Ore i mexü̃ ga Luca ümatüxü̃ 4:1 - Tupanaarü Ore

¹ Ngechuchuwa nayexma ga Tupanaãxẽ ya Üünecü. Rü yexguma Yudáü̃chíüwa ínaxü̃ãchigu ga Ngechuchu, rü Tupanaãxẽ ya Üünecü rü chianexü̃wa nanaga ga ngextá taxúema íxãpataxü̃wa.

Ore i mexü̃ ga Luca ümatüxü̃ 4:1 Iomraidhean Croise

Nüxíraxü̃xü̃ ga popera ga ãẽ̱xgacügüchiga 18:12

Rü ngẽma tá ngupetüxü̃ nixĩ i ngẽxguma tá cuxna chixũgachigu i chomax, rü ngẽma Tupanaãxẽ i Üünexü̃ rü tá ngẽma nachica i choma tama nüxü̃ chacuáxü̃wa tá cuxü̃ naga. Rü ngẽxguma Acáxmaxã nüxü̃ chayarüxuxgu i ngẽma ngupetüxü̃, rü ngẽxguma nua naxũxgux rü tama nuxã cuxü̃ iyangauxgux rü tá choxü̃ nima̱x. Rü choma i curü duü̃xü̃ nax chixĩxü̃ rü changextü̱xügucürüwatama Cori ya Tupanaxü̃ changechaü̃.

Nüxíraxü̃xü̃ ga popera ga ãẽ̱xgacügüchiga 19:4

Rü yemawena rü taxúema íxãpataxü̃wa naxũ. Rü wüxi ga ngunexü̃ inixũ, rü wüxi ga naixtüü̃wa nayarütoõchi. Rü nügügu naxĩnügu rü nayuxchaü̃. Rü yemaca̱x Cori ya Tupanaxü̃ ñanagürü: —¡Marütama, Pa Corix, rü choxna nayaxu i ñaa chorü maxü̃! Erü woetátama chayu rü narümemae nax ñu̱xmatama chayuxü̃ —ñanagürü.

Ichaía 61:1

Tupanaãxẽ i Üünexü̃ rü chowa nangẽxma, erü Tupana rü choxü̃ naxuneta rü choxü̃ inamuãchi nax yíxema ngearü diẽruã̱xgüxemaxã nüxü̃ chixuxü̃ca̱x i mexü̃ i ore rü tüxü̃ chataãẽxẽẽgüxü̃ca̱x ya yíxema naxĩ̱xãchiãẽgüxe. Rü choxü̃ naxuneta nax yíxema to i nachixü̃anewa gagüxemaxã nüxü̃ chixuxü̃ca̱x nax paxa tá ítanguxü̃xü̃ rü yíxema poxcupataxü̃wa ngẽxmagüxe rü tá ta ítanguxü̃xü̃

Echequié 3:14

Rü yema Tupanaãxẽ ya Üünexü̃ rü choxü̃ nachixẽxẽ, rü choxü̃ inagaxüchi ga yéma. Rü choma rü ngechaü̃ãcüma rü oegaãẽãcüma chataegu ga yéma. Rü nüma ga Cori ya Tupana rü poraãcü naxme̱xmaxã choxü̃ ningĩ.

Ore i mexü̃ ga Matéu ümatüxü̃ 3:16

Rü yexguma marü Cuáü̃ Ngechuchuxü̃ íbaiexẽẽguwena, rü dexáwa ínaxü̃ãchigu ga Ngechuchu. Rü yexgumatama niwãxna ga daxũguxü̃ ga naane, rü Ngechuchu nüxü̃ nadau ga Tupanaãxẽ ya Üünecü ga wüxi ga muxtucurüxü̃ nax inagoxü̃ rü nüxna nax nanguxü̃.

Ore i mexü̃ ga Luca ümatüxü̃ 2:27

Rü yema ngunexü̃gu rü Tupanapatawa Chimeóü̃xü̃ naxũxẽxẽ ga Tupanaãxẽ ya Üünecü. Rü yéma nayexma ga Chimeóü̃ ga yexguma Yúche rü María Tupanapata ga taxü̃newa nagagügu ga gumá bucü ga Ngechuchu nax Tupanana namugüãxü̃ca̱x nax yemaacü yanguxẽẽgüãxü̃ca̱x ga Moichéarü mu.

