ga ngearü pu̱xẽẽruü̃ã́xü̃arü petachiga. Rü nüma ga Cori ya Tupana rü taãẽmaxã nanapagüxẽxẽ ga yema duü̃xü̃gü yerü Pérchiaanearü ãẽ̱xgacüãẽwa nananguxẽxẽ nax nüxü̃ nangü̃xẽẽxü̃ca̱x ga yema Yudíugü nax wenaxarü naxügüã̱xü̃ca̱x ga guma Tupanapata ga taxü̃ne ga Iraétanüxü̃arü Tupana.

Édra 6:8

Rü ñu̱xũchi pemaxã nüxü̃ chixu nax perü diẽrumaxã nüxü̃ perüngü̃xẽẽgüxü̃ i ngẽma Yudíugü i ngẽma puracümaxã icua̱xgüxü̃ nax naxügüã̱xü̃ca̱x ya yima Tupanapata ya taxü̃ne. Rü ngẽma diẽru i perü naanewachigütama perü duü̃xü̃gütanüwa ngĩxü̃ peyaxu̱xcümaxã tá nixĩ i paxa penaxütanüxü̃ ya yima Tupanapata ya taxü̃nearü mexẽxẽ nax ngẽmaãcü tama íyachaxãchixü̃ca̱x i ngẽma puracü.

Édra 7:6

Rü nüma ga Édra rü wüxi ga ngu̱xẽẽtaeruxü̃ nixĩ, rü meama nüxü̃ nacua̱x ga Tupanaarü mugü ga Moiché ümatüxü̃. Rü wüxi ga ngunexü̃gu rü ãẽ̱xgacü ga Artayérena naca nax Yerucharéü̃ca̱x namueguaxü̃ca̱x. Rü nüma ga ãẽ̱xgacü rü naga naxĩnü, yerü Tupana rü poraãcü Édraxü̃ narüngü̃xẽxẽ. Rü yemaacü ga Édra rü Babiróniaanewa inaxũãchi rü Yerucharéü̃ca̱x nataegu.

Neemía 7:2

Rü nüxü̃ chaxuneta ga chauenexẽ ga Ananí nax Yerucharéü̃arü ãẽ̱xgacü yixĩxü̃ca̱x. Rü yexgumarüxü̃ ta nüxü̃ chaxuneta ga Ananía nax ãẽ̱xgacüpatamaxã inacuáxü̃ca̱x yerü nüma nixĩ ga wüxi ga yatü ga mea ta̱xacümaxã icuáxü̃ rü guxü̃ma ga duü̃xü̃güarü yexera Tupanaga naxĩnüxü̃.

Ucu̱xẽgüchiga 21:1

Ngẽma ãẽ̱xgacüarü ĩnü, rü Tupaname̱xẽwa nangẽxma, rü nüma ya Tupana naxwa̱xexü̃acü nayaxũxẽxẽ, ñoma wüxi i natü ya Tupana naxwa̱xexü̃wa yáxü̃rüxü̃.

Ngu̱xẽẽtaeruü̃arü ore 2:5

Rü choma ichanato ga nanetügü rü chorü putüraanecügü. Rü yexma chanatogü ga naguxü̃raü̃xü̃ i nanetügü i ori̱xgü.

Ngu̱xẽẽtaeruü̃arü ore 2:6

Rü chanaxü ya puchugü nax gumaarü dexámaxã yamegüxü̃ca̱x ga yema nanetügü ga ichatogüxü̃.

Ichaía 66:14

Rü ngẽxguma tá ngẽmaxü̃ pedaugügu, rü perü maxü̃newa rü tá petaãẽgü. Rü ñoma maxẽ i ngexwaca̱xü̃xü̃rüxü̃ tá pexü̃́ nangẽxma i ngexwaca̱xü̃xü̃ i maxü̃. Rü nüma ya Cori ya Tupana rü tá norü duü̃xü̃güxü̃ nanawe̱x i norü pora. Natürü norü uanügüxü̃ rü tá nanawe̱x i norü nu.

Danié 1:9

Rü Tupana rü yema ãẽ̱xgacüarü duü̃xü̃güeruãẽwa nananguxẽxẽ nax Daniémaxã namecümaxü̃ca̱x.

Ngechuchuarü ngúexü̃gü ga yamugüxü̃arü puracüchiga 26:22

Natürü Tupana choxü̃ narüngü̃xẽxẽ rü ngẽmaca̱x taguma íchayachaxãchi nax guxü̃ma i duü̃xü̃gümaxã nüxü̃ chixuxü̃ i Tupanaarü ore rü woo buxü̃ rü yáxü̃. Rü namaxã nüxü̃ chixu ga yema ore ga nũxcümaü̃güxü̃ ga Tupanaarü orearü uruü̃gü rü Moiché nüxü̃ ixugüxü̃ nax ngúxü̃ tá yangexü̃ ya Cristu rü tá nax nayuxü̃, natürü yemawena rü nüma tá yixĩxü̃ ga nüxíra yuwa ínadaxü̃ nax tatanüxü̃ i Yudíugümaxã rü ngẽma to i duü̃xü̃gü i tama Yudíugü ixĩgüxü̃maxã nüxü̃ yaxuxü̃ca̱x i ore i tüxü̃ maxẽxẽẽxü̃. Rü taguma tomare ga ore duü̃xü̃gümaxã chixu —ñanagürü ga Pauru.

2 Corintios 8:16

Natürü Tupanana moxẽ chaxã, erü nüma rü Títoxü̃ nagu narüxĩnüxẽxẽ i ngẽmatama oegaãxẽ i choma pexca̱x choxü̃́ ngẽxmaxü̃.