Neemía 1:11 - Tupanaarü Ore

¹¹ Pa Corix, cuxü̃ chachixewe nax choxü̃́ nüxü̃ cuxĩnüxü̃ca̱x i ñaa chorü yumüxẽ i cumaxã nüxü̃ chixuxü̃ i chomax nax curü duü̃xü̃ chixĩxü̃. Erü ngẽma chorü ngúchaü̃ i nagu charüxĩnüxü̃ nixĩ nax cuxü̃ chicua̱xüüxü̃. Rü ngẽxgumarüxü̃ ta cuxna naxca̱x chaca nax choxü̃ curüngü̃xẽẽxü̃ nax chomaxã namecümaxü̃ca̱x ya ãẽ̱xgacü —ñachagürü. Rü yexgumaü̃cüxü rü choma rü ãẽ̱xgacü ga Artayérearü bínuarü baeruxü̃ chixĩ.

Neemía 1:11 Iomraidhean Croise

Naanearü ügüchiga 24:42

Rü ngẽmaãcü i ñu̱xma rü núma changu naxü̃tawa ya yimá puchu. Rü ngéma chayumüxẽ rü chorü cori ya Abraáü̃arü Tupanamaxã nüxü̃ chixu rü ñacharügü: “Ega aixcüma choxü̃ curüngü̃xẽxẽchaü̃gu nax mea choxü̃ ínanguxuchixü̃ca̱x i ngẽma chorü cori nawa choxü̃ muxü̃, rü chanaxwa̱xe i choxü̃ cungãxü̃ga i ñu̱xma nax puchuxü̃tawa changexmaxü̃. Rü yema pacü ya dexáwa nua ũcü rü dexáca̱x ngĩxna chacacü nax choxü̃ naxaxexẽẽxü̃ca̱x rü choxü̃ ngãxü̃cü: ‘¡Ẽcü naxaxe! Rü ngẽxgumarüxü̃ tá ta chayaxaxegüxẽxẽ i curü caméyugü’, ñaxü̃maxã choxü̃ ngãxü̃cü, rü ngẽmawa tá nüxü̃ chacua̱x nax ngẽma yixĩxü̃ i cuma ngĩxü̃ cuxunetacü naxca̱x ya chorü cori nane ya Ichaá”, ñacharügü ga chorü yumüxẽwa.

Naanearü ügüchiga 32:11

Rü ñu̱xma rü cuxna chaca rü chanaxwa̱xe i choxü̃ ícupoxü̃ nüxna ya chauenexẽ ya Echaú. Rü nüxü̃ chamuü̃ erü ngürüãchi nuxã toxü̃ nayadai rü ngẽmaãcü tüxü̃ nadai ya cho̱xma̱xgü rü chauxacügü.

Naanearü ügüchiga 32:28

Rü yexguma ga yema duü̃xü̃ ga nügü namaxã inawogüxü̃, rü ñanagürü nüxü̃: —Ñu̱xmawena rü marü taxũtáma Acóbu nixĩ i cuéga. Rü Iraé tá nixĩ i cuéga i ñu̱xmax, erü Tupanamaxã rü duü̃xü̃gümaxã cugü icuwogü rü curüporamae —ñanagürü.

Naanearü ügüchiga 40:1

Rü yexguma Yúche poxcupataü̃wa yexmayane rü wüxi ga ngunexü̃gu rü Equítuanearü ãẽ̱xgacüxü̃ nanuxẽẽgü ga yema norü bínuarü baeruxü̃ rü norü paũarü üruxü̃.

Naanearü ügüchiga 40:2

Rü yemaca̱x nüma ga ãẽ̱xgacü rü poraãcü namaxã nanu ga yema taxre ga norü ngü̃xẽẽruü̃gü ga yema bínumaxã baegüxü̃arü ãẽ̱xgacü rü yema paũarü üruü̃güarü ãẽ̱xgacü.

Naanearü ügüchiga 40:21

Rü yema baeruü̃güarü ãẽ̱xgacü, rü wenaxarü yematama puracüwa nanamu. Rü wenaxarü noxrirüü̃tama Faraóü̃xü̃ nayaxaxexẽẽxü̃.

Naanearü ügüchiga 40:23

Natürü ga yema bínuarü baeruü̃güarü ãẽ̱xgacü rü tama Yúchena nacua̱xãchi.

