Neemía 11:1 - Tupanaarü Ore

¹ Rü yema Iraétanüxü̃arü ãẽ̱xgacügü rü ĩane ga Yerucharéü̃gutama naxãpatagü. Rü yema togü ga Iraétanüxü̃ rü sortéu naxca̱x naxügü nax nüxü̃ nacua̱xgüxü̃ca̱x rü texégü tá tixĩ ya ĩane ya üünene ya Yerucharéü̃gu ãpatagüxe. Rü ngẽma 10 i nügütanüxü̃wachigü rü wüxitücumü tá nixĩ ya yima ĩane ya üünene ya Yerucharéü̃gu ãpatagüxü̃ rü ngẽma togü i 9 tücumü rü naigü ya ĩanewa tá naxĩ nax ngẽxma yaxãpatagüxü̃ca̱x.

Neemía 11:1 Iomraidhean Croise

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 26:13

Rü yema ĩã̱xgü rü nanasortéugü nax nüxü̃ nacua̱xgüxü̃ca̱x nax ngexü̃rüüxü̃ i natücumü tá nüxna dauxü̃ i wüxichigü i ĩã̱x. Rü woo iyaxü̃ rü woo ingextü̱xüxü̃ inaxãgü ga sortéuwa naxca̱x ga yema puracü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 8:28

Rü yemagü nixĩ ga nüxíraxü̃xü̃ ga norü ãẽ̱xgacügü ga natanüxü̃maxã icua̱xgüxü̃ ga poperawa ãégagüxü̃. Rü nümagü rü Yerucharéü̃gu naxãchiü̃gü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:1

Rü yemaacü ga guxü̃ma ga Iraétanüxü̃ rü nagu nawǘégagü ga yema popera ga Iraétanüxü̃arü ãẽ̱xgacügü nagu wǘégagüxü̃. Natürü yema duü̃xü̃gü ga Yudáanecüã̱xgü rü Babiróniaanewa nanagagü nagagu ga norü chixexü̃ ga naxügüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:2

Rü yema duü̃xü̃gü ga nüxíra woeguxü̃ nax wena norü naanegüwa rü ĩanegüwa nangugüxü̃ca̱x, rü yemagü nixĩ ga ñuxre ga Iraétanüxü̃ rü chacherdótegü, rü Lebítanüxü̃, rü yema Tupanapata ga taxü̃nearü puracüwa puracüexü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:3

Rü nümaxü̃ ga Yudátanüxü̃, rü Bẽyamíü̃tanüxü̃, rü Efraíü̃tanüxü̃ rü Manachétanüxü̃ rü Yerucharéü̃gu naxãchiü̃gü.

Neemía 10:34

Rü guxãma ga toma ga chacherdótegü rü Lebítanüxü̃ rü guxü̃ma ga duü̃xü̃gü rü sortéu taxü nax wüxichigü ga taunecügu nüxü̃ tacuáxü̃ca̱x nax ta̱xacürü ngunexü̃ tá nagu yanguchigüxü̃ i wüxichigü ya ĩpatacüã̱xgü nax Tupanapata ya taxü̃newa nangegüãxü̃ca̱x i üxü nax yema üxümaxã ãmarechicawa yagugüãxü̃ca̱x i Tupanaarü ãmaregü yema mugüpanewa naxümatüxü̃ãcü.

Neemía 11:18

Rü guxü̃wama rü yema Lebítanüxü̃ ga ĩane ga üünene ga Yerucharéü̃gu ãpatagüxü̃ rü 284 nixĩ ga norü mu.

Neemía 4:22

Rü yexgumarüxü̃ ta ga yema duü̃xü̃gü ga ĩane ga Yerucharéü̃arü düxétügu ãpatagüxü̃ rü namaxã nüxü̃ chixu nax ngunecüxicatama napuracüexü̃, rü chütacü rü ĩanearü aixepegu napegüxü̃ nax yemaacü dauxü̃taeruü̃güxü̃ nangü̃xẽẽgüxü̃ca̱x.

