Neemía 1:3 - Tupanaarü Ore

³ Rü nümagü rü choxü̃ nangãxü̃gü rü ñanagürügü: —Ngéma rü tama aixcüma mea inixũ. Rü ngẽma duü̃xü̃gü i Yudáanegu rüchoxü̃ rü poraãcü ngúxü̃ ningegü rü chixexü̃ nüxü̃ naxüpetü. Rü ngẽma naxtapü̱x ya yima tórü ĩane ya Yerucharéü̃ rü nanaxa̱i̱xrügumaraxü̃tama ga nagu nax napogüexü̃ rü tauta wena Yechúa nanaxügü. Rü yema naxtapü̱xarü ĩã̱xgü ga ínaguxü̃ rü tauta wena nanaxüchicüxügü —ñanagürügü.

Neemía 1:3 Iomraidhean Croise

Norü taxre ga popera ga ãẽ̱xgacügüchiga 25:10

Rü yema Cadéugü ga churaragü ga íyaxümücügüxü̃ ga Nabucharadáü̃, rü nagu napogüe ga yema Yerucharéü̃arü poxeguxü̃tápü̱xgü.

Norü taxre ga to ga popera ga ãẽ̱xgacügüchiga ümatüxü̃ 36:19

Rü guma Tupanapata ga taxü̃ne rü nayagugü. Rü yema Yerucharéü̃arü poxeguxü̃ rü nagu napogüe. Rü guma ãẽ̱xgacüpatagü ínanagu. Rü guxü̃ma ga ta̱xacü ga tatanüxü̃ ga guma ĩanewa yexmaxü̃ rü nagu napogüe.

Édra 2:1

Rü ñaagü nixĩ ga naégagü ga yema Iraétanüxü̃ ga Yudáanegu buexü̃ ga ãẽ̱xgacü ga Nabucudonochó Babiróniawa gagüxü̃. Rü yemawena rü wenaxarü Yerucharéü̃ca̱x rü naigü ga ĩanegü ga Yudáarü naanewa yexmagüneca̱x nawoegu. Rü wüxichigü ga duü̃xü̃ rü norü ĩaneca̱x nataegu. Rü ñaagü nixĩ ga yema namaxã icua̱xgüxü̃: Chorobabé, rü Yochué, rü Neemía, rü Cheraía, rü Relaía, rü Maduquéu, rü Bicháü̃, rü Mispá, rü Bixbái, rü Reúü̃, rü Baaná. Rü yemagü nixĩ ga yema namaxã icua̱xgüxü̃ ga yexguma nawoegugu.

Édra 5:8

Rü cumaxã nüxü̃ tixu nax Yudáanewa ítayadauxü̃ ya napata ya taxü̃ne ya yimá Yudíugüarü Tupana ya Guxãétüwa Ngẽxmacü. Rü yima rü ínanamexẽẽgü nuta ya itaxüchicümaxã. Rü ngẽma naxtapü̱x rü meama mürapewamaxã natüchiã. Rü ngẽma puracü rü naxca̱x napaxaãẽgü rü ngẽmaca̱x paxãma inixũ.

Neemía 11:3

Rü Yudáanewa yexmagüne ga ĩanegüwa nangugü ga yema Iraétanüxü̃, rü chacherdótegü, rü Lebítanüxü̃, rü duü̃xü̃gü ga Tupanapata ga taxü̃nearü puracütanüxü̃ rü ñu̱xũchi nataagü ga Charomóü̃arü puracütanüxü̃. Rü wüxichigü ga nümagü rü norü ĩaneca̱x rü norü naaneca̱x nawoegu. Rü ñaa nixĩ ga norü ãẽ̱xgacügü ga yema Iraétanüxü̃ ga Babiróniawa ne ĩxü̃ rü ĩane ga Yerucharéü̃gu yaxãpatagüxü̃.

Neemía 2:13

Rü yematama chütaxü̃gu rü Ngategu ãégaxü̃ ga ĩã̱xwa íchaxũxũ rü Dragóü̃arü Puchuwaama chaxũ ñu̱xmata Guxchirearü ĩã̱xwa changu. Rü meama chanangugü ga yema naxtapü̱x ga guma Yerucharéü̃arü poxeguxü̃ ga nagu napogüexü̃ rü norü ĩã̱xgü ga ínaguxü̃.

Neemía 2:17

Rü yemaca̱x chanangutaque̱xexẽxẽ ga yema duü̃xü̃gü rü ñachagürü nüxü̃: —Pema meama nüxü̃ pecua̱x nax wüxi i guxchaxü̃wa ingẽxmagüxü̃, rü daa ĩane ya Yerucharéü̃ rü nachixe, rü naxtapü̱xarü ĩã̱xgü rü ínagu. ¡Rü ngĩxã wüxigu tanamexẽxẽ ya daa ĩanearü poxeguxü̃ nax ngẽmaãcü marü tama wüxi i cugüruxü̃ ixĩgüxü̃ca̱x! —ñachagürü.

