Ore i mexü̃ ga Márcu ümatüxü̃ 3:2 - Tupanaarü Ore

² Rü Parichéugü, rü Ngechuchuxü̃ nangugügü rü tá namexẽxẽã ga ngü̃xchigaarü ngunexü̃gu, nax yemaacü nüxü̃́ nayexmaxü̃ca̱x ga ta̱xacüca̱x nax ínaxuaxü̃güãxü̃.

Ore i mexü̃ ga Márcu ümatüxü̃ 3:2 Iomraidhean Croise

Wiyaegü 37:32

Rü ngẽma duü̃xü̃ i chixexü̃ rü nanangugü ya yimá yatü ya mecü, rü naxca̱x nadau nax ñuxãcü yamáaxü̃ca̱x.

Yeremía 20:10

Rü nüxü̃ chaxĩnü nax duü̃xü̃gü rü cugüãcüma chauchiga yadexagüxü̃. Rü guxü̃wama choxü̃ naxãxũnegüxü̃ i duü̃xü̃gü rü ngẽmaca̱x chamuü̃. Rü nügümaxã ñanagürügü: “Ngĩxã ítanaxuaxü̃gü”, ñanagürügü. Rü woo i ngẽma chomücügü rü ínanangu̱xẽẽgü nax ngürüãchi ta̱xacürü chixexü̃ chaxüxü̃. Rü ñanagürügü: “Rü nügü tátama nixĩ i chixexü̃gu nanguxẽẽxü̃, rü ngẽxguma i yixema rü tá tayayauxgü rü yixema inaxwa̱xexü̃ tá namaxã taxü”, ñanagürügü.

Danié 6:4

Rü yemaca̱x ga yema togü ga ãẽ̱xgacügü rü naxca̱x nadaugü ga wüxi ga guxchaxü̃ nax yemaacü Daríupe̱xewa Daniéxü̃ ínaxuaxü̃güxü̃ca̱x. Natürü nüma ga Danié rü wüxi ga yatü ga aixcüma mecü nixĩ, rü taxuxü̃ma ga chixexü̃ nawa inayangaugü.

Ore i mexü̃ ga Matéu ümatüxü̃ 12:10

Rü yéma nayexma ga wüxi ga yatü ga wüxichacüüwa yumécü. Rü nümagü ga Parichéugü rü naxca̱x nadaugü ga ñuxãcü norü ãẽ̱xgacügüxü̃tawa Ngechuchuxü̃ nax ínaxuaxü̃güxü̃. Rü yemaca̱x Ngechuchuna nacagüe, rü ñanagürügü: —¿Namexü̃ yixĩxü̃ nax texé naxca̱x yataanexẽẽxü̃ i wüxi i da̱xawexü̃ i ngü̃xchigaarü ngunexü̃gu? —ñanagürügü.

Ore i mexü̃ ga Márcu ümatüxü̃ 3:3

Rü yexguma ga Ngechuchu rü ñanagürü nüxü̃ ga gumá yumécü: —¡Írüda, rü nuxã ngãxü̃tanügu yachi! —ñanagürü.

Ore i mexü̃ ga Luca ümatüxü̃ 14:1

Rü wüxi ga ngü̃xchigaarü ngunexü̃gu rü Ngechuchu rü wüxi ga Parichéugüarü ãẽ̱xgacüpatawa nayachibü. Rü yéma nayexmagü ga togü ga Parichéugü ga yéma bexma Ngechuchuxü̃ ngugüexü̃.

Ore i mexü̃ ga Luca ümatüxü̃ 20:20

Rü yema chacherdótegüarü ãẽ̱xgacügü rü Ngechuchuxü̃tawa nanamugü ga ñuxre ga norü duü̃xü̃gü nax mexü̃ ga duü̃xü̃gürüxü̃ yéma iyanaxĩnüẽxü̃ca̱x ga norü ngu̱xẽẽtae, natürü naxca̱x nax nadaugüxü̃ca̱x nax norü ngu̱xẽẽtaegagu nachixü̃anearü ãẽ̱xgacüxü̃tawa Ngechuchuxü̃ ínaxuaxü̃güxü̃ca̱x.

Ore i mexü̃ ga Luca ümatüxü̃ 6:7

Rü yema ngúexẽẽruü̃gü ga Moichéarü mugüwa ngu̱xẽẽtaegüxü̃ rü yema Parichéugü, rü Ngechuchuxü̃ nangugügü rü tá ngü̃xchigaarü ngunexü̃gu gumá yumécüxü̃ namexẽxẽ, yerü naxca̱x nadaugü nax ãẽ̱xgacügüxü̃tawa ínaxuaxü̃güãxü̃.

Ore i mexü̃ ga Cuáü̃ ümatüxü̃ 8:6

Rü yema ñanagürügü ga nümagü, yerü Ngechuchuxü̃ guxchaxü̃gu nangu̱xẽẽgüchaü̃ nax nüxü̃́ nayexmaxü̃ca̱x ga ta̱xacüca̱x nax ínaxuaxü̃güãxü̃. Natürü ga Ngechuchu rü inayarümaxãchi rü inanaxügü ga naxme̱xmaxã waixü̃müwa nax naxümatüaxü̃.

Ore i mexü̃ ga Cuáü̃ ümatüxü̃ 9:16

Rü yexguma ga ñuxre ga Parichéugü rü ñanagürügü: —Yema yatü ga cuxü̃ rümexẽẽxü̃ rü tama Tupanaarü duü̃xü̃ nixĩ, erü tama nanaxaure i ngü̃xchigaarü ngunexü̃ —ñanagürügü. Natürü togü ga Parichéugü rü ñanagürügü: —¿Ñuxãcü nanaxü i ngẽma cua̱xruxü̃ i mexü̃ ega wüxi i pecaduã́xü̃ yixĩxgux? —ñanagürügü. Rü yemaacü nügü nitoye ga nagu naxĩnüexü̃wa ga yema Parichéugü.