Neemía 13:4 - Tupanaarü Ore

⁴ Rü naxü̃pa nax yema ngupetüxü̃, rü chacherdóte ga Eriachí nixĩ ga namaxã icuácü ga Tupanapata ga taxü̃nearü yemaxü̃güpataü̃gü. Natürü nüma ga Eriachí rü Tobíatanüxü̃ nixĩ.

Neemía 13:4 Iomraidhean Croise

Neemía 12:10

Rü nüma ga Yochué rü Yoaquíü̃natü nixĩ, rü nüma ga Yoaquíü̃ rü Eriáchinatü nixĩ, rü nüma ga Eriachí rü Yoiadánatü nixĩ

Neemía 12:44

Rü yema ngunexü̃gu rü nüxü̃ taxuneta ga yatügü nax namaxã inacua̱xgüxü̃ca̱x ga guma ĩpatagü ga nagu nanuxü̃ne ga Tupanaarü yemaxü̃gü ga ãmaregü, rü nüxíraxü̃xü̃ ga nanetüarü ogü, rü yema duü̃xü̃güarü naanegüarü owa nüxna üxü̃ ga chacherdótegü rü Lebítanüxü̃ ngẽma Tupanaarü mugü nüxü̃ ixuxü̃rüxü̃. Yerü yema Yudátanüxü̃ rü namaxã nataãẽgü ga yema puracü ga chacherdótegü rü Lebítanüxü̃ ügüxü̃.

Neemía 13:28

Rü chacherdótegüarü ãẽ̱xgacü ga Eriachí nane ga Yoiadá rü ngĩmaxã naxãma ga Chambaráx ga Oróü̃tanüxü̃ naxacü. Rü Yoiadáxü̃ íchata̱xüchi ga Yerucharéü̃wa rü yáxü̃wama chanamu. Rü yemawena rü Tupanamaxã chidexa, rü ñacharügü nüxü̃:

Neemía 2:10

Natürü yexguma Chambaráx ga Oróü̃tanüxü̃arü ãẽ̱xgacü, rü Tobía ga Amóü̃tanüxü̃arü ãẽ̱xgacü nüxü̃ cua̱xgügu nax íchanguxü̃, rü poraãcü nanue yerü nüxü̃ nacua̱xgü nax chautanüxü̃ ga Iraétanüxü̃arü ngü̃xẽẽwa chaxũxü̃.

Neemía 3:1

Rü nüma ga chacherdóte ga Eriachí rü ñu̱xũchi yema namücügü ga chacherdótegü nixĩ ga namexẽẽgüxü̃ ga yema ĩã̱x ga Carnérugügu ãégaxü̃. Rü nanaxü ga naachina̱xãgü rü ñu̱xũchi nananucu ga norü ĩã̱xgü. Rü ñu̱xũchi yema 100arü Daxũtaechicawa inanaxügüe nax namexẽẽgüaxü̃́ ga yema naxtapü̱x rü ñu̱xmata yema Ananéarü Daxũtaechicagu yacuáx.

Neemía 6:1

Rü yema torü uanügü ga Chambaráx rü Tobía rü yema Arábiaanecüã̱x ga Yechéü̃ rü yema togü ga torü uanügü rü nüxü̃ nacuáxchigagü nax wena chanamexẽẽxü̃ ga yema ĩanearü poxeguxü̃tápü̱x. Rü yema íyangoxnaxü̃wa rü guxü̃ma charüchauxta rü taxuxü̃ma chaxüpetü. Rü norü ĩã̱xgüxicatama nixĩ ga choxü̃́ taxuxü̃ nax chananucuxü̃.