Neemía 1:6 - Tupanaarü Ore

⁶ Rü ngẽmaca̱x i ñu̱xma rü cuxü̃ chaca̱a̱xü̃ nax choxü̃́ nüxü̃ cuxĩnüxü̃ i ñaa chorü yumüxẽ i chütacü rü ngunecü cumaxã nüxü̃ chixuxü̃ naxca̱x i ngẽma curü duü̃xü̃gü i Iraétanüxü̃. Rü nüxü̃ chacua̱x nax cupe̱xewa chixexü̃ taxüxü̃ i toma i Iraétanüxü̃, rü woo i choma rü chautanüxü̃ rü cupe̱xewa chixexü̃ taxügü.

Neemía 1:6 Iomraidhean Croise

Nüxíraxü̃xü̃ ga popera ga ãẽ̱xgacügüchiga 8:30

¡Rü nüxü̃ naxĩnü i ngẽma naxca̱x íchacaxaxü̃, rü nüxü̃ naxĩnü i curü duü̃xü̃gü i Iraétanüxü̃arü yumüxẽ ega ngẽxguma ñaa nachicagu tarüdaunüãcüma tayumüxẽgügu! ¡Rü nüxü̃ naxĩnü i daxũguxü̃ i naanewa i ngextá ícumaxü̃xü̃wa rü toxü̃́ nüxü̃ rüngüma i torü chixexü̃gü!

Nüxíraxü̃xü̃ ga popera ga ãẽ̱xgacügüchiga 8:47

natürü ega chi ngẽma nachixü̃anewa nüxna yacua̱xãchigügu i norü chixexü̃ i cupe̱xewa naxügüxü̃ rü cuxca̱x nawoegu̱xgu rü cuxna nacagügu nax nüxü̃́ nüxü̃ curüngü̃maxü̃ca̱x i norü chixexü̃gü,

Norü taxre ga to ga popera ga ãẽ̱xgacügüchiga ümatüxü̃ 28:10

Rü ñu̱xũchi penaxwa̱xe nax ngẽma Yudáanecüã̱xgü rü Yerucharéü̃cüã̱xgü rü perü puracütanüxü̃ nax yaxĩgüxü̃. Natürü ¿tama ẽ̱xna i pema rü ta Cori ya perü Tupanape̱xewa chixexü̃ pexüxü̃?

Norü taxre ga to ga popera ga ãẽ̱xgacügüchiga ümatüxü̃ 29:6

Rü yema tanatügü rü nüxü̃ narüxoe nax Tupanaga naxĩnüexü̃. Rü yema naxügüxü̃ rü tama Tupanape̱xewa name yerü nüxna nixĩgachi. Rü ínanata̱xgü ga guma Cori ya Tupanapata.

Norü taxre ga to ga popera ga ãẽ̱xgacügüchiga ümatüxü̃ 6:40

¡Rü ñu̱xmax, Pa Chorü Tupanax, rü inadawenü rü írüxĩnü naxca̱x i guxü̃ma i ngẽma yumüxẽgü i cuxca̱x taxügüxü̃ i ñaa nachicawa!

Édra 10:1

Rü yexguma Édra ñaxtüanegu nayangücuchigu norü to̱xma̱xtawa ga guma Tupanapata ga taxü̃ne, rü yéma naxauxãcüma nayumüxẽ, rü Tupanamaxã nüxü̃ nixu ga duü̃xü̃güarü chixexü̃gü. Rü yexgumayane yéma nangugü ga muxü̃ma ga Iraétanüxü̃ ga yatügü, rü ngexü̃gü, rü buxü̃gü, rü Édraxü̃tagu nangutaque̱xe rü wüxigu poraãcü naxauxe.

Édra 10:11

Rü ñu̱xma rü name i tórü o̱xigüarü Tupanape̱xewa nüxü̃ pixu nax aixcüma chixexü̃ pexügüxü̃, rü penaxü i ngẽma norü ngúchaü̃. Rü ngẽmaca̱x pemaxã nüxü̃ chixu ¡rü nüxna pixĩgachi i ngẽma duü̃xü̃gü i tama yaxõgüxü̃ rü ngẽma ngexü̃gü i to i nachixü̃anecüã̱xgü ixĩgüxü̃! —ñanagürü.

