Neemía 2:3 - Tupanaarü Ore

³ Rü ãẽ̱xgacüxü̃ changãxü̃ rü ñachagürü: —Pa Ãẽ̱xgacüx ¡Guxü̃guma namaxü̃! ¿Ñuxãcü chi i tama changechaü̃xü̃? Erü yima ĩane ya chaunatügü nagu ta̱xgüne rü nachicaxicatama nixĩ, rü naxtapü̱xarü ĩã̱xgü rü ínanagu —ñachagürü.

Neemía 2:3 Iomraidhean Croise

Nüxíraxü̃xü̃ ga popera ga ãẽ̱xgacügüchiga 1:31

Rü ngĩma ga Bechabé rü ãẽ̱xgacüpe̱xegu inangücuchi ñu̱xmata ĩxmachiü̃wa yaxũcatü, rü tagaãcü ngĩgürügü: —¡Guxü̃guma namaxü̃ ya chorü cori ya ãẽ̱xgacü ya Dabí! —ngĩgürügü.

Norü taxre ga popera ga ãẽ̱xgacügüchiga 25:8

Rü yexguma gumá norü 5 ga tauemacüarü 7 ga ngunexü̃gu rü 19 ga taunecü nüxü̃́ inguxgu ga Babiróniaanearü ãẽ̱xgacü nax yixĩxü̃ ga Nabucudonochó, rü yexguma nixĩ ga Yerucharéü̃wa nanguxü̃ ga Nabucharadáü̃ ga Nabucudonochóarü ngü̃xẽẽruxü̃ ga ãẽ̱xgacüarü dauruü̃gümaxã icuáxü̃.

Norü taxre ga to ga popera ga ãẽ̱xgacügüchiga ümatüxü̃ 21:20

Rü 32 ga taunecü nüxü̃́ nayexma ga Yoráü̃ ga yexguma ãẽ̱xgacüxü̃ yangucuchigu. Rü 8 ga taunecü ãẽ̱xgacü nixĩ ga Yerucharéü̃wa. Rü yexguma nayu̱xgu rü taxuxü̃ma naxca̱x nangechaxü̃. Rü yexguma nayu̱xgu rü Dabíarü Ĩanegu nanata̱xgü. Natürü tama yema tauque ga ãẽ̱xgacügü nagu ta̱xgüxü̃gu nanata̱xgü.

Norü taxre ga to ga popera ga ãẽ̱xgacügüchiga ümatüxü̃ 28:27

Rü yexguma nayu̱xgu ga ãẽ̱xgacü ga Acháx rü gumá norü o̱xigü íta̱xgüxü̃gu nanata̱xgü ga ĩane ga Yerucharéü̃wa. Natürü tama Iraéanearü ãẽ̱xgacügü íta̱xgüxü̃gu nanata̱xgü. Rü nawena rü nachicüxü ãẽ̱xgacüxü̃ ningucuchi ga nane ga Echequía.

Norü taxre ga to ga popera ga ãẽ̱xgacügüchiga ümatüxü̃ 32:33

Rü yexguma nayu̱xgu ga Echequía rü yema tauque ga Dabítanüxü̃ nagu ta̱xgüxü̃gu nanata̱xgü nape̱xegu ga yema togü ga ãẽ̱xgacügü. Rü guxü̃ma ga yema Yudáanecüã̱xgü rü Yerucharéü̃cüã̱xgü rü nanaxümücügü ga yexguma nata̱xgüãgu. Rü nawena rü nane ga Manaché ãẽ̱xgacüxü̃ ningucuchi.

Norü taxre ga to ga popera ga ãẽ̱xgacügüchiga ümatüxü̃ 36:19

Rü guma Tupanapata ga taxü̃ne rü nayagugü. Rü yema Yerucharéü̃arü poxeguxü̃ rü nagu napogüe. Rü guma ãẽ̱xgacüpatagü ínanagu. Rü guxü̃ma ga ta̱xacü ga tatanüxü̃ ga guma ĩanewa yexmaxü̃ rü nagu napogüe.

Neemía 1:3

Rü nümagü rü choxü̃ nangãxü̃gü rü ñanagürügü: —Ngéma rü tama aixcüma mea inixũ. Rü ngẽma duü̃xü̃gü i Yudáanegu rüchoxü̃ rü poraãcü ngúxü̃ ningegü rü chixexü̃ nüxü̃ naxüpetü. Rü ngẽma naxtapü̱x ya yima tórü ĩane ya Yerucharéü̃ rü nanaxa̱i̱xrügumaraxü̃tama ga nagu nax napogüexü̃ rü tauta wena Yechúa nanaxügü. Rü yema naxtapü̱xarü ĩã̱xgü ga ínaguxü̃ rü tauta wena nanaxüchicüxügü —ñanagürügü.

Neemía 2:13

Rü yematama chütaxü̃gu rü Ngategu ãégaxü̃ ga ĩã̱xwa íchaxũxũ rü Dragóü̃arü Puchuwaama chaxũ ñu̱xmata Guxchirearü ĩã̱xwa changu. Rü meama chanangugü ga yema naxtapü̱x ga guma Yerucharéü̃arü poxeguxü̃ ga nagu napogüexü̃ rü norü ĩã̱xgü ga ínaguxü̃.

