Neemía 2:5 - Tupanaarü Ore

⁵ Rü ãẽ̱xgacüxü̃ changãxü̃ rü ñachagürü: —Ngẽxguma chi cuxca̱x namexgu, Pa Ãẽ̱xgacüx, rü choxü̃ curüngü̃xẽẽchaü̃gu, rü cuxna chaca, Pa Ãẽ̱xgacüx, nax Yudáanewa choxü̃ cumuxü̃ nawa ya yima ĩane ya chaunatügü nagu ta̱xgüne, nax ngẽmaãcü wena chanamexẽẽxü̃ca̱x —ñachagürü.

Neemía 2:5 Iomraidhean Croise

2 Chamué 14:22

Rü yexguma ga nüma ga Yoá rü ãẽ̱xgacüpe̱xegu nayangücuchi ñu̱xmata waixü̃müwa yaxũcatü yerü ãẽ̱xgacüga naxĩnü. Rü mexü̃ ãẽ̱xgacümaxã naxuegu rü ñanagürü nüxü̃: —Ñu̱xmawaxi nixĩ i nüxü̃ chacuáxü̃ nax ãẽ̱xgacüarü ngü̃xẽxẽ choxü̃́ ngẽxmaxü̃, erü nüma ya ãẽ̱xgacü rü marü nayanguxẽxẽ i ngẽma daa norü ngü̃xẽẽruxü̃ nüxna naxca̱x ca̱a̱xü̃ —ñanagürü nüxü̃.

Édra 5:17

Rü ngẽmaca̱x i ñu̱xmax, Pa Ãẽ̱xgacüx, rü cuxna naxca̱x taca nax naxca̱x cudauxü̃ i Babiróniaanearü poperatanügu nax nüxü̃ cucuáxü̃ca̱x rü aixcüma yixĩxü̃ nax ãẽ̱xgacü ga Chíru naxunagüxü̃ nax wena naxügüã̱xü̃ca̱x ya yima Tupanapata ya taxü̃ne i Yerucharéü̃wa. Rü ñu̱xũchi cuxna naxca̱x taca nax tomaxã nüxü̃ quixuxü̃ca̱x rü ta̱xacü yixĩxü̃ i nagu curüxĩnüxü̃ i cuma i ngẽmachiga —ñanagürügü ga norü poperawa.

Neemía 2:4

Rü nüma ga ãẽ̱xgacü rü choxna naca rü ñanagürü: —¿Ta̱xacüwa i cuxü̃ charüngü̃xẽxẽxü̃? —ñanagürü. Rü yexguma ga choma rü Tupaname̱xẽgu chaugü chaxǘ.

Neemía 2:6

Rü ngĩma ga ãẽ̱xgacüma̱x rü nacüwawa irüto. Rü nüma ga ãẽ̱xgacü rü choxna naca rü ñanagürü: —¿Ñuxre i ngunexü̃ tá icuyarütaxuxü̃ nax ngéma cuxũxü̃? ¿Rü ñuxgu tá cutaeguxü̃? —ñanagürü. Rü choma rü namaxã nüxü̃ chixu ga ngunexü̃ ga nagu tá chataeguxü̃. Rü yexguma ga nüma rü yéma choxü̃ namu.

Ester 1:19

Rü cumaxã nüxü̃ tixu, Pa Ãẽ̱xgacüx, rü ngẽxguma chi curü me yixĩxgu nax cunaxunagüxü̃ca̱x i wüxi i mu i tagutáma texé iyarüxoxẽẽxü̃ i Pérchiaanewa rü Médiaanewa. Rü ngẽma muwa rü tá nüxü̃ quixu nax tagutáma wena cupe̱xewa nax nanguxü̃ i cuxma̱x i Báti. Rü ñu̱xũchi, Pa Ãẽ̱xgacüx, rü name i nai i cuxma̱xca̱x cudau i ngẽmaarü yexera cuga ĩnücü.