Ore i mexü̃ ga Luca ümatüxü̃ 3:3

Rü guxü̃ma ga yema naanegü ga Yudáü̃cutüarü ngaicamana yexmagüxü̃gu nixũgüchigü ga Cuáü̃. Rü duü̃xü̃gümaxã nüxü̃ nixuchigü nax nüxü̃ naxoexü̃ca̱x ga nacümagü ga chixexü̃ rü ínabaiü̃xü̃ca̱x nax yemaacü Tupana nüxü̃́ nüxü̃ rüngü̃maxü̃ca̱x ga norü pecadugü.

Ore i mexü̃ ga Luca ümatüxü̃ 3:38

Rü Caináü̃ rü Enóx nane nixĩ. Rü Enóx rü Chéx nane nixĩ. Rü Chéx rü Adáü̃ nane nixĩ. Rü Adáü̃ rü Tupana nane nixĩ.

Ore i mexü̃ ga Luca ümatüxü̃ 4:14

Rü Ngechuchu rü Gariréaaneca̱x nataegu. Rü Tupanaãxẽ i Üünexü̃arü pora rü nawa nayexma. Rü ga duü̃xü̃gü rü nachiga nidexagü ga guxü̃ ga yema naanewa.

Ore i mexü̃ ga Luca ümatüxü̃ 4:18

“Cori ya Tupanaãxẽ rü chowa nangẽxma. Rü nüma rü choxü̃ naxuneta nax nüxü̃ chixuxü̃ca̱x i ore i mexü̃ namaxã i ngẽma duü̃xü̃gü i ngearü diẽruã̱xgüxü̃. Rü choxü̃ namu nax yema duü̃xü̃gü ga norü uanügü to ga nachixü̃anewa gagüxü̃maxã nüxü̃ chixuxü̃ca̱x rü tá nax ínanguxü̃xü̃. Rü choxü̃ namu nax ngẽma ingexetügüxü̃ chidauuchixẽẽxü̃ca̱x rü nax íchananguxü̃xẽẽxü̃ca̱x i ngẽma duü̃xü̃gü i togüme̱xẽwa ngẽxmagüxü̃.

Ore i mexü̃ ga Cuáü̃ ümatüxü̃ 1:32

Rü ñanagürü ta ga Cuáü̃: —Chomatama nüxü̃ chadau ga Tupanaãxẽ ya Üünecü ga yexguma wüxi ga muxtucurüxü̃ daxũwa ínaxĩ̱xgu rü Ngechuchuétügu yanawa̱xgu.

Ore i mexü̃ ga Cuáü̃ ümatüxü̃ 3:34

Rü yimá Tupana núma namucü, rü Tupanaarü orexü̃ nixu. Erü Tupana rü nüxna nanamu i Naãxẽ ya Üünexü̃ nax guxü̃guma naxü̃tawa nangẽxmaxü̃ca̱x.

Ngechuchuarü ngúexü̃gü ga yamugüxü̃arü puracüchiga 10:38

Rü pema nüxü̃ pecua̱x nax Tupana naporaxẽẽxü̃ ga Ngechuchu ya Nacharétucüã̱x rü nüxna namuaxü̃ ga Naãxẽ ya Üünecü. Rü nüma ga Ngechuchu rü mexü̃ naxü ga yema íyaxũgüxü̃wa, rü nanameexẽxẽ ga guxü̃ma ga yema ngo̱xome̱xẽwa yexmagüxü̃, yerü Tupana nüxü̃ narüngü̃xẽxẽ.

Ngechuchuarü ngúexü̃gü ga yamugüxü̃arü puracüchiga 8:39

Rü yexguma dexáwa ínachoõchigu, rü Tupanaãxẽ ya Üünecü rü Ferípexü̃ niga. Rü yema ãẽ̱xgacü rü marü tama wena Ferípexü̃ nadau. Natürü taãẽãcü namagu nixũ.