Ore i mexü̃ ga Luca ümatüxü̃ 4:41 - Tupanaarü Ore

⁴¹ Rü nanameexẽxẽ ga muxü̃ma ga duü̃xü̃gü ga ida̱xaweexü̃ ga ngo̱xo nawa yexmagüxü̃. Rü yema ngo̱xogü rü aita naxüe, rü ñanagürügü: —Cuma nixĩ ya Tupana Nane quixĩxü̃ —ñanagürügü. Natürü ga Ngechuchu rü nayangagü ga yema ngo̱xogü. Rü nüxna nanachu̱xu ga nax yadexagüxü̃, yerü yema ngo̱xogü rü nüxü̃ nacua̱xgü nax Cristu yixĩxü̃.

Ore i mexü̃ ga Luca ümatüxü̃ 4:41 Iomraidhean Croise

Ore i mexü̃ ga Matéu ümatüxü̃ 26:63

Natürü ga Ngechuchu rü nangea̱xmare. Rü yemaca̱x ga chacherdótegüarü ãẽ̱xgacü ga Caipá rü ñanagürü nüxü̃: —Tupana ya Maxü̃cüégagu cuxü̃ chamu nax aixcüma tomaxã nüxü̃ quixuxü̃ nax texé quixĩxü̃. ¿Rü cuma ẽ̱xna i Cristu ya Tupana Nane quixĩxü̃? —ñanagürü.

Ore i mexü̃ ga Matéu ümatüxü̃ 4:3

Rü yexguma ga ngo̱xo ga Chataná rü Ngechuchuxü̃tawa nangu, nax nüxü̃ naxüxü̃ca̱x. Rü ñanagürü nüxü̃: —Ega aixcüma Tupana Nane quixĩxgu, ¡rü daa nutagüxü̃ namu nax paũxü̃ nanguxü̃xü̃ca̱x! —ñanagürü ga Chataná.

Ore i mexü̃ ga Matéu ümatüxü̃ 8:16

Rü yexguma marü yanaxücuchaü̃gu ga üa̱xcü, rü Ngechuchuxü̃tawa nanagagü ga muxü̃ma ga duü̃xü̃gü ga ngo̱xoã̱xgüxü̃. Rü wüxitama ga oremaxã Ngechuchu ínanawoxü̃ ga yema ngo̱xogü. Rü nanamexẽxẽ ta ga guxü̃ma ga yema togü ga ida̱xaweexü̃.

Ore i mexü̃ ga Matéu ümatüxü̃ 8:29

Rü yema taxre rü aita naxüe, rü ñanagürügü: —¿Tü̱xcüü̃ toxü̃ nua cuyachixewe, Pa Ngechuchu ya Tupana Nanex? ¿Ẽ̱xna nua cuxũ nax toxü̃ ícuyawoxü̃xü̃ca̱x tauta nawa nanguyane nax Tupana toxü̃ poxcuexü̃? —ñanagürügü.

Ore i mexü̃ ga Matéu ümatüxü̃ 8:4

Rü Ngechuchu rü ñanagürü nüxü̃: —¡Dücax, taxṹ i texémaxã nüxü̃ quixuxü̃ i ngẽma cuxü̃ üpetüxü̃! ¡Natürü ngéma chacherdótexü̃tawa naxũ, rü nüxü̃ cugü yawe̱x! ¡Rü ngéma nange i ngẽma ãmare ga Moiché tüxü̃ muxü̃ nax wüxi i cua̱xruxü̃ yixĩxü̃ca̱x nax curümexü̃! —ñanagürü.

Ore i mexü̃ ga Márcu ümatüxü̃ 1:25

Rü Ngechuchu nananga ga yema ngo̱xo, rü ñanagürü: —¡Iyarüngea̱x rü ínaxũxũ nawa ya yimá yatü! —ñanagürü.

Ore i mexü̃ ga Márcu ümatüxü̃ 1:32

Rü yexguma marü yanaxücu̱xgu ga üa̱xcü nax nachütaxü̃, rü Ngechuchuxü̃tawa nanagagü ga guxü̃ma ga duü̃xü̃gü ga ida̱xaweexü̃ rü yema ingo̱xoã̱xgüxü̃.

Ore i mexü̃ ga Márcu ümatüxü̃ 1:34

Rü nüma nanameexẽxẽ ga muxü̃ma ga duü̃xü̃gü ga naguxü̃raü̃xü̃ ga da̱xawemaxã ida̱xaweexü̃. Rü ínanawoxü̃ ga muxü̃ma ga ngo̱xogü, natürü nüxna nanachu̱xu nax yadexagüxü̃, yerü nümagü ga ngo̱xogü rü nüxü̃ nacua̱xgü nax texé yixĩxü̃ ga nümax.

Ore i mexü̃ ga Márcu ümatüxü̃ 3:11

Rü yexguma yema ngo̱xoã̱xgüxü̃ ga duü̃xü̃gü Ngechuchuxü̃ daugügu, rü nape̱xegu nacaxã́pü̱xügü rü tagaãcü ñanagürügü: —Cuma nixĩ ya Tupana Nane quixĩxü̃ —ñanagürügü.

Ore i mexü̃ ga Luca ümatüxü̃ 4:39

Rü nüma rü ngĩxü̃tagu nayachi rü narüma̱xãchi rü nananga ga yema axüne. Rü yexgumatama iga̱u̱xãchi ga nax yaxaxünexü̃. Rü yexgumatama íirüda, rü naxca̱x inamexẽxẽ ga õna.

Ore i mexü̃ ga Cuáü̃ ümatüxü̃ 20:31

Natürü guxü̃ma ga yema Ngechuchu üxü̃ rü ñaa poperagu naxümatü nax peyaxõgüxü̃ca̱x nax Ngechuchu rü Tupana Nane ya Cristu nax yixĩxü̃ rü ngẽxguma nüxü̃́ peyaxõgügu pexü̃́ nangẽxmaxü̃ca̱x i maxü̃ i taguma gúxü̃.

Popera ga Chantiágu ümatüxü̃ 2:19

Cuma cuyaxõ nax nangẽxmaxü̃ ya wüxitama ya Tupana. Marü name. Natürü ngẽma ngo̱xogü rü ta ngẽmaãcü nayaxõgü, rü poraãcü muü̃maxã nidu̱xruxe.