Naanearü ügüchiga 41:9

Rü yexguma ga gumá baeruü̃güarü ãẽ̱xgacü rü Faraóü̃maxã nüxü̃ nixu rü ñanagürü: —Pa Chorü Ãẽ̱xgacüx, rü ñu̱xchaama nüxna chacua̱xãchi nax ñuxãcü chixexü̃ chaxüxü̃ yerü taguma cumaxã nüxü̃ chixuchiga ga wüxi ga ngextü̱xücü ga poraãcü choxü̃ rüngü̃xẽẽcü. Rü yexguma namaxã cunuxgu ga yema paũarü üruü̃güarü ãẽ̱xgacü rü chomaxã rü ta cunu, rü yema curü purichíaarü capitáü̃patawa yexmaxü̃ ga poxcuchicaxü̃gu toxü̃ cumugü.

Naanearü ügüchiga 43:14

Rü chanaxwa̱xe ya Tupana ya Guxü̃étüwa Ngẽxmacü nüxna naxĩnü ya yimá ãẽ̱xgacü nax nüxü̃́ pengechaü̃tümüxü̃güxü̃ca̱x, rü ínanguxuchixẽẽãxü̃ca̱x ya yimá peenexẽ ya Chimeóü̃, rü taxuxü̃ma nüxü̃ ngupetüxü̃ca̱x ya Bẽyamíü̃. Natürü ngẽxguma Tupana naxwa̱xegu nax changenexü̃, rü marü name nax ngẽmaãcü yixĩxü̃ —ñanagürü ga Acóbu.

Norü taxre ga to ga popera ga ãẽ̱xgacügüchiga ümatüxü̃ 6:40

¡Rü ñu̱xmax, Pa Chorü Tupanax, rü inadawenü rü írüxĩnü naxca̱x i guxü̃ma i ngẽma yumüxẽgü i cuxca̱x taxügüxü̃ i ñaa nachicawa!

Édra 1:1

Rü gumá taunecü ga nagu yangucuchicü ga Chíru nax Pérchiaanearü ãẽ̱xgacü yixĩxü̃ca̱x, rü Cori ya Tupana nayanguxẽxẽ ga norü ore ga Yeremíaa̱xwa nüxü̃ yaxuxü̃. Rü yemaca̱x ga nüma ga Tupana rü ãẽ̱xgacü ga Chíruãẽwa ínanangu̱xẽxẽ nax guxü̃ ga nachixü̃anegü ga nüma namaxã inacuáxü̃maxã naxunagüãxü̃ca̱x ga wüxi ga mu ga ümatüxü̃ ga ñaxü̃:

Édra 7:6

Rü nüma ga Édra rü wüxi ga ngu̱xẽẽtaeruxü̃ nixĩ, rü meama nüxü̃ nacua̱x ga Tupanaarü mugü ga Moiché ümatüxü̃. Rü wüxi ga ngunexü̃gu rü ãẽ̱xgacü ga Artayérena naca nax Yerucharéü̃ca̱x namueguaxü̃ca̱x. Rü nüma ga ãẽ̱xgacü rü naga naxĩnü, yerü Tupana rü poraãcü Édraxü̃ narüngü̃xẽxẽ. Rü yemaacü ga Édra rü Babiróniaanewa inaxũãchi rü Yerucharéü̃ca̱x nataegu.

Neemía 1:6

Rü ngẽmaca̱x i ñu̱xma rü cuxü̃ chaca̱a̱xü̃ nax choxü̃́ nüxü̃ cuxĩnüxü̃ i ñaa chorü yumüxẽ i chütacü rü ngunecü cumaxã nüxü̃ chixuxü̃ naxca̱x i ngẽma curü duü̃xü̃gü i Iraétanüxü̃. Rü nüxü̃ chacua̱x nax cupe̱xewa chixexü̃ taxüxü̃ i toma i Iraétanüxü̃, rü woo i choma rü chautanüxü̃ rü cupe̱xewa chixexü̃ taxügü.