Wiyaegü 122:5

Rü Yerucharéü̃wa nixĩ i nangẽxmaxü̃ i ngẽma tochicaxü̃gü i ãẽ̱xgacügü i guxchaxü̃arü mexẽẽruü̃gü nawa rütogüxü̃. Rü ngẽma tochicaxü̃gü rü ãẽ̱xgacü ga Dabípatawa nixĩ i nangẽxmagüxü̃.

Wiyaegü 122:6

¡Rü guxü̃nema ya perü maxü̃nemaxã Tupanana peca nax Yerucharéü̃wa nangẽxmaxü̃ca̱x i taãxẽ! Rü namaxã nüxü̃ pixu ya yima ĩane rü ñaperügü: —Tanaxwa̱xe i cuwa mea namaxẽ i ngẽma cuxü̃ ngechaü̃güxü̃ —ñapegürü.

Ucu̱xẽgüchiga 16:33

Nüma ya yatü rü nümatama nagu naxĩnüxü̃ãcüma nanaxü i ngẽma naxüxchaü̃xü̃, natürü ngẽma Cori ya Tupana naxwa̱xexü̃ãcü tá nixĩ i ínanguxuchixü̃.

Ichaía 48:2

Pema rü nüxü̃ pixu nax yima ĩane ya üünene ya Yerucharéü̃wa pemaxẽxü̃ rü Iraéarü Tupana ya Guxãétüwa Ngẽxmacüarü duü̃xü̃gü pixĩgüxü̃, rü ngẽmaãcü pegü ípepoxü̃.

Ichaía 52:1

¡Peba̱i̱xãchie, Pa Chióü̃cüã̱xgüx, peba̱i̱xãchie! ¡Ipechigü rü peporae i pema i yima ĩane ya üünene ya Yerucharéü̃arü duü̃xü̃gü nax pixĩgüxü̃! ¡Rü mexü̃ i pexchirugu picu̱xgü! Erü ngẽma perü uanügü i tama choxü̃ cua̱xgüxü̃ rü tagutáma wena pexca̱x ínayaxüãchi.

Ore i mexü̃ ga Matéu ümatüxü̃ 27:53

Rü naxmaü̃wa ínachoxü̃ ga yema duü̃xü̃gü ga wena maxẽxü̃. Rü yexguma Ngechuchu wena maxü̃guwena, rü Yerucharéü̃wa naxĩ. Rü muxü̃ma ga duü̃xü̃gü nüxü̃ nadaugü.

Ore i mexü̃ ga Matéu ümatüxü̃ 4:5

Rü yexguma ga ngo̱xo ga Chataná rü guma ĩane ga üünene ga Yerucharéü̃wa nanaga. Rü gumá Tupanapata ga taxü̃nepe̱xegu nanamunagü.

Ngechuchuarü ngúexü̃gü ga yamugüxü̃arü puracüchiga 1:24

Rü ñaãcü nayumüxẽgü: —Pa Corix, cuma nüxü̃ cucua̱x i guxü̃ma i duü̃xü̃güarü maxü̃. ¡Rü ñu̱xma rü toxü̃ nawe̱x i ngexü̃rüüxü̃ i ñaa taxrewa nixĩ i cunaxwa̱xexü̃ nax cunamuxü̃ca̱x nax naxüaxü̃ca̱x i ñaa puracü ga Yúda ítáxü̃ ga yexguma norü poxcuwa naxũxgu! —ñanagürügü.

Ngechuchuarü ngúexü̃gü ga yamugüxü̃arü puracüchiga 1:26

Rü wüxi ga diẽru ngĩxü̃ nañanagügü nax yemawa nüxü̃ nacua̱xgüxü̃ca̱x ga ngexü̃rüüxü̃ ga yema taxre tá nax ixücuxü̃. Rü Matíagu nangu nax yaxücuxü̃. Rü yexgumatama rü yema 11 ga ngúexü̃gü ga Ngechuchu imugüxü̃tanügu naxã ga Matía.

Yochué 18:10

Rü nüma ga Yochué rü yexguma Chilówa Tupanape̱xewa sortéuãcü inayanu ga yema naane nüxü̃ ga yema Iraétücumügü.