Neemía 10:9 - Tupanaarü Ore

⁹ Rü yema Lebítanüxü̃ nixĩgü ga Yochué ga Achanía nane, rü Binuí ga Enadáx nataxa, rü Caxmié,

Neemía 10:9 Iomraidhean Croise

Neemía 10:10

rü naenexẽgü ga Chebanía, rü Odía, rü Queritá, rü Peraía rü Anáü̃,

Neemía 10:8

rü Maachía, rü Bigái rü Chemaía. Rü yemagü rü chacherdóte nixĩgü.

Neemía 12:24

Rü yema Lebítanüxü̃maxã icua̱xgüxü̃ rü ñaagü nixĩ: Achabía, rü Cherebía, rü Yochué ga Caxmié nane. Rü yexguma nawa nanguxgu nax nawiyaegüxü̃ rü nüma ga natanüxü̃ rü nape̱xegu nayachigü nax Cori ya Tupanaxü̃ yacua̱xüü̃güxü̃ca̱x rü moxẽ nüxna naxãgüxü̃, gumá Dabí ga Cori ya Tupanaarü duü̃ ixĩcü namugüxü̃ãcüma.

Neemía 12:8

Rü ñaagü nixĩ ga yema Lebítanüxü̃: Yochué rü Binuí rü Caxmié rü Cherebía rü Yudá rü Matanía. Rü nüma ga Matanía rü namücügümaxã wüxigu namaxã inacua̱xgüxü̃ ga yema wiyaegü.

Neemía 3:24

Rü yema norü to ga naxtapü̱xarü üye rü Binuí ga Enadáx nane nixĩ ga namexẽẽxü̃. Rü Acharíapataarü to̱xma̱xtawa inanaxügü rü ñu̱xmata naxtapü̱x ínapoxü̃wa nangu.

Neemía 7:43

Rü yema Lebítanüxü̃ ga Yochuétaagü rü Caxmiétaagü rü Odabíataagü rü 74 nixĩ.

Neemía 8:7

Rü Lebítanüxü̃ ga Yochué, rü Baní, rü Cherebía, rü Yamíü̃, rü Acúx, rü Chaxtái, rü Odía, rü Maachía, rü Queritá, rü Acharía, rü Yochabá, rü Anáü̃ rü Peraía nixĩ ga duü̃xü̃gümaxã meama nango̱xẽẽgüxü̃ nax ta̱xacüchiga yixĩxü̃ ga yema mugü. Rü yexguma ga nüma ga duü̃xü̃gü rü tama nixĩgachitanü nawa ga yema nachica ga nagu nachigüxü̃.

Neemía 9:4

Rü yemawena ga yema Lebítanüxü̃ ga Yochué, rü Binuí, rü Caxmié, rü Chebanía, rü Binuí, rü Cherebía, rü Baní rü Quenáni rü yema chinagüchicagu naxĩgü rü yéma tagaãcü Cori ya Tupanamaxã nidexagü.