Neemía 2:1

Rü yexguma ga choma rü ãẽ̱xgacü ga Artayérepáxü̃arü üãcuruxü̃ chixĩ. Rü wüxi ga ngunexü̃ ga Nicháü̃arü tauemacügu ga yexguma Artayére marü 20 ga taunecü ãẽ̱xgacü yixĩxgu, rü naxpáü̃ bínumaxã chaxüãcuyane rü nüma ga ãẽ̱xgacü rü choxü̃ nadawenü ga nax changechaü̃chametüxü̃. Rü yemaca̱x choxna naca rü ñanagürü:

Neemía 2:8

Rü to ga popera ga naxca̱x íchaca̱xaxü̃, rü Acháca̱x nixĩ. Rü nüma nixĩ ga ãẽ̱xgacüarü naixnecüarü dauruxü̃ yixĩxü̃. Rü yema poperawa rü ãẽ̱xgacü nüxna naxãga nax mürapewa choxna tanaxãxü̃ca̱x nax ngẽmamaxã chanamexẽẽxü̃ca̱x i norü ĩã̱xgü ya yima Tupanapata ya taxü̃nearü dauxü̃taechica rü ngẽma ĩanearü poxeguxü̃arü ĩã̱xgü, rü yima ĩpata ya nawa tá changexmane. Rü nüma ga ãẽ̱xgacü rü choxna nanaxã ga guxü̃ma ga yema naxca̱x íchaca̱xaxü̃, yerü Cori ya Tupana rü poraãcü choxü̃ narüngü̃xẽxẽ.

Wiyaegü 106:46

Rü yema norü duü̃xü̃güarü uanügüãẽwa ínananguxẽxẽ nax mea namaxã inacua̱xgüxü̃ca̱x.

Wiyaegü 130:2

¡Rü choxü̃́ nüxü̃ naxĩnü i chorü yumüxẽ, Pa Cori Pa Tupanax, rü choxü̃ nangãxü̃ namaxã i ngẽma tagaãcü naxca̱x íchaca̱xaxü̃!

Wiyaegü 61:5

Rü cumax, Pa Chorü Tupanax, rü marü nüxü̃ cuxĩnü i chorü unetagü i cumaxã nüxü̃ chixuxü̃. Rü cuma rü marü choxna cunaxã i wüxi i nachica natanüwa i ngẽma duü̃xü̃gü i cuxü̃ ngechaxü̃güxü̃.

Wiyaegü 86:6

Pa Corix ¡choxü̃́ nüxü̃ naxĩnü i chorü yumüxẽ! ¡Rü choxü̃ nangãxü̃ rü choxna naxã i ngẽma cuxna naxca̱x chacaxü̃!

Ucu̱xẽgüchiga 1:29

Erü pema rü nüxü̃ pixo i chorü ucu̱xẽgü, rü tama nüxü̃ pengechaü̃ ya Cori ya Tupana.

Ucu̱xẽgüchiga 21:1

Ngẽma ãẽ̱xgacüarü ĩnü, rü Tupaname̱xẽwa nangẽxma, rü nüma ya Tupana naxwa̱xexü̃acü nayaxũxẽxẽ, ñoma wüxi i natü ya Tupana naxwa̱xexü̃wa yáxü̃rüxü̃.

Yeremía 42:12

Rü tá choxü̃́ pengechaxü̃tümüxü̃gü rü naãẽwa tá chananguxẽxẽ i Babiróniaanearü ãẽ̱xgacü nax nüma rü ta nüxü̃́ pengechaü̃tümüxü̃güxü̃. Rü tá pexü̃́ chanatauxchaxẽxẽ nax perü naaneca̱x pewoeguxü̃ca̱x.

Maraquía 3:16

Natürü yema duü̃xü̃gü ga Tupanaga ĩnüexü̃ rü wüxichigü namücümaxã nidexa ga Cori ya Tupanachiga. Rü nüma ga Cori ya Tupana rü inarüxĩnü ga yema nüxü̃ yaxugüxü̃. Rü Tupanape̱xewa rü wüxi ga poperagu nanaxümatü ga naéga ga yema duü̃xü̃gü ga naga ĩnüexü̃ rü namaxã taãẽgüxü̃.

Popera ga Yudíugü ga yaxõgüxü̃ca̱x ümatüxü̃ 13:18

Rü tanaxwa̱xe i toxca̱x peyumüxẽgü. Erü toõxẽwa nüxü̃ tacua̱x nax aixcüma mea tayanguxẽẽxü̃ i ngẽma puracü ya Tupana toxna ãxü̃ rü tanaxwa̱xe nax guxü̃guma ngẽmaãcü mea tanaxüxü̃.