Ester 8:6

Rü ngẽmaca̱x taxucürüwa yáxna namaxã chaxĩnü i ngẽma chixexü̃ i chautanüxü̃maxã naxueguxü̃ nax nadaixchaü̃ãxü̃ —ngĩgürügü.

Wiyaegü 102:14

Rü toma nax curü duü̃xü̃gü tixĩgüxü̃ rü nüxü̃ tangechaü̃ ya yimá Yerucharéü̃tapü̱xarü nutagü, rü poraãcü toxü̃́ nangu̱x nax ñuxãcü nagu napogüexü̃.

Wiyaegü 102:15

Rü ngẽxguma nüma ya Cori norü üünemaxã taxca̱x nango̱xgux rü tüxü̃ nangü̃xẽẽgux nax wena tanamexẽẽxü̃ca̱x ya yima norü ĩane ya Chióü̃ rü guxü̃ma i nachixü̃anecüã̱xgü rü norü ãẽ̱xgacügü rü tá nüxü̃ nicua̱xüü̃gü.

Wiyaegü 137:6

Rü ngẽxguma cuxü̃ charüngümagu rü tama choxrütama taãẽétüwa cuxü̃ chaxǘxẽẽgu, Pa Yerucharéü̃x ¡rü daa chorü conü rü name i nua chauxmanaxãwa yaxũ nax taguma wena chawiyaexü̃ca̱x!

Wiyaegü 38:7

Rü poraãcü chixaxüne. Rü guxü̃wama i chaxunewa rü chida̱xawe.

Yeremía 52:12

Rü yexguma 19 ga taunecü marü ãẽ̱xgacü yixĩxgu ga Nabucudonochó ga Babiróniawa, rü gumá taunecüarü 5 ga tauemacügu rü nüma ga yema churaragüeru ga Nabucharadáü̃ rü Yerucharéü̃wa nangu. Rü nüma ga Nabucharadáü̃ rü Babiróniaanearü ãẽ̱xgacü ga Nabucudonochóarü ngü̃xẽẽruxü̃ nixĩ.

Auxexü̃chiga 2:9

Rü yemaacü ga guma ĩane rü nüxü̃́ nataxuma ga norü ĩã̱xgü rü nüxü̃́ nataxuma ga norü chotaruü̃gü yerü naxtapü̱xmaxã wüxigu niwa̱xgü ga ĩã̱xgü rü nipue ga norü chotaruü̃gü. Rü Yerucharéü̃arü ãẽ̱xgacü rü norü ngü̃xẽẽruü̃gü rü duü̃xü̃gü i tama yaxõgüxü̃me̱xẽwa nangẽxmagü. Rü ngẽma Cori ya Tupanaarü mugü rü marü nataxuma i natanüwa. Rü ngẽma Tupanaarü orearü uruü̃gü rü nüma ya Tupana rü marü tama nanango̱xetüxẽẽgü.

Danié 2:4

Rü nüma ga yema iyuüxü̃ ga nüxü̃ icua̱xüchigüxü̃ rü ãẽ̱xgacüxü̃ nangãxü̃gü rü ñanagürügü: —¡Guxü̃guma namaxü̃, Pa Ãẽ̱xgacüx! ¡Rü tomaxã nüxü̃ ixu i cunegü! Rü toma nax curü ngü̃xẽẽruü̃gü tixĩgüxü̃ rü tá cumaxã nüxü̃ tixu nax ta̱xacüchiga yixĩxü̃ —ñanagürügü.

Danié 3:9

—¡Guxü̃guma cumaxü̱̃x, Pa tórü Ãẽ̱xgacü, rü ngẽma cuéga rü guxü̃guma nüxna nacua̱xãchie!

Danié 5:10

Natürü ga naé rü yéma iña, yerü nüxü̃ ixĩnü ga aita nax naxüxü̃ ga guma ngĩne rü yema ãẽ̱xgacügü ga namaxã yexmagüxü̃. Rü yemaca̱x yéma ixũ rü ngĩgürügü nüxü̃ ga ngĩne ga Berchachá: —¡Guxü̃guma namaxü̃, Pa Ãẽ̱xgacüx! ¡Rü taxṹ i cuxoegaãẽxü̃ rü taxṹ i cubaixãchixü̃!

Danié 6:21

Rü nüma ga Danié nanangãxü̃ rü ñanagürü: —¡Guxü̃guma namaxü̃, Pa Ãẽ̱xgacüx!

Danié 6:6

Rü yemaacü ga yema 120 ga ãẽ̱xgacügü rü naétü ga yema taxre ga Daniémücügü rü nügümaxã inaxügagü ga ãẽ̱xgacü ga Daríumaxã nax yanadexagüxü̃ca̱x. Rü yexguma marü nape̱xewa nangugügu rü ñanagürügü nüxü̃: —¡Guxü̃guma namaxü̃, Pa Ãẽ̱xgacüx!

Lebítanüxü̃arü puracüchiga 26:31

Rü tá nagu chipogügü i perü ĩanegü rü nachitaxü̃güxica tá ngéma nayaxügü. Rü ngẽxgumarüxü̃ tá ta nagu chipogügü i ngẽma nachicagü i nawa perü tupananetaxü̃ picua̱xüü̃güxü̃. Rü taxũtáma namaxã chataãxẽ i naema i ngẽma pumarate̱xe i cha̱u̱xca̱x pigugüxü̃.