Neemía 2:3

Rü ãẽ̱xgacüxü̃ changãxü̃ rü ñachagürü: —Pa Ãẽ̱xgacüx ¡Guxü̃guma namaxü̃! ¿Ñuxãcü chi i tama changechaü̃xü̃? Erü yima ĩane ya chaunatügü nagu ta̱xgüne rü nachicaxicatama nixĩ, rü naxtapü̱xarü ĩã̱xgü rü ínanagu —ñachagürü.

Neemía 7:6

Rü ñaagü nixĩ ga naégagü ga yema Iraétanüxü̃ ga Yudáanegu buexü̃ ga ãẽ̱xgacü ga Nabucudonochó Babiróniawa gagüxü̃, rü wenaxarü Yerucharéü̃ca̱x woeguxü̃, rü naigü ga ĩanegü ga Yudáanewa yexmagüneca̱x woeguxü̃. Rü wüxichigü ga duü̃xü̃ rü norü ĩaneca̱x nataegu. Rü ñagü nixĩ ga yema namaxã icua̱xgüxü̃: Chorobabéx, rü Yochué, rü Neemía, rü Acharía, rü Raamía, rü Naamaní, rü Maduquéu, rü Bicháü̃, rü Mispére, rü Bixbái, rü Neúü̃, rü Baaná.

Ester 1:1

Rü nüma ga Achuéru rü ãẽ̱xgacü nixĩ ga Médiaanewa rü Pérchiaanewa. Rü yema norü naane rü 127 gu nixüye. Rü Índiaanewa inaxügü rü ñu̱xmata Etiopíaanewa nangu ga norü ta.

Wiyaegü 79:4

Rü ngẽma nachixü̃anegü i torü ngaicamana ngẽxmagüxü̃ rü togu nidauxcüraxü̃gü rü toxü̃ nacugüe.

Ucu̱xẽgüchiga 25:28

Yimá ĩane ya ngearü poxegune rü ãũcümaxü̃wa nangẽxma. Rü ngẽxgumarüxü̃ tixĩ ya yíxema tama tügüna dauxe i tümacümawa.

Ichaía 43:28

Rü ngẽma perü ãẽ̱xgacügü rü chixexü̃ nawa naxügü ga chopata ya taxü̃ne. Rü yemaca̱x nixĩ ga nüxna chixũgachixü̃ ga Acóbuarü duü̃xü̃gü ga Iraétanüxü̃ nax norü uanügü nada̱i̱xü̃ca̱x rü chixexü̃ namaxã yaxugüexü̃ca̱x —ñanagürü ya Tupana.

Ichaía 5:5

Rü dücax, rü ñu̱xma rü tá pemaxã nüxü̃ chixu i ngẽma nagu charüxĩnüxü̃ namaxã i ngẽma chorü úbanecü. Rü tá íchanapoxgü i ngẽma norü poxeguxü̃ nax ngẽmaãcü duü̃xü̃gü nagu pogüexü̃ca̱x i ngẽma úbanecü. Rü ngẽma norü poxeguxü̃ rü tá nagu chapogü nax duü̃xü̃gü nagu púgüexü̃ca̱x i ngẽma úbanecü.

Yeremía 24:9

Rü poraãcü tá chanapoxcue i ngẽma duü̃xü̃gü rü ngẽmaca̱x i ngẽma togü i nachixü̃anecüã̱xgü rü ngẽxguma ngẽmaxü̃ nadaugügu rü tá poraãcü namaxã naba̱i̱xãchie. Rü ngẽma nachixü̃anegü i nagu chanawoonexü̃wa rü duü̃xü̃gü rü tá nagu nidauxcüraxü̃gü rü nüxü̃ nacugüe rü nüxü̃ naxoe rü chixexü̃ namaxã nixugüe.

Yeremía 29:18

Rü choma rü tá nawe chingẽchigü i ngẽma duü̃xü̃gü namaxã i dai rü taiya rü daaweane. Rü ngẽmaãcü tá chanaxü nax guxü̃ma i nachixü̃anecüã̱x i duü̃xü̃gü namaxã baixãchiexü̃ca̱x i ngẽxguma nüxü̃ nadaugügu. Rü guxü̃ma i ngẽma nachixü̃anegü i nagu tá chanawoonexü̃ i ngẽma duü̃xü̃gü rü wüxi i cua̱xruxü̃ tá chayaxĩxẽxẽ. Rü ngẽma togü i nachixü̃anecüã̱x i duü̃xü̃gü rü tá chixri nachiga nidexagü, rü tá namaxã naba̱i̱xãchie, rü tá nüxü̃ nacugüe, rü tá chixexãcü nüxü̃ narüdaunü.