Neemía 1:11

Pa Corix, cuxü̃ chachixewe nax choxü̃́ nüxü̃ cuxĩnüxü̃ca̱x i ñaa chorü yumüxẽ i cumaxã nüxü̃ chixuxü̃ i chomax nax curü duü̃xü̃ chixĩxü̃. Erü ngẽma chorü ngúchaü̃ i nagu charüxĩnüxü̃ nixĩ nax cuxü̃ chicua̱xüüxü̃. Rü ngẽxgumarüxü̃ ta cuxna naxca̱x chaca nax choxü̃ curüngü̃xẽẽxü̃ nax chomaxã namecümaxü̃ca̱x ya ãẽ̱xgacü —ñachagürü. Rü yexgumaü̃cüxü rü choma rü ãẽ̱xgacü ga Artayérearü bínuarü baeruxü̃ chixĩ.

Wiyaegü 102:17

Rü nüma ya Cori ya Tupana rü tá nüxü̃ naxĩnü i norü yumüxẽ i ngẽma ngéma wogümarexü̃, rü taxũtáma nüxü̃ naxo i ngẽma naxca̱x ínacagüxü̃.

Wiyaegü 106:6

Rü toma rü cupe̱xewa poraãcü chixexü̃ taxü torü o̱xigürüü̃tama. Rü nüxna ítachocu i curü mugü nax tóxrütama ngúchaü̃ i chixexü̃gu tamaxẽxü̃ca̱x.

Wiyaegü 130:2

¡Rü choxü̃́ nüxü̃ naxĩnü i chorü yumüxẽ, Pa Cori Pa Tupanax, rü choxü̃ nangãxü̃ namaxã i ngẽma tagaãcü naxca̱x íchaca̱xaxü̃!

Wiyaegü 32:5

Rü yexguma nagu charüxĩnügu ga chorü maxü̃ nax naturaxü̃ rü cumaxã nüxü̃ chixu ga guxü̃ma ga chorü pecadugü rü taxuxü̃ma chicu̱x. Rü chaugümaxã ñacharügü: —Cori ya Tupanamaxã tá nüxü̃ chixu i chorü chixexü̃gü —ñachagürü. Rü cumax, Pa Corix, rü choxü̃́ nüxü̃ icurüngüma ga guxü̃ma.

Wiyaegü 34:15

Erü nüma ya Cori ya Tupana rü tüxna nadau ya yíxema aixcüma mea maxẽxe. Rü tüxü̃́ nüxü̃ naxĩnü i tümaarü yumüxẽ.

Wiyaegü 55:17

Rü ẽxü̃wa rü tocuchigu rü chütacü rü Tupanaxü̃ chaca̱a̱xü̃, rü nüma rü choxü̃ naxĩnü rü choxü̃ nangãxü̃.

Wiyaegü 88:1

Pa Corix, Pa Chorü Tupanax, Pa Chorü Maxẽxẽruxü̃x, ngunecü rü chütacü rü cuxna chaca nax choxü̃ curüngü̃xẽẽxü̃ca̱x.

Ichaía 6:5

Rü yexguma ga chomax rü ñaxü̃gu charüxĩnü: —Ñu̱xmawaxix rü chaugümaxã changechaü̃ erü tá chayu. Erü choma nax duü̃xü̃ chixĩxü̃ rü chauxetümaxã nüxü̃ chadau ya yimá ãẽ̱xgacü ya Cori ya Guxãétüwa Ngẽxmacü. Rü chaua̱x rü naxãũãchi rü duü̃xü̃gü i ãũãchiarü dexaã̱xgǘxü̃tanüwa chamaxü̃ —ñaxü̃gu charüxĩnü.

Auxexü̃chiga 5:7

Rü tonatügü rü pecadu naxügü, rü marü nayue. Rü ñu̱xma i toma rü naxca̱x tapoxcue ga yema norü pecadugü ga naxügüxü̃.

Danié 9:15

Natürü ga cumax, Pa Cori Pa Torü Tupanax, rü nũxcüma icunawe̱x ga yema taxü̃ ga curü pora ga yexguma Equítuanewa ícunguxü̃xẽẽgu ga curü duü̃xü̃gü. Rü yemaacü cugü cutachigaxẽxẽ ñu̱xmata ñoma i ngunexü̃wa nangu. Natürü ga toma rü poraãcü cupe̱xewa chixexü̃ taxü.

Danié 9:20

Rü choma rü íchayadaxẽxẽ ga nax chayumüxẽxü̃ rü Tupanamaxã nüxü̃ chixuxü̃ ga chorü chixexü̃gü rü chautanüxü̃ ya Iraétanüxü̃arü chixexü̃gü. Rü Cori ya Tupanaxü̃ chaca̱a̱xü̃ naxca̱x ya yima norü ma̱xpǘne ya üünene.

