Ore i mexü̃ ga Luca ümatüxü̃ 3:8 - Tupanaarü Ore

⁸ ¡Rü mea pemaxẽ nax ngẽmaãcü guxü̃ma i duü̃xü̃gü nüxü̃ daugüxü̃ca̱x nax aixcüma marü nüxü̃ perüxoexü̃ i pecüma i chixexü̃! Rü tama name i ñaperügügü: “Taxũtáma Tupana toxü̃ napoxcue, erü Abraáü̃tanüxü̃ tixĩgü”, ñaperügügü. Erü tama ngẽmaca̱x nixĩ ya Tupana i duü̃xü̃güxü̃ namaxẽẽxü̃. Rü pemaxã nüxü̃ chixu rü ngẽxguma Tupana naxwa̱xegu rü tama nüxü̃́ naguxcha nax daa nutawa Abraáü̃tanüxü̃ nanguxü̃xẽẽxü̃.

Ore i mexü̃ ga Luca ümatüxü̃ 3:8 Iomraidhean Croise

Neemía 5:11

Rü ngẽmaca̱x pexna naxca̱x chaca nax ñu̱xmatama nüxü̃́ penawoeguxẽẽxü̃ i norü naanegü rü norü úbanecügu rü norü oribunecügü rü napatagü. Rü chanaxwa̱xe nax nüxü̃́ nüxü̃ perüngümaexü̃ i ngẽma pexü̃́ nangetanügüxü̃ i diẽru rü trigu rü bínu rü chíxü̃ —ñachagürü.

Echequié 33:24

—Pa Yatüx, yima ĩanegü ya Iraéanewa nagu napogüenewa maxẽxü̃ i duü̃xü̃gü rü ñaãcü nidexagü rü ñanagürügü: “Abraáü̃ rü wüxitama ga duü̃xü̃ nixĩ natürü nawa nangu nax noxrü yixĩxü̃ ga guxü̃ma ga ñaa nachixü̃ane. Natürü i yíxema rü tamu i ñu̱xma rü ngẽmaca̱x yexeraãcü tüxna naxǘ nax tóxrü yixĩxü̃ i ñaa naane”, ñanagürügü.

Ore i mexü̃ ga Matéu ümatüxü̃ 21:43

Rü ngẽmaca̱x pemaxã nüxü̃ chixu rü taxũtáma pexãchica ya Tupana ãẽ̱xgacü ixĩxü̃wa, rü ngẽma duü̃xü̃gü i aixcüma Tupanaga ĩnüexü̃ rü nüxü̃́ puracüexü̃na tá naxã i ngẽma nachica ya Tupana ãẽ̱xgacü ixĩxü̃wa.

Ore i mexü̃ ga Matéu ümatüxü̃ 3:8

¡Rü name nixĩ nax Tupana naxwa̱xexü̃ãcüma pemaxẽxü̃ nax ngẽmaãcü guxü̃ma i duü̃xü̃gü nüxü̃ nadaugüxü̃ca̱x nax aixcüma marü nüxü̃ perüxoexü̃ i ngẽma pecüma i chixexü̃!

Ore i mexü̃ ga Matéu ümatüxü̃ 3:9

Rü tama name i pegüãẽwa nagu perüxĩnüe rü pegümaxã ñaperügügü: ‘Yixema rü Abraáü̃taagü tixĩgü rü ngẽmaca̱x ya Tupana rü taxũtáma tüxü̃ napoxcue’, ñaperügügü. Rü pemaxã nüxü̃ chixu rü ngẽxguma Tupana naxwa̱xegu, rü nüxü̃́ natauxcha nax daa nutawa Abraáü̃taagü nanguxü̃xẽẽxü̃.

Ore i mexü̃ ga Luca ümatüxü̃ 13:25

Erü ngẽxguma ngẽma ĩarü yora írüdaxgu nax yanawãxtaü̃xü̃ca̱x i ĩã̱x, rü pema i düxétüwa ngẽxmagüxe rü tá nüxna pecagü nax pexca̱x yanawãxnaü̃xü̃ca̱x i ĩã̱x. Rü ñaperügügü tá: “Pa Corix, ¡paxa toxca̱x yawãxna i ĩã̱x!” ñaperügügü tá. Natürü nüma i cori rü tá pexü̃ nangãxü̃, rü ñanagürü tá: “Tama pexü̃ chacua̱x nax Nge̱xtácüã̱x pixĩgüxü̃”, ñanagürü tá pexü̃.

Ore i mexü̃ ga Luca ümatüxü̃ 13:26

Rü ngẽxguma rü tá ñaperügügü nüxü̃: “Cumaxãchire̱x wüxiwa tachibüe rü taxaxegü. Rü toxü̃ cungúexẽxẽ ga torü ĩanearü namagüwa”, ñaperügügü tá.

Ore i mexü̃ ga Luca ümatüxü̃ 14:9

Rü ngẽma petaarü yora i pexna uxü̃, rü tá cumaxã nüxü̃ nayarüxu nax icuchixü̃ca̱x i ngẽma nachicawa nax ngéma natoxẽẽãxü̃ca̱x i ngẽma to i curü yexera ixĩxü̃. Rü ngẽxguma i cumax rü poraãcü cuxãneãcüma rü nawa iyacuáxü̃ i naxma̱xwe̱xewa tá cuyarüto.