Yeremía 39:8

Rü yoxni ga yema togü ga Babiróniacüã̱x ga churaragü rü nagu nanangixgü ga guma Yerucharéü̃ wüxigu namaxã ga guma ãẽ̱xgacüpata. Rü nagu napogüe ga naxtapü̱x ga guma Yerucharéü̃ poxeguxü̃.

Yeremía 42:18

Erü choma ya Cori ya Guxãétüwa Changexmaxẽ ya Iraétanüxü̃arü Tupana rü ñachagürü: ‘Rü yexgumarüxü̃ ga yema Yerucharéü̃cüã̱xmaxã nax chanuxü̃, rü ngẽxgumarüxü̃ tá ta pemaxã chanu ega Equítuanewa pexĩxgu. Rü ngẽxguma ngẽma poxcu i pemaxã chaxueguxü̃ pexca̱x ínguxgu, rü pema rü wüxi i cua̱xruxü̃ tá pixĩ naxca̱x i ngẽma togü i duü̃xü̃gü rü tá pemaxã naba̱i̱xãchie. Rü pema rü taxũtáma wena ñaa nachicaca̱x pewoegu, ñachagürü pexü̃’ ” —ñanagürü.

Yeremía 5:10

Rü ngẽmaca̱x chanangexrü nax norü uanügü chocuxü̃ca̱x rü nadaiaxü̃ca̱x ñoma úbanecü nada̱i̱xü̃rüxü̃, woo tama guxü̃ nadaixgu. Rü marü name nax nabüü̃chacüüãxü̃ erü ngẽma úbanecü rü marü tama choxrü nixĩ.

Yeremía 52:14

Rü yema churaragü ga íyaxümücügüxü̃ rü nayawa̱xgüxẽxẽ ga guma Yerucharéü̃arü poxeguxü̃tápü̱xgü.

Auxexü̃chiga 1:7

¡Pa Yerucharéü̃x, nüxna nacua̱xãchi ga yema ngunexü̃ ga nagu curü uanügüpe̱xewa cuxica cuyexmagu rü poraãcü cungechaü̃gu! ¡Rü nüxna nacua̱xãchi ga guxü̃ma ga yema curü yemaxü̃gü ga ü̃pa cuxü̃́ yexmagüxü̃! ¡Rü nüxna nacua̱xãchi ga yexguma curü uanügüme̱xẽgu cunguxgu nax taxuxü̃ma cuxü̃ rüngü̃xẽẽxü̃! Rü yexguma curü uanügü cuxü̃ daugügu nax guxchaxü̃wa cuyexmaxü̃, rü cuxü̃ nacugüe.

Auxexü̃chiga 2:9

Rü yemaacü ga guma ĩane rü nüxü̃́ nataxuma ga norü ĩã̱xgü rü nüxü̃́ nataxuma ga norü chotaruü̃gü yerü naxtapü̱xmaxã wüxigu niwa̱xgü ga ĩã̱xgü rü nipue ga norü chotaruü̃gü. Rü Yerucharéü̃arü ãẽ̱xgacü rü norü ngü̃xẽẽruü̃gü rü duü̃xü̃gü i tama yaxõgüxü̃me̱xẽwa nangẽxmagü. Rü ngẽma Cori ya Tupanaarü mugü rü marü nataxuma i natanüwa. Rü ngẽma Tupanaarü orearü uruü̃gü rü nüma ya Tupana rü marü tama nanango̱xetüxẽẽgü.

Auxexü̃chiga 3:61

Pa Corix, marü nüxü̃ cuxĩnü nax chomaxã naguxchigagüxü̃. Rü marü nüxü̃ cuxĩnü i guxü̃ma i ngẽma chixexü̃ i norü ĩnü i chauchiga nügümaxã nüxü̃ yaxugüexü̃.

Auxexü̃chiga 5:1

Pa Corix, ¡nüxna nacua̱xãchi ga yema guxchaxü̃ ga toxü̃ ngupetüxü̃, rü nüxü̃ nadau nax ñuxãcü chixexü̃ tomaxã yaxugüexü̃ ga torü uanügü!

Lebítanüxü̃arü puracüchiga 26:31

Rü tá nagu chipogügü i perü ĩanegü rü nachitaxü̃güxica tá ngéma nayaxügü. Rü ngẽxgumarüxü̃ tá ta nagu chipogügü i ngẽma nachicagü i nawa perü tupananetaxü̃ picua̱xüü̃güxü̃. Rü taxũtáma namaxã chataãxẽ i naema i ngẽma pumarate̱xe i cha̱u̱xca̱x pigugüxü̃.

Lebítanüxü̃arü puracüchiga 26:33

Rü pema rü togü i nachixü̃anegu tá pexü̃ chawoone. Rü chorü taramaxã tá pewe chingẽchigü. Rü ngẽma pechixü̃ane rü tá chianexü̃xü̃ chayaxĩxẽxẽ. Rü perü ĩanegü rü nachitaxü̃xica tá ínayaxügü.