Ester 5:8

Pa Ãẽ̱xgacüx, ngẽxguma chi aixcüma choxü̃ cungechaü̃gu, rü chi curü me yixĩxgu i ngẽma chanaxwa̱xexü̃, rü chi choxna cunaxãxchaü̃gu i ngẽma cuxna naxca̱x chacaxaxü̃, rü cuxna chaxu nax moxü̃arü ngunexü̃gu Amáü̃maxã nua chauxü̃tawa pexĩxü̃ naxca̱x i to i õna i pexca̱x tá chamexẽxẽxü̃. Rü ngéma tá nixĩ i cumaxã nüxü̃ chixuxü̃, Pa Ãẽ̱xgacüx, i ngẽma choxna naxca̱x cuca̱a̱xü̃ —ngĩgürügü.

Ester 7:3

Rü ngĩma ga Ité rü inangãxü̃ rü ngĩgürügü: —Pa Chorü Ãẽ̱xgacüx, ngẽxguma chi aixcüma choxü̃ cungechaü̃gu, rü cuxca̱x namexgu i ngẽma cuxna naxca̱x chacaxaxü̃, rü ñaaxicatama nixĩ i chanaxwa̱xexü̃ nax cuxna naxca̱x chacaxaxü̃, Pa Ãẽ̱xgacüx: ¡Rü choxü̃́ nüxü̃ nangechaxü̃ i chorü maxü̃ rü nüxü̃́ nüxü̃ nangechaxü̃ i ngẽma chautanüxü̃arü maxü̃!

Ester 8:5

—Pa Ãẽ̱xgacüx, ngẽxguma chi aixcüma choxü̃ cungechaü̃gu, rü aixcüma cuxca̱x namexgu i ngẽma cuxna naxca̱x chacaxaxü̃, rü chanaxwa̱xe i cunaxümatü i to i mu i nüxü̃ ixuxü̃ nax marü yanaxoxü̃ i ngẽma mu ga Amáü̃ unagüxü̃ nax chautanüxü̃ i Yudíugüxü̃ nada̱i̱xü̃ca̱x i guxü̃ma i cuchixü̃anewa.

Ucu̱xẽgüchiga 3:4

Rü ngẽxguma ya Tupana rü tá cuxü̃ narüngü̃xẽxẽ rü cumaxã nataãxẽ, rü ngẽxgumarüxü̃ ta i duü̃xü̃gü rü tá cumaxã nataãẽgü.

Danié 9:25

Rü name i nüxü̃ cucua̱x nax ta̱xacüchiga yixĩxü̃ i ngẽma tá cumaxã nüxü̃ chixuxü̃: Rü ngẽma ngunexü̃ i nagu naxunagüxü̃ nax wena namexẽẽgüãxü̃ca̱x ya Yerucharéü̃ rü ñu̱xmata ngẽma ngunexü̃ ya yima ãẽ̱xgacü ya mecü nagu ínguxü̃gu rü 7 i yüxü tá ningu i ngẽxguma. Rü ngẽma nax namexẽẽgüãxü̃ca̱x i Yerucharéü̃arü namagü rü norü poxeguxü̃tápü̱x rü 62 ya yüxü tá ningu. Natürü ngẽma ngunexü̃gügu rü tá taxü̃ i guxchaxü̃ nangẽxma.

Ore i mexü̃ ga Matéu ümatüxü̃ 23:27

Pa Ngúexẽẽruü̃gü i Mugüwa Ngu̱xẽẽtaegüxü̃ rü Pa Parichéugüx, pema rü duü̃xü̃güpe̱xewa mea pemaxẽneta. Rü wüxi i ngechaü̃ nixĩ i pexca̱x, erü ñoma yuetachique̱xegü i düxétüwa cómüxü̃maxã chauxetügüxü̃ natürü aixepewa rü yuetachina̱xãmaxã rü naguxü̃raü̃xü̃ i ãũãchixü̃maxã napagüxü̃rüxü̃ pixĩgü. Erü perü düxétüwa i duü̃xü̃gü nüxü̃ ídaugüxü̃waxicatama pime, natürü perü aixepewa i perü ĩnüwa nangẽxma i naguxü̃raü̃xü̃ i chixexü̃.

Rux 2:13

Rü ngĩma rü inangãxü̃ rü ngĩgürügü: —Cuma rü poraãcü chomaxã cumecümaxü̃chi, rü ngẽma curü ore rü choxü̃ nataãẽxẽxẽ. Erü cuma rü choxü̃ cungechaü̃ãcüma chomaxã quidexa nax woo tama wüxi i cuxü̃taxü̃ chixĩxü̃ —ngĩgürügü.