Ore i mexü̃ ga Luca ümatüxü̃ 19:40

Natürü Ngechuchu nanangãxü̃ rü ñanagürü nüxü̃: —Pemaxã nüxü̃ chixu rü ngẽxguma chi iyanangea̱xgügu i ñaa duü̃xü̃gü, rü daa nutagü ya namacüwawa ngẽxmagücü rü chi nüxĩ́ aita naxüe —ñanagürü.

Ore i mexü̃ ga Luca ümatüxü̃ 19:9

Rü Ngechuchu rü ñanagürü nüxü̃: —Ñoma i ngunexü̃gu cupatawa nangu i maxü̃ i taguma gúxü̃, erü cuma rü ta rü Abraáü̃rüxü̃ cuyaxõ.

Ore i mexü̃ ga Luca ümatüxü̃ 5:21

Natürü yema ngúexẽẽruü̃gü ga Moichéarü mugümaxã ngu̱xẽẽtaegüxü̃ rü yema Parichéugü, rü nagu narüxĩnüe, rü nügüãẽwa ñanagürügü: —¿Ta̱xacü nixĩ i ñaa yatü rü ngẽmaca̱x Tupanape̱xewa chixexü̃ yaxugüxü̃? Erü taxúema pora tüxü̃́ nangẽxma nax duü̃xü̃güaxü̃́ pecaduxü̃ tangechaü̃xü̃. Rü Tupanaxicatama nixĩ ya nüxü̃́ nangẽxmacü i ngẽma pora —ñanagürügü naãxẽwa.

Ore i mexü̃ ga Cuáü̃ ümatüxü̃ 8:33

Rü nümagü rü Ngechuchuxü̃ nangãxü̃gü, rü ñanagürügü: —Toma rü nũxcümaü̃cü ga torü o̱xi ga Abraáü̃taxa tixĩgü rü taguma texéme̱xẽwa tangexmagü. ¿Ñuxãcü i cumax rü tá ítanguxü̃xü̃, ñacuxü̃? —ñanagürügü.

Ore i mexü̃ ga Cuáü̃ ümatüxü̃ 8:39

Rü nümagü rü Ngechuchuxü̃ nangãxü̃ rü ñanagürügü: —Torü o̱xi nixĩ ga Abráü̃ —ñanagürügü. Natürü Ngechuchu nanangãxü̃ rü ñanagürü nüxü̃: —Ngẽxguma chi aixcüma Abraáü̃taxa pixĩgügu rü chi Abráü̃ üxü̃rüxü̃ penaxü.

Ngechuchuarü ngúexü̃gü ga yamugüxü̃arü puracüchiga 26:20

Rü noxri Damácucüã̱xgümaxã nüxü̃ chixuchiga ga Tupanaarü ore. Rü yemawena Yerucharéü̃cüã̱xgümaxã nüxü̃ chixuchiga. Rü ñu̱xũchi guxü̃ ga Yudéaanewa nüxü̃ chixuchiga. Rü yexgumarüxü̃ yema tama Yudíugü ixĩgüxü̃maxã nüxü̃ chixu. Rü ñacharügü: “¡Nüxü̃ perüxoe i pecüma i chixexü̃gü, rü Tupanaca̱x pedaugü, rü mea pemaxẽ nax duü̃xü̃gü nüxü̃ daugüxü̃ca̱x nax aixcüma peyaxõgüxü̃!” ñacharügü.

Romanos 4:16

Rü yexguma Tupana Abraáü̃maxã ixunetagu nax nüxü̃ tá nangü̃xẽẽxü̃, rü Abraáü̃arü õgagu nixĩ ga namaxã inaxunetaxü̃. Rü ngẽmaca̱x i guxãma i yixema nax Abraáü̃rüxü̃ yaxõgüxü̃ rü taxca̱x ta nixĩ ga yema Tupanaarü uneta ga Abraáü̃maxã nüxü̃ yaxuxü̃. Rü ngẽmawa nüxü̃ tacua̱x rü tama yíxema mugü auregüxeca̱xicatama nixĩ i ngẽma Tupanaarü uneta, natürü guxãma ya yíxema Abraáü̃rüxü̃ Tupanaaxü̃́ yaxõgüxeca̱x ta nixĩ. Rü ñu̱xma rü guxãma i yixema nax Abraáü̃rüxü̃ mea yaxõgüxü̃ rü Abraáü̃xacügü tixĩgü rü nüma rü tanatü nixĩ i Tupanape̱xewa yerü nüxíra nayaxõ.

Romanos 9:7

Rü tama guxü̃ma i Abraáü̃taagü rü aixcüma Tupanape̱xewa Abraáü̃tanüxü̃ nixĩgü. Yerü ga Tupana rü Abraáü̃maxã nüxü̃ nixu, rü ñanagürü: “Cune ya Ichaátaagü tá nixĩ i aixcüma cutanüxü̃ ixĩgüxü̃ i chope̱xewa”, ñanagürü.

Filipenses 1:11

Rü naxca̱x íchaca nax Ngechuchu ya Cristu pexü̃ rüngü̃xẽẽxü̃ca̱x nax aixcüma namexü̃ca̱x i perü maxü̃ rü aixcüma penaxüxü̃ca̱x i ngẽma Tupanape̱xewa mexü̃ nax ngẽmaãcü Tupanaga pexĩnüexü̃ca̱x rü nüxü̃ picua̱xüü̃güxü̃ca̱x.