Danié 9:4

Rü yema chorü yumüxẽwa rü Tupanamaxã nüxü̃ chixu ga chorü pecadugü rü chautanüxü̃arü pecadugü rü ñachagürü: —Pa Cori Pa Tupanax, cuma rü guxãétüwa cungexma rü cuporaxüchi rü guxü̃guma cuyanguxẽxẽ i curü unetagü. Rü ngẽmawa tüxü̃ cunawe̱x nax tüxü̃ cungechaü̃xü̃ ya yíxema aixcüma cuga ĩnüexe rü nagu maxẽxe i curü mugü.

Danié 9:5

Rü toma rü poraãcü pecadu cupe̱xewa taxüe rü chixexü̃ taxüe. Rü tamaxẽmare rü tama cugu tarüxĩnüe. Rü nüxü̃ tarüxoe i curü mugü rü curü ucu̱xẽgü.

Danié 9:8

Rü ñu̱xma i tomax, Pa Cori Pa Tupanax, rü naxrüü̃tama i ngẽma torü ãẽ̱xgacügü rü torü o̱xigü rü taxãnee erü cupe̱xewa chixexü̃ taxügü.

Ore i mexü̃ ga Luca ümatüxü̃ 18:7

¿Taux ẽ̱xna ya Tupana rü paxa tüxü̃ ínapoxü̃xü̃ ya yíxema duü̃xẽ ya tüxü̃ nayaxúxe i ngẽxguma chütacü rü ngunecü rü norü ngü̃xẽẽca̱x nüxna tacaxgu i tümaarü yumüxẽwa?

Ore i mexü̃ ga Luca ümatüxü̃ 2:37

Rü yemaacü wüxi ga yutecü ga yaxguã̱xü̃chi iyixĩ, rü 84 nixĩ ga ngĩrü taunecü. Rü taguma Tupanapata ga taxü̃newa íixũxũ. Rü guxü̃guma ngunecü rü chütacü rü naxaureãcüma iyumüxẽecha. Rü yemaacü Tupanaxü̃ iyacua̱xüxü̃.

Efesios 2:3

Rü guxãma ga yixema rü yemaacü chixexü̃gu tamaxẽ ga ü̃pa. Rü tóxrütama ngúchaü̃ ga chixexü̃we tarüxĩ, rü nagu taxĩ ga yema taxü̃ne naxwa̱xexü̃ rü yema taãxẽ nagu rüxĩnüxü̃. Rü yemagagu tüxna nangu i ngẽma poxcu ya Tupana norü numaxã mexẽẽxü̃ naxca̱x i guxü̃ma i ngẽma tama naga ĩnüexü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:5

Natürü name i ngẽma yaxõgüxü̃ tüxü̃ narüngü̃xẽẽgü ya yíxema yutexe ya tüxica irüxã́ũxe rü tüxü̃́ nataxúxe i tümatanüxü̃, rü Tupanaxü̃tawaxicatama ítanangu̱xẽxẽ i tümaarü ngü̃xẽxẽ, rü guxü̃guma chütacü rü ngunecü rü tayumüxẽ nax tüxü̃ nangü̃xẽẽxü̃ca̱x ya Tupana.

Norü taxre ga popera ga Timutéuca̱x naxümatüxü̃ ga Pauru 1:3

Guxü̃guma i chütacü rü ngunecü rü cuxna chacua̱xãchixü̃ i chorü yumüxẽwa, rü poraãcü cuxca̱x moxẽ Tupanana chaxã. Rü nüxü̃́ nixĩ i chapuracüxü̃ i mexü̃ i chauãẽmaxã, yexgumarüxü̃ ga nũxcümaü̃güxü̃ ga chorü o̱xigü naxügüxü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 1:9

Natürü ngẽxguma chi Tupanamaxã nüxü̃ ixuxgu i tórü pecadugü, rü nüma ya Tupana ya ixaixcümacü rü tá tüxü̃́ nüxü̃ inarüngüma i tórü pecadugü rü tá inayanaxoxẽxẽ i guxü̃ma i tórü chixexü̃gü.

1 Chamué 15:11

—Choxü̃́ nangu̱x ya Chaú nax ãẽ̱xgacüxü̃ nüxü̃ chaxunetaxü̃ erü choxna nixũgachi rü tama nayanguxẽxẽ i ngẽma chanamuxü̃ —ñanagürü. Rü nüma ga Chamué rü poraãcü naãxẽwa nangu̱x ga yema. Rü Cori ya Tupanaxü̃ nachixewe ga guxü̃ma ga yema chütaxü̃gu.