Ore i mexü̃ ga Luca ümatüxü̃ 4:2 - Tupanaarü Ore

² Rü yéma nayexma ga 40 ga ngunexü̃. Rü ngo̱xo ga Chataná rü nüxü̃ naxü. Rü yexguma yéma nayexmagu rü taguma nachibü. Rü yemawena rü nataiya.

Ore i mexü̃ ga Luca ümatüxü̃ 4:2 Iomraidhean Croise

Naanearü ügüchiga 3:15

Rü ñu̱xma rü pemaxã chanaxuegu nax cuma rü ngẽma nge rü pegümaxã perüxuanügüxü̃. Rü ngẽxgumarüxü̃ ta i cuxacügü rü ngĩxacügü rü tá nügümaxã narüxuanügü. Rü yimá ngĩne rü tá cuxü̃ nipúmüeru rü cuma rü tá cunangõ̱xchinecutü —ñanagürü.

Nüxíraxü̃xü̃ ga popera ga ãẽ̱xgacügüchiga 19:8

Rü nüma ga Ería rü ínarüda, rü nachibü rü naxaxe. Rü yema õna rü pora nüxna naxã. Rü 40 ga ngunexü̃ rü 40 ga chütaxü̃ nixũ ñu̱xmata nawa nangu ga guma ma̱xpǘne ga Oréx.

Ester 4:16

—¡Ẽcü ngéma naxũ rü nangutaque̱xexẽxẽ i guxü̃ma i Yudíugü i Chúchawa ngẽxmagüxü̃ nax cha̱u̱xca̱x aureãcü nayumüxẽgüxü̃ca̱x! ¡Rü tomaepü̱x i ngunexü̃ rü tomaepü̱x i chütaxü̃ rü taxuxü̃táma ta̱xacü nangõ̱xgü rüe̱xna ta̱xacü nixaxgü! Rü chomax, rü namaxã i chauxü̃taxü̃gü rü ngẽmaãcü tátama tanaxügü. Rü ngẽmawena rü tá ãẽ̱xgacüxü̃tawa íchayadau woo nachu̱xu nax texé ngéma ũmarexü̃ tama tümaca̱x nangemayane. Natürü tá ngéma chaxũama rü nüetama ega woo chayu̱xgu —ngĩgürügü.

Ínachoxü̃xü̃chiga 24:18

Rü nüma ga Moiché rü naxĩnagü nawa ga guma ma̱xpǘne rü yema caixanexü̃gu nayaxücu. Rü yéma nayexma ga 40 ga ngunexü̃ rü 40 ga chütaxü̃.

Ínachoxü̃xü̃chiga 34:28

Rü nüma ga Moiché rü 40 ga ngunexü̃ rü 40 ga chütaxü̃ Cori ya Tupanamaxã nayexma ga guma ma̱xpǘnewa. Rü taguma nachibü rü taguma naxaxe. Rü yéma nixĩ ga Moiché nutatachinügu naxümatüxü̃ ga yema Tupanaarü uneta. Rü yema nixĩ ga yema 10 ga norü mugü.

Yoná 3:7

Rü ñu̱xũchi nüma ga ãẽ̱xgacü rü norü ngü̃xẽẽruü̃güxü̃ namu nax naxunagügüãxü̃ca̱x ga aurechiga. Rü ñanagürügü: —¡Taxúetama texé tachibü! ¡Rü ngẽxgumarüxü̃ ta rü taxúetama texé tanachibüexẽxẽ rü tayaxaxegüxẽxẽ i tümaarü wocagü rü carnérugü! —ñanagürügü.

Ore i mexü̃ ga Matéu ümatüxü̃ 21:18

Rü moxü̃ãcü ga pa̱xmama rü wenaxarü Yerucharéü̃ca̱x nataegu ga Ngechuchu, rü nataiya.

Ore i mexü̃ ga Matéu ümatüxü̃ 4:2

Rü 40 ga ngunexü̃ rü 40 ga chütaxü̃ taguma nachibü. Rü yemawena rü nataiya.

Ore i mexü̃ ga Luca ümatüxü̃ 4:3

Rü yexguma ga ngo̱xo ga Chataná rü ñanagürü nüxü̃: —Ega aixcüma Tupana Nane quixĩxgu, rü ¡daa nutamaxã nüxü̃ ixu nax paũxü̃ nanguxuchixü̃ca̱x! —ñanagürü ga Chataná.

Ore i mexü̃ ga Cuáü̃ ümatüxü̃ 4:6

Rü yema naanewa nayexma ga Acóbuarü Puchu. Rü poraãcü nipa ga Ngechuchu ga namagu nax yaxũxü̃, rü yemaca̱x gumá puchuxü̃tawa narüto. Rü tocuchiwa nanguxchaü̃ ga yexguma.

Wenaxarü naxümatü ga Tupanaarü mugü 9:18

Rü yexguma ga choma rü wenaxarü Cori ya Tupanape̱xegu chanangücuchi. Rü 40 ga ngunexü̃ rü 40 ga chütaxü̃ taguma chachibü rü taguma chaxaxe nagagu ga yema chixexü̃ ga Cori ya Tupanape̱xewa pexügüxü̃ ga namaxã penanuxẽẽxü̃.

Wenaxarü naxümatü ga Tupanaarü mugü 9:25

Rü yexguma Cori ya Tupana pemaxã naxueguxgu nax pexü̃ nada̱i̱xü̃ rü 40 ga ngunexü̃ rü 40 ga chütaxü̃ Cori ya Tupanape̱xegu chanangücuchi ga choma.

Wenaxarü naxümatü ga Tupanaarü mugü 9:9

Rü yexguma ga choma rü guma ma̱xpǘnegu chaxĩnagü nax chayadexü̃ca̱x ga yema nutatachinügü ga nagu naxümatüxü̃ ga yema unetagü ga Cori ya Tupana pemaxã üxü̃. Rü 40 ga ngunexü̃ rü 40 ga chütaxü̃ tama chachibüãcüma rü tama chaxaxeãcüma yéma chayexma.

Popera ga Yudíugü ga yaxõgüxü̃ca̱x ümatüxü̃ 2:18

Rü yema nümatama ngúxü̃ nax yangexü̃ ga yexguma Chataná nüxna ĩnügu, rü ngẽmaca̱x i ñu̱xma rü nüxü̃́ natauxcha nax tüxü̃ nangü̃xẽẽxü̃ ya yíxema Chataná tüxna ĩnüxe.

Popera ga Yudíugü ga yaxõgüxü̃ca̱x ümatüxü̃ 4:15

Rü nüma ya Ngechuchu ya torü poxü̃ruxü̃ ya chacherdótearü ãẽ̱xgacü ixĩcü rü nüxü̃ nacua̱x nax tüxü̃ ínapoxü̃xü̃ i ngẽxguma Chataná tüxna ĩnügu, yerü nüma ga Chataná rü nüxna rü ta naxĩnü ngẽma tüxna nax naxĩnüxü̃rüxü̃. Natürü nüma ga Ngechuchu rü taguma pecadu naxü.

1 Chamué 17:16

Rü yoxni yexguma yéma naxũũxü̃yane ga Dabí, rü nüma ga yema Firitéu rü Iraéanecüã̱xgüxü̃ nachixewe ga pa̱xmama rü yáuanecü. Rü yemaacü tümamaxã nixĩ ñu̱xmata 40 ga ngunexü̃wa nangu.