Neemía 13:2 - Tupanaarü Ore

² Yerü nümagü ga Amóü̃tanüxü̃ rü Moátanüxü̃ rü tama mea Iraétanüxü̃xü̃ nayauxgü, rü tama õna rü axexü̃ nüxna naxãgü ga yexguma Equítuanewa ínachoxü̃gu. Rü naétü rü Baraáü̃axü̃́ nanaxütanügü nax chixexü̃ Iraétanüxü̃maxã naxueguxü̃ca̱x. Natürü ga Tupana rü Balaáü̃ãẽwa nananguxẽxẽ nax mexü̃ Iraétanüxü̃maxã naxueguxü̃ca̱x rü tama i chixexü̃.

Neemía 13:2 Iomraidhean Croise

Wiyaegü 109:28

Rü ñu̱xma nax choxü̃ curüngü̃xẽẽxü̃ rü nüetama nixĩ ega woo chixexü̃ chomaxã yaxugüegu i ngẽma chomaxã rüxuanüã̱xgüxü̃. Rü name nixĩ nax naxãneexü̃. Natürü i choma nax curü duü̃xü̃ chixĩxü̃ rü chataãxẽ.

Miquéa 6:5

¡Pa Chorü Duü̃xü̃güx, nüxna pecua̱xãchie i ngẽma Baláx ga Moáarü ãẽ̱xgacü nagu rüxĩnüxü̃, rü ñu̱xũchi yema norü ngãxü̃ ga Balaáü̃ ga Beúx nane nüxna ãxü̃! Rü yexguma Chitíü̃wa pengugügu nax Guirigáwaama pexĩxü̃ca̱x, rü choma nixĩ ga pora pexna chaxãxü̃ nax nüxü̃ perüporamaegüxü̃ca̱x ga perü uanügü —ñanagürü ya Tupana.

Iraétanüxü̃arü muxchiga 23:18

Rü yexguma ga nüma ga Balaáü̃ rü nüxü̃ nixu ga ñaa ore, rü ñanagürü: —Pa Baláx ya Chipóx Nane Ixĩcüx ¡dücax, mea choxü̃́ irüxĩnü!

Ore i mexü̃ ga Matéu ümatüxü̃ 25:40

Rü nüma i Ãẽ̱xgacü rü tá nanangãxü̃, rü ñanagürü tá: “Aixcüma pemaxã nüxü̃ chixu rü yexguma nüxü̃ perüngü̃xẽxẽgügu i ngẽma chorü duü̃xü̃ i yexeraãcü ngearü ngẽmaxü̃áxü̃, rü choxü̃ nixĩ ga perüngü̃xẽxẽgüxü̃”, ñanagürü tá nüxü̃.

Wenaxarü naxümatü ga Tupanaarü mugü 23:3

Rü ngẽma Amóü̃tanüxü̃ rü ngẽma Moátanüxü̃ rü tagutáma Tupanaarü duü̃xü̃güarü ngutaque̱xegu nachocu rü woo norü 10 i natücumüwa nangu i ngẽma ngexwaca ingóetanüxü̃ rü tagutáma ngẽxma nachocu.

Wenaxarü naxümatü ga Tupanaarü mugü 23:4

Yerü nümagü ga Amóü̃tanüxü̃ rü Moátanüxü̃ rü tama pexü̃ nayauxgü õnamaxã rü axexü̃maxã ga yexguma Equítuanewa ípechoxü̃gu. Rü nümagü rü naétü nüxü̃́ nanaxütanügü ga Balaáü̃ ga Beúx nane ga Mechopotámiaarü ĩane ga Petúxwa ne ũcü nax chixexü̃ pemaxã naxueguxü̃ca̱x. Natürü ga Tupana rü Balaáü̃ãẽwa nananguxẽxẽ nax mexü̃ama pemaxã naxueguxü̃ca̱x rü tama i chixexü̃.

Wenaxarü naxümatü ga Tupanaarü mugü 23:5

Rü yemaacü ga nüma ga Cori ya perü Tupana rü tama Balaáü̃ga naxĩnü, rü Balaáü̃ãẽwa nananguxẽxẽ nax mexü̃ama pemaxã naxueguxü̃ca̱x rü tama i chixexü̃, yerü pexü̃ nangechaü̃.

Norü taxre ga popera ga Pedru ümatüxü̃ 2:15

Rü ngẽma ngu̱xẽẽruü̃netagü rü tama nagu naxĩ i ngẽma Tupana nüxü̃́ naxwa̱xexü̃, rü ngẽmaca̱x inayarütauxe. Rü nagu naxĩ ga yema chixexü̃ ga nagu yaxũxü̃ ga nũxcümaü̃xü̃ ga Balaáü̃ ga Bochú nane ga chixexü̃gu diẽru ngĩxü̃ yauxchaü